ಜೈಲಿನಿಂದಲೇ ಧನ್ವೀರ್​ಗೆ ದರ್ಶನ್ ವಾರ್ನಿಂಗ್: ಝೈದ್ ಖಾನ್ ಭೇಟಿ ಬಳಿಕ ಮಾಹಿತಿ

ಜೈಲಿನಿಂದಲೇ ಧನ್ವೀರ್ ಗೌಡಗೆ ನಟ ದರ್ಶನ್ ಅವರು ವಾರ್ನಿಂಗ್ ನೀಡಿದ್ದಾರೆ. ಈ ಬಗ್ಗೆ ನಟ ಝೈದ್ ಖಾನ್ ಅವರು ಮಾಧ್ಯಮಗಳ ಜೊತೆ ಮಾತನಾಡಿದ್ದಾರೆ. ಪರಪ್ಪನ ಅಗ್ರಹಾರ ಜೈಲಿನಲ್ಲಿ ದರ್ಶನ್ ಅವರನ್ನು ಭೇಟಿ ಮಾಡಿದ ಬಳಿಕ ಝೈದ್ ಖಾನ್ ಅವರು ಹೇಳಿಕೆ ನೀಡಿದ್ದಾರೆ. ‘ಧನ್ವೀರ್​ಗೆ ವಾರ್ನಿಂಗ್ ಕೊಡೋಕೆ ದರ್ಶನ್ ಹೇಳಿದ್ದಾರೆ. ನಾನು ಒಳಗಡೆ ಇದ್ದಾಗ ನನ್ನ ಹೆಂಡತಿ, ಮಕ್ಕಳ ಬಗ್ಗೆ ಮಾತಾಡೋದು ತಪ್ಪು. ನನ್ನ ಫ್ಯಾಮಿಲಿ ಬಗ್ಗೆ ಮಾತಾಡೋಕೆ ಯಾರಿಗೂ ಅಧಿಕಾರ ಇಲ್ಲ. ನಾನು ಹೊರಗೆ ಬಂದ ಮೇಲೆ ಧೈರ್ಯ ಇದ್ದರೆ ನನ್ನ ಮುಂದೆ ಮಾತಾಡಲಿ’ ಎಂದು ದರ್ಶನ್ ಹೇಳಿರುವುದಾಗಿ ಝೈದ್ ಖಾನ್ ತಿಳಿಸಿದ್ದಾರೆ.

‘ಫೋನ್‌ನಲ್ಲಿ ಎಲ್ಲೋ ಒಂದು ಕಡೆ ಕುಳಿತುಕೊಂಡು ಮಾತಾಡೋದಲ್ಲ. ಜನರಿಗೆ, ಅಭಿಮಾನಿಗಳಿಗೆ ತಪ್ಪು ಮೆಸೇಜ್ ಕೊಡುತ್ತಾ ಇದ್ದಾನೆ. ಎಲ್ಲರನ್ನು ಡೈವರ್ಟ್ ಮಾಡುವ ಕೆಲಸ ಮಾಡುತ್ತಿದ್ದಾನೆ. ಇವನು ಎಲ್ಲವನ್ನೂ ನಾನು ಮಾಡ್ದೇ ಅಂತಾನೆ. ಇವನನ್ನ ಕೇಳಿಕೊಂಡ ಅಕ್ಕ ಹಾಗೂ ದರ್ಶನ್ ಅಣ್ಣ ಹೋಗಿದ್ರಾ? ಸಹಾಯ ಮಾಡಿ ಅಂತ ಅಣ್ಣ ಕೂಡ ಅವನ ಹತ್ತಿರ ಹೋಗಿಲ್ಲ’ ಎಂದು ಧನ್ವೀರ್ ಅವರು ಹೇಳಿದ್ದಾರೆ.

‘ತಾನೇ ಸಹಾಯ ಮಾಡ್ತೀನಿ ಅಂತ ಮನೆಗೆ ನುಗ್ಗಿ, ಮನೆ ಹಾಳು ಮಾಡಿದ್ದಾನೆ. ನಾವು ಎಲ್ಲರೂ ಮಾಡುತ್ತಾ ಇರುವುದು ದರ್ಶನ್ ಅಣ್ಣನಿಗೋಸ್ಕರ. ಅವರು ಪ್ರೀತಿಸುವ ಪತ್ನಿ, ಮಗನ ಬಗ್ಗೆ ಮಾತಾಡಿದರೆ ಸರಿಯಲ್ಲ. ಧನ್ವೀರ್ ಕ್ರೆಡಿಟ್ ತೆಗೆದುಕೊಳ್ಳುವ ಕೆಲಸ ಮಾಡ್ತಾ ಇದ್ದಾನೆ’ ಎಂದು ಝೈದ್ ಖಾನ್ ಅವರು ಹೇಳಿದ್ದಾರೆ.

‘ಜೈಲಿನಿಂದಲೇ ಧನ್ವೀರ್ ವಿರುದ್ದ ದರ್ಶನ್ ದೂರು ನೀಡುತ್ತಾರೆ. ವಕೀಲರ ಜೊತೆ ಚರ್ಚೆ ಮಾಡಿದ್ದಾರೆ. ಈಗ ದೂರನ್ನು ಕೊಡುತ್ತಾರೆ. ತಾವೇ ಮಾತಾಡಿದರೆ ಅಭಿಮಾನಿಗಳಿಗೆ ಗೊಂದಲ ಕ್ಲಿಯರ್ ಆಗುತ್ತೆ ಅಂತ ಅವರು ಹೇಳಿದ್ದಾರೆ. ಮಾಧ್ಯಮಗಳ ಮೂಲಕ ಅಭಿಮಾನಿಗಳಿಗೆ ಸಂದೇಶ ನೀಡಿದ್ದಾರೆ. ಯಾವುದೇ ಕಾರಣಕ್ಕೂ ನೀವು ತಲೆಕೆಡಿಸಿಕೊಳ್ಳಬೇಡಿ. ಅಭಿಮಾನಿಗಳು ಧೈರ್ಯವಾಗಿ, ಆರಾಮಾಗಿರಿ ಅಂದಿದ್ದಾರೆ’ ಎಂದು ಝೈದ್ ಖಾನ್ ಹೇಳಿದ್ದಾರೆ.

ಇದನ್ನೂ ಓದಿ: ದರ್ಶನ್ ಹೊರಗೆ ಬರೋದು ವಿಜಯಲಕ್ಷ್ಮಿಗೆ ಇಷ್ಟ ಇಲ್ಲ ಎಂಬ ಆರೋಪಕ್ಕೆ ಲಾಯರ್ ಪ್ರತಿಕ್ರಿಯೆ

‘ಹಣಕಾಸಿನ ವಿಚಾರ ಅಣ್ಣನಿಗೆ ದೊಡ್ಡ ಮ್ಯಾಟರ್ ಅಲ್ಲ. ಅವರು ಈಗ ಜೈಲಿನಲ್ಲಿ ಇದ್ದಾರೆ. ಅವರಿಗೆ ಕೆಲಸ ಇಲ್ಲ. ಕೆಲಸ ಮಾಡಿದ್ರೆನೇ ಅವರಿಗೆ ಹಣ ಬರುವುದು. ಕೇಸ್ ನಡೆಸೋಕೆ ವಕೀಲರಿಗೆ ಹಣ ಕೊಡಬೇಕು. ಒಳ್ಳೆದು ಮಾಡ್ತೀನಿ ಅಂತ ಬಂದು ಈಗ ನಂಬಿಕೆಯೇ ಮುಳ್ಳಲಾಗಿದೆ’ ಎಂದಿದ್ದಾರೆ ಝೈದ್ ಖಾನ್.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.