ಥಿಯೇಟರ್ನಲ್ಲಿ ಬಹುಕೋಟಿ ಬಾಚುತ್ತಿದ್ದ ಸಲ್ಮಾನ್ ಖಾನ್ ಈಗ ರಾಧೆ ಚಿತ್ರದಿಂದ ಮೊದಲ ದಿನ ಗಳಿಸಿದ್ದು ಬರೀ 10 ಸಾವಿರ
Radhe Box Office Collection: ರಾಧೆ ಚಿತ್ರಕ್ಕೆ ಮೊದಲ ದಿನ 10,432 ರೂ. ಮಾತ್ರ ಕಲೆಕ್ಷನ್ ಆಗಿದೆ. ಒಂದು ಕಾಲದಲ್ಲಿ ಚಿತ್ರಮಂದಿರಗಳಿಂದ ಬಹುಕೋಟಿ ಸಂಪಾದಿಸುತ್ತಿದ್ದ ಸಲ್ಮಾನ್ ಖಾನ್ ಸಿನಿಮಾ ಹೀಗೆ ಕೇವಲ 10 ಸಾವಿರ ಚಿಲ್ಲರೆ ಕಾಸು ಗಳಿಸುವಂತಾಗಿದ್ದು ಲಾಕ್ಡೌನ್ ಕಾರಣದಿಂದ.
Updated on:May 22, 2021 | 10:02 AM
ಭಾರತೀಯ ಚಿತ್ರರಂಗದಲ್ಲಿ ಸಲ್ಮಾನ್ ಖಾನ್ ಬಾಕ್ಸ್ ಆಫೀಸ್ ಸುಲ್ತಾನ ಎಂಬುದು ಈಗಾಗಲೇ ಸಾಬೀತಾಗಿದೆ. ಅವರ ಸಿನಿಮಾಗಳು ಮೊದಲ ದಿನವೇ ಎಲ್ಲೆಡೆ ಹೌಸ್ಫುಲ್ ಪ್ರದರ್ಶನ ಕಾಣುತ್ತವೆ. ಬಹುಕೋಟಿ ರೂಪಾಯಿ ಬಾಚಿಕೊಳ್ಳುತ್ತವೆ. ಆದರೆ ಇತ್ತೀಚೆಗೆ ತೆರೆಕಂಡ ‘ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್’ ಸಿನಿಮಾಗೆ ಕೆಲವು ವಿಘ್ನಗಳು ಎದುರಾದವು. ದೇಶದ ಹಲವು ಕಡೆಗಳಲ್ಲಿ ಲಾಕ್ಡೌನ್ ಜಾರಿಯಲ್ಲಿ ಇದ್ದಿದ್ದರಿಂದ ಚಿತ್ರಮಂದಿರಗಳಲ್ಲಿ ಈ ಸಿನಿಮಾ ಹೆಚ್ಚು ಕಲೆಕ್ಷನ್ ಮಾಡಲು ಸಾಧ್ಯವಾಗಿರಲಿಲ್ಲ. ಇಡೀ ದೇಶದಲ್ಲಿ ರಾಧೆ ರಿಲೀಸ್ ಆಗಿದ್ದ ಮೂರು ಚಿತ್ರಮಂದಿರಗಳಲ್ಲಿ ಮಾತ್ರ.
ಬಹುತೇಕ ಕಡೆಗಳಲ್ಲಿ ಲಾಕ್ಡೌನ್ ಇದ್ದ ಕಾರಣ ರಾಧೆ ಚಿತ್ರತಂಡ ಓಟಿಟಿ ಮೊರೆ ಹೋಯಿತು. ಆದರ ನಡುವೆಯೂ ತ್ರಿಪುರದ ಮೂರು ಥಿಯೇಟರ್ಗಳಲ್ಲಿ ರಾಧೆ ಬಿಡುಗಡೆ ಆಯಿತು. ಮೊದಲ ದಿನ ಮೂರು ಚಿತ್ರಮಂದಿರಗಳಿಂದ ಒಟ್ಟು 11 ಶೋಗಳು ಪ್ರದರ್ಶನ ಆಗಿವೆ. ಅವುಗಳಿಂದ ಮೊದಲ ದಿನ 10,432 ರೂ. ಮಾತ್ರ ಕಲೆಕ್ಷನ್ ಆಗಿದೆ. ಒಂದು ಕಾಲದಲ್ಲಿ ಚಿತ್ರಮಂದಿರಗಳಿಂದ ಬಹುಕೋಟಿ ಸಂಪಾದಿಸುತ್ತಿದ್ದ ಸಲ್ಮಾನ್ ಖಾನ್ ಸಿನಿಮಾ ಹೀಗೆ ಕೇವಲ 10 ಸಾವಿರದಂತಹ ಚಿಲ್ಲರೆ ಕಾಸು ಗಳಿಸುವಂತಾಗಿದ್ದು ಲಾಕ್ಡೌನ್ ಕಾರಣದಿಂದ.
ತ್ರಿಪುರದಲ್ಲಿ ಕೂಡ ನೈಟ್ ಕರ್ಫ್ಯೂ ಇದ್ದಿದ್ದರಿಂದ ಮಧ್ಯಾಹ್ನ 3 ಗಂಟೆಗೆ ಕೊನೇ ಶೋ ಇರುತ್ತಿತ್ತು. ಆದರೆ ಈ ಮೂರು ಚಿತ್ರಮಂದಿರಗಳಲ್ಲಿ ರಾಧೆ ಪ್ರದರ್ಶನ ಕಂಡಿದ್ದು ನಾಲ್ಕು ದಿನ ಮಾತ್ರ. 5ನೇ ದಿನಕ್ಕೆ ತ್ರಿಪುರದಲ್ಲೂ ಲಾಕ್ಡೌನ್ ಆರಂಭ ಆಗಿದ್ದರಿಂದ ರಾಧೆ ಅಂಗಡಿ ಮುಚ್ಚುವುದು ಅನಿವಾರ್ಯವಾಯಿತು. ಮೊದಲ ವೀಕೆಂಡ್ ವೇಳೆಗೆ ಮೂರು ಚಿತ್ರಮಂದಿರದಿಂದ ಈ ಸಿನಿಮಾ ಗಳಿಸಿದ್ದು ಕೇವಲ 63 ಸಾವಿರ ರೂ. ಮಾತ್ರ ಎನ್ನುತ್ತಿವೆ ಮೂಲಗಳು.
ಚಿತ್ರಮಂದಿರದಲ್ಲಿ ರಾಧೆಗೆ ಹೀನಾಯ ಕಲೆಕ್ಷನ್ ಆಗಿದೆ ನಿಜ. ಆದರೆ ಓಟಿಟಿಯಲ್ಲಿ ಭರ್ಜರಿ ಹಣ ಬಾಚಿಕೊಂಡಿದೆ. ಈದ್ ಹಬ್ಬದ ಪ್ರಯುಕ್ತ ಮೇ 13ರಂದು ಜೀ5 ಒಡೆತನದ ಜೀ ಪ್ಲೆಕ್ಸ್ನಲ್ಲಿ ‘ರಾಧೆ ರಿಲೀಸ್ ಆಗಿತ್ತು. ರಿಲೀಸ್ ಆದ ಒಂದೇ ದಿನಕ್ಕೆ ಈ ಸಿನಿಮಾ 42 ಲಕ್ಷ ಬಾರೀ ವೀಕ್ಷಣೆ ಕಂಡಿದೆ. ಒಂದು ಬಾರಿ ಸಿನಿಮಾ ವೀಕ್ಷಿಸಬೇಕು ಎಂದರೆ 249 ರೂಪಾಯಿ ನೀಡಬೇಕು. ಅಂದರೆ, ಈ ಸಿನಿಮಾ ಮೊದಲ ದಿನ ಗಳಿಕೆ ಮಾಡಿದ್ದು 108 ಕೋಟಿ ರೂಪಾಯಿ ಎಂದು ವರದಿ ಆಗಿದೆ.
ಇದನ್ನೂ ಓದಿ:
ತೌಕ್ತೆ ಚಂಡಮಾರುತದಿಂದ ಸಲ್ಮಾನ್ ಖಾನ್ಗೆ ಉಂಟಾಯ್ತು ದೊಡ್ಡ ನಷ್ಟ
Published On - 9:41 am, Sat, 22 May 21
