ಮದುವೆ ಆಗುವುದಕ್ಕೂ ಮೊದಲೇ ಗಾಯಕಿ ಅರುಣಿತಾ ಪ್ರೆಗ್ನೆಂಟ್?

ಇಂಡಿಯನ್ ಐಡಲ್ ಶೋ ಮೂಲಕ ಜನಮನ ಸೆಳೆದ ಗಾಯಕಿ ಅರುಣಿತಾ ಕಾಂಜಿಲಾಲ್ ಅವರ ಫೋಟೋ ಸದ್ಯ ಎಲ್ಲೆಡೆ ವೈರಲ್ ಆಗಿದೆ. ಫೋಟೋದಲ್ಲಿ ಅರುಣಿತಾ ಗರ್ಭಿಣಿಯಾಗಿ ಕಾಣಿಸಿಕೊಂಡಿದ್ದಾರೆ. ಹಳದಿ ಸೀರೆಯಲ್ಲಿ ಗರ್ಭಿಣಿಯಾಗಿ ಕಾಣುತ್ತಿರುವ ಮಹಿಳೆ ನಿಜವಾಗಿಯೂ ಅರುಣಿತಾನೇನಾ? ಈ ಪ್ರಶ್ನೆಯನ್ನು ಸಹ ಅನೇಕರು ಎತ್ತಿದ್ದಾರೆ. ಇನ್ನು ಫೋಟೋ ಕುರಿತು ಮಾತನಾಡಿರುವ ಅರುಣಿತಾ ಇದು ಫೇಕ್ ಎಂದಿದ್ದಾರೆ. ಫೋಟೋದಲ್ಲಿ ಕಾಣುತ್ತಿರುವ ಗರ್ಭಿಣಿ ಅರುಣಿತಾ ಅಲ್ಲ. ಫೋಟೋವನ್ನು ಎಡಿಟ್ ಮಾಡಲಾಗಿದೆ. ಸದ್ಯ ಎಲ್ಲೆಲ್ಲೂ ಫೋಟೋದ್ದೇ ಚರ್ಚೆ.

ಸೆಲೆಬ್ರಿಟಿಗಳ ಅನೇಕ ನಕಲಿ ಫೋಟೋಗಳು ಮತ್ತು ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ. ಇದರಿಂದಾಗಿ ಸೆಲೆಬ್ರಿಟಿಗಳೂ ಟ್ರೋಲಿಂಗ್‌ಗೆ ಒಳಗಾಗಿದ್ದಾರೆ. ಈ ಮೊದಲು ರಶ್ಮಿಕಾ ಮಂದಣ್ಣ ಅವರ ಡೀಪ್​ಫೇಕ್ ವಿಡಿಯೋ ವೈರಲ್ ಆಗಿತ್ತು. ಇದೀಗ ಅರುಣಿತಾ ಅವರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಆದರೆ ಆ ಫೋಟೋದಲ್ಲಿ ಸತ್ಯಾಂಶವಿಲ್ಲ. ಫೋಟೋವನ್ನು ಎಡಿಟ್ ಮಾಡಲಾಗಿದೆ.

ಅರುಣಿತಾ ಬಗ್ಗೆ ಮಾತನಾಡುತ್ತಾ, ಅರುಣಿತಾ ಕಾಂಜಿಲಾಲ್ ಇಂಡಿಯನ್ ಐಡಿಯಲ್ 12 ನೇ ಸೀಸನ್​ನ ರನ್ನರ್ ಅಪ್ ಆಗಿದ್ದಾರೆ. ಪವನ್‌ದೀಪ್ ವಿನ್ನರ್ ಆಗಿದ್ದರು. ಅರುಣಿತಾ ಅವರ ಈ ಹಾಡುಗಳು ಪ್ರೇಕ್ಷಕರ ಹೃದಯದಲ್ಲಿ ಮನೆ ಮಾಡಿತ್ತು. ಅರುಣಿತಾ ಅವರ ಹೆಸರು ಇಂಡಿಯನ್ ಐಡಿಯಲ್‌ನ 12ನೇ ವಿಜೇತ ಪವನ್‌ದೀಪ್‌ನೊಂದಿಗೆ ತಳುಕು ಹಾಕಿಕೊಂಡಿದೆ.

ಕಾರ್ಯಕ್ರಮದ ನಂತರವೂ ಅರುಣಿತಾ ಹಾಗೂ ಪವನ್​ದೀಪ್ ಹಲವೆಡೆ ಕಾಣಿಸಿಕೊಂಡರು. ಇಷ್ಟು ಮಾತ್ರವಲ್ಲದೆ ಇವರಿಬ್ಬರು ಜೊತೆಯಾಗಿ ಹಲವು ಕಾರ್ಯಕ್ರಮಗಳನ್ನು ಮಾಡುತ್ತಿರುವುದು ಕಂಡುಬಂದಿದೆ. ಇಬ್ಬರ ನಡುವೆ ಸಂಬಂಧವಿದೆ ಎಂದು ಆಗಾಗ ಮಾತುಕತೆಗಳು ನಡೆಯುತ್ತಲೇ ಇರುತ್ತವೆ. ಆದರೆ, ಈ ಬಗ್ಗೆ ಇಬ್ಬರೂ ಯಾವುದೇ ಸಾರ್ವಜನಿಕವಾಗಿ ನಿಲುವು ಸ್ಪಷ್ಟಪಡಿಸಿಲ್ಲ.

ಅರುಣಿತಾ ಸಾಮಾಜಿಕ ಜಾಲತಾಣಗಳಲ್ಲೂ ಸಾಕಷ್ಟು ಸಕ್ರಿಯರಾಗಿದ್ದಾರೆ. ಅರುಣಿತಾ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅರುಣಿತಾ ತಮ್ಮ ಅಭಿಮಾನಿಗಳೊಂದಿಗೆ ಸಂಪರ್ಕದಲ್ಲಿರಲು ಯಾವಾಗಲೂ ತನ್ನ ಫೋಟೋಗಳು ಮತ್ತು ವೀಡಿಯೊಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡುತ್ತಾರೆ. ಅರುಣಿತಾ ಅವರ ಪ್ರತಿ ಪೋಸ್ಟ್‌ಗೆ ಅಭಿಮಾನಿಗಳು ಲೈಕ್‌ಗಳು ಮತ್ತು ಕಾಮೆಂಟ್‌ಗಳ ಸುರಿಮಳೆ ಸುರಿಸುತ್ತಿದ್ದಾರೆ.

ಇದನ್ನೂ ಓದಿ: ಡೀಪ್ ಫೇಕ್ ವಿಡಿಯೋ ಸಂತ್ರಸ್ತೆ ರಶ್ಮಿಕಾ ಮಂದಣ್ಣ ಈಗ ಸೈಬರ್ ಭದ್ರತೆ ರಾಯಭಾರಿ

ಈ ಮೊದಲು ರಶ್ಮಿಕಾ ಮಂದಣ್ಣ ಅವರು ಡೀಪ್​ಫೇಕ್ ವಿಡಿಯೋ ಸಾಕಷ್ಟು ವೈರಲ್ ಆಗಿತ್ತು. ಇದರಲ್ಲಿ ರಶ್ಮಿಕಾ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದರು. ಈ ಬಗ್ಗೆ ಅನೇಕರು ರಿಪೋರ್ಟ್ ಮಾಡಿದರು. ಆ ಬಳಿಕ ಆರೋಪಿಯನ್ನು ಬಂಧಿಸಲಾಯಿತು. ಈಗ ಅರುಣಿತಾ ಅವರ ಪ್ರಕರಣದಲ್ಲೂ ಆರೋಪಿಯನ್ನು ಬಂಧಿಸಿ ಎನ್ನುವ ಆಗ್ರಹ ಜೋರಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.