ಪರಪ್ಪನ ಅಗ್ರಹಾರ ಜೈಲಿನಲ್ಲೇ ಬರ್ತ್‌ಡೇ ಆಚರಿಸಿಕೊಳ್ಳಲು ಜೈಲುಹಕ್ಕಿ ಸಂಜನಾ ಸಜ್ಜು!

ಬೆಂಗಳೂರು: ರಂಗು ರಂಗಿನ ಚಿತ್ತಾರ. ಕಿವಿ ಕಿತ್ತು ಬರುವಂಥಾ ಸಂಗೀತದ ಅಬ್ಬರ. ಮೋಜು-ಮಸ್ತಿಯಲ್ಲೇ ಮುಳುಗಿದ್ದ ನಟಿಮಣಿ ಸಂಜನಾ ಪಾರ್ಟಿ ಲೈಫ್​ಗೆ ಇದೀಗ ಬ್ರೇಕ್​ ಬಿದ್ದಿದೆ. ವಿದೇಶದಲ್ಲಿ ಜೋರಾಗಿ, ಬಿಂದಾಸ್ ಅಗಿ ಬರ್ತ್‌ ಡೇ ಆಚರಿಸಿಕೊಳ್ಳುತ್ತಿದ್ದ ಗಂಡ ಹೆಂಡತಿ ಬೆಡಗಿಗೆ ಈ ಸಲ ಕೃಷ್ಣನ ಜನ್ಮಸ್ಥಾನದಲ್ಲೇ ಹುಟ್ಟುಹಬ್ಬವನ್ನು ಆಚರಿಸುವ ಸ್ಥಿತಿ ಎದುರಾಗಿದೆ. ಬಿಂದಾಸ್‌ ಬೆಡಗಿಯ ಜೈಲ್ ದಿನಚರಿಯ ಎಕ್ಸ್‌ಕ್ಲೂಸಿವ್ ಸ್ಟೋರಿ ಟಿವಿ 9ನಲ್ಲಿ ಜಾಹಿರವಾಗಿದೆ.

ಹೌದು, ಇದೇ ಅಕ್ಟೋಬರ್ 10ರಂದು ನಟಿ ಸಂಜನಾ ಗಲ್ರಾನಿ ಹುಟ್ಟುಹಬ್ಬ. ಈ ಹಿನ್ನೆಲೆಯಲ್ಲಿ ಸಂಜನಾ ಜೈಲಿನಲ್ಲೇ ತಮ್ಮ ಹುಟ್ಟುಹಬ್ಬವನ್ನ ಆಚರಿಸಿಕೊಳ್ಳಲು ಪ್ಲ್ಯಾನ್ ನಡೆಸುತ್ತಿದ್ದಾರೆ ಅನ್ನೋ ಮಾತು ಕೇಳಬಂದಿದೆ.

ಹಾಗಾಗಿ, ನಟಿ ಜೈಲು ಅಧಿಕಾರಿಗಳು ಅನುಮತಿಗೆ ಕಾಯುತ್ತಿದ್ದಾರಂತೆ. ಒಂದು ವೇಳೆ, ಅವರು ಅನುಮತಿ ನೀಡಿದರೆ ಪರಪ್ಪನ ಅಗ್ರಹಾರದಲ್ಲೇ ತಮ್ಮ ಬರ್ತ್‌ಡೇ ಆಚರಿಸಲು ಸಂಜನಾ ಸಜ್ಜಾಗಿದ್ದಾರೆ. ಜೈಲಿನಲ್ಲಿಯೇ ಕೇಕ್ ಕತ್ತರಿಸಿ ಬರ್ತ್​ ಡೇ ಆಚರಿಸುವ ಸಾಧ್ಯತೆಯಿದೆ.