ಅಭಿಮಾನಿಗಳು ರೀಲ್ ರಮ್ಯಾನ್ನ ನೋಡಿದ್ದೀರಿ.. ಆದ್ರೆ ರಿಯಲ್ ರಮ್ಯಾ ಹೇಗಿದ್ದಾರೆ ಗೊತ್ತಾ!?

Keeping it real ಕ್ಯಾಪ್ಶನ್ ಕೊಟ್ಟು ಫೊಟೊ ಒಂದನ್ನು ಹಂಚಿಕೊಂಡಿರುವ ರಮ್ಯಾ, ಮೇಕಪ್ ಇಲ್ಲದೆ ಮಿಂಚಿದ್ದಾರೆ. ಇದನ್ನು ನೋಡಿ ಸ್ಯಾಂಡಲ್ವುಡ್ಗೆ ಮರಳುವಂತೆ ಅಭಿಮಾನಿಗಳು ಕೇಳಿಕೊಂಡಿದ್ದಾರೆ.

ನಟಿ, ಮಂಡ್ಯದ ಮಾಜಿ ಸಂಸದೆ ರಮ್ಯಾ ಸಾಮಾಜಿಕ ಜಾಲತಾಣ ದಿಂದ ಒಂದಷ್ಟು ಕಾಲ ವಿಮುಖರಾಗಿದ್ದರು. ಆದ್ರೆ ಇತ್ತೀಚೆಗೆ ಆಗಾಗ ಇಣುಕಿ ನೋಡುವಂತೆ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ತಾಜಾ ಆಗಿ ಹೀಗೆ ಕಾಣಿಸಿಕೊಂಡಿದ್ದಾರೆ, ನೋಡಿ..

TV9 Web | Updated By: ganapathi bhat|
Updated on:Apr 07, 2022 | 5:32 PM

ರೀಲ್ ಲೈಫ್ನಲ್ಲಿ ಸುಂದರವಾಗಿ ಕಾಣೋ ತಾರೆಯರು ರಿಯಲ್ಲಾಗಿ ಹೇಗಿರ್ತಾರೆ? ಅಯ್ಯೋ.. ಹೀರೋಯಿನ್ಗಳೆಲ್ಲಾ ಇಂಚುದ್ದ ಮೇಕಪ್ ಹಾಕೊಂಡು ಇರ್ತಾರೆ, ಮೇಕಪ್ನಿಂದಾನೇ ಅವರು ಮೆರೆಯೋದು.. ಹೀಗೆಲ್ಲಾ ನೀವು ಗುಸುಗುಸು ಮಾತಾಡಿರಬಹುದು. ಆದ್ರೆ, ರೀಲಲ್ಲಿ ಅಷ್ಟೇ ಅಲ್ಲ, ರಿಯಲ್ಲಾಗಿ ಚೆನ್ನಾಗಿರಿ ಎಂಬ ಅರ್ಥದಲ್ಲಿ ತಮ್ಮ ಅಭಿಪ್ರಾಯವನ್ನು ಫೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದಾರೆ ‘ಸ್ಯಾಂಡಲ್ವುಡ್ ಪದ್ಮಾವತಿ’ ರಮ್ಯಾ.

Keeping it real ಎಂಬ ಕ್ಯಾಪ್ಶನ್ ಕೊಟ್ಟು ತಮ್ಮ ಫೊಟೊ ಒಂದನ್ನು ಹಂಚಿಕೊಂಡಿರುವ ರಮ್ಯಾ, ಮೇಕಪ್ ಇಲ್ಲದೆ ಮಿಂಚಿದ್ದಾರೆ. ಅವರ ಫೊಟೊ ನೋಡಿ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ. ಮತ್ತೆ ಯಾವಾಗ ನಟಿಸ್ತೀರಿ? ನಿಮ್ಮ ನಟನೆ ನೋಡೋಕೆ ಕಾಯ್ತಾ ಇದ್ದೇವೆ ಅಂತೆಲ್ಲಾ ಕಮೆಂಟ್ ಮಾಡಿದ್ದಾರೆ.

ಹಲವಷ್ಟು ಜನರು ರಮ್ಯಾರನ್ನು ಮಿಸ್ ಮಾಡಿಕೊಳ್ಳುತ್ತಿರುವ ಬಗ್ಗೆ ದುಃಖ ತೋಡಿಕೊಂಡಿದ್ದು, ಸ್ಯಾಂಡಲ್ವುಡ್ಗೆ ನೀವು ಬೇಕು ಎಂದು ಕೇಳಿಕೊಂಡಿದ್ದಾರೆ. ಅಲಂಕಾರಗಳಿಲ್ಲದೆ ಸುಂದರವಾಗಿ ಕಾಣುತ್ತೀರಿ ಎಂದೂ ಷರಾ ಹಾಕಿದ್ದಾರೆ.