ಬಿಗ್ ಬಾಸ್ನಲ್ಲಿ ಈ ವಾರ ಇರಲ್ಲ ಎಲಿಮಿನೇಷನ್? ಕಾರಣ ಇಲ್ಲಿದೆ
ಬಿಗ್ ಬಾಸ್ ಕನ್ನಡ ಸೀಸನ್ 13ರ ಮೊದಲ ವಾರದಲ್ಲೇ ಎಲಿಮಿನೇಷನ್ ನಡೆಯುವುದು ಅನುಮಾನ ಎನ್ನಲಾಗುತ್ತಿದೆ. ದೊಡ್ಮನೆಯಲ್ಲಿ ನಾಮಿನೇಷನ್ ಪ್ರಕ್ರಿಯೆ ತಡವಾಗಿರುವುದು ಮತ್ತು ವೋಟಿಂಗ್ ಲೈನ್ಸ್ ಇನ್ನೂ ಓಪನ್ ಆಗದಿರುವುದೇ ಇದಕ್ಕೆ ಮುಖ್ಯ ಕಾರಣ. ಹೀಗಾಗಿ ಮೊದಲ ವಾರ ಯಾವುದೇ ಸ್ಪರ್ಧಿ ಕೂಡ ಮನೆಯಿಂದ ಹೊರಬೀಳುವ ಸಾಧ್ಯತೆಗಳು ತೀರಾ ಕಮ್ಮಿಯಿವೆ.
ಮುಖ್ಯಾಂಶಗಳು
- ಮೊದಲ ವಾರ ಎಲಿಮಿನೇಷನ್ ಶಾಕ್ ಇಲ್ಲ
- ದೊಡ್ಮನೆಯಿಂದ ಯಾರೂ ಔಟ್ ಇಲ್ವಾ?
- ಬಾಕಿ ಉಳಿದ ನಾಮಿನೇಷನ್ ಪ್ರಕ್ರಿಯೆ
‘ಬಿಗ್ ಬಾಸ್ ಕನ್ನಡ ಸೀಸನ್ 13’ರಲ್ಲಿ ಮೊದಲ ವಾರ ಪೂರ್ಣಗೊಳ್ಳುತ್ತಾ ಬಂದಿದೆ. ಒಟ್ಟು 16 ಸ್ಪರ್ಧಿಗಳು ಇದ್ದು ಎಲ್ಲರ ನಡುವೆ ಭರ್ಜರಿ ಫೈಟ್ ನಡೆಯುತ್ತಿದೆ. ಹೀಗಿರುವಾಗಲೇ ಮೊದಲ ವಾರ ಯಾರು ಹೋಗುತ್ತಾರೆ ಎನ್ನುವ ಚರ್ಚೆ ನಡೆಯುತ್ತಿದೆ. ಆದರೆ, ಮೊದಲ ವಾರ ಎಲಿಮಿನೇಷನ್ ನಡೆಯೋದು ಅನುಮಾನ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಇದಕ್ಕೆ ಕಾರಣ ಕೂಡ ಸ್ಪಷ್ಟವಾಗಿದೆ. ಆ ಬಗ್ಗೆ ಇಲ್ಲಿದೆ ವಿವರ.
‘ಬಿಗ್ ಬಾಸ್ ಕನ್ನಡ ಸೀಸನ್ 13’ರಲ್ಲಿ ವಿಮಾನದ ಥೀಮ್ ತರಲಾಗಿದೆ. ಗಾರ್ಡನ್ ಏರಿಯಾದಲ್ಲಿ ಒಂದು ಡಮ್ಮಿ ವಿಮಾನವನ್ನು ನಿಲ್ಲಿಸಲಾಗಿದೆ. ಅದರಲ್ಲಿ ಅರ್ಧದಷ್ಟು ಸ್ಪರ್ಧಿಗಳು ಇದ್ದರೆ, ದೊಡ್ಮನೆ ಒಳಗೆ ಒಂದಷ್ಟು ಸ್ಪರ್ಧಿಗಳಿದ್ದಾರೆ. ವಿಮಾನದಲ್ಲಿ ಇರುವವರ ಪೈಕಿ ಒಂದಷ್ಟು ಮಂದಿ ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗುತ್ತಾರೆ. ಸದ್ಯ ದೊಡ್ಮನೆಯಲ್ಲಿ ವಿವಿಧ ಟಾಸ್ಕ್ ನಡೆಯುತ್ತಿದ್ದು, ಈವರೆಗೆ ನಾಮಿನೇಷನ್ ಪ್ರಕ್ರಿಯೆ ಪೂರ್ಣಗೊಂಡಿಲ್ಲ.
ಸಾಮಾನ್ಯವಾಗಿ ಎಲಿಮಿನೇಷನ್ ಮಾಡುವಾಗ ಗುರುವಾರದ ವೇಳೆಗೆ ನಾಮಿನೇಷನ್ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ. ಆ ಬಳಿಕ ಶುಕ್ರವಾರ ಹಾಗೂ ಶನಿವಾರ ಒಂದಷ್ಟು ಸಮಯ ವೋಟ್ ಹಾಕಲು ಅವಕಾಶ ಇರುತ್ತದೆ. ಆದರೆ, ನಾಮಿನೇಷನ್ ಪ್ರಕ್ರಿಯೆ ಶುಕ್ರವಾರವೂ ಆರಂಭ ಆಗಿಲ್ಲ. ಒಂದೊಮ್ಮೆ ಇಂದಿನ ಎಪಿಸೋಡ್ನಲ್ಲಿ ನಾಮಿನೇಷನ್ ಪ್ರಕ್ರಿಯೆ ಪೂರ್ಣಗೊಂಡರೆ ವೋಟ್ ಮಾಡಲು ಹೆಚ್ಚಿನ ಸಮಯ ಇರೋದಿಲ್ಲ. ಈ ವಾರ ಎಲಿಮಿನೇಷನ್ ನಡೆಯೋದಿಲ್ಲ ಎಂಬುದಕ್ಕೆ ಇದು ಪ್ರಮುಖ ಕಾರಣ.
ಇದನ್ನೂ ಓದಿ: ಒಂದು ಕಣ್ಣಿಗೆ ಬೆಣ್ಣೆ, ಮತ್ತೊಂದು ಕಣ್ಣಿಗೆ ಸುಣ್ಣ; ಡೈರೆಕ್ಟ್ ಆಗಿ ಸಿಕ್ಕಿ ಬಿದ್ದ ಗಗನ್
ಇನ್ನು, ಬಂದಿರುವ 16 ಸ್ಪರ್ಧಿಗಳ ಪೈಕಿ ಬಹುತೇಕರು ಸಮನಾಗಿ ಕಾಣಿಸುತ್ತಿದ್ದಾರೆ. ಈ ವಾರವೇ ಒಬ್ಬರು ಔಟ್ ಆದರೆ ಅದು ನಷ್ಟ. ಮತ್ತಷ್ಟು ಸಮಯ ಸಿಕ್ಕಿದ್ದರೆ ಅವರು ಇನ್ನಷ್ಟು ಉತ್ತಮವಾಗಿ ಆಟ ಆಡಬಹುದಿತ್ತು ಎಂದು ಅನಿಸಬಾರದು ಎಂದು ಆ ಸ್ಪರ್ಧಿಗೆ ಅನಿಸಬಹುದು. ಈ ಕಾರಣಕ್ಕೆ ಎಲಿಮಿನೇಷನ್ ನಡೆಯೋದು ಅನುಮಾನ ಎಂಬುದು ಸದ್ಯದ ಊಹೆ. ಸದ್ಯ ವೋಟಿಂಗ್ ಲೈನ್ ಓಪನ್ ಆಗಿಲ್ಲ. ಈ ವಾರ ಓಪನ್ ಆಗೋದು ಅನುಮಾನ ಎಂದು ಹೇಳಲಾಗುತ್ತಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.