ಬಿಗ್​​ಬಾಸ್ ಮನೆಗೆ ನುಗ್ಗಿದ ಕಮಾಂಡೋಗಳು: ಹೊರಗೆಳೆದುಕೊಂಡು ಹೋಗಿದ್ದು ಯಾರನ್ನು?

ಬಿಗ್​​ಬಾಸ್ ಮನೆಯಿಂದ ಮತ್ತೊಬ್ಬ ಸ್ಪರ್ಧಿ ಹೊರಗೆ ಹೋಗಿದ್ದಾರೆ. ಮನೆಯಲ್ಲಿ ಮತ್ತೊಂದು ಎವಿಕ್ಷನ್ ನಡೆದಿದೆ. ಕಳೆದ ವಾರ ಇಬ್ಬರು ಸ್ಪರ್ಧಿಗಳು ಮನೆಯಿಂದ ಹೊರಗೆ ಹೋಗಿದ್ದರು. ಈ ವಾರ ಒಬ್ಬರು ಹೊರಗೆ ಹೋಗಿದ್ದಾರೆ. ಈ ವಾರ ತುಸು ಭಿನ್ನವಾಗಿ ಎವಿಕ್ಷನ್ ನಡೆದಿದೆ. ಬಿಗ್​​ಬಾಸ್ ಮನೆಗೆ ಕಮಾಂಡೊಗಳು ನುಗ್ಗಿ, ನಾಮಿನೇಟ್ ಆದವರನ್ನು ಹೊರಗೆ ಕರೆದೊಯ್ದರು. ಹೊರಗೆ ಹೋದ ಮೂವರಲ್ಲಿ ಮತ್ತೆ ಮನೆಗೆ ಮರಳಿದ್ದು ಇಬ್ಬರು ಮಾತ್ರ!

ಈ ವಾರ ನಾಮಿನೇಟ್ ಆಗಿದ್ದವರಲ್ಲಿ ಯಶಸ್, ಮಂಜು ಮತ್ತು ಧನುಶ್ ಅವರನ್ನು ಮೊದಲೇ ಸುದೀಪ್ ಅವರು ಸೇವ್ ಮಾಡಿದರು. ಅಂತಿಮವಾಗಿ ಸಂಗೀತಾ, ಲಿಖಿತ್ ಮತ್ತು ಶಾಸ್ತ್ರಿ ಅವರುಗಳು ಉಳಿದು ಕೊಂಡಿದ್ದರು. ಸುದೀಪ್ ಅವರು ಮೊದಲೇ ಹೇಳಿದಂತೆ ಕಮಾಂಡೊಗಳು ಕಪ್ಪು ಬಟ್ಟೆ, ಕಪ್ಪು ಮುಖವಾಡ ಹಾಕಿಕೊಂಡು ಬಂದು, ಸಂಗೀತಾ, ಶಾಸ್ತ್ರಿ ಮತ್ತು ಲಿಖಿತ್ ಅನ್ನು ಕಣ್ಣಿಗೆ ಬಟ್ಟೆ ಕಟ್ಟಿ ಕರೆದುಕೊಂಡು ಹೋದರು. ಅದಾದ ಸ್ವಲ್ಪ ಹೊತ್ತಿನ ಬಳಿಕ ಮೊದಲು ಸಂಗೀತಾ ಅವರು ಮನೆಗೆ ವಾಪಸ್ಸಾದರು, ಅದಾದ ಬಳಿಕ ಶಾಸ್ತ್ರಿ ಒಳಗೆ ಬಂದರು. ಅಲ್ಲಿಗೆ ಲಿಖಿತ್ ಅವರು ಈ ವಾರ ಎವಿಕ್ಟ್ ಆದಂತಾಯ್ತು.

Likhit Gondhi

ಲಿಖಿತ್ ಅವರಿಗೆ ಕಳೆದ ವಾರವೇ ಸುದೀಪ್ ಅವರು ಎಚ್ಚರಿಕೆ ನೀಡಿದ್ದರು. ನಿಯಮಗಳನ್ನು ಪದೇ ಪದೇ ಮುರಿಯುವುದು, ಬಿಗ್​​ಬಾಸ್​​ಗೆ ಹಾಗೂ ಬಿಗ್​​ಬಾಸ್ ನಿಯಮಗಳನ್ನು ಮುರಿಯುತ್ತಲೇ ಇದ್ದರೆ ನೀವು ಬೆಲೆ ತೆರಬೇಕಾಗುತ್ತದೆ ಎಂದು ಮೊದಲೇ ಹೇಳಿದ್ದರು. ಶನಿವಾರದ ಎಪಿಸೋಡಿನಲ್ಲೂ ಸಹ ಲಿಖಿತ್ ಅವರಿಗೆ ಸುದೀಪ್ ಬುದ್ಧಿವಾದ ಹೇಳಿದರು. ಅದರಂತೆ ಲಿಖಿತ್ ಈ ವಾರ ಹೊರಗೆ ಬಂದಿದ್ದಾರೆ.

ಇದನ್ನೂ ಓದಿ:‘ಬೇಲ್’ ಸಿನಿಮಾ ಶೂಟಿಂಗ್​​ನಲ್ಲಿ ಸಂಜನಾ ಆನಂದ್: ವಿಡಿಯೋ ನೋಡಿ

ಮನೆಯಿಂದ ಹೊರಗೆ ಬಂದ ಬಳಿಕ ಮಾತನಾಡಿದ ಲಿಖಿತ್, ತಾವು ಈ ವಾರ ಹೊರಗೆ ಬರುತ್ತೇನೆಂಬ ನಿರೀಕ್ಷೆ ಇತ್ತು. ನನ್ನ ಕೋಪ, ತಪ್ಪು ನಿರ್ಧಾರಗಳಿಂದಾಗಿ ನಾನು ಹೊರಗೆ ಬಂದೆ’ ಎಂದರು. ಲಿಖಿತ್ ಅವರು ಅಗ್ನಿಪರೀಕ್ಷೆಯ ಮೂಲಕ ಆಯ್ಕೆ ಆದ ನಾಲ್ವರಲ್ಲಿ ಒಬ್ಬರಾಗಿದ್ದರು. ಲಿಖಿತ್ ಕಳೆದ ಕೆಲ ವಾರಗಳು ಸಹ ನಾಮಿನೇಟ್ ಆಗಿದ್ದರು. ಆದರೆ ಈ ವಾರ ನೇರವಾಗಿ ಹೊರಕ್ಕೆ ಹೋಗಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ