ಆಫ್ರಿಕಾದಲ್ಲೂ ನಟ ಯಶ್ ಹವಾ; ‘ಕೆಜಿಎಫ್’ ಚಿತ್ರದ ಹಾಡಿಗೆ ಮರುಳಾದ ಕಿಲಿ ಪೌಲ್
‘ಯಶ್, ಶ್ರೀನಿಧಿ ಶೆಟ್ಟಿ ನಟನೆಯ ‘ಕೆಜಿಎಫ್’ ಒಂದು ಬ್ಲಾಕ್ ಬಸ್ಟರ್ ಸಿನಿಮಾ. ಈ ಮಾಸ್ಟರ್ಪೀಸ್ ನನಗೆ ತುಂಬ ಇಷ್ಟ’ ಎಂದು ಕಿಲಿ ಪೌಲ್ ಬರೆದುಕೊಂಡಿದ್ದಾರೆ.
ಕನ್ನಡದ ನಟ ಯಶ್ (Rocking Star Yash) ಅವರು ಒಂದೊಂದೇ ಮೆಟ್ಟಿಲುಗಳನ್ನು ಹತ್ತಿ, ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಬೆಳೆದಿದ್ದು ಗೊತ್ತೇ ಇದೆ. ಅವರ ಹವಾ ಭಾರತದಲ್ಲಿ ಮಾತ್ರ ಅಲ್ಲ, ಆಫ್ರಿಕಾದಲ್ಲೂ ಇದೆ! ಹೌದು, ಯಶ್ ನಟನೆಯ ‘ಕೆಜಿಎಫ್: ಚಾಪ್ಟರ್ 1’ (KGF Chapter 1) ಸಿನಿಮಾದ ಹಾಡು ಆಫ್ರಿಕಾ ಖಂಡಲ್ಲೂ ಸೌಂಡು ಮಾಡುತ್ತಿದೆ. ಅಲ್ಲಿನ ಜನಪ್ರಿಯ ಕಂಟೆಂಟ್ ಕ್ರಿಯೇಟರ್ ಕಿಲಿ ಪೌಲ್ ಅವರು ‘ಕೆಜಿಎಫ್’ ಚಿತ್ರದ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗುತ್ತಿದೆ. ಭಾರತದಲ್ಲಿರುವ ಅನೇಕರು ಕಿಲಿ ಪೌಲ್ (Kili Paul) ವಿಡಿಯೋಗಳಿಗೆ ಫಿದಾ ಆಗಿದ್ದಾರೆ. ‘ಕೆಜಿಎಫ್: ಚಾಪ್ಟರ್ 1’ ಸಿನಿಮಾದ ಹಿಂದಿ ಅವತರಣಿಕೆಯ ‘ಗಲಿ ಗಲಿ ಮೇ’ ಹಾಡಿನಲ್ಲಿ ‘ರಾಕಿಂಗ್ ಸ್ಟಾರ್’ ಯಶ್ ಹಾಗೂ ಮೌನಿ ರಾಯ್ ಅವರು ಜೊತೆಯಾಗಿ ಹೆಜ್ಜೆ ಹಾಕಿದ್ದರು. ಅದೇ ಹಾಡಿಗೆ ಈಗ ಕಿಲಿ ಪೌಲ್ ಡ್ಯಾನ್ಸ್ ಮಾಡಿದ್ದಾರೆ. ಆ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ.
ಇನ್ಸ್ಟಾಗ್ರಾಮ್ನಲ್ಲಿ ಕಿಲಿ ಪೌಲ್ ಅವರಿಗೆ ದೊಡ್ಡ ಫ್ಯಾನ್ ಫಾಲೋಯಿಂಗ್ ಇದೆ. 13 ಲಕ್ಷಕ್ಕೂ ಅಧಿಕ ಮಂದಿ ಅವರನ್ನು ಫಾಲೋ ಮಾಡುತ್ತಾರೆ. ಭಾರತದ ಸಿನಿಮಾ ಹಾಡುಗಳಿಗೆ ಅವರು ಆಗಾಗ ಡ್ಯಾನ್ಸ್ ಮಾಡುತ್ತಾರೆ. ಕೆಲವೇ ದಿನಗಳ ಹಿಂದೆ ‘ಪುಷ್ಪ’ ಸಿನಿಮಾದ ‘ಊ ಅಂಟಾವಾ ಮಾವ.. ಊಊ ಅಂಟಾವಾ ಮಾವ’ ಹಾಡಿಗೆ ಹೆಜ್ಜೆ ಹಾಕುವ ಮೂಲಕ ಅವರು ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದರು. ಈಗ ‘ಕೆಜಿಎಫ್’ ಸಿನಿಮಾದ ‘ಗಲಿ ಗಲಿ ಮೇ’ ಹಾಡನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.
‘ಯಶ್, ಶ್ರೀನಿಧಿ ಶೆಟ್ಟಿ ನಟನೆಯ ‘ಕೆಜಿಎಫ್’ ಒಂದು ಬ್ಲಾಕ್ ಬಸ್ಟರ್ ಸಿನಿಮಾ. ಈ ಮಾಸ್ಟರ್ ಪೀಸ್ ನನಗೆ ತುಂಬ ಇಷ್ಟ’ ಎಂದು ಕಿಲಿ ಪೌಲ್ ಬರೆದುಕೊಂಡಿದ್ದಾರೆ. ಆ ಮೂಲಕ ಆಫ್ರಿಕಾದ ಮಂದಿಗೂ ‘ಕೆಜಿಎಫ್’ ಚಿತ್ರದ ಬಗ್ಗೆ ತಿಳಿಸುವ ಪ್ರಯತ್ನ ಮಾಡಿದ್ದಾರೆ. ಒಂದೇ ದಿನದಲ್ಲಿ ಈ ವಿಡಿಯೋವನ್ನು 10 ಲಕ್ಷಕ್ಕೂ ಅಧಿಕ ಮಂದಿ ನೋಡಿದ್ದಾರೆ. ಕಿಲಿ ಪೌಲ್ ಮಿಂಚುತ್ತಿರುವ ಪರಿ ನೋಡಿದರೆ ಶೀಘ್ರದಲ್ಲೇ ಅವರಿಗೆ ಹಾಲಿವುಡ್ ಅಥವಾ ಬಾಲಿವುಡ್ನಿಂದ ಸಿನಿಮಾ ಆಫರ್ ಬರಲಿದೆ ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.
‘ಕೆಜಿಎಫ್: ಚಾಪ್ಟರ್ 1’ ಸಿನಿಮಾದ ದೊಡ್ಡ ಯಶಸ್ಸಿನ ಬಳಿಕ ‘ಕೆಜಿಎಫ್: ಚಾಪ್ಟರ್ 2’ ಚಿತ್ರಕ್ಕಾಗಿ ನಿರೀಕ್ಷೆ ಹೆಚ್ಚಿದೆ. ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾ ಏ.14ರಂದು ಬಿಡುಗಡೆ ಆಗಲಿದೆ. ಆ ದಿನಾಂಕಕ್ಕಾಗಿ ಯಶ್ ಅಭಿಮಾನಿಗಳು ಕಾದಿದ್ದಾರೆ.
ಇದನ್ನೂ ಓದಿ:
Yash: ಯಶ್ ಜನ್ಮದಿನಕ್ಕೆ ಆಯ್ರಾ, ಯಥರ್ವ್ ಕೊಟ್ಟ ಗಿಫ್ಟ್ ಏನು? ಫೋಟೋ ಹಂಚಿಕೊಂಡ ರಾಧಿಕಾ ಪಂಡಿತ್
‘ಕೆಜಿಎಫ್ 2’ ಶೂಟಿಂಗ್ ಸೆಟ್ನಲ್ಲಿ ರವೀನಾ ಟಂಡನ್ಗೆ ನಿರಾಸೆ; ಓಪನ್ ಆಗಿಯೇ ಹೇಳಿಕೊಂಡ ನಟಿ