Radhika Apte: ನಗ್ನ ವಿಡಿಯೋ ಲೀಕ್; 4 ದಿನ ಮನೆಯಿಂದ ಹೊರಬಂದಿರಲಿಲ್ಲ ನಟಿ ರಾಧಿಕಾ ಆಪ್ಟೆ
ನನ್ನನ್ನು ಕೆಟ್ಟದಾಗಿ ಟ್ರೋಲ್ ಮಾಡಲಾಯಿತು. ಅದು ನನ್ನ ಮೇಲೆ ಪರಿಣಾಮ ಬೀರಿತು. ನಾಲ್ಕು ದಿನ ನಾನು ಮನೆಯಿಂದ ಹೊರಬರಲೇ ಇಲ್ಲ. ನನ್ನ ಡ್ರೈವರ್, ವಾಚ್ಮ್ಯಾನ್ ಮುಂತಾದವರು ಆ ಇಮೇಜ್ಗಳನ್ನು ನೋಡಿ ನಾನು ಎಂದು ಗುರುತಿಸಿದ್ದರು ಎಂದು ರಾಧಿಕಾ ಆಪ್ಟೆ ಹೇಳಿದ್ದಾರೆ.
Updated on:Jun 11, 2022 | 3:05 PM
ಒಂದಕ್ಕಿಂತ ಒಂದು ಭಿನ್ನ ಪಾತ್ರಗಳನ್ನು ಮಾಡುವ ಮೂಲಕ ಗುರುತಿಸಿಕೊಂಡವರು ನಟಿ ರಾಧಿಕಾ ಆಪ್ಟೆ. ಬಾಲಿವುಡ್ನಲ್ಲಿ ಅವರು ತಮ್ಮದೇ ಆದ ಇಮೇಜ್ ಸೃಷ್ಟಿಸಿಕೊಂಡಿದ್ದಾರೆ. ಎಲ್ಲ ಬಗೆಯ ಪಾತ್ರಗಳಿಗೂ ಸೈ ಎಂಬಂತಿರುವ ಅವರು ಹಲವು ಸಿನಿಮಾಗಳಲ್ಲಿ ತುಂಬ ಬೋಲ್ಡ್ ಆಗಿ ನಟಿಸಿದ್ದಾರೆ. ತುಂಬ ಕಷ್ಟಪಟ್ಟು ಚಿತ್ರರಂಗದಲ್ಲಿ ನೆಲೆ ಕಂಡುಕೊಂಡ ಈ ನಟಿಯ ಬದುಕಿನಲ್ಲಿ ಒಂದು ಭಯಾನಕ ಘಟನೆ ನಡೆದಿತ್ತು. ಶೂಟಿಂಗ್ ಸಂದರ್ಭದ ನಗ್ನ ವಿಡಿಯೋಗಳು ಲೀಕ್ ಆಗಿದ್ದವು. ಇತ್ತೀಚೆಗೆ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಆ ಘಟನೆಯ ಬಗ್ಗೆ ರಾಧಿಕಾ ಆಪ್ಟೆ ಮಾತನಾಡಿದ್ದಾರೆ.
ಕೆಲವು ವರ್ಷಗಳ ಹಿಂದೆ ‘ಮ್ಯಾಡ್ಲಿ’ ಆ್ಯಂಥಾಲಜಿ ಸಿನಿಮಾದೊಳಗಿನ ‘ಕ್ಲೀನ್ ಶೇವನ್’ ಎಂಬ ಕಥೆಯಲ್ಲಿ ರಾಧಿಕಾ ನಟಿಸುತ್ತಿದ್ದರು. ಆಗ ಕೆಲವು ನಗ್ನ ದೃಶ್ಯಗಳು ಲೀಕ್ ಆಗಿದ್ದವು. ಅದರಲ್ಲಿ ಇರುವುದು ರಾಧಿಕಾ ಆಪ್ಟೆ ಎಂದೇ ಹೇಳಲಾಗಿತ್ತು. ‘ನನ್ನನ್ನು ಕೆಟ್ಟದಾಗಿ ಟ್ರೋಲ್ ಮಾಡಲಾಯಿತು. ಅದು ನನ್ನ ಮೇಲೆ ಪರಿಣಾಮ ಬೀರಿತು. ನಾಲ್ಕು ದಿನ ನಾನು ಮನೆಯಿಂದ ಹೊರಬರಲೇ ಇಲ್ಲ. ಮಾಧ್ಯಮಗಳು ಏನು ಹೇಳುತ್ತವೆ ಎಂಬುದು ಅದಕ್ಕೆ ಕಾರಣ ಆಗಿರಲಿಲ್ಲ. ನನ್ನ ಡ್ರೈವರ್, ವಾಚ್ಮ್ಯಾನ್ ಮುಂತಾದವರು ಆ ಇಮೇಜ್ಗಳನ್ನು ನೋಡಿ ನಾನು ಎಂದು ಗುರುತಿಸಿದ್ದರು’ ಎಂದು ರಾಧಿಕಾ ಆಪ್ಟೆ ಹೇಳಿದ್ದಾರೆ.
‘ವಿವಾದ ಹುಟ್ಟುಹಾಕಿದ ಆ ಫೋಟೋಗಳೆಲ್ಲವೂ ನಗ್ನ ಸೆಲ್ಫಿಗಳಾಗಿದ್ದವು. ಸರಿಯಾಗಿ ನೋಡಿದರೆ ಅದು ನಾನಲ್ಲ ಎಂಬುದು ತಿಳಿಯುತ್ತಿತ್ತು. ಅದರಿಂದ ಜನರಿಗೆ ಏನೂ ಆಗಬೇಕಿರಲಿಲ್ಲ. ನಿರ್ಲಕ್ಷಿಸಬಹುದಿತ್ತು. ಉಳಿದಿದ್ದೆಲ್ಲ ಸಮಯ ವ್ಯರ್ಥ. ಆದರೆ ಪಾರ್ಚ್ಡ್ ಚಿತ್ರಕ್ಕಾಗಿ ನಾನು ಬಟ್ಟೆ ಬಿಟ್ಟಿದಾಗ, ಮುಚ್ಚಿಡಲು ಏನೂ ಉಳಿದಿಲ್ಲ ಎಂಬುದು ನನಗೆ ಅರಿವಾಗಿತ್ತು’ ಎಂದು ರಾಧಿಕಾ ಆಪ್ಟೆ ಹೇಳಿದ್ದಾರೆ.
ಪಾರ್ಚ್ಡ್ ಸಿನಿಮಾದಲ್ಲಿ ರಾಧಿಕಾ ಆಪ್ಟೆ ಬೋಲ್ಡ್ ಆದಂತಹ ಪಾತ್ರ ಮಾಡಿದ್ದರು. ಆ ರೀತಿ ಪಾತ್ರ ನನಗೆ ಖಂಡಿತವಾಗಿಯೂ ಬೇಕಿತ್ತು ಎಂದು ಅವರು ಹೇಳಿದ್ದಾರೆ. 2005ರಿಂದಲೂ ಬಾಲಿವುಡ್ನಲ್ಲಿ ಸಕ್ರಿಯರಾಗಿರುವ ರಾಧಿಕಾ ಅವರು ‘ಲಸ್ಟ್ ಸ್ಟೋರೀಸ್’ ಸೇರಿದಂತೆ ಹಲವು ವೆಬ್ ಸಿರೀಸ್ಗಳಲ್ಲೂ ನಟಿಸಿದ್ದಾರೆ. ಪ್ಯಾಡ್ ಮ್ಯಾನ್, ಅಂಧಾಧುನ್ ಮುಂತಾದ ಯಶಸ್ವಿ ಸಿನಿಮಾಗಳಲ್ಲಿ ಅವರು ನಾಯಕಿಯಾಗಿ ಅಭಿನಯಿಸಿದರು.
ಇದನ್ನೂ ಓದಿ:
ಕಾಂಡೋಮ್ ಸೇಲ್ಸ್ ಎಕ್ಸಿಕ್ಯೂಟಿವ್ ಆದ್ರು ಬಾಲಿವುಡ್ ಸ್ಟಾರ್ ನಟಿ
ಪಾಕಿಸ್ತಾನಿ ಹುಡುಗನ ಜೊತೆ ಮದುವೆ ರದ್ದು ಮಾಡಿಕೊಂಡ ಬಾಲಿವುಡ್ ನಟಿ ಸಬಾ! ಕಹಿಸತ್ಯಗಳೇ ಕಾರಣ
Published On - 12:42 pm, Fri, 21 May 21
