Acidity: ಚಳಿಗಾಲದಲ್ಲಿ ಕಾಡುವ ಆಮ್ಲೀಯತೆಯಿಂದ ದೂರವಿರಲು ಇವುಗಳನ್ನು ತ್ಯಜಿಸಿ

ಚಳಿಗಾಲ (Winter)ದಲ್ಲಿ ಆರೋಗ್ಯದ ಬಗ್ಗೆ ಹೆಚ್ಚು ಜಾಗರೂಕರಾಗಿರಬೇಕು. ಶೀತ ಮತ್ತು ಕೆಮ್ಮಿನ ಜೊತೆಗೆ ಸೀಸನ್ ಜ್ವರಗಳು (Winter Diseases) ತೊಂದರೆ ಕೊಡುತ್ತವೆ. ಇದಕ್ಕಾಗಿ ಆಹಾರದ ವಿಷಯದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ಅಲ್ಲದೆ ಕೆಲವು ಆಹಾರ ಪದ್ಧತಿಗಳಿಂದ ದೂರವಿರಬೇಕು. ಚಳಿಗಾಲದಲ್ಲಿ ಅಸಿಡಿಟಿ ಸಮಸ್ಯೆ (Acidity problem) ಹೆಚ್ಚುತ್ತದೆ. ಅಗತ್ಯಕ್ಕಿಂತ ಹೆಚ್ಚು ತಿನ್ನುವುದರಿಂದ ಜೀರ್ಣಕ್ರಿಯೆ ಸ್ವಲ್ಪ ಕಷ್ಟವಾಗುತ್ತದೆ. ಇದರಿಂದಾಗಿ ಅಸಿಡಿಟಿ, ವಾಯು ಉದರ ಸಂಬಂಧಿ ಸಮಸ್ಯೆಗಳು ಹೆಚ್ಚಾಗುತ್ತವೆ. ಏಕೆಂದರೆ ನಾವು ತಿನ್ನುವ ಆಹಾರ ಅನ್ನನಾಳದಿಂದ ನೇರವಾಗಿ ಹೊಟ್ಟೆಗೆ ಹೋಗುತ್ತದೆ. ಇದು ಹೊಟ್ಟೆಯ ಮೇಲಿನ ಭಾಗದಲ್ಲಿ ಆಮ್ಲವನ್ನು ಹೆಚ್ಚಿಸುತ್ತದೆ. ಪರಿಣಾಮವಾಗಿ ಎದೆಯುರಿ ಮತ್ತು ಇತರ ಸಮಸ್ಯೆಗಳು ಉದ್ಭವಿಸುತ್ತವೆ. ಅದಕ್ಕಾಗಿಯೇ ಜೀರ್ಣಕಾರಿ ಸಮಸ್ಯೆ ಇರುವವರು ಆಹಾರದ ಬಗ್ಗೆ ಹೆಚ್ಚು ಜಾಗರೂಕರಾಗಿರಬೇಕು. ಹೆಚ್ಚು ಫ್ರೆಂಚ್ ಫ್ರೈಸ್ ಮತ್ತು ಚಿಪ್ಸ್ ತಿನ್ನುವುದರಿಂದ ಆಮ್ಲೀಯತೆಬರುವ ಸಾಧ್ಯತೆಗಳು ಹೆಚ್ಚಾಗುತ್ತವೆ. ಕರಿದ ಆಹಾರವನ್ನು ಸಂಪೂರ್ಣವಾಗಿ ತ್ಯಜಿಸಬೇಕಾಗುತ್ತದೆ. ವಿವಿಧ ಮಸಾಲೆಗಳೊಂದಿಗೆ ಮಾಡಿದ ಆಹಾರಗಳನ್ನು ಸಹ ತಪ್ಪಿಸಬೇಕು.

ಇದನ್ನೂ ಓದಿ: Viral Video: ಜಿಮ್​ನಲ್ಲಿ ವರ್ಕೌಟ್​ ಮಾಡುವ ವೇಳೆ ಹೃದಯಾಘಾತ, ಹೋಟೆಲ್ ಮಾಲೀಕ ಸಾವು

ಆಮ್ಲೀಯತೆ ಸಮಸ್ಯೆಯಿಂದ ದೂರವಿರಲು ಈ ಆಹಾರಗಳಿಂದ ದೂರವಿರಿ

ಅನಾನಸು: ವಿಟಮಿನ್ ಸಿ ಸಮೃದ್ಧವಾಗಿರುವ ಈ ಹಣ್ಣು, ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಆದರೆ ಅನಾನಸು ಕೂಡ ಆಮ್ಲೀಯತೆಯನ್ನು ಉಂಟುಮಾಡುತ್ತದೆ. ಆದರೆ ಎಲ್ಲರಿಗೂ ಈ ಸಮಸ್ಯೆ ಇರುವುದಿಲ್ಲ. ಹಾಗಾಗಿ ಅನಾನಸು ತಿನ್ನುವ ಮುನ್ನ ಎಚ್ಚರದಿಂದಿರಿ.

ನಿಂಬೆಹಣ್ಣು: ಚಳಿಗಾಲದಲ್ಲಿ ನಿಂಬೆಹಣ್ಣು ಮಾರುಕಟ್ಟೆಯಲ್ಲಿ ಯಥೇಚ್ಛವಾಗಿ ಸಿಗುತ್ತದೆ. ಕಿತ್ತಳೆ ಹಣ್ಣುಗಳೂ ಹೇರಳವಾಗಿವೆ. ಚಳಿಗಾಲದಲ್ಲಿ ನಿಂಬೆಹಣ್ಣಿನಿಂದ ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ಆದಾಗ್ಯೂ, ನಿಂಬೆಹಣ್ಣಿನ ಅತಿಯಾದ ಸೇವನೆಯು ಹೊಟ್ಟೆಯಲ್ಲಿ ಅಸಿಡಿಟಿ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಟೊಮೆಟೊ ಸಾಸ್: ಹಲವರು ಟೊಮೆಟೊ ಸಾಸ್ ಅನ್ನು ಕರಿದ ಆಹಾರದೊಂದಿಗೆ ತಿನ್ನುತ್ತಾರೆ. ಚಿಕ್ಕ ಮಕ್ಕಳು ಕೂಡ ಅವುಗಳನ್ನು ತಿನ್ನಲು ಇಷ್ಟಪಡುತ್ತಾರೆ. ಈ ಸಾಸ್ ಉಪ್ಪು ಮತ್ತು ಸಕ್ಕರೆಯಲ್ಲಿ ಅಧಿಕವಾಗಿದೆ. ಅಲ್ಲದೆ ರಾಸಾಯನಿಕಗಳ ಮಿತಿಮೀರಿದ ಪ್ರಮಾಣವೂ ಇದೆ. ಆದುದರಿಂದ ಸಾಸ್​ ಅನ್ನು ಆದಷ್ಟು ದೂರವಿಡಬೇಕು.

ಆರೋಗ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ