Yash: ‘ಬಾಹುಬಲಿ 2’ ದಾಖಲೆಯನ್ನು ಮುರಿದ ‘ಕೆಜಿಎಫ್ 2’; ಇದು ಯಶ್ ಸಿನಿಮಾ ಸಾಧನೆ
ಈ ವರ್ಷ ಹಲವು ಸಿನಿಮಾಗಳು ಗೆದ್ದಿವೆ. ಆ ಪೈಕಿ ದಕ್ಷಿಣ ಭಾರತದ ಚಿತ್ರಗಳೇ ಮೇಲುಗೈ ಸಾಧಿಸಿವೆ. ಬುಕ್ ಮೈ ಶೋ ವರದಿ ಮೂಲಕವೂ ಇದು ಸಾಬೀತಾಗಿದೆ.
Updated on: Dec 20, 2022 | 7:52 AM
ಈ ವರ್ಷ ತೆರೆಗೆ ಬಂದ ‘ಕೆಜಿಎಫ್ 2’ (KGF: Chapter 2) ಸಿನಿಮಾ ಮಾಡಿದ ಸಾಧನೆ ತುಂಬಾನೇ ದೊಡ್ಡದು. ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ಅಬ್ಬರಿಸಿದೆ. ಬಾಲಿವುಡ್ನ ಅದೆಷ್ಟೋ ಚಿತ್ರಗಳ ದಾಖಲೆಯನ್ನು ಈ ಸಿನಿಮಾ ಉಡೀಸ್ ಮಾಡಿದೆ. 2022 ಪೂರ್ಣಗೊಳ್ಳುತ್ತಾ ಬಂದರೂ ಈ ಚಿತ್ರದ ಬಗೆಗಿನ ಚರ್ಚೆ ನಿಂತಿಲ್ಲ. ಈ ಸಿನಿಮಾದಿಂದ ಯಶ್ಗೆ (Yash) ಸಾಕಷ್ಟು ಜನಪ್ರಿಯತೆ ಸಿಕ್ಕಿದೆ. ಹೋದಲ್ಲಿ ಬಂದಲ್ಲಿ ಅವರನ್ನು ಫ್ಯಾನ್ಸ್ ಮುತ್ತಿಕೊಳ್ಳುತ್ತಿದ್ದಾರೆ. ಈಗ ಯಶ್ ಸಿನಿಮಾ ಅಪರೂಪದ ದಾಖಲೆ ಬರೆದಿದೆ. ಈ ಬಗ್ಗೆ ಟಿಕೆಟ್ ಬುಕಿಂಗ್ ಆ್ಯಪ್ ‘ಬುಕ್ ಮೈ ಶೋ’ ವರದಿ ಬಿಡುಗಡೆ ಮಾಡಿದೆ. ‘ಬಾಹುಬಲಿ 2’ ಮಾಡಿದ್ದ ದಾಖಲೆಯನ್ನು ಇದು ಮುರಿದು ಹಾಕಿದೆ.
ಈ ವರ್ಷ ಹಲವು ಸಿನಿಮಾಗಳು ಗೆದ್ದಿವೆ. ಆ ಪೈಕಿ ದಕ್ಷಿಣ ಭಾರತದ ಚಿತ್ರಗಳೇ ಮೇಲುಗೈ ಸಾಧಿಸಿವೆ. ಬುಕ್ ಮೈ ಶೋ ವರದಿ ಮೂಲಕವೂ ಇದು ಸಾಬೀತಾಗಿದೆ. ಕೆಜಿಎಫ್ 2, ಆರ್ಆರ್ಆರ್, ದಿ ಕಾಶ್ಮೀರ್ ಫೈಲ್ಸ್, ಪೊನ್ನಿಯಿನ್ ಸೆಲ್ವನ್: ಪಾರ್ಟ್ 1, ಬ್ರಹ್ಮಾಸ್ತ್ರ: ಪಾರ್ಟ್ 1: ಶಿವ, ವಿಕ್ರಮ್ ಹಾಗೂ ಡಾಕ್ಟರ್ ಸ್ಟ್ರೇಂಜ್: ಇನ್ ದಿನ ಮಲ್ಟಿವರ್ಸ್ ಆಫ್ ಮ್ಯಾಡ್ನೆಸ್ ಚಿತ್ರಗಳು ‘ಬುಕ್ ಮೈ ಶೋ’ನ ಪಾಪ್ಯುಲರ್ ಸಿನಿಮಾಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ.
ಇದನ್ನೂ ಓದಿ: IMDb Top 10 Indian Movies: ಐಎಂಡಿಬಿ ಟಾಪ್ 10 ಚಿತ್ರಗಳಲ್ಲಿ ಕಾಂತಾರ, ಕೆಜಿಎಫ್ 2, 777 ಚಾರ್ಲಿ
‘ಬುಕ್ ಮೈ ಶೋ’ನಲ್ಲಿ ಈವರೆಗೆ ಅತಿ ಹೆಚ್ಚು ಟಿಕೆಟ್ ಮಾರಾಟವಾದ ದಾಖಲೆ ‘ಬಾಹುಬಲಿ 2’ ಬಳಿ ಇತ್ತು. ಈ ಬಾರಿ ಅದು ‘ಕೆಜಿಎಫ್ 2’ ಪಾಲಾಗಿದೆ. ‘ಬುಕ್ ಮೈ ಶೋ’ ಆ್ಯಪ್ನಲ್ಲಿ ‘ಕೆಜಿಎಫ್ 2’ನ 1.77 ಕೋಟಿ ಟಿಕೆಟ್ಗಳು ಮಾರಾಟವಾಗಿವೆ. ಈ ಮೂಲಕ ‘ಬಾಹುಬಲಿ 2’ ದಾಖಲೆಯನ್ನು ಯಶ್ ಸಿನಿಮಾ ಮುರಿದಿದೆ. ಮೊದಲ ದಿನವೇ ಈ ಚಿತ್ರದ 21 ಲಕ್ಷ ಟಿಕೆಟ್ಗಳು ಮಾರಾಟವಾಗಿದ್ದವು ಅನ್ನೋದು ವಿಶೇಷ.
ಇದನ್ನೂ ಓದಿ: KGF Chapter 2: ವಿಶ್ವದ ಟಾಪ್ 10 ಚಿತ್ರಗಳ ಪಟ್ಟಿಯಲ್ಲಿ ‘ಕೆಜಿಎಫ್ 2’; ಹಾಲಿವುಡ್ ಹೀರೋಗಳಿಗೆ ಯಶ್ ಪೈಪೋಟಿ
ಬುಕ್ ಮೈ ಶೋನಲ್ಲಿ ದುಡ್ಡು ಕೊಟ್ಟು ಸಿನಿಮಾ ವೀಕ್ಷಿಸಲು ಅವಕಾಶ ಇದೆ. ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ ಈ ವರ್ಷ ಸ್ಟ್ರೀಮಿಂಗ್ ಅವಧಿಯ ಸಂಖ್ಯೆ ಹೆಚ್ಚಿದೆ. ಜನರು ಹೆಚ್ಚೆಚ್ಚು ಒಟಿಟಿ ಕಡೆ ವಾಲುತ್ತಿದ್ದಾರೆ ಎಂಬುದಕ್ಕೆ ಇದು ಸಾಕ್ಷಿ ಆಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
