ಸಿಂಗೀತಂ ಶ್ರೀನಿವಾಸ ರಾವ್ ನಿಧನಕ್ಕೆ ಸಂತಾಪ ಸೂಚಿಸಿದ ಚಿರಂಜೀವಿ, ಎನ್​ಟಿಆರ್

ಖ್ಯಾತ ನಿರ್ದೇಶಕ ಸಿಂಗೀತಂ ಶ್ರೀನಿವಾಸ ರಾವ್ ಅವರು ನಿಧನರಾಗಿದ್ದು, ಚಿತ್ರರಂಗದ ಹಲವರು ಸಂತಾಪ ಸೂಚಿಸಿದ್ದಾರೆ. ಚಿತ್ರರಂಗಕ್ಕೆ ಸಿಂಗೀತಂ ಶ್ರೀನಿವಾಸ ರಾವ್ ಅವರು ನೀಡಿದ ಕೊಡುಗೆಯನ್ನು ಸ್ಮರಿಸಿಕೊಳ್ಳಲಾಗುತ್ತಿದೆ. ತೆಲುಗು, ತಮಿಳು, ಹಿಂದಿ, ಕನ್ನಡ ಭಾಷೆಯ ಸಿನಿಮಾಗಳಿಗೆ ನಿರ್ದೇಶನ ಮಾಡುವ ಮೂಲಕ ಸಿಂಗೀತಂ ಶ್ರೀನಿವಾಸ ರಾವ್ ಅವರು ತಮ್ಮದೇ ಛಾಪು ಮೂಡಿಸಿದ್ದರು. ಅವರ ನಿಧನಕ್ಕೆ ಮೆಗಾ ಸ್ಟಾರ್ ಚಿರಂಜೀವಿ, ಜೂನಿಯರ್ ಎನ್ಟಿಆರ್ ಸೇರಿದಂತೆ ಅನೇಕರು ಸಂತಾಪ ಸೂಚಿಸಿದ್ದಾರೆ.

‘ಸಿಂಗೀತಂ ಶ್ರೀನಿವಾಸ ರಾವ್ ಅವರು ಇನ್ನಿಲ್ಲ ಎಂಬ ಸುದ್ದಿ ಅತ್ಯಂತ ದುಃಖಕರವಾದದ್ದು. ಆದಿತ್ಯ 369, ಪುಷ್ಪಕ ವಿಮಾನಂ, ಮಯೂರಿ.. ಕಾಲಕ್ಕಿಂತ ಮುಂಚಿತವಾಗಿಯೇ ಆಲೋಚಿಸಿ, ತಲೆಮಾರುಗಳು ಬದಲಾದರೂ ಸದಾ ಹೊಸತಾಗಿ ಕಾಣುವ ಸಿನಿಮಾಗಳನ್ನು ನೀಡಿದ ಮಹಾನ್ ದೂರದರ್ಶಿ. ಅವರ ಕುಟುಂಬದ ಸದಸ್ಯರಿಗೆ ನನ್ನ ಭಾವಪೂರ್ಣ ಸಂತಾಪಗಳು’ ಎಂದು ಜೂನಿಯರ್​ ಎನ್​ಟಿಆರ್ ಅವರು ‘ಎಕ್ಸ್’ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

సింగీతం శ్రీనివాసరావు గారు ఇక లేరన్న వార్త ఎంతో బాధాకరం. ఆదిత్య 369, పుష్పక విమానం, మయూరి… కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు. వారి కుటుంబ సభ్యులకు నా ప్రగాఢ సానుభూతి. ఓం శాంతి 🙏

— Jr NTR (@tarak9999) October 3, 2026

‘ನಿರ್ದೇಶಕ ಸಿಂಗೀತಂ ಶ್ರೀನಿವಾಸ ರಾವ್ ಅವರ ಅಗಲಿಕೆ ತೀವ್ರ ದುಃಖ ತಂದಿದೆ. ಅವರ ಕಲ್ಪನಾ ಶಕ್ತಿ ಮತ್ತು ಹೊಸ ಆಲೋಚನೆಗಳನ್ನು ಪ್ರಯೋಗಿಸುವ ಧೈರ್ಯವು ಭಾರತೀಯ ಚಿತ್ರರಂಗಕ್ಕೆ ಎಂದಿಗೂ ಮರೆಯಲಾಗದ ಹಲವು ಅದ್ಭುತ ಸಿನಿಮಾಗಳನ್ನು ನೀಡಿದೆ. ಚಿತ್ರರಂಗಕ್ಕೆ ಅವರು ನೀಡಿದ ಕೊಡುಗೆಯನ್ನು ಸದಾ ಅಪಾರ ಗೌರವ ಮತ್ತು ಪ್ರೀತಿಯಿಂದ ಸ್ಮರಿಸಲಾಗುತ್ತದೆ’ ಎಂದು ಜಿರಂಜೀವಿ ಪೋಸ್ಟ್ ಮಾಡಿದ್ದಾರೆ.

Deeply saddened by the passing of the legendary filmmaker ‘Singeetam Srinivasa Rao’ garu.

A true visionary, his imagination and courage to explore new ideas gave Indian cinema some of its most unforgettable films. His contribution to cinema will always be remembered with immense respect and affection.

His recent film ‘Sing Geetham’ was a beautiful testament to his undying passion for storytelling. At heart, he remained forever young, curious and eager to create.

My heartfelt condolences to his family and loved ones.

We will miss you, Singeetam garu. Your films will continue to speak to generations. Om Shanti 🙏

— Chiranjeevi Konidela (@KChiruTweets) October 4, 2026

‘ಸಿಂಗೀತಂ ಶ್ರೀನಿವಾಸ ರಾವ್ ಇತ್ತೀಚಿನ ಸಿನಿಮಾ ‘ಸಿಂಗ್ ಗೀತಂ’ ಕಥೆ ಹೇಳುವಿಕೆಯ ಮೇಲಿದ್ದ ಅವರ ಎಂದಿಗೂ ಕುಗ್ಗದ ಒಲವಿಗೆ ಒಂದು ಸುಂದರ ಸಾಕ್ಷಿಯಾಗಿತ್ತು. ಮನಸ್ಸಿನಿಂದ ಅವರು ಕೊನೆಯವರೆಗೂ ಸದಾ ಯುವಕರಾಗಿಯೇ, ಕುತೂಹಲದಿಂದ ಹಾಗೂ ಹೊಸತನ್ನು ಸೃಷ್ಟಿಸುವ ಉತ್ಸಾಹದಲ್ಲಿದ್ದರು. ನಾವು ಅವರನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತೇವೆ. ಅವರ ಸಿನಿಮಾಗಳು ಯುಗಯುಗಾಂತರಗಳ ಕಾಲ ಮಾತನಾಡುತ್ತಲೇ ಇರುತ್ತವೆ’ ಎಂದು ಚಿರಂಜೀವಿ ಅವರು ಪೋಸ್ಟ್ ಮಾಡಿದ್ದಾರೆ.

I’d make it feel less like an obituary and more like a personal goodbye from someone whose love for cinema was shaped by his work.

This loss feels deeply personal.

Singeetham Srinivasa Rao garu was one of my favourite directors growing up. I watched his films with wonder, long before I fully understood the craft behind them. As I grew older and became a part of cinema myself, my admiration for him only grew stronger.

He was a true lover of cinema. Fearless in his imagination, constantly experimenting, never allowing himself to be confined by a genre or a formula. Every film he made has something to teach us. Every film is a textbook.

For me, he will always remain one of those filmmakers who made me fall in love with the magic of movies.

We have lost a true legend, but his cinema will live on and continue to inspire generations.

My heartfelt condolences to his family and loved ones.

Rest in peace, Singeetham garu. Thank you for the cinema.🙏

— Vishnu Manchu (@iVishnuManchu) October 3, 2026

ವಿಷ್ಣು ಮಂಚು ಅವರು ದೀರ್ಘ ಬರಹ ಹಂಚಿಕೊಂಡಿದ್ದಾರೆ. ‘ಈ ಅಗಲಿಕೆ ವೈಯಕ್ತಿಕವಾಗಿ ತುಂಬಾ ನೋವುಂಟುಮಾಡಿದೆ. ನಾನು ಬೆಳೆಯುವಾಗ ಸಿಂಗೀತಂ ಶ್ರೀನಿವಾಸರಾವ್ ಅವರು ನನ್ನಿಷ್ಟದ ನಿರ್ದೇಶಕರಲ್ಲಿ ಒಬ್ಬರಾಗಿದ್ದರು. ಸಿನಿಮಾದ ಹಿಂದಿರುವ ತಾಂತ್ರಿಕತೆಯನ್ನು ಸರಿಯಾಗಿ ಅರ್ಥಮಾಡಿಕೊಳ್ಳುವ ವಯಸ್ಸಿಗಿಂತ ಮುಂಚೆಯೇ, ಅವರ ಸಿನಿಮಾಗಳನ್ನು ಒಂದು ರೀತಿಯ ವಿಸ್ಮಯದಿಂದ ನೋಡುತ್ತಿದ್ದೆ. ಬೆಳೆದು, ನಾನು ಕೂಡ ಚಿತ್ರರಂಗದ ಭಾಗವಾದಂತೆ, ಅವರ ಮೇಲಿದ್ದ ನನ್ನ ಅಭಿಮಾನ ಮತ್ತು ಗೌರವ ಇನ್ನಷ್ಟು ಹೆಚ್ಚಾಯಿತು’ ಎಂದು ವಿಷ್ಣು ಮಂಚು ಹೇಳಿದ್ದಾರೆ.

ಇದನ್ನೂ ಓದಿ: ಸಿಂಗೀತಂ ಶ್ರೀನಿವಾಸ ರಾವ್ ನಿಧನ: ಅಣ್ಣಾವ್ರ ಜತೆ ಐಕಾನಿಕ್ ಸಿನಿಮಾಗಳನ್ನು ಮಾಡಿದ್ದ ನಿರ್ದೇಶಕ

‘ಅವರು ಸಿನಿಮಾವನ್ನು ಅಪಾರವಾಗಿ ಪ್ರೀತಿಸಿದ ಪ್ರೇಮಿ. ಕಲ್ಪನಾ ಶಕ್ತಿಯಲ್ಲಿ ನಿರಂತರ ಭಯರಹಿತರಾಗಿದ್ದ ಅವರು, ಹೊಸ ಪ್ರಯೋಗಗಳನ್ನು ಮಾಡುತ್ತಾ, ಯಾವುದೇ ಒಂದು ಶೈಲಿ ಅಥವಾ ಚೌಕಟ್ಟಿಗೆ ಎಂದಿಗೂ ಬಂಧಿಯಾಗಲಿಲ್ಲ. ಅವರು ನಿರ್ದೇಶಿಸಿದ ಪ್ರತಿಯೊಂದು ಸಿನಿಮಾವೂ ನಮಗೇನನ್ನೋ ಕಲಿಸುತ್ತದೆ. ಪ್ರತಿಯೊಂದು ಚಿತ್ರವೂ ಒಂದು ಪಠ್ಯಪುಸ್ತಕದಂತೆ. ನನಗೆ, ಸಿನಿಮಾದ ಆ ಮಾಂತ್ರಿಕತೆಯನ್ನು ಪ್ರೀತಿಸುವಂತೆ ಮಾಡಿದ ನಿರ್ದೇಶಕರಲ್ಲಿ ಅವರು ಎಂದಿಗೂ ಮುಂಚೂಣಿಯಲ್ಲಿರುತ್ತಾರೆ. ನಾವು ಒಬ್ಬ ಮಹಾನ್ ಪ್ರತಿಭೆಯನ್ನು ಕಳೆದುಕೊಂಡಿದ್ದೇವೆ. ಆದರೆ ಅವರ ಸಿನಿಮಾಗಳು ಸದಾ ಜೀವಂತವಾಗಿರುತ್ತವೆ ಮತ್ತು ಮುಂಬರುವ ತಲೆಮಾರುಗಳಿಗೆ ಸ್ಪೂರ್ತಿ ನೀಡುತ್ತಲೇ ಇರುತ್ತವೆ’ ಎಂದು ವಿಷ್ಣು ಮಂಚು ಬರೆದುಕೊಂಡಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.