Pawan Kalyan: ಪವನ್ ಕಲ್ಯಾಣ್ 50ನೇ ಜನ್ಮದಿನಕ್ಕೆ 100 ವಿಶೇಷ ಪ್ರದರ್ಶನ ಕಾಣಲಿದೆ ಈ ಸೂಪರ್ ಹಿಟ್ ಚಿತ್ರ!
ಟಾಲಿವುಡ್ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಸೆಙ್ಟೆಂಬರ್ 2ರಂದು ಜನ್ಮದಿನವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಅದನ್ನು ಭರ್ಜರಿಯಾಗಿ ಆಚರಿಸಿಕೊಳ್ಳುವುದಕ್ಕೆ ಅಭಿಮಾನಿಗಳಿಗೆ ಪೂರಕ ಕಾರಣವೊಂದು ಸಿಕ್ಕಿದ್ದು, ಅವರ ಸೂಪರ್ ಹಿಟ್ ಚಿತ್ರವೊಂದು ಚಿತ್ರಮಂದಿರಗಳಲ್ಲಿ ಮರುಬಿಡುಗಡೆಯಾಗಲಿದೆ. ಅಂದು ಆ ಚಿತ್ರದ ನೂರು ವಿಶೇಷ ಪ್ರದರ್ಶನಗಳನ್ನು ಏರ್ಪಡಿಸಲಾಗಿದೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ. ಯಾವ ಚಿತ್ರ? ಮುಂದೆ ಓದಿ.
ಟಾಲಿವುಡ್ ಪವರ್ಸ್ಟಾರ್ ಪವನ್ ಕಲ್ಯಾಣ್ ಹುಟ್ಟುಹಬ್ಬವೆಂದರೆ ಅಭಿಮಾನಿಗಳಿಗೆ ಹಬ್ಬ. ಅವರ ಹುಟ್ಟುಹಬ್ಬವನ್ನು ಭರ್ಜರಿಯಾಗಿ ಆಚರಿಸುವ ಅಭಿಮಾನಿಗಳಿಗೆ ಈ ಬಾರಿ ಕೊರೊನಾ ಇರುವುದು ಸ್ವಲ್ಪ ಹಿನ್ನೆಡೆಯಾಗಿರಬಹುದು. ಕಾರಣ, ಅಭಿಮಾನಿಗಳೊಂದಿಗೆ ಬೆರೆತು ಹುಟ್ಟುಹಬ್ಬವನ್ನು ಆಚರಿಸಲು ತಾರೆಗಳು ಈಗ ಹಿಂದೆ ಮುಂದೆ ನೋಡುತ್ತಾರೆ. ಎಲ್ಲರೂ ಆರೋಗ್ಯಕರವಾಗಿ ಸಂಭ್ರಮಿಸಿ, ಮುಂದೆ ಎಂದಾದರೂ ಒಟ್ಟಿಗೇ ಸೇರಿ ಸಂಭ್ರಮ ಆಚರಿಸೋಣ ಎಂದು ಮೆಗಾಸ್ಟಾರ್ ಚಿರಂಜೀವಿಯಾದಿಯಾಗಿ ಹಲವು ಟಾಲಿವುಡ್ ಸ್ಟಾರ್ಗಳು ಅಭಿಮಾನಿಗಳಲ್ಲಿ ಕೋರಿಕೊಂಡಿದ್ದರು. ಆದರೆ ಪವನ್ ಕಲ್ಯಾಣ್ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳಿಗೆ ಸಂಭ್ರಮಿಸಲು ವಿಶೇಷ ಕಾರಣವೊಂದು ಸಿಕ್ಕಿದೆ.
ಸೆಪ್ಟೆಂಬರ್ 2ರಂದು ತಮ್ಮ 50ನೇ ವರ್ಷದ ಜನ್ಮದಿನವನ್ನು ಪವನ್ ಕಲ್ಯಾಣ್ ಆಚರಿಸಿಕೊಳ್ಳುತ್ತಿದ್ದಾರೆ. ಅಂದು ಅಭಿಮಾನಿಗಳಿಗೆ ಸಂಭ್ರಮಿಸಲು ಹೊಸ ಕಾರಣವೊಂದು ಸಿಕ್ಕಿದೆ. ಪವನ್ ಕಲ್ಯಾಣ್ರ ಸೂಪರ್ಹಿಟ್ ಚಿತ್ರ ‘ಗಬ್ಬರ್ ಸಿಂಗ್’ ಅಂದು ಮರುಬಿಡುಗಡೆಯಾಗುತ್ತಿದೆ. ಗಬ್ಬರ್ ಸಿಂಗ್ ಚಿತ್ರದ ನಿರ್ಮಾಪಕ ಬಾಂದ್ಲಾ ಗಣೇಶ್ ಈ ವಿಷಯವನ್ನು ಖಚಿತಪಡಿಸಿದ್ದು, ಆಂಧ್ರಪ್ರದೇಶ ಹಾಗೂ ತೆಲಂಗಾಣದಲ್ಲಿ ಸುಮಾರು 100 ಪ್ರದರ್ಶನಗಳು ನಡೆಯಲಿವೆ ಎಂದು ತಿಳಿಸಿದ್ದಾರೆ.
100 Shows in Telugu states September 2 Boss birthday special please watch Gabbar Singh and theatres we celebrate our God birthday Jai power Star Jai davara ? https://t.co/X6u0cXwk76
— BANDLA GANESH. (@ganeshbandla) August 27, 2021
ಪವನ್ ಕಲ್ಯಾಣ್ರ ಕೊನೆಯ ಚಿತ್ರ ‘ವಕೀಲ್ ಸಾಬ್’ ಇದೇ ವರ್ಷ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಪ್ರಸ್ತುತ ಅವರ ಬತ್ತಳಿಕೆಯಲ್ಲಿ ಎರಡು ಚಿತ್ರಗಳಿವೆ. ಅವರ ಜನ್ಮದಿನದಂದು ಆ ಚಿತ್ರದಿಂದ ಏನಾದರೂ ಹೊಸ ಅಪ್ಡೇಟ್ ಬರುವ ನಿರೀಕ್ಷೆ ಇದೆ. ಆದರೆ, ಅಭಿಮಾನಿಗಳಿಗೆ ಪವರ್ ಸ್ಟಾರ್ ಜನ್ಮದಿನಕ್ಕೆ ಸಂಭ್ರಮಿಸುವಂತಹ ಗಿಫ್ಟ್ ಏನನ್ನಾದರೂ ನೀಡಬೇಕೆಂದು ತೀರ್ಮಾನಿಸಿದ ಗಬ್ಬರ್ ಸಿಂಗ್ ನಿರ್ಮಾಪಕ ಬಾಂದ್ಲಾ ಗಣೇಶ್, ಚಿತ್ರದ ಮರುಬಿಡುಗಡೆಗೆ ನಿರ್ಧರಿಸಲಾಗಿದೆ. ಶೃತಿ ಹಾಸನ್ ಹಾಗೂ ಪವನ್ ಕಲ್ಯಾಣ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಈ ಚಿತ್ರ, ಪಕ್ಕಾ ಕಮರ್ಷಿಯಲ್ ಮಾಸ್ ಸಿನಿಮಾವಾಗಿದ್ದು, ಅಭಿಮಾನಿಗಳಿಗೆ ಹೇಳಿ ಮಾಡಿಸಿದಂತಿದೆ. ಬಹಳ ಸಮಯದ ನಂತರ ದೊಡ್ಡ ಪರದೆಯ ಮೇಲೆ ಗಬ್ಬರ್ ಸಿಂಗ್ನನ್ನು ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ.
ಪ್ರಸ್ತುತ ಪವನ್ ಕಲ್ಯಾಣ್, ಮಲಯಾಳಂನ ‘ಅಯ್ಯಪ್ಪನುಂ ಕೋಶಿಯುಂ’ ಚಿತ್ರದ ತೆಲುಗು ರಿಮೇಕ್ ‘ಭೀಮ್ಲಾ ನಾಯಕ್’ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದ ಎರಡು ಟೀಸರ್ಅನ್ನು ಚಿತ್ರತಂಡ ಈಗಾಗಲೇ ಬಿಡುಗಡೆಗೊಳಿಸಿದ್ದು, ಪವನ್ ಕಲ್ಯಾಣ್ ಸ್ಟೈಲ್ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಭೀಮ್ಲಾ ನಾಯಕ್ ಟೀಸರ್ ಇಲ್ಲಿದೆ:
ಪವನ್ ಕಲ್ಯಾಣ್ ‘ಹರಿ ಹರ ವೀರ ಮಲ್ಲು’ ಚಿತ್ರದಲ್ಲೂ ಬಣ್ಣ ಹಚ್ಚುತ್ತಿದ್ದಾರೆ. ಐತಿಹಾಸಿಕ ಕಥಾನಕ ಹೊಂದಿರುವ ಈ ಚಿತ್ರದಲ್ಲಿ ಪವನ್ ಕಲ್ಯಾಣ್ ‘ವೀರಮಲ್ಲು’ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರ 2022ರ ಜನವರಿಯಲ್ಲಿ ಬಿಡುಗಡೆಯಾಗುವ ನಿರೀಕ್ಷೆ ಇದೆ.
ಇದನ್ನೂ ಓದಿ:
ಮುಂದುವರಿದಿದೆ ಶಿಲ್ಪಾ ಶೆಟ್ಟಿ ತಂಗಿಯ ಮುತ್ತಿನಾಟ; ‘ಈಗಲೇ ನನಗೆ ಕಿಸ್ ಮಾಡು’ ಎಂದ ಶಮಿತಾ ವಿಡಿಯೋ ವೈರಲ್
ನಾಗಾರ್ಜುನ ಜನ್ಮದಿನ: ಸ್ವಾರ್ಥಕ್ಕಾಗಿ ಪ್ರಕಾಶ್ ರೈ ಪಾರ್ಟಿ? ಮಾ ಚುನಾವಣೆ ಹೊಸ್ತಿಲಲ್ಲಿ ಹೊಸ ಆರೋಪ
(Super hit movie Gabbar Singh will re release on Pawan Kalyan’s birthday)