ಒಂದು ದಿನ ಮೊದಲೇ ಲೀಕ್​ ಆಯ್ತಾ ಕೆಜಿಎಫ್​-2 ಟೀಸರ್​?

ಕೆಜಿಎಫ್​ ಚಾಪ್ಟರ್​-1 ಚಿತ್ರಕ್ಕೆ ಪೈರಸಿ ಕಂಟಕ ಎದುರಾಗಿತ್ತು. ಈಗ ಕೆಜಿಎಫ್​-2 ಸಿನಿಮಾದ ಟೀಸರ್​ಗೂ ಪೈರಸಿ ಕಾಟ ಕಂಟಕವಾಗಿದೆ. ಯಶ್​ ಅಭಿನಯದ ಕೆಜಿಎಫ್​-2 ಟೀಸರ್​ ಒಂದು ದಿನ ಮೊದಲೇ ಸಾಮಾಜಿಕ ಜಾಲತಾಣದಲ್ಲಿ ಲೀಕ್​ ಆಗಿದೆ ಎನ್ನಲಾಗುತ್ತಿದೆ.

ಹೌದು, ಯಶ್​ ಜನ್ಮದಿನದ ಅಂಗವಾಗಿ ನಾಳೆ (ಡಿ.8) ಕೆಜಿಎಫ್​-2 ಸಿನಿಮಾ ಟೀಸರ್​ ರಿಲೀಸ್​ ಆಗಬೇಕಿತ್ತು. ಇದಕ್ಕಾಗಿ ಭಾರೀ ನಿರೀಕ್ಷೆ ಕೂಡ ಇಟ್ಟುಕೊಳ್ಳಲಾಗಿದೆ. ಆದರೆ, ಈಗ ಸಾಮಾಜಿಕ ಜಾಲತಾಣದಲ್ಲಿ ಟೀಸರ್​ ಒಂದು ಹರಿದಾಡುತ್ತಿದ್ದು, ಇದು ಕೆಜಿಎಫ್​-2ನದ್ದೇ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ.

ಅಂದಹಾಗೆ, ಈ ಟೀಸರ್​ ರಿಲೀಸ್​ ಆಗಿದ್ದು ಹೇಗೆ? ರಿಲೀಸ್​ ಆದ ಟೀಸರ್​ ಕೆಜಿಎಫ್​-2ನದ್ದೇನಾ ಎನ್ನುವ ಪ್ರಶ್ನೆಗೆ ಚಿತ್ರತಂಡದಿಂದ ಇನ್ನಷ್ಟೇ ಸ್ಪಷ್ಟನೆ ಸಿಗಬೇಕಿದೆ.

ಇನ್ನು ಹೊಂಬಾಳೆ ಫಿಲ್ಮ್ಸ್​ನ ಕಾರ್ಯಕಾರಿ ನಿರ್ಮಾಪಕ ಕೂಡ ಟೀಸರ್​ ಲೀಕ್​ ಆದ ವಿಚಾರವನ್ನು ಖಚಿತಪಡಿಸಿದ್ದಾರೆ. ನೀವು ಹ್ಯಾಕ್​ ಮಾಡಬಹುದು. ನೀವು ಲೀಕ್​ ಮಾಡಬಹುದು. ನೀವು ಮೊದಲೇ ಟಾರ್ಗೆಟ್​ ತಲುಪಬಹುದು. ಆದರೆ, ಪ್ರಾಮಾಣಿಕ ವ್ಯಕ್ತಿಯೇ ಯಾವಾಗಲೂ ದೊಡ್ಡ ಆಟವನ್ನು ಗೆಲ್ಲೋದು. ರಾಕಿ ಬಾಯ್​ ಯಾವಾಗಲೂ ಗೆಲ್ಲುತ್ತಾರೆ. KGFChapter ಇಂದು 9.29ಕ್ಕೇ ಪ್ರೀಮಿಯರ್​ ಆಗಲಿದೆ ಎಂದಿದ್ದಾರೆ.