Kiccha Sudeep: ಸುದೀಪ್​ ಜತೆ ಪ್ರೇಮ್ಸ್​ ಮತ್ತೊಂದು ಸಿನಿಮಾ; ಆದರೆ, ಇದು ಸತ್ಯವಲ್ಲ!

ನಟ ಕಿಚ್ಚ ಸುದೀಪ್​ ಹಾಗೂ ನಿರ್ದೇಶಕ ಪ್ರೇಮ್​ ವಿಲನ್​ ಸಿನಿಮಾದಲ್ಲಿ ಒಟ್ಟಾಗಿ ಕೆಲಸ ಮಾಡಿದ್ದರು. ಈ ಚಿತ್ರದಲ್ಲಿ ಸುದೀಪ್​ ಜತೆ ಶಿವರಾಜ್​ಕುಮಾರ್​ ಕೂಡ ಬಣ್ಣ ಹಚ್ಚಿದ್ದರು. ಭಾರೀ ನಿರೀಕ್ಷೆ ಹುಟ್ಟಿಸಿದ್ದ ಈ ಸಿನಿಮಾ ನಂತರ ನೆಲಕಚ್ಚಿತ್ತು. ಈ ಸಿನಿಮಾ ತೆರೆಕಂಡು ಮೂರು ವರ್ಷಗಳೇ ಕಳೆದಿವೆ. ಈಗ ಅಚ್ಚರಿ ಎಂಬಂತೆ ಈಗ ಪ್ರೇಮ್​​ ಸುದೀಪ್​ ಜತೆ ಮತ್ತೊಂದು ಸಿನಿಮಾ ಮಾಡುತ್ತಿದ್ದಾರೆ! ಆದರೆ, ಈ ವಿಚಾರಕ್ಕೆ ಒಂದು ಟ್ವಿಸ್ಟ್​ ಇದೆ.

ಇಂದು ಮುಂಜಾನೆ 11 ಗಂಟೆಗೆ ಪ್ರೇಮ್​​ ಟ್ವಿಟ್ಟರ್​ ಖಾತೆಯಿಂದ ಟ್ವೀಟ್​ ಒಂದನ್ನು ಮಾಡಲಾಗಿದೆ. ನನ್ನ ಮತ್ತು ಸುದೀಪ್ ಅವರ ಕಾಂಬಿನೇಷನ್ ಅಲ್ಲಿ ಬರುತ್ತಿರುವ #NewAvatarSoon ಚಿತ್ರದ ಬಗ್ಗೆ ಒಂದು ಮುಖ್ಯವಾದ ಸುದ್ದಿ ಕೆಲವೇ ದಿನಗಳಲ್ಲಿ ತಿಳಿಸುತ್ತೇನೆ. ಭಾರತದಲ್ಲೇ ಮಾಡದ ಸಿನಿಮಾವನ್ನು ನಾನು ಮಾಡಲು ಹೊರಟಿದ್ದೇನೆ. ದಯವಿಟ್ಟು ನಿಮ್ಮ ಪ್ರೀತಿ ನಮ್ಮ ಮೇಲೆ ಸದಾ ಇರಲಿ ಎಂದು ಬರೆದುಕೊಂಡಿದ್ದಾರೆ. ಈ ಟ್ವೀಟ್​ನಲ್ಲಿ ಹಿಸ್ಟರಿ ರಿಪೀಟ್ಸ್​ ಎನ್ನುವ ಹ್ಯಾಶ್​ಟ್ಯಾಗ್​ ಕೂಡ ಇದೆ.

ಇದನ್ನು ನೋಡಿದ ಅಭಿಮಾನಿಗಳು ಖುಷಿಯಾಗಿದ್ದರು. ಪ್ರೇಮ್​-ಸುದೀಪ್​ ಕಾಂಬಿನೇಷನ್​ನಲ್ಲಿ ಮತ್ತೊಂದು ಸಿನಿಮಾ ಬರುತ್ತಿದೆಯಲ್ಲ ಎಂದು ಸಂತಸಗೊಂಡಿದ್ದರು. ಯಾವಾಗ ಸಿನಿಮಾ ಸೆಟ್ಟೇರುತ್ತದೆ, ಸಿನಿಮಾ ಕತೆ ಹೇಗಿರಲಿದೆ ಎಂದು ಪ್ರಶ್ನೆ ಮಾಡಿದ್ದರು.

ನಿಜವಾದ ಟ್ವಿಟರ್​ ಖಾತೆ ಹಾಗೂ ನಕಲಿ ಖಾತೆ

ಆದರೆ, ಅಸಲಿ ವಿಚಾರ ಏನೆಂದರೆ ಪ್ರೇಮ್​​ ಹೆಸರಲ್ಲಿ ಮಾಡಿಕೊಂಡಿರುವ ನಕಲಿ ಖಾತೆ ಇದು. ನಿರ್ದೇಶಕ ಪ್ರೇಮ್​ ಅವರ ಟ್ವಿಟ್ಟರ್​ ಖಾತೆಯಲ್ಲಿರುವ ಪ್ರೊಫೈಲ್​ ಪಿಕ್ಚರ್ ಅನ್ನೇ​ ಈ ನಕಲಿ ಖಾತೆಯ ಡಿಪಿಯಲ್ಲೂ ಬಳಸಲಾಗಿದೆ. ಪ್ರೇಮ್​​​ ಖಾತೆಯ ಬಳಕೆದಾರರ ಐಡಿ @directorprems ಎಂದಿದ್ದರೆ, ನಕಲಿ ಖಾತೆಗೆ ಕೊನೆಯಲ್ಲಿ ಒಂದು S​ ಹೆಚ್ಚಾಗಿ ಸೇರಿಸಲಾಗಿದೆ. ಅಂದರೆ, ನಕಲಿ ಖಾತೆಯ ಬಳಕೆದಾರರ ಐಡಿ @directorpremss ಎಂದಿದೆ. ಪ್ರೊಫೈಲ್​ ಒಳಗೆ ಇಣುಕಿದರೆ ಮಾತ್ರ ಅದು ನಕಲಿ ಖಾತೆ ಎಂದು ಗೊತ್ತಾಗುತ್ತದೆ. ಟ್ವೀಟ್​ ಅಷ್ಟನ್ನೇ ನೋಡಿ ಮುಂದುವರಿದರೆ ನೀವು ಮೋಸ ಹೋಗುವುದು ಗ್ಯಾರಂಟಿ.

ಇದನ್ನೂ ಓದಿ: Bigg Boss Kannada 8: ಬಿಗ್​ ಬಾಸ್​ ಮನೆಯಷ್ಟೇ ಅಲ್ಲ; ಸಾರಥಿ ಕಿಚ್ಚ ಚಹರೆಯೂ ಬದಲಾಗಿದೆ! ಏನದು? ಇಲ್ಲಿದೆ ನೋಡಿ…