ನಾರ್ವೆಯಲ್ಲಿರುವ ಪ್ರೀತಿ ಹುಡುಕಿ ಹೊರಡಲಿದ್ದಾರೆ ಶಾರುಖ್​ ಖಾನ್​; ಈ ಅಚ್ಚರಿಯ ಕಥೆ ಹಿಂದಿರೋದೇನು?

ಎರಡು ದಶಕಗಳ ಹಿಂದೆ ದೇವದಾಸ್​ ಸಿನಿಮಾ ಮೂಲಕ ಶಾರುಖ್​ ಖಾನ್​ ಹಾಗೂ ಸಂಜಯ್​ ಲೀಲಾ ಭನ್ಸಾಲಿ ಕಮಾಲ್​ ಮಾಡಿದ್ದರು. ಆ ಸಿನಿಮಾವನ್ನು ಪ್ರೇಕ್ಷಕರು ಹುಚ್ಚೆದ್ದು ನೋಡಿದ್ದರು. ನಂತರ ಈ ಜೋಡಿ ಒಂದಾಗೋಕೆ ಅವಕಾಶ ಸಿಕ್ಕಿಲ್ಲ. ಈಗ ಇಬ್ಬರೂ ಮತ್ತೆ ಒಟ್ಟಾಗಿ ಕೆಲಸ ಮಾಡಲಿದ್ದಾರೆ ಎನ್ನುವ ಸುದ್ದಿ ಬಾಲಿವುಡ್​ ಅಂಗಳದಲ್ಲಿ ಹರಿದಾಡಿದೆ. ಕಥೆಯ ಒಂದೆಳೆ ಕೇಳಿ ಪ್ರೆಕ್ಷಕರು ಸಾಕಷ್ಟು ಥ್ರಿಲ್​ ಆಗಿದ್ದಾರೆ.

ಬಾಜಿರಾವ್​ ಮಸ್ತಾನಿ ಹಾಗೂ ಪದ್ಮಾವತ್​ ಸಿನಿಮಾದಲ್ಲಿ ನಟಿಸೋಕೆ ಶಾರುಖ್​ಗೆ ಭನ್ಸಾಲಿ ಆಫರ್​ ನೀಡಿದ್ದರು ಎನ್ನುವ ಮಾತಿತ್ತು. ಆದರೆ, ಎರಡೂ ಚಿತ್ರಗಳಲ್ಲಿ ಶಾರುಖ್​ ನಟಿಸಿಲ್ಲ. ಹಮ್​ ದಿಲ್​ ದೆ ಚೂಕೆ ಸನಮ್​ 2 ಸಿನಿಮಾದಲ್ಲಿ ಶಾರುಖ್​ ಹಾಗೂ ಸಲ್ಮಾನ್​ ಖಾನ್​ ಅವರನ್ನು ಒಟ್ಟಿಗೆ ಕರೆತರುವ ಆಲೋಚನೆ ಭನ್ಸಾಲಿ ಅವರದ್ದಾಗಿತ್ತು. ಆದರೆ, ಅದು ಕೂಡ ನೆರವೇರಿಲ್ಲ. ಈಗ ಶಾರುಖ್​-ಭನ್ಸಾಲಿ ಒಟ್ಟಾಗಿ ಕೆಲಸ ಮಾಡೋ ಸಮಯ ಹತ್ತಿರ ಬಂದಿದೆ ಎನ್ನಲಾಗುತ್ತಿದೆ.

ರೊಮ್ಯಾಂಟಿಕ್​ ಕಥೆ ಮೂಲಕ ಮತ್ತೆ ಬರೋಕೆ ಭನ್ಸಾಲಿ ರೆಡಿ ಆಗಿದ್ದು, ಇಜ್ಹಾರ್​ ಎಂದು ಕಥೆಗೆ ಹೆಸರಿಟ್ಟಿದ್ದಾರೆ. ನಾಲ್ಕು ವರ್ಷದ ಹಿಂದೆಯೇ ಈ ಸ್ಕ್ರಿಪ್ಟ್ ಸಿದ್ಧವಾಗಿದ್ದು, ಈಗ ಬನ್ಸಾಲಿ ಇದನ್ನು ಸಿನಿಮಾ ಮಾಡಲು ಉತ್ಸಾಹ ತೋರಿದ್ದಾರೆ.

ಭಾರತದ ಹುಡುಗ ಹಾಗೂ ನಾರ್ವೆ ಹುಡುಗಿ ನಡುವೆ ನಡೆಯುವ ಪ್ರೇಮ ಕಥೆಯನ್ನು ಸಿನಿಮಾ ಹೇಳಲಿದೆ. ವಿಶೇಷ ಎಂದರೆ ಕಥಾನಾಯಕ ನಾರ್ವೆವರೆಗೆ ಸೈಕಲ್​ ಹೊಡೆದುಕೊಂಡೇ ಹೋಗುತ್ತಾನಂತೆ. ಇದು ನೈಜ ಕಥೆ ಆಧರಿಸಿ ಸಿದ್ಧಗೊಳ್ಳುತ್ತಿರುವ ಚಿತ್ರ ಎನ್ನಲಾಗಿದೆ. ಸದ್ಯ, ಈ ವಿಚಾರ ಸಾಕಷ್ಟು ಕುತೂಹಲ ಮೂಡಿಸಿದೆ.

ಸದ್ಯ ಸಿದ್ಧಾರ್ಥ್​ ಆನಂದ್​ ನಿರ್ದೇಶನದ ಪಠಾಣ್​ ಸಿನಿಮಾದಲ್ಲಿ ಶಾರುಖ್​ ಬ್ಯುಸಿಯಾಗಿದ್ದಾರೆ. ಕೊರೊನಾ ಕಾರಣದಿಂದ ಸಿನಿಮಾ ಕೆಲಸಗಳು ಸ್ಥಗಿತಗೊಂಡಿವೆ. ಈ ಚಿತ್ರದ ಮೂಲಕ ಶಾರುಖ್​ ಕಂಬ್ಯಾಕ್​ ಮಾಡುತ್ತಿದ್ದಾರೆ. ಇನ್ನು, ಭನ್ಸಾಲಿ ಹೀರಾ ಮಂಡಿ ಹೆಸರಿನ ವೆಬ್​ ಸೀರಿಸ್​ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಸೋನಾಕ್ಷಿ ಸಿನ್ಹಾ ಲೀಡ್​ ರೋಲ್​ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಇದನ್ನೂ ಓದಿ: ಶಾರುಖ್ ಖಾನ್​​​​​​ಗಿಂತ ನಾನು ಗ್ರೇಟ್​ ಎಂದ ಕಂಗನಾ ರಣಾವತ್​; ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್​