Radhika Apte: ಕೊವಿಡ್ ಲಸಿಕೆ ಪಡೆದ ನಟಿ ರಾಧಿಕಾ ಆಪ್ಟೆ; ಸುತ್ತಿಬಳಸಿ ಕಾಲೆಳೆದ ನಟ ವಿಜಯ್ ವರ್ಮಾ
ರಾಧಿಕಾ ವ್ಯಾಕ್ಸಿನ್ ಪಡೆಯುತ್ತಿರುವ ಫೋಟೋಗೆ ಪ್ರತಿಕ್ರಿಯಿಸಿರುವ ವಿಜಯ್ ವರ್ಮಾ ಅವರು, ‘ನಿಮಗಾಗಿ ಒಂದು ಸ್ಟೋರಿ ಶೇರ್ ಮಾಡಿದ್ದೇನೆ ನೋಡಿ’ ಎಂದು ಕಮೆಂಟ್ ಮಾಡಿದ್ದಾರೆ.
ಕೊರೊನಾ ವೈರಸ್ ಹಾವಳಿಗೆ ದೇಶವೇ ತತ್ತರಿಸಿದೆ. ನಿತ್ಯ ಸಾವಿರಾರು ಜನರು ಈ ಮಹಾಮಾರಿಗೆ ಬಲಿ ಆಗುತ್ತಿರುವುದು ನೋವಿನ ಸಂಗತಿ. ಈ ಸಂದರ್ಭದಲ್ಲಿ ಲಸಿಕೆ ಪಡೆಯುವುದು ಮಾತ್ರವೇ ಸೂಕ್ತ ಪರಿಹಾರ ಎಂಬುದು ಎಲ್ಲರಿಗೂ ಅರ್ಥವಾಗಿದೆ. ಅನೇಕ ಸೆಲೆಬ್ರಿಟಿಗಳು ಕೂಡ ಮುಂದೆ ಬಂದು ಲಸಿಕೆ ಪಡೆಯುತ್ತಿದ್ದಾರೆ. ಲಸಿಕೆ ಪಡೆದ ನಂತರ ತಮ್ಮ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು, ಇತರರಿಗೂ ಲಸಿಕೆ ಪಡೆಯುವಂತೆ ಪ್ರೇರೇಪಿಸುತ್ತಿದ್ದಾರೆ. ನಟಿ ರಾಧಿಕಾ ಆಪ್ಟೆ ಅವರು ಇತ್ತೀಚೆಗೆ ವಾಕ್ಸಿನ್ ಪಡೆದುಕೊಂಡಿದ್ದಾರೆ.
ಬಾಲಿವುಡ್ನ ಹಲವು ಸಿನಿಮಾ ಮತ್ತು ವೆಬ್ ಸರಣಿಗಳಲ್ಲಿ ನಟಿಸಿ ಫೇಮಸ್ ಆಗಿರುವ ರಾಧಿಕಾ ಆಪ್ಟೆ ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ವ್ಯಾಕ್ಸಿನ್ ಪಡೆದ ಬಳಿಕ ರಾಧಿಕಾ ಫೋಟೋ ಹಂಚಿಕೊಂಡಿದ್ದಾರೆ. ಅದಕ್ಕೆ ಫ್ಯಾನ್ಸ್ ಮಾತ್ರವಲ್ಲದೆ ಕೆಲವು ಸೆಲೆಬ್ರಿಟಿಗಳು ಕೂಡ ಕಮೆಂಟ್ ಮಾಡಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ‘ಓಕೆ ಕಂಪ್ಯೂಟರ್’ ವೆಬ್ ಸಿರೀಸ್ನಲ್ಲಿ ವಿಜಯ್ ವರ್ಮಾ ಮತ್ತು ರಾಧಿಕಾ ಆಪ್ಟೆ ತೆರೆ ಹಂಚಿಕೊಂಡಿದ್ದಾರೆ.
ರಾಧಿಕಾ ವ್ಯಾಕ್ಸಿನ್ ಪಡೆಯುತ್ತಿರುವ ಫೋಟೋಗೆ ಪ್ರತಿಕ್ರಿಯಿಸಿರುವ ವಿಜಯ್ ವರ್ಮಾ ಅವರು, ‘ನಿಮಗಾಗಿ ಒಂದು ಸ್ಟೋರಿ ಶೇರ್ ಮಾಡಿದ್ದೇನೆ ನೋಡಿ’ ಎಂದು ಕಮೆಂಟ್ ಮಾಡಿದ್ದಾರೆ. ಅದನ್ನು ಗಮನಿಸಿದ ಎಲ್ಲರೂ ವಿಜಯ್ ವರ್ಮಾ ಅವರ ಇನ್ಸ್ಟಾಗ್ರಾಮ್ ಸ್ಟೋರಿಯತ್ತ ಕಣ್ಣು ಹಾಯಿಸಿದ್ದಾರೆ. ಸಾರಾಭಾಯ್ ವರ್ಸಸ್ ಸಾರಾಭಾಯ್ ಕಾಮಿಡಿ ಧಾರಾವಾಯಿಯ ರತ್ನಾ ಪಾಟಕ್ ಶಾ ಅವರ ಡೈಲಾಗ್ ಅನುಕರಿಸಿರುವ ಒಂದು ಮೀಮ್ ಅನ್ನು ವಿಜಯ್ ಶೇರ್ ಮಾಡಿಕೊಂಡಿದ್ದಾರೆ. ‘ಜಾಬ್ಡ್ ಎಂದು ಹೇಳು. ವ್ಯಾಕ್ಸಿನೇಡೆಟ್ ಎಂಬುದು ತೀರಾ ಮಿಡಲ್ ಕ್ಲಾಸ್ ಆಗುತ್ತದೆ’ ಎಂಬ ಡೈಲಾಗ್ ಅದರಲ್ಲಿ ಇದೆ.
ಕೆಲವು ವರ್ಷಗಳ ಹಿಂದೆ ರಾಧಿಕಾ ಆಪ್ಟೆ ಅವರದ್ದು ಎನ್ನಲಾದ ನಗ್ನ ವಿಡಿಯೋ ಲೀಕ್ ಆಗಿತ್ತು. ಆ ಬಗ್ಗೆ ಅವರು ಇತ್ತೀಚೆಗಿನ ಸಂದರ್ಶನವೊಂದರಲ್ಲಿ ಅವರು ಮಾತನಾಡಿದ್ದರು. ‘ನನ್ನನ್ನು ಕೆಟ್ಟದಾಗಿ ಟ್ರೋಲ್ ಮಾಡಲಾಯಿತು. ಅದು ನನ್ನ ಮೇಲೆ ಪರಿಣಾಮ ಬೀರಿತು. ನಾಲ್ಕು ದಿನ ನಾನು ಮನೆಯಿಂದ ಹೊರಬರಲೇ ಇಲ್ಲ. ಮಾಧ್ಯಮಗಳು ಏನು ಹೇಳುತ್ತವೆ ಎಂಬುದು ಅದಕ್ಕೆ ಕಾರಣ ಆಗಿರಲಿಲ್ಲ. ನನ್ನ ಡ್ರೈವರ್, ವಾಚ್ಮ್ಯಾನ್ ಮುಂತಾದವರು ಆ ಇಮೇಜ್ಗಳನ್ನು ನೋಡಿ ನಾನು ಎಂದು ಗುರುತಿಸಿದ್ದರು’ಎಂದು ರಾಧಿಕಾ ಆಪ್ಟೆ ಹೇಳಿದ್ದರು.
ಇದನ್ನೂ ಓದಿ:
Radhika Apte: ನಗ್ನ ವಿಡಿಯೋ ಲೀಕ್; 4 ದಿನ ಮನೆಯಿಂದ ಹೊರಬಂದಿರಲಿಲ್ಲ ನಟಿ ರಾಧಿಕಾ ಆಪ್ಟೆ
ರೋಗಿಗಳಿಗೆ ಚಿಕಿತ್ಸೆ ನೀಡೋದನ್ನು ನಿಮ್ಮಿಂದ ಕಲಿಯಬೇಕಿಲ್ಲ; ಸೋನು ಸೂದ್ ವಿರುದ್ಧ ತಿರುಗಿಬಿದ್ದ ವೈದ್ಯರು