ಎಲ್ಲ ಚಿತ್ರಗಳ ಹಿಂದಿಕ್ಕಿದ ಪ್ರಿನ್ಸ್, ಅಲ್ಲು ಅರ್ಜುನ್: ಇಬ್ಬರ ಮಧ್ಯೆ ನಡೀತಿದೆ ಬಿಗ್ ಪೈಪೋಟಿ

ಟಾಲಿವುಡ್ ಬಾಕ್ಸಾಫಿಸ್‌ನಲ್ಲಿ ದೊಡ್ಡ ಪೈಪೋಟಿ ಸೃಷ್ಟಿಯಾಗಿದೆ. ನಾ ಮುಂದು ತಾ ಮುಂದು ಅಂತ ಸ್ಟಾರ್ ನಟರು ಸ್ಪರ್ಧೆಗಿಳಿದು ಬಿಟ್ಟಿದ್ದಾರೆ. ಟಾಲಿವುಡ್ ಪ್ರಿನ್ಸ್ ಮತ್ತು ಸ್ಟೈಲಿಶ್​ ಸ್ಟಾರ್​ ನಡುವೆ ದಾಖಲೆಗಳನ್ನ ಬರಿಯೋ, ಮುರಿಯೋ ಆಟ ಜೋರಾಗಿದೆ.

ಅಲಾ ವೈಕುಂಠಪುರಮುಲೋ ವರ್ಸಸ್ ಸರಿಲೇರು ನೀಕೆವ್ವರು… ಪ್ರಿನ್ಸ್ ಮಹೇಶ್​ ಬಾಬು ವರ್ಸಸ್ ಸ್ಟೈಲಿಶ್​​ ಸ್ಟಾರ್​ ಅಲ್ಲು ಅರ್ಜುನ್. ಸದ್ಯ ಟಾಲಿವುಡ್​ನಲ್ಲಿ ಸೌಂಡು ಮಾಡುತ್ತಿರುವ ಹೆಸರುಗಳು. ತೆಲುಗು ಸಿನಿರಂಗದ
ಸ್ಟಾರ್‌ಗಳಾದ ಅಲ್ಲು ಅರ್ಜುನ್ ಮತ್ತು ಮಹೇಶ್‌ ಬಾಬು ಒಟ್ಟೊಟ್ಟಿಗೆ ಬಾಕ್ಸ್‌ಆಫೀಸ್ ಕಾಳಕ್ಕಿಳಿದಿದ್ದು, ಎಲ್ಲರ ಕಣ್ಣು ಇವರಿಬ್ಬರ ಮೇಲ ಬಿದ್ದಿದೆ.

ಒಂದು ದಿನ ಅಂತರದಲ್ಲಿ ತೆರೆಗೆ ಬಂದ ಈ ಸಿನಿಮಾಗಳು ಧೂಳೇಬ್ಬಿಸುತ್ತಿವೆ. ಅದ್ರಲ್ಲೂ ಅಲ್ಲು ಅರ್ಜುನ್​ ಅಭಿನಯದ ಅಲಾ ವೈಕುಂಠ ಪುರ ಮುಲೋ ಸಿನಿಮಾಕ್ಕೆ ವಿದೇಶದಲ್ಲಿ ದೊಡ್ಡ ಸ್ವಾಗತ ಸಿಕ್ಕಿದೆ. ಅಖಾಡದಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ.

ಇನ್ನು ಮಹೇಶ್ ಬಾಬು ಅಭಿನಯದ ಸರಿಲೇರು ನಿಕ್ಕೆವ್ವರು ಸಿನಿಮಾ ಕೂಡ ಬಾಕ್ಸ್‌ಆಫೀಸ್‌ನಲ್ಲಿ ಕಾರಬಾರು ಮಾಡುತ್ತಿದೆ. ಮೂರು ದಿನಕ್ಕೆ 103 ಕೋಟಿ ಕಲೆಹಾಕಿದೆ. ಈ ಮೂಲಕ ಪ್ರಿನ್ಸ್ ಮತ್ತೊಮ್ಮೆ ಬಿಗ್​ ಓಪನಿಂಗ್​ ಪಡೆದುಕೊಂಡಿದ್ದಾರೆ.

ಕೆಲ ದಿನಗಳ ಹಿಂದೆ ತೆರೆಗೆ ಬಂದ ಬಾಲಿವುಡ್​ನ ತಾನಾಜಿ ಮತ್ತು ಛಪಕ್​ ಸಿನಿಮಾಗಳು, ಸೌತ್​ ಸಿನಿಮಾಗಳ ಮುಂದೆ ಮಂಕಾಗಿ ಹೋಗಿವೆ. ಅದ್ರಲ್ಲೂ ಅಲ್ಲು ಅರ್ಜುನ್​ ಸಿನಿಮಾ ರಜನಿ ದರ್ಬಾರನ್ನೇ ಹಿಂದಿಕ್ಕಿ ದರ್ಬಾರ್ ಮಾಡುತ್ತಿದೆ.ಆ ಮಟ್ಟಿಗೆ ಜನವರಿ 12ಕ್ಕೆ ತೆರೆಗೆ ಬಂದ ಸ್ಟೈಲಿಶ್​ ಸ್ಟಾರ್​ ಓಟ ಮುಂದುವರಿದಿದೆ. ಆದ್ರೆ ಭರ್ಜರಿ ಕಲೆಕ್ಷನ್ ಮಾಡುತ್ತಿರುವ ಮಹೇಶ್​ ಬಾಬು ಸಿನಿಮಾವನ್ನ ಬಿಗ್​ ಓಪನಿಂಗ್​ ಪಡೆದುಕೊಂಡ ಅಲಾ ವೈಕುಂಠ ಪುರಮುಲೋ ಸಿನಿಮಾ ಸೋಲಿಸೋದು ಪಕ್ಕಾ ಅನ್ನೋ ಸೂಚನೆ ಕೊಟ್ಟಿದೆ.

ಒಟ್ನಲ್ಲಿ ಬಾಕ್ಸ್‌ಆಫಿಸ್​ನಲ್ಲಿ ಅಖಾಡಕ್ಕಿಳಿದ ಈ ಎರಡೂ ಸಿನಿಮಾಗಳ ನಡುವೆ ನೆಕ್‌ ಟೂ ನೆಕ್ ಫೈಟ್ ಇದ್ದು, ಇವುಗಳಲ್ಲಿ ಅತಿ ಹೆಚ್ಚು ಮೊತ್ತ ಕಲೆಹಾಕೋದು ಯಾರು? ಹೊಸ ದಾಖಲೆ ಬರೆಯೋದು ಯಾರು ಅನ್ನೋ ಕುತೂಹಲ ಟಾಲಿವುಡ್​ನಲ್ಲಿ ಮೂಡಿದೆ.