‘ಅರ್ಜುನ್ ರೆಡ್ಡಿ’ ಎಕ್ಸ್‌ಟೆಂಡೆಡ್ ವರ್ಷನ್‌; ಖುಷಿ ಸುದ್ದಿ ನೀಡಿದ ಸಂದೀಪ್ ರೆಡ್ಡಿ ವಂಗಾ

ತೆಲುಗು ಚಿತ್ರರಂಗದ ಬ್ಲಾಕ್ ಬಸ್ಟರ್ ಹಾಗೂ ಕಲ್ಟ್ ಸಿನಿಮಾ ‘ಅರ್ಜುನ್ ರೆಡ್ಡಿ’ ಬಿಡುಗಡೆಯಾಗಿ ಯಶಸ್ಸು ಕಂಡಿದ್ದು, ಇದೀಗ ಈ ಹಿಟ್ ಕಾಂಬಿನೇಷನ್ ಮತ್ತೆ ಒಂದಾಗುವ ಸೂಚನೆ ಸಿಕ್ಕಿದೆ. ನಿರ್ದೇಶಕ ಸಂದೀಪ್ ರೆಡ್ಡಿ ವಂಗ ಹಾಗೂ ನಟ ವಿಜಯ್ ದೇವರಕೊಂಡ ‘ಅರ್ಜುನ್ ರೆಡ್ಡಿ’ ಸಿನಿಮಾದ 10ನೇ ವರ್ಷದ ವಾರ್ಷಿಕೋತ್ಸವದ ಸವಿನೆನಪಿಗಾಗಿ ಸಿನಿಮಾದ ‘ಎಕ್ಸ್‌ಟೆಂಡೆಡ್ ವರ್ಷನ್’ ಬಿಡುಗಡೆ ಮಾಡಲು ಯೋಜನೆ ರೂಪಿಸುತ್ತಿದ್ದಾರೆ.

ಈ ಬಗ್ಗೆ ಮಾಹಿತ ಹಂಚಿಕೊಂಡಿರುವ ‘ಅನಿಮಲ್’ ಖ್ಯಾತಿಯ ನಿರ್ದೇಶಕ ಸಂದೀಪ್ ವಂಗ, ಸಿನಿಮಾವನ್ನು ಮತ್ತೆ ಎಡಿಟ್ ಮಾಡಿ ಬಿಡುಗಡೆ ಮಾಡುವ ಪ್ರಯತ್ನದಲ್ಲಿದ್ದೇವೆ ಎಂದು ತಿಳಿಸಿದ್ದಾರೆ. ಆದರೆ, ಸಂದೀಪ್ ಅವರ ಪ್ರಸ್ತುತ ಬ್ಯುಸಿ ಶೆಡ್ಯೂಲ್‌ನಿಂದಾಗಿ ಈ ಪ್ರಾಜೆಕ್ಟ್‌ಗೆ ಸ್ವಲ್ಪ ಸಮಯ ಹಿಡಿಯುವ ಸಾಧ್ಯತೆಯಿದೆ.

ಹೊಸ ದೃಶ್ಯಗಳಿಗೆ ಡಬ್ಬಿಂಗ್ ಮಾಡಲು ವಿಜಯ್ ದೇವರಕೊಂಡಗೆ ಕೇವಲ 2 ರಿಂದ 3 ದಿನ ಸಾಕಾಗುತ್ತದೆ. ಆದರೆ ಸಂದೀಪ್ ವಂಗಾ ಅವರು ಈ ಸಿನಿಮಾದ ಎಡಿಟಿಂಗ್ ಕೆಲಸಕ್ಕಾಗಿ ಸುಮಾರು 15 ರಿಂದ 20 ದಿನ ಮೀಸಲಿಡಬೇಕಾಗಿದೆ. ಸಂದೀಪ್ ಅವರಿಗೆ ಸದ್ಯ ಇತರ ಸಿನಿಮಾಗಳ ಕೆಲಸ ಇರುವುದರಿಂದ ಈ ಯೋಜನೆಯು ಇನ್ನು ಪ್ರಸ್ತಾವನೆ ಹಂತದಲ್ಲೇ ಇದೆ.

#SandeepReddyVanga:

“#VijayDeverakonda and I are trying to bring back #ArjunReddy with an extended version for its 10th anniversary.

He needs to dub for just 2-3 days. I, on the other hand, need to sit and work on it for 15-20 days.” pic.twitter.com/wIyfq9QQwL

— Gulte (@GulteOfficial) August 25, 2026

2017ರಲ್ಲಿ ತೆರೆಕಂಡ ‘ಅರ್ಜುನ್ ರೆಡ್ಡಿ’ ಸಂದೀಪ್ ರೆಡ್ಡಿ ವಂಗಾ ಅವರ ಚೊಚ್ಚಲ ನಿರ್ದೇಶನದ ಸಿನಿಮಾವಾಗಿದ್ದು, ವಿಜಯ್ ದೇವರಕೊಂಡ ಅವರ ವೃತ್ತಿಜೀವನಕ್ಕೆ ದೊಡ್ಡ ತಿರುವು ನೀಡಿತ್ತು. ನಂತರ ಈ ಸಿನಿಮಾ ಹಿಂದಿಯಲ್ಲಿ ‘ಕಬೀರ್ ಸಿಂಗ್’ ಹೆಸರಿನಲ್ಲಿ ರಿಮೇಕ್ ಆಗಿ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಿತ್ತು. 10ನೇ ವಾರ್ಷಿಕೋತ್ಸವಕ್ಕೆ ಈ ಎಕ್ಸ್‌ಟೆಂಡೆಡ್ ವರ್ಷನ್ ಬಂದರೆ ಅಭಿಮಾನಿಗಳಿಗೆ ಮತ್ತೊಮ್ಮೆ ಈ ಹಿಟ್ ಜೋಡಿಯ ಮ್ಯಾಜಿಕ್ ತೆರೆಮೇಲೆ ನೋಡುವ ಅವಕಾಶ ಸಿಗಲಿದೆ. ಅರ್ಜುನ್ ರೆಡ್ಡಿ ಸಿನಿಮಾ ಮೂಲಕ ವಿಜಯ್ ಅವರನ್ನು ಈಗಲೂ ಗುರುತಿಸಲಾಗುತ್ತದೆ. ಈ ಸಿನಿಮಾ ಬಗ್ಗೆ ಅವರಿಗೆ ಖುಷಿ ಇದೆ. ಅವರು ಮತ್ತೆ ಈ ರೀತಿಯ ರಾ ಸಿನಿಮಾ ಮಾಡಲಿ ಎಂದು ಫ್ಯಾನ್ಸ್ ಕಾಯುತ್ತಾ ಇದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.