ಕನ್ನಡತಿ ಕೈಬಿಟ್ಟು, ಅಮೆರಿಕಾ ಉದ್ಯಮಿಯ ಪುತ್ರಿ ಕೈಹಿಡಿಯಲಿದ್ದಾರೆ ಪ್ರಭಾಸ್

ಟಾಲಿವುಡ್ ಸ್ಟಾರ್ ಪ್ರಭಾಸ್ ಅಂದಾಕ್ಷಣ ಮೊದಲು ನೆನಪಾಗೋದು ಅವರು ಮದುವೆ ಸುದ್ದಿ. ಅಷ್ಟರ ಮಟ್ಟಿಗೆ ಪ್ರಭಾಸ್​ ಮದುವೆ ವಿಚಾರ ಜಗಜ್ಜಾಹೀರಾಗಿದೆ. ಆದ್ರೀಗ ಮತ್ತೆ ಡಾರ್ಲಿಂಗ್​ ವಿವಾಹದ ಬಗ್ಗೆ ಹೊಸ ಸುದ್ದಿ ಹರಿದಾಡ್ತಿದೆ. ಈ ಬಾರಿ ಪ್ರಭಾಸ್ ಹಸೆಮಣೆ ಏರೋದು ಪಕ್ಕಾ ಅಂತಿದೆ ಟಾಲಿವುಡ್.

ಪ್ರಭಾಸ್. ಟಾಲಿವುಡ್‌ನ ಸ್ಟಾರ್ ನಟ. ಭಾರತೀಯ ಸಿನಿಮಾರಂಗದ ಬಹುಬೇಡಿಕೆಯ ಸ್ಟಾರ್​. ಎಷ್ಟೇ ಹಿಟ್ ಸಿನಿಮಾಗಳನ್ನ ಕೊಟ್ರು, ದೊಡ್ಡ ಸಿನಿಮಾಗಳಲ್ಲಿ ಅಭಿನಯಿಸ್ತಿದ್ದರು ಪ್ರಭಾಸ್ ಅಭಿಮಾನಿಗಳನ್ನ ಕಾಡ್ತಿರೋದು ಒಂದೇ ಪ್ರಶ್ನೆ. ಡಾರ್ಲಿಂಗ್ ಮದುವೆ ಆಗೋದು ಯಾವಾಗ ಅನ್ನೋದು.

ಬಾಹುಬಲಿ ಸೀಕ್ವೆಲ್‌ನಲ್ಲಿ ಬ್ಯುಸಿ ಇದ್ದ ಪ್ರಭಾಸ್​, ಬಾಹುಬಲಿ ನಂತ್ರ ಮದುವೆ ಆಗ್ತಾರೆ ಅಂತ ಹೇಳಲಾಗಿತ್ತು.. ಆದ್ರೆ ಬಾಹುಬಲಿ ತೆರೆಕಂಡು, ಸಾಹೋ ಸಿನಿಮಾ ರಿಲೀಸ್​ ಆದ್ರು ಪ್ರಭಾಸ್​ ಮದುವೆ ಬಗ್ಗೆ ಯಾವುದೇ ಖಚಿತ ಮಾಹಿತಿ ಹೊರ ಬರಲೇ ಇಲ್ಲ. ಜೊತೆಗೆ ಅನುಷ್ಕಾ ಶೆಟ್ಟಿ ಸೇರಿದಂತೆ, ಒಂದುಷ್ಟು ಹೆಸ್ರುಗಳು ಪ್ರಭಾಸ್‌​ ಜೊತೆಗೆ ತಳಕು ಹಾಕಿಕೊಂಡಿದ್ವು. ಆದ್ರೆ ಅದ್ಯಾವುದು ನಿಜವಾಗಲೇ ಇಲ್ಲ.

ಆದ್ರೀಗ ಪ್ರಭಾಸ್​ ಮದುವೆ ಬಗ್ಗೆ ಮತ್ತೊಂದು ಸುದ್ದಿ ಟಾಲಿವುಡ್​ನಲ್ಲಿ ಹರಿದಾಡ್ತಿದೆ.. ಇದು ಕೇವಲ ಗಾಳಿ ಸುದ್ದಿ ಅಲ್ಲ ಅಂತಲೂ ಹೇಳಲಾಗ್ತಿದೆ. ಈ ವರ್ಷದ ಅಂತ್ಯದಲ್ಲಿ ಅಂದ್ರೆ ಡಿಸೆಂಬರ್​ 31ರಂದು ಪ್ರಭಾಸ್ ತಮ್ಮ ಮದುವೆ ಸುದ್ದಿಯನ್ನ ಅಧಿಕೃತವಾಗಿ ಪ್ರಕಟಿಸಲಿದ್ದಾರಂತೆ. ಇದ್ರೊಂದಿಗೆ ಪ್ರಭಾಸ್​ ಅಮೆರಿಕ ಮೂಲದ ಉದ್ಯಮಿಯೊಬ್ಬರ ಮಗಳನ್ನ ಪ್ರಭಾಸ್​ ಪ್ರೀತಿಸುತ್ತಿದ್ದು, ಅವ್ರನ್ನೇ ಮದುವೆ ಆಗಲಿದ್ದಾರೆ ಅಂತಲೂ ಹೇಳಲಾಗ್ತಿದೆ.

ಡಿಸೆಂಬರ್ 31 ಯಾಕೆ ಅನ್ನೋ ಪ್ರಶ್ನೆಗೆ ಉತ್ತರ ಕೂಡ ಸಿಕ್ಕಿದೆ.. 2020 ಜನವರಿ1 ರಿಂದ ಪ್ರಭಾಸ್​ ತಮ್ಮ ಹೊಸ ಸಿನಿಮಾ ಜಾನ್ ಶೂಟಿಂಗ್‌ನಲ್ಲಿ ಭಾಗಿ ಆಗಲಿದ್ದಾರಂತೆ. ಹಾಗಾಗಿ ಈ ವರ್ಷದ ಕೊನೆಯ ದಿನ ತಮ್ಮ ಮದುವೆ ಸುದ್ದಿಯನ್ನ ಪ್ರಕಟಿಸೋ ಯೋಚನೆಯಲ್ಲಿದ್ದಾರಂತೆ.

ಒಟ್ನಲ್ಲಿ ಇದು ನಿಜವಾ..? ನಿಜನೇ ಆದ್ರೆ ಪ್ರಭಾಸ್ ಕೈ ಹಿಡಿಯೋ ಆ ಬೆಡಗಿ ಯಾರು ಅನ್ನೋದಕ್ಕೆ ಸದ್ಯದಲ್ಲೇ ಬ್ರೇಕ್ ಬೀಳಲಿದೆ. ಸದ್ಯಕ್ಕೆ ಕುತೂಹಲ ಹುಟ್ಟು ಹಾಕಿರೋ ಈ ಸುದ್ದಿ ಪ್ರಭಾಸ್ ಅಭಿಮಾನಿಗಳನ್ನ ಡಿಸೆಂಬರ್ 31ರ ತನಕ ಕಾಯುವಂತೆ ಮಾಡಿದೆ.

Published On - 2:37 pm, Sun, 22 December 19