Health Tips: ಸಕ್ಕರೆ ಮುಕ್ತ ಉತ್ಪನ್ನಗಳು ಆರೋಗ್ಯಕ್ಕೆ ಪ್ರಯೋಜನಕಾರಿಯೇ? ಕೃತಕ ಸಿಹಿಕಾರಕಗಳ ಪ್ರಭಾವದ ಬಗ್ಗೆ ಇಲ್ಲಿದೆ ಮಾಹಿತಿ

ಸಕ್ಕರೆ ಬದಲಿಗಳಾಗಿ ಅನೇಕ ಆಹಾರ ಮತ್ತು ಪಾನೀಯಗಳಲ್ಲಿ ಸಕ್ಕರೆ ಮುಕ್ತ ಆಹಾರ ಎಂದು ಲೇಬಲ್ ಮಾಡಲಾಗುತ್ತದೆ ಬಳಿಕ ಪ್ಯಾಕೆಟ್ ಗಳಲ್ಲಿ ಮಾರಾಟ ಮಾಡಲಾಗುತ್ತದೆ ಆದರೆ ಅವು ಆರೋಗ್ಯಕ್ಕೆ ಪ್ರಯೋಜನಕಾರಿಯೇ? ಅವುಗಳ ಪರಿಣಾಮಗಳ ಬಗ್ಗೆ ಇಲ್ಲಿದೆ ಮಾಹಿತಿ.

Health Tips: ಸಕ್ಕರೆ ಮುಕ್ತ ಉತ್ಪನ್ನಗಳು ಆರೋಗ್ಯಕ್ಕೆ ಪ್ರಯೋಜನಕಾರಿಯೇ? ಕೃತಕ ಸಿಹಿಕಾರಕಗಳ ಪ್ರಭಾವದ ಬಗ್ಗೆ ಇಲ್ಲಿದೆ ಮಾಹಿತಿ
ಸಾಂದರ್ಭಿಕ ಚಿತ್ರ
Follow us
| Edited By: ಅಕ್ಷಯ್​ ಪಲ್ಲಮಜಲು​​

Updated on:Jun 13, 2023 | 12:36 PM

ಬಹುತೇಕ ಎಲ್ಲರೂ ಸಕ್ಕರೆ ತಿಂಡಿಯನ್ನು ಇಷ್ಟಪಡುತ್ತಾರೆ ಆದರೆ ನೀವು ಆಗಾಗ ಹೆಚ್ಚು ಸಕ್ಕರೆಯೊಂದಿಗೆ ಆಹಾರ ಮತ್ತು ಪಾನೀಯಗಳನ್ನು ಸೇವಿಸಿದರೆ, ಖಾಲಿ ಕ್ಯಾಲೊರಿಗಳು ಹೆಚ್ಚಾಗಬಹುದು, ಜೊತೆಗೆ ತೂಕ ಹೆಚ್ಚಳ ವಾಗಬಹುದು ಮತ್ತು ಇದು ಮಧುಮೇಹ ಮತ್ತು ಹೃದ್ರೋಗದಂತಹ ಗಂಭೀರ ಆರೋಗ್ಯ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸಬಹುದು. ಕೆಲವರು ಸಕ್ಕರೆ ಬದಲಿ ಎಂದು ಕರೆಯಲ್ಪಡುವ ಉತ್ಪನ್ನಗಳನ್ನು ಬಳಸುತ್ತಾರೆ. ಅವುಗಳನ್ನು ಕೃತಕ ಸಿಹಿಕಾರಕಗಳು ಎಂದೂ ಕರೆಯಲಾಗುತ್ತದೆ. ಏಕೆಂದರೆ ಅವು ಸಕ್ಕರೆಯಂತೆ ಸಿಹಿಯನ್ನು ನೀಡುತ್ತವೆ ಆದರೆ ಕಡಿಮೆ ಕ್ಯಾಲೊರಿಗಳನ್ನು ಹೊಂದಿರುತ್ತವೆ.

ಕೃತಕ ಸಿಹಿಕಾರಕಗಳ ವಿಧಗಳು:

ಸಕ್ಕರೆ ಬದಲಿಗಳು, ಸಕ್ಕರೆ ಮುಕ್ತ ಅಥವಾ ಆಹಾರ ಎಂದು ಲೇಬಲ್ ಮಾಡಲಾದ ಅನೇಕ ರೀತಿಯ ಆಹಾರಗಳು ಮತ್ತು ಪಾನೀಯಗಳಲ್ಲಿವೆ. ಇದರಲ್ಲಿ ತಂಪು ಪಾನೀಯಗಳು, ಕ್ಯಾಂಡಿ ಮತ್ತು ಬೇಯಿಸಿದ ಸರಕು ಸಾಮಗ್ರಿಗಳು ಸೇರಿವೆ. ಆದರೆ ಕೆಲವು ಸಕ್ಕರೆ ಬದಲಿಗಳನ್ನು ಪ್ಯಾಕೆಟ್ಗಳು ಅಥವಾ ಇತರ ಡಬ್ಬಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಇವುಗಳನ್ನು ಮನೆಯಲ್ಲಿ ಆಹಾರಗಳು ಅಥವಾ ಪಾನೀಯಗಳಿಗೆ ಸೇರಿಸಬಹುದು. ಎಚ್ಟಿ ಲೈಫ್ ಸ್ಟೈಲ್ ಗೆ ನೀಡಿದ ಸಂದರ್ಶನದಲ್ಲಿ, ನವೀ ಮುಂಬೈನ ಕೋಕಿಲಾಬೆನ್ ಧೀರೂಭಾಯಿ ಅಂಬಾನಿ ಆಸ್ಪತ್ರೆಯ ಆಂತರಿಕ ಔಷಧ ಸಲಹೆಗಾರ ಡಾ. ಸಂದೀಪ್ ಸೋನಾವಾನೆ ಕೃತಕ ಸಿಹಿಕಾರಕಗಳ ವಿಧಗಳ ಬಗ್ಗೆ ವಿವರಿಸಿದ್ದಾರೆ.

-ಸಕ್ಕರೆ ಆಲ್ಕೋಹಾಲ್ ಗಳಾದ ಸೋರ್ಬಿಟಾಲ್, ಕ್ಸೈಲಿಟಾಲ್, ಲ್ಯಾಕ್ಟಿಟಾಲ್, ಮನ್ನಿಟಾಲ್, ಎರಿಥ್ರಿಟಾಲ್ ಮತ್ತು ಮಾಲ್ಟಿಟಾಲ್ ಟೇಬಲ್ ಶುಗರ್ ಗಿಂತ ಸ್ವಲ್ಪ ಕಡಿಮೆ ಕ್ಯಾಲೊರಿಗಳನ್ನು ಹೊಂದಿವೆ. ಸಕ್ಕರೆ ಆಲ್ಕೋಹಾಲ್ ಗಳ ಸಿಹಿಯು ಸಕ್ಕರೆಯಷ್ಟೇ ಸಿಹಿಯಾಗಿ 25-100% ವರೆಗೆ ಬದಲಾಗುತ್ತದೆ.

-ಸಂಶ್ಲೇಷಿತ ಸಿಹಿಕಾರಕಗಳಾದ ಸ್ಯಾಕರಿನ್, ಅಸ್ಪರ್ಟೇಮ್ ಮತ್ತು ಸುಕ್ರೋಲೋಸ್ ಶೂನ್ಯ ಕ್ಯಾಲೊರಿಗಳನ್ನು ಹೊಂದಿರುತ್ತವೆ ಮತ್ತು ರುಚಿಯಲ್ಲಿ ಸಕ್ಕರೆಗಿಂತ ಸಿಹಿಯಾಗಿರುತ್ತವೆ. ಅವು ಮಾತ್ರೆ ಮತ್ತು ಪುಡಿ ರೂಪದಲ್ಲಿ ಲಭ್ಯವಿದೆ ಇದನ್ನು ನಿಮ್ಮ ಆಹಾರ ಪದಾರ್ಥಗಳನ್ನು ಸಿಹಿಗೊಳಿಸಲು ಬಳಸಬಹುದು.

-ಸ್ಟೀವಿಯಾದಂತಹ ನೈಸರ್ಗಿಕ ಸಿಹಿಕಾರಕಗಳು ಸಕ್ಕರೆ ಬದಲಿಗಳಾಗಿವೆ. ಇದು ಶೂನ್ಯ ಗ್ಲೈಸೆಮಿಕ್ ಸೂಚ್ಯಂಕವನ್ನು ಹೊಂದಿದೆ ಮತ್ತು ಶೂನ್ಯ ಕ್ಯಾಲೊರಿಗಳನ್ನು ಹೊಂದಿರುತ್ತದೆ.

ಇದನ್ನೂ ಓದಿ: Health Tips : ಸ್ಟಾರ್ ಹಣ್ಣಿನಿಂದ ಆರೋಗ್ಯ ವೃದ್ಧಿ

ಸಕ್ಕರೆ ಬದಲಿಗಳಿಗೆ (ಸಬ್ಸಿಟಿಟ್ಯೂಟ್​​​ಗಳಿಗೆ) ಸಂಬಂಧಿಸಿದ ಪ್ರಯೋಜನಗಳೇನು?

ಸಂದೀಪ್ ಸೋನಾವಾನೆ ಸಕ್ಕರೆ ಬದಲಿಗಳಿಗೆ ಸಂಬಂಧಿಸಿದಂತೆ ಆರೋಗ್ಯ ಪ್ರಯೋಜನಗಳ ಬಗ್ಗೆ ಮಾತನಾಡಿದ್ದು, “ಸಕ್ಕರೆ ಬದಲಿಗಳು ದಂತಕ್ಷಯ ಮತ್ತು ಕುಳಿಗಳು ಬೀಳುವ ಅಪಾಯವನ್ನು ಕಡಿಮೆ ಮಾಡಬಹುದು.ಜೊತೆಗೆ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಹೆಚ್ಚಿಸುವುದಿಲ್ಲ. ಮಧುಮೇಹ ರೋಗಿಗಳಲ್ಲಿ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಜನರಿಗೆ ಅಧಿಕ ತೂಕ ಅಥವಾ ಬೊಜ್ಜು, ಹೊಂದಿರುವವರು ಸಕ್ಕರೆ ಬದಲಿಗಳನ್ನು ಬಳಸುವುದರಿಂದ ಅಲ್ಪಾವಧಿಯಲ್ಲಿ ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ನವದೆಹಲಿಯ ಇಂದ್ರಪ್ರಸ್ಥ ಅಪೋಲೊ ಆಸ್ಪತ್ರೆಯ ಅಂತಃಸ್ರಾವಶಾಸ್ತ್ರದ ಹಿರಿಯ ಸಲಹೆಗಾರ ಡಾ. ರಿಚಾ ಚತುರ್ವೇದಿ, “ಸಕ್ಕರೆ ಮುಕ್ತ ಉತ್ಪನ್ನಗಳು ಸಕ್ಕರೆಯ ಬದಲು ಕೃತಕ ಸಿಹಿಕಾರಕಗಳಿಂದ ಸಿಹಿಯಾಗುತ್ತವೆ. ಇವು ಸಕ್ಕರೆಯಲ್ಲಿ ಕಂಡು ಬರುವ ಹೆಚ್ಚುವರಿ ಕ್ಯಾಲೊರಿಗಳು ಮತ್ತು ಕಾರ್ಬೋಹೈಡ್ರೇಟ್ಗಳಿಲ್ಲದೆ ಸಿಹಿ ರುಚಿಯನ್ನು ಒದಗಿಸುತ್ತವೆ. ಸಕ್ಕರೆ ಮುಕ್ತ ಉತ್ಪನ್ನಗಳು ನಿರ್ದಿಷ್ಟ ಸಂದರ್ಭಗಳಲ್ಲಿ ಕೆಲವು ವ್ಯಕ್ತಿಗಳಿಗೆ ಪ್ರಯೋಜನಕಾರಿಯಾಗಿದ್ದರೂ, ಅನುಕೂಲಗಳು ಮತ್ತು ಸಂಭಾವ್ಯ ನ್ಯೂನತೆಗಳನ್ನು ಪರಿಗಣಿಸುವುದು ಮುಖ್ಯ.

ಸಕ್ಕರೆ ಮುಕ್ತ ಉತ್ಪನ್ನಗಳ ಪ್ರಯೋಜನಗಳೇನು?

ತೂಕ ನಿರ್ವಹಣೆ: ಕೃತಕ ಸಿಹಿಕಾರಕಗಳು ಯಾವುದೇ ಕ್ಯಾಲೊರಿಗಳನ್ನೂ ಹೊಂದಿಲ್ಲ, ಇದು ತೂಕವನ್ನು ಕಡಿಮೆ ಮಾಡಿಕೊಳ್ಳಲು ಅಥವಾ ಕ್ಯಾಲೊರಿ ಸೇವನೆಯನ್ನು ಕಡಿಮೆ ಮಾಡಲು ಪ್ರಯತ್ನಿಸುವ ವ್ಯಕ್ತಿಗಳಿಗೆ ಪ್ರಯೋಜನಕಾರಿಯಾಗಿದೆ.

ರಕ್ತದಲ್ಲಿನ ಸಕ್ಕರೆ ನಿಯಂತ್ರಣ: ಕೃತಕ ಸಿಹಿಕಾರಕಗಳು ರಕ್ತದಲ್ಲಿನ ಸಕ್ಕರೆ ಮಟ್ಟದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರುವುದಿಲ್ಲವಾದ್ದರಿಂದ, ಸಕ್ಕರೆ ಮುಕ್ತ ಉತ್ಪನ್ನಗಳು ಮಧುಮೇಹ ಹೊಂದಿರುವ ಜನರಿಗೆ ಅಥವಾ ಅವರ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಮೇಲ್ವಿಚಾರಣೆ ಮಾಡಬೇಕಾದವರಿಗೆ ಸೂಕ್ತವಾಗಬಹುದು.

ಹಲ್ಲಿನ ಆರೋಗ್ಯ: ಸಕ್ಕರೆಯು ದಂತಕ್ಷಯಕ್ಕೆ ಹೆಸರುವಾಸಿಯಾಗಿದೆ. ಸಕ್ಕರೆ ಮುಕ್ತ ಉತ್ಪನ್ನಗಳನ್ನು ಸೇವಿಸುವ ಮೂಲಕ, ವ್ಯಕ್ತಿಗಳು ತಮ್ಮ ಸಕ್ಕರೆ ಸೇವನೆಯನ್ನು ಕಡಿಮೆ ಮಾಡಬಹುದು. ಇದು ಹಲ್ಲಿನ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ:

ಸಕ್ಕರೆ ಬದಲಿಗಳಿಗೆ ಸಂಬಂಧಿಸಿದ ನ್ಯೂನತೆಗಳು ಮತ್ತು ಆರೋಗ್ಯ ಕಾಳಜಿಗಳ ಬಗ್ಗೆ ಇಲ್ಲಿದೆ ಮಾಹಿತಿ:

ಸಕ್ಕರೆ ಬದಲಿಗಳಿಗೆ ಸಂಬಂಧಿಸಿದ ಕೆಲವು ಆರೋಗ್ಯ ಸಮಸ್ಯೆಗಳನ್ನು ತೋರಿಸಿ ಕೊಟ್ಟ ಡಾ. ಸಂದೀಪ್ ಸೋನಾವಾನೆ, “2 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಕೃತಕ ಸಿಹಿಕಾರಕಗಳನ್ನು ಶಿಫಾರಸು ಮಾಡಲಾಗುವುದಿಲ್ಲ. ಕೆಲವು ಸಕ್ಕರೆ ಆಲ್ಕೋಹಾಲ್ ಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದರಿಂದ ಹೊಟ್ಟೆ ಉಬ್ಬರ, ಸಡಿಲ ಮಲ ಅಥವಾ ಅತಿಸಾರಕ್ಕೆ ಕಾರಣವಾಗಬಹುದು. ಕೃತಕ ಸಿಹಿಯಾದ ಪಾನೀಯಗಳು ಟೈಪ್ 2 ಮಧುಮೇಹವನ್ನು ಹೆಚ್ಚಿಸುವ ಅಪಾಯವಿದೆ. ಅಂತಹ ಪಾನೀಯಗಳ ಹೆಚ್ಚಿನ ಸೇವನೆಯು ತೂಕ ಹೆಚ್ಚಳಕ್ಕೆ ಸಂಬಂಧಿಸಿದೆ. ಬಹುಶಃ ಕಡಿಮೆ ಸಂತೃಪ್ತಿ ಮತ್ತು ರಕ್ತದಲ್ಲಿನ ಸಕ್ಕರೆ ಮತ್ತು ಇನ್ಸುಲಿನ್ ಮಟ್ಟಗಳ ಹೆಚ್ಚಳದಿಂದಾಗಿ, ಇದು ಇನ್ಸುಲಿನ್ ಪ್ರತಿರೋಧಕ್ಕೆ ಕಾರಣವಾಗುತ್ತದೆ.

“ಡಯಟ್ ಸೋಡಾ ಕ್ಯಾಲೊರಿ ಸೇವನೆಯನ್ನು ಕಡಿಮೆ ಮಾಡಿದರೂ, ಕಾರ್ಬೊನೇಟೆಡ್ ಪಾನೀಯಗಳು ಅದರಲ್ಲಿರುವ ಕಾರ್ಬೊನಿಕ್ ಆಮ್ಲದಿಂದಾಗಿ ಹಲ್ಲುಗಳ ಸವೆತ ಮತ್ತು ಕೊಳೆಯುವಿಕೆಗೆ ಕಾರಣವಾಗಬಹುದು. ಯಾವುದೇ ಕ್ಯಾಲೊರಿಗಳಿಲ್ಲದೆ ಸಿಹಿ ರುಚಿಯನ್ನು ಒದಗಿಸುವ ಮೂಲಕ, ಸಕ್ಕರೆ ಮುಕ್ತ ಪಾನೀಯಗಳು ನಮಗೆ ಹೆಚ್ಚು ಸಿಹಿ ಆಹಾರಗಳು ಮತ್ತು ಪಾನೀಯಗಳನ್ನು ಹಂಬಲಿಸಲು ಕಾರಣವಾಗಬಹುದು, ಆಗ ಇದು ಹೆಚ್ಚುವರಿ ಕ್ಯಾಲೊರಿಗಳನ್ನು ಸೇರಿಸಬಹುದು. ಆದ್ದರಿಂದ ಕೆಲವು ಕೃತಕ ಸಿಹಿಕಾರಕಗಳು ಸಹ ಸಂಭಾವ್ಯ ಕ್ಯಾನ್ಸರ್ ಕಾರಕಗಳಾಗಿವೆ ಮತ್ತು ದೀರ್ಘಕಾಲದ ಸೇವನೆಯಿಂದ ನಿರುತ್ಸಾಹ ಗೊಳ್ಳಬಹುದು.

ಸಕ್ಕರೆ ಮುಕ್ತ ಉತ್ಪನ್ನಗಳ ನ್ಯೂನತೆಗಳು:

-ರುಚಿ ಆದ್ಯತೆಗಳು: ಕೃತಕ ಸಿಹಿಕಾರಕಗಳು ಹೆಚ್ಚಾಗಿ ಸಕ್ಕರೆಗಿಂತ ವಿಭಿನ್ನ ರುಚಿ ಯನ್ನು ಹೊಂದಿರುತ್ತವೆ. ಮತ್ತು ಕೆಲವರಿಗೆ ಅವು ಇಷ್ಟವಾಗದೇ ಇರಬಹುದು. ಹೆಚ್ಚುವರಿಯಾಗಿ, ಕೆಲವು ಕೃತಕ ಸಿಹಿಕಾರಕಗಳು ಆಫ್ಟರ್ಟೇಸ್ಟ್ ಅನ್ನು ಬಿಡಬಹುದು.

-ಅತಿಯಾದ ಬಳಕೆ: ಸಕ್ಕರೆ ಮುಕ್ತ ಉತ್ಪನ್ನಗಳಲ್ಲಿ ಕ್ಯಾಲೊರಿಗಳ ಅನುಪಸ್ಥಿತಿ ಇರುವುದರಿಂದ ಕೆಲವು ವ್ಯಕ್ತಿಗಳು ಈ ಉತ್ಪನ್ನಗಳನ್ನು ಪರಿಣಾಮಗಳಿಲ್ಲದೆ ದೊಡ್ಡ ಪ್ರಮಾಣದಲ್ಲಿ ಸೇವಿಸಬಹುದು ಎಂದು ನಂಬಲು ಕಾರಣವಾಗಬಹುದು. ಆದರೆ ಅತಿಯಾದ ಸೇವನೆಯು ತೂಕ ಹೆಚ್ಚಳ ಅಥವಾ ಇತರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.

-ಕರುಳಿನ ಆರೋಗ್ಯದ ಮೇಲೆ ಪರಿಣಾಮ: ಕೃತಕ ಸಿಹಿಕಾರಕಗಳು ಕರುಳಿನ ಬ್ಯಾಕ್ಟೀರಿಯಾದ ಸಮತೋಲನದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತವೆ ಎಂದು ಕೆಲವು ಅಧ್ಯಯನಗಳು ಸೂಚಿಸುತ್ತವೆ. ಇದರಿಂದಾಗಿ ಜೀರ್ಣಕಾರಿ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಆದರೆ ಇದನ್ನು ನಿಖರವಾಗಿ ಹೇಳಿ, ಅರ್ಥಮಾಡಿಕೊಳ್ಳಲು ಹೆಚ್ಚಿನ ಸಂಶೋಧನೆಯ ಅಗತ್ಯವಿದೆ.

ಸಂದೀಪ್ ಸೋನಾವಾನೆ ಹೇಳುವ ಪ್ರಕಾರ, “ಕೃತಕ ಸಿಹಿಕಾರಕಗಳು ಕೆಲವು ಜನರಿಗೆ ಸಕ್ಕರೆಯ ಬಳಕೆಯನ್ನು ಕಡಿಮೆ ಮಾಡಲು ಮತ್ತು ತೂಕವನ್ನು ಕಳೆದುಕೊಳ್ಳಲು ಅಥವಾ ಅದೇ ತೂಕವನ್ನು ನಿಭಾಯಿಸಿಕೊಂಡು ಹೋಗಲು ಸಹಾಯ ಮಾಡುವ ಅಲ್ಪಾವಧಿಯ ಮಾರ್ಗವಾಗಿದೆ. ಸಕ್ಕರೆ ಬದಲಿಗಳಿಂದ ತಯಾರಿಸಿದ ಉತ್ಪನ್ನಗಳು ಸಂಸ್ಕರಿಸಿದ ಆಹಾರಗಳ ಬಗ್ಗೆ ನಿಮಗೆ ತಪ್ಪು ಸಂದೇಶವನ್ನು ನೀಡಬಹುದು. ಕಡಿಮೆ ಸಕ್ಕರೆ ಅಥವಾ ಸಕ್ಕರೆ ಇಲ್ಲ ಎಂದು ಲೇಬಲ್ ಮಾಡಲಾದ ತಿಂಡಿ ಅತ್ಯಂತ ಪೌಷ್ಟಿಕ ಆಯ್ಕೆಯಾಗದಿರಬಹುದು. ಹಣ್ಣುಗಳು ಮತ್ತು ತರಕಾರಿಗಳಂತಹ ಸಂಪೂರ್ಣ ಆಹಾರಗಳು ಸಾಮಾನ್ಯವಾಗಿ ದೇಹಕ್ಕೆ ಪೋಷಕಾಂಶಗಳ ಅತ್ಯುತ್ತಮ ಮಿಶ್ರಣವನ್ನು ಹೊಂದಿರುತ್ತವೆ ಆದರೆ ಕೃತಕ ಸಿಹಿಕಾರಕಗಳು ಕೆಲವು ಜನರಿಗೆ ಹೆಚ್ಚುವರಿ ಕ್ಯಾಲೊರಿಗಳಿಲ್ಲದೆ ಸಿಹಿಯನ್ನು ಆನಂದಿಸಲು ಸಹಾಯ ಮಾಡುತ್ತದೆ ಮತ್ತು ಮಿತವಾಗಿ ಬಳಸಿದರೆ, ಕೃತಕ ಸಿಹಿಕಾರಕಗಳು ಆರೋಗ್ಯಕರ ಆಹಾರದ ಭಾಗವಾಗಬಹುದು.

ಮತ್ತಷ್ಟು ಆರೋಗ್ಯ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.

Published On - 12:34 pm, Tue, 13 June 23

ತಾಜಾ ಸುದ್ದಿ
ಅಧಿಕಾರಿಯೊಬ್ಬರ ವಿರುದ್ಧ ರೌಡಿಯಂತೆ ವರ್ತಿಸೋದು ಶಾಸಕ  ಹರೀಶ್ ಗೆ ಶೋಭೆಯಲ್ಲ!
ಅಧಿಕಾರಿಯೊಬ್ಬರ ವಿರುದ್ಧ ರೌಡಿಯಂತೆ ವರ್ತಿಸೋದು ಶಾಸಕ  ಹರೀಶ್ ಗೆ ಶೋಭೆಯಲ್ಲ!
ಸಿದ್ದರಾಮಯ್ಯ ಸರ್ಕಾರ ಈಗ ಮೇನಲ್ಲಿ ಪತನವಾಗುತ್ತೆ ಅಂತಿದ್ದಾರೆ ಕುಮಾರಸ್ವಾಮಿ
ಸಿದ್ದರಾಮಯ್ಯ ಸರ್ಕಾರ ಈಗ ಮೇನಲ್ಲಿ ಪತನವಾಗುತ್ತೆ ಅಂತಿದ್ದಾರೆ ಕುಮಾರಸ್ವಾಮಿ
ಸುಪ್ರೀಂ ಕೋರ್ಟ್ ತೀರ್ಪು ನೇರ ಪ್ರಸಾರ
ಸುಪ್ರೀಂ ಕೋರ್ಟ್ ತೀರ್ಪು ನೇರ ಪ್ರಸಾರ
ಡೇಂಜರಸ್ ಪಿಚ್: ಅರ್ಧಕ್ಕೆ ನಿಂತ ಬಿಗ್ ಬ್ಯಾಷ್ 2023ರ ಹೈವೋಲ್ಟೇಜ್ ಪಂದ್ಯ
ಡೇಂಜರಸ್ ಪಿಚ್: ಅರ್ಧಕ್ಕೆ ನಿಂತ ಬಿಗ್ ಬ್ಯಾಷ್ 2023ರ ಹೈವೋಲ್ಟೇಜ್ ಪಂದ್ಯ
ಅಧಿಕಾರಿಗೆ ಅವಾಚ್ಯ ಶಬ್ದಗಳಿಂದ ಬೈಯ್ಯುವ ಬಿಜೆಪಿ ಶಾಸಕ ಹರೀಶ್ ವಿಡಿಯೋ ವೈರಲ್
ಅಧಿಕಾರಿಗೆ ಅವಾಚ್ಯ ಶಬ್ದಗಳಿಂದ ಬೈಯ್ಯುವ ಬಿಜೆಪಿ ಶಾಸಕ ಹರೀಶ್ ವಿಡಿಯೋ ವೈರಲ್
ಪ್ರತಾಪ್ ಪರಿಸ್ಥಿತಿ ನೋಡಿ ತಪ್ಪಿತಸ್ಥ ಭಾವನೆ ಕಾಡಿದ್ದು ವರ್ತೂರಿಗೆ ಮಾತ್ರ​
ಪ್ರತಾಪ್ ಪರಿಸ್ಥಿತಿ ನೋಡಿ ತಪ್ಪಿತಸ್ಥ ಭಾವನೆ ಕಾಡಿದ್ದು ವರ್ತೂರಿಗೆ ಮಾತ್ರ​
ತುಕಾಲಿಯ ಡ್ಯಾನ್ಸ್​ ನೋಡಿ ಬೆಚ್ಚಿ ಬಿದ್ದ ಮನೆ ಮಂದಿ
ತುಕಾಲಿಯ ಡ್ಯಾನ್ಸ್​ ನೋಡಿ ಬೆಚ್ಚಿ ಬಿದ್ದ ಮನೆ ಮಂದಿ
ಕಾಮಸಮುದ್ರ ಅರಣ್ಯದತ್ತ ಆಗಮಿಸಿದ 50ಕ್ಕೂ ಹೆಚ್ಚು ಕಾಡಾನೆಗಳು
ಕಾಮಸಮುದ್ರ ಅರಣ್ಯದತ್ತ ಆಗಮಿಸಿದ 50ಕ್ಕೂ ಹೆಚ್ಚು ಕಾಡಾನೆಗಳು
ಬಸವಣ್ಣನ ವಚನ ಹೇಳಿ ನೆರೆದವರಿಗೆ ಶಾಕ್ ನೀಡಿದ ಪೂಜಾ ಗಾಂಧಿ
ಬಸವಣ್ಣನ ವಚನ ಹೇಳಿ ನೆರೆದವರಿಗೆ ಶಾಕ್ ನೀಡಿದ ಪೂಜಾ ಗಾಂಧಿ
ಕರುಳಿ‌ನ ಕುಡಿ ರಕ್ಷಣೆಗೆ ತಾಯಿ ಆಕಳು ಹೋರಾಟ; ಇಲ್ಲಿದೆ ಮನಕಲುಕುವ ದೃಶ್ಯ
ಕರುಳಿ‌ನ ಕುಡಿ ರಕ್ಷಣೆಗೆ ತಾಯಿ ಆಕಳು ಹೋರಾಟ; ಇಲ್ಲಿದೆ ಮನಕಲುಕುವ ದೃಶ್ಯ