ತುಳುನಾಡಿನಲ್ಲಿ ರಾಜ ಬಲಿಯೇಂದ್ರನನ್ನು ಕೂ ಎಂದು ಪ್ರತಿಧ್ವನಿಸುತ್ತಾ ಸ್ವಾಗತ ಕೋರುವುದು- ದೀಪಾವಳಿ ಸಮಯದಲ್ಲಿ ನಡೆಯುತ್ತದೆ ಆ ಅಸಂಭವನೀಯ ಆಚರಣೆ

ತುಳುನಾಡಿನ (Tulunadu) ಕೃಷಿಕ ಸಮುದಾಯಗಳು (Agrarian communities) ಪ್ರಕೃತಿಯ ಶಕ್ತಿಗಳನ್ನು ಗೌರವಿಸುವ ದೀಪಾವಳಿಯನ್ನು (Deepavali) ಆಚರಿಸುತ್ತಾರೆ. ರಾಜ ಬಲಿಯೇಂದ್ರನನ್ನು (King Baliyendra) ಆಹ್ವಾನಿಸುವುದರೊಂದಿಗೆ ಆಚರಣೆಗಳು ಪ್ರಾರಂಭವಾಗುತ್ತವೆ ಎಂದು ಅಶ್ವಿನಿ ಜೈನ್ ಬರೆಯುತ್ತಾರೆ. ದೀಪಾವಳಿ, ದೀಪಗಳ ಹಬ್ಬವು ದೇಶದ ವಿವಿಧ ಭಾಗಗಳಲ್ಲಿ ಅರ್ಥಪೂರ್ಣವಾಗಿ ಆಚರಿಸಲಾಗುವ ಆಚರಣೆಗಳ ಸಂಕಲನವಾಗಿದೆ. ತುಳುನಾಡು ಎಂದು ಕರೆಯಲ್ಪಡುವ ಕರ್ನಾಟಕದ ತುಳು-ಮಾತನಾಡುವ ಪ್ರದೇಶದಲ್ಲಿ, ಕೃಷಿಕ ಜನಸಂಖ್ಯೆಯು ಭೂಮಿಯ ಭೌಗೋಳಿಕ ಮತ್ತು ಋತುಮಾನದ ಸೂಕ್ಷ್ಮ ವ್ಯತ್ಯಾಸಗಳಲ್ಲಿ ಬೇರೂರಿರುವ ಹಲವಾರು ಸಂಪ್ರದಾಯಗಳನ್ನು ಎತ್ತಿಹಿಡಿದಿದೆ.

ರಾಜ ಬಲಿಯೇಂದ್ರನನ್ನು ‘ಕೂ’ ಎಂದು ಪ್ರತಿಧ್ವನಿಸುವ ಕರೆಯೊಂದಿಗೆ ಸ್ವಾಗತಿಸುವ ಆಚರಣೆಯು ಅಂತಹ ಒಂದು ಆಕರ್ಷಕ ಆಚರಣೆಯಾಗಿದೆ. ರಾಜ ಬಲಿಯೇಂದ್ರನ ಕಥೆಯು ವಿಷ್ಣುವಿನ ಹತ್ತು ಅವತಾರಗಳ ಪುರಾಣದೊಂದಿಗೆ ಸಂಪರ್ಕ ಹೊಂದಿದೆ. ಬಲಿಯೇಂದ್ರ ಎಂಬ ಅಸುರ ರಾಜನು ಏಳು ಸಮುದ್ರಗಳ ಮಧ್ಯೆ ಇರುವ ಜಂಬೂ ದ್ವೀಪ (ತುಳುನಾಡು ಸಹ ಅದರಲ್ಲಿ ಒಂದು) ಎಂಬ ಹೆಸರಿನ ಸಾಮ್ರಾಜ್ಯವನ್ನು ದಯಾಳು ಆಡಳಿತಗಾರನಾಗಿ ಆಳಿದನು.

ರಾಜ ಬಲಿಯೇಂದ್ರ ಅಸುರ ಕುಲಕ್ಕೆ ಸೇರಿದವನಾದರೂ ನ್ಯಾಯಯುತ ದೊರೆ. ರಾಜನು ಹೆಚ್ಚಿನ ಶಕ್ತಿ ಅಧಿಕಾರಕ್ಕಾಗಿ ಹಾತೊರೆಯುತ್ತಿದ್ದನು. ತುಳು ಜಾನಪದದ (Tulu folklore) ಪ್ರಕಾರ ಭಗವಾನ್ ವಿಷ್ಣುವು ವಾಮನ ಅಥವಾ ಬ್ರಾಹ್ಮಣನ ರೂಪದಲ್ಲಿ ಅವತರಿಸಿದ. ಬಲಿಯೇಂದ್ರ ಅಜೇಯ ಯಜ್ಞ ಮಾಡುವುದನ್ನು ತಡೆಯಲು ವಾಮನ ಮೂರು ದೈತ್ಯ ಹೆಜ್ಜೆಗಳನ್ನು ಆತನ ತಲೆಯ ಮೇಲಿಟ್ಟು ಪಾತಾಳ ಲೋಕಕ್ಕೆ ಕಳುಹಿಸುವ ಪರಿಚಿತ ಕಥೆಯು ಈ ಆಚರಣೆಯ ಅಡಿಪಾಯವಾಗಿದೆ ಎಂದು deccanherald.com ವರದಿ ಮಾಡಿದೆ.

ಬಲಿಯೇಂದ್ರನು ಪಾತಾಳ ಲೋಕಕ್ಕೆ ದೂಡಲ್ಪಟ್ಟಿದ್ದರೂ, ವರ್ಷಕ್ಕೊಮ್ಮೆಯಾದರೂ ತನ್ನ ಪ್ರಜೆಗಳನ್ನು ನೋಡಬೇಕೆಂದು ಬಯಸಿದನು ಮತ್ತು ಆ ವರವನ್ನು ಆತನಿಗೆ ದಯಪಾಲಿಸಲಾಯಿತು. ಈ ದಂತಕಥೆಯೇ ತುಳುನಾಡಿನ ನಿವಾಸಿಗಳಿಗೆ ದೀಪಾವಳಿಯ ಸಮಯದಲ್ಲಿ ಪ್ರೇರಣೆಯಾಗಿದೆ. ಹಾಗಾಗಿಯೇ ರಾಜ ಬಲಿಯೇಂದ್ರನನ್ನು ‘ಕೂ’ ಎಂದು ಪ್ರತಿಧ್ವನಿಸುತ್ತಾ ತುಳುನಾಡಿಗೆ ಭೇಟಿ ನೀಡಲು ಆತನನ್ನು ಆಹ್ವಾನಿಸುವುದು. ಕೇರಳದಲ್ಲಿ, ಅದೇ ರೀತಿ, ಓಣಂ ಸಮಯದಲ್ಲಿರಾಜ ಬಲಿಯೇಂದ್ರನನ್ನು ಆಹ್ವಾನಿಸಲಾಗುತ್ತದೆ.

ಇದನ್ನೂ ಓದಿ: ತುಳುನಾಡ 1253 ದೈವಗಳ ಮಾಹಿತಿಯುಳ್ಳ ‘ಕರಾವಳಿಯ ಸಾವಿರದೊಂದು ದೈವಗಳು’ ಪುಸ್ತಕ ಜನವರಿ 15ರಂದು ಬಿಡುಗಡೆ

ಆದರೆ ಇದು ಅಷ್ಟು ಸುಲಭದ ಮಾತಲ್ಲ. ಕೆಲವು ಷರತ್ತುಗಳ ಅಡಿಯಲ್ಲಿ ತನ್ನ ಪ್ರಜೆಗಳನ್ನು ಭೇಟಿ ಮಾಡಲು ಅಸುರ ರಾಜನನ್ನು ಆಹ್ವಾನಿಸಲಾಗುತ್ತದೆ. ಗ್ರಾಮಸ್ಥರು ಈ ಷರತ್ತುಗಳನ್ನು ಪದಗುಚ್ಛಗಳಲ್ಲಿ ಹೀಗೆ ಪಠಿಸುತ್ತಾರೆ – “ಕಲ್ಲು ಗೂಳಿ ಕೂಗಿದಾಗ, ಕಪ್ಪು ಬಂಡೆಯ ಮೇಲೆ ಹಣ್ಣು ಬೆಳೆದಾಗ, ಬಿಳಿ ಬಂಡೆಯ ಮೇಲೆ ಹೂವು ಅರಳಿದಾಗ, ವಯಸ್ಸಾದ ಮಹಿಳೆ ವಧುವಾದಾಗ… ಹೀಗೆ ಇಂತಹ ಪ್ರಸಂಗಗಳು ಸಂಭವಿಸಿದಾಗ ರಂಧ್ರವಿರುವ ದೋಣಿಯಲ್ಲಿ ತುಳುನಾಡಿಗೆ ಬಾ ಎಂದು ವಾಚನ ಮುಕ್ತಾಯವಾಗುತ್ತದೆ.

ತುಳು ಪರಂಪರೆಯ ತಜ್ಞ ಶ್ರೀಕಾಂತ್ ಶೆಟ್ಟಿ ಈ ಬಗ್ಗೆ ಡೆಕ್ಕನ್​ ಹೆರಾಲ್ಡ್​​ ಜೊತೆ ಮಾತನಾಡಿ, “ಬಲಿಯೇಂದ್ರನನ್ನು ಕರೆಯುವುದು ಹಾಸ್ಯಮಯ ಆಚರಣೆಯಾಗಿದೆ. ಇದು ವಾಸ್ತವವಾಗಿ ಆಮಂತ್ರಣ ಅಲ್ಲದಿದ್ದರೂ, ತುಳುನಾಡಿನಲ್ಲಿ ಜೀವನವನ್ನು ಪೋಷಿಸುವ ಪ್ರಕೃತಿಯ ಎಲ್ಲಾ ಶಕ್ತಿಗಳ ಜೊತೆಯಲ್ಲಿ ಅವರು ಇನ್ನೂ ಸ್ಮರಿಸಲ್ಪಡುತ್ತಾರೆ ಮತ್ತು ಧನ್ಯವಾದ ಸಲ್ಲಿಸುತ್ತಾರೆ ಎಂದು ಅವರಿಗೆ ತಿಳಿಸುವ ಗೌರವದ ರೂಪವಾಗಿದೆ. ಆಚರಣೆಗಳು ಪ್ರಕೃತಿಯೊಂದಿಗೆ ಉತ್ತಮವಾಗಿ ಸಂಪರ್ಕ ಹೊಂದಿವೆ. ಬಲಿಪಾಡ್ಯಮಿಯಂದು ಪುರುಷರು ಮತ್ತು ಮಹಿಳೆಯರು ಕೈಯಲ್ಲಿ ಲಾಟೀನುಗಳನ್ನು ಹಿಡಿದು ಕೊಯ್ಲು ಮಾಡಿದ ಹೊಲಗಳಿಗೆ ನಡೆದು ಅಮಾವಾಸ್ಯೆಯ ಕರಿನೆರಳಿನಲ್ಲಿ ದೀಪಾವಳಿಯನ್ನು ಆಚರಿಸುತ್ತಾರೆ. ಧರತಿಯ ರಾಜನನ್ನು ಹೀಗೆಲ್ಲ ನಾಟಕೀಯವಾಗಿ ಕರೆಯುತ್ತಾರೆ, ಆದರೆ ಅಂತಹ ರಾಜ ಯಾರು ನಿಜವಾಗಿಯೂ ಬರುವುದಿಲ್ಲ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ