ಕೈ ಹಿಡಿದ ವಾಟರ್ ಕ್ಯಾನ್ ಬಿಸ್ನೆಸ್ ಬಿಟ್ಟಿದ್ದ ರಿಷಬ್ ಶೆಟ್ಟಿ; ಇದಕ್ಕಿದೆ ಕಾರಣ

ರಿಷಬ್ ಶೆಟ್ಟಿ ಅವರು ಇಂದು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಗುರುತಿಸಿಕೊಂಡಿದ್ದಾರೆ. ‘ಕಾಂತಾರ’ ಚಿತ್ರವು (Kantara Movie) ಅವರನ್ನು ಹಾಗೂ ಅವರ ವೃತ್ತಿ ಜೀವನವನ್ನು ಬದಲಾಯಿಸಿದೆ. ಇಷ್ಟೆಲ್ಲ ಹೆಸರು ಮಾಡುವುದಕ್ಕೂ ಮೊದಲು ರಿಷಬ್ ಅವರು ಸಾಕಷ್ಟು ಏಳು-ಬೀಳುಗಳನ್ನು ಕಂಡಿದ್ದರು. ಈಗ ಅವರು ಯಶಸ್ಸಿನ ತುದಿಯಲ್ಲಿ ಇದ್ದಾರೆ. ಅವರು ಹಲವು ಉದ್ಯಮಗಳನ್ನು ಕೂಡ ಮಾಡಿದ್ದರು. ಕೆಲವರು ಅವರಿಗೆ ಯಶಸ್ಸು ತಂದುಕೊಟ್ಟಿತು. ಆದರೂ ಅದನ್ನು ಅವರು ತ್ಯಜಿಸಿದ್ದರು. ಇದಕ್ಕೆ ಕಾರಣ ಸಿನಿಮಾ ರಂಗದ ಮೇಲಿರುವ ಒಲವು. ಇಂದು (ಜುಲೈ 7) ಜನ್ಮದಿನ. ಈ ವೇಳೆ ಅವರ ಹಳೆಯ ದಿನಗಳನ್ನು ನೆನಪಿಸಿಕೊಳ್ಳೋಣ.

ರಿಷಬ್ ಶೆಟ್ಟಿ ಅವರು ಬಣ್ಣದ ಲೋಕದಲ್ಲಿ ಮಿಂಚಬೇಕು ಎಂದು ಮೊದಲೇ ನಿರ್ಧರಿಸಿ ಆಗಿತ್ತು. ಆದರೆ, ಇದಕ್ಕೆ ಅವರಿಗೆ ನೇರವಾಗಿ ಟಿಕೆಟ್ ಸಿಕ್ಕಿರಲಿಲ್ಲ. ಹೀಗಾಗಿ, ಹಲವು ಸೈಡ್ ಬಿಸ್ನೆಸ್​ಗಳನ್ನು ರಿಷಬ್ ಮಾಡಿದ್ದರು. ಕನ್​ಸ್ಟ್ರಕ್ಷನ್ ಬಿಸ್ನೆಸ್, ವಾಟರ್ ಕ್ಯಾನ್ ಬಿಸ್ನೆಸ್ ಗಳನ್ನು ಮಾಡಿದ್ದರು. ಎರಡೂ ಉದ್ಯಮಗಳು ಅವರಿಗೆ ಯಶಸ್ಸು ಕೊಟ್ಟಿದ್ದವು.

ವಾಟರ್ ಬಿಸ್ನೆಸ್ ರಿಷಬ್ ಅವರಿಗೆ ಕೈ ಹಿಡಿದಿತ್ತು. ಆದರೆ, ಸಿನಿಮಾ ರಂಗಕ್ಕೆ ಹೋಗಬೇಕು ಎಂಬ ಹಠ, ಒಂದೊಮ್ಮೆ ಬಿಸ್ನೆಸ್​ನಲ್ಲಿ ಯಶಸ್ಸು ಸಿಕ್ಕರೆ ಅಲ್ಲಿಯೇ ಇದ್ದು ಬಿಡಬೇಕಾಗುತ್ತದೆ ಎಂಬ ಭಯಕ್ಕೆ ರಿಷಬ್ ಅವರು ಅದನ್ನು ಮಾರಿಯೇ ಬಿಟ್ಟರು. ಆ ಬಳಿಕ ಹಂತ ಹಂತವಾಗಿ ಯಶಸ್ಸು ಕಂಡರು.

‘ಗೋಲ್ಡನ್ ಗ್ಯಾಂಗ್’ ಕಾರ್ಯಕ್ರಮದಲ್ಲಿ ಭಾಗಿ ಆಗಿದ್ದಾಗ ‘ಮಿನರಲ್ ವಾಟರ್ ರೀತಿಯೇ ಕನ್​ಸ್ಟ್ರಕ್ಷನ್ ಬಿಸ್ನೆಸ್ ದುಡ್ಡು ಕೊಟ್ಟಿತ್ತು’ ಎಂದು ರಿಷಬ್ ಹೇಳಿದ್ದರು. ಆದರೆ, ರಿಷಬ್ ಶೆಟ್ಟಿ ಅವರು ಉದ್ಯಮದಲ್ಲಿ ಯಶಸ್ಸು ಕಂಡ ಹೊರತಾಗಿಯೂ ಇವೆಲ್ಲವನ್ನೂ ಬಿಟ್ಟು ಸಿನಿಮಾ ರಂಗಕ್ಕೆ ಬಂದರು. ಅವರು ಎಲ್ಲವನ್ನೂ ಮಾರಿ ನಟಿಸೋಕೆ, ನಿರ್ದೇಶಿಸೋಕೆ ಆರಂಭಿಸಿದರು.

ಇದನ್ನೂ ಓದಿ: ರಿಷಬ್ ಶೆಟ್ಟಿ ಜನ್ಮದಿನಕ್ಕೆ ‘ಕಾಂತಾರ: ಚಾಪ್ಟರ್ 1’ ಚಿತ್ರದ ಕಡೆಯಿಂದ ಬಿಗ್ ಅಪ್​ಡೇಟ್​

ರಿಷಬ್ ಶೆಟ್ಟಿ ಅವರು ‘ಕಾಂತಾರ: ಚಾಪ್ಟರ್ 1’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದ ಪೋಸ್ಟರ್ ಅವರ ಬರ್ತ್​ಡೇ ಪ್ರಯುಕ್ತ ಬಿಡುಗಡೆ ಕಂಡಿದೆ. ಈ ಚಿತ್ರವು ಅಕ್ಟೋಬರ್ 2ರಂದು ರಿಲೀಸ್ ಆಗಲಿದೆ ಎಂಬದನ್ನು ತಂಡ ಖಚಿತಪಡಿಸಿದೆ. ಇದು ಅಭಿಮಾನಿಗಳ ಖುಷಿಗೆ ಕಾರಣ ಆಗಿದೆ. ಸಿನಿಮಾ ತಂಡದ ಸೆಟ್​ನಲ್ಲಿ ಹಲವು ಅವಘಡಗಳು ಸಂಭವಿಸಿದವು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.