ಕೊವಿಡ್ ಸಂಕಷ್ಟದಲ್ಲಿ ಸಹಾಯಕ್ಕೆ ನಿಂತ ಚಂದನವನದ ತಾರೆಯರು; ರಿಯಲ್ ಲೈಫ್ನಲ್ಲೂ ಇತರರಿಗೆ ಮಾದರಿ
ಸ್ಯಾಂಡಲ್ವುಡ್ನ ಸ್ಟಾರ್ಗಳು ನೊಂದವರ ನೆರವಿಗೆ ನಿಂತಿದ್ದಾರೆ. ಅದರಲ್ಲೂ ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್, ಆಸರೆ ಎನ್ನುವ ತಂಡದ ಜತೆ ತಮ್ಮ ಹುಡುಗರನ್ನ ಬಿಟ್ಟು ಊಟ ಹಂಚುತ್ತಿದ್ದಾರೆ. ಸದ್ಯ ನಾಗವಾರ, ಮಾನ್ಯತಾಟೆಕ್ ಪಾರ್ಕ್ ಬಳಿ ಶಿವಣ್ಣನ ತಂಡದವರು ಆಹಾರದ ಪೊಟ್ಟಣ ಹಂಚುತ್ತಿದ್ದಾರೆ.
ಕೊರೊನಾ ಎರಡನೇ ಅಲೆಯಿಂದಾಗಿ ಕರುನಾಡೇ ಸಂಕಷ್ಟಕ್ಕೆ ಸಿಲುಕಿದಂತಾಗಿದೆ. ಜೀವವನ್ನೇ ತೆಗೆದು ಹಾಕುತ್ತಿರುವ ಸೊಂಕು ಒಂದು ಕಡೆಯಾದರೆ ಬದುಕನ್ನೇ ಸ್ತಬ್ಧ ಮಾಡಿರುವ ಲಾಕ್ಡೌನ್ ಮತ್ತೊಂದು ಕಡೆ. ಹೀಗಾಗಿ ಜನರು ಹೊತ್ತಿನ ಊಟಕ್ಕೂ ಪರದಾಡುತ್ತಿದ್ದಾರೆ. ಇದೀಗ, ನೊಂದವರ ನೆರವಿಗಾಗಿ ಕಲಾವಿದರು ಕೈ ಜೋಡಿಸಿದ್ದು, ಸಿನಿಮಾಗಳಲ್ಲಿ ಮಾತ್ರ ಹೀರೋಗಳಲ್ಲ. ನಿಜ ಜೀವನದಲ್ಲೂ ಇತರರಿಗೆ ಮಾದರಿ ಎನ್ನುವಂತೆ ನಡೆದುಕೊಂಡಿದ್ದಾರೆ. ಸದ್ಯ ಚಂದನವನದ ತಾರೆಯರ ನೆರವಿನ ಕೈಗೆ ಸಾರ್ವಜನಿಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಸ್ಯಾಂಡಲ್ವುಡ್ನ ಸ್ಟಾರ್ಗಳು ನೊಂದವರ ನೆರವಿಗೆ ನಿಂತಿದ್ದಾರೆ. ಅದರಲ್ಲೂ ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್, ಆಸರೆ ಎನ್ನುವ ತಂಡದ ಜತೆ ತಮ್ಮ ಹುಡುಗರನ್ನ ಬಿಟ್ಟು ಊಟ ಹಂಚುತ್ತಿದ್ದಾರೆ. ಸದ್ಯ ನಾಗವಾರ, ಮಾನ್ಯತಾಟೆಕ್ ಪಾರ್ಕ್ ಬಳಿ ಶಿವಣ್ಣನ ತಂಡದವರು ಆಹಾರದ ಪೊಟ್ಟಣ ಹಂಚುತ್ತಿದ್ದಾರೆ.
ಇನ್ನು ಕಿಚ್ಚ ಸುದೀಪ್ ಮೊದಲು ಮಾನವನಾಗು ಎನ್ನುವ ಮಾತಿನಂತೆ ಕೈ ತುತ್ತು ನೀಡುತ್ತಿದ್ದಾರೆ. ಬೆಂಗಳೂರಿನ ಹಲವು ಏರಿಯಾಗಳಲ್ಲಿ ಬೆಳಗ್ಗೆ ಕಿಚ್ಚನ ಕೈ ತುತ್ತು ಎಂಬ ವಾಹನ ಓಡಾಡುತ್ತಿರುತ್ತದೆ. ಅಗತ್ಯ ಔಷಧ, ಊಟ ಸೇರಿದಂತೆ ಹಲವು ರೀತಿಯ ವ್ಯವಸ್ಥೆಯನ್ನು ಕಿಚ್ಚನ ಈ ತಂಡ ಮಾಡುತ್ತಿದೆ.
ರಿಯಲ್ ಸ್ಟಾರ್ ಉಪೇಂದ್ರ ಕೂಡ ಸಿನಿಮಾ ರಂಗದ ಕಾರ್ಮಿಕರಿಗೆ ರೇಶನ್ ಕಿಟ್ ವಿತರಿಸುತ್ತಿದ್ದಾರೆ. ಜತೆಗೆ, ರೈತರ ಬೆಳೆಗಳನ್ನ ಖುದ್ದು ಖರೀದಿಸಿ, ಜನರಿಗೆ ಹಂಚುವ ಮಹತ್ವದ ಕಾರ್ಯವನ್ನು ಮಾಡುತ್ತಿದ್ದಾರೆ. ಇಷ್ಟೇ ಅಲ್ಲ, ನಟ ಭುವನ್, ನಟಿ ರಾಗಿಣಿ, ಸಂಜನಾ, ಶುಭಾ ಪೂಂಜಾ, ಹರ್ಷಿಕಾ ಜತೆ ಹಲವು ಕಲಾವಿದರು ನೆರವಿನ ಹಸ್ತ ಚಾಚಿದ್ದಾರೆ.
ನಟಿ ರಾಗಿಣಿ ಫುಡ್ ಕಿಟ್ ವಿತರಿಸುತ್ತಿರುವುದು
ಒಟ್ಟಿನಲ್ಲಿ ರೀಲ್ನಲ್ಲಿ ಮಾತ್ರವಲ್ಲ ರಿಯಲ್ ಲೈಫ್ನಲ್ಲಿ ಹಲವು ಸ್ಟಾರ್ಗಳು ನೊಂದವರಿಗೆ ನೆರವಾಗುತ್ತಿದ್ದಾರೆ. ಈ ಮೂಲಕ ಅಭಿಮಾನಿ ದೇವರುಗಳ ಜತೆಗೆ ನಿಂತಿದ್ದಾರೆ. ನಿಜಕ್ಕೂ ಸಿನಿಮಾ ಸ್ಟಾರ್ಗಳ ಈ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸಲೇ ಬೇಕು.
ಇದನ್ನೂ ಓದಿ:
‘ಕಿರಿಕ್ ಪಾರ್ಟಿ ಹಿಂದಿ ರಿಮೇಕ್ನಲ್ಲಿ ನಾನು ನಟಿಸಲ್ಲ’; ರಶ್ಮಿಕಾ ಖಡಕ್ ನಿರ್ಧಾರಕ್ಕಿದೆ ಬಲವಾದ ಕಾರಣ
ಬಿಗ್ ಬಾಸ್ನಿಂದ ಹೊರಬಂದು ನುಡಿದಂತೆ ನಡೆದ ಶುಭಾ ಪೂಂಜಾ; ಬಡವರಿಗೆ ಫುಡ್ ಕಿಟ್ ನೀಡಿದ ನಟಿ