Banana Hair Pack: ಮಿರಿಮಿರಿ ಮಿಂಚುವ ದಟ್ಟ ದಪ್ಪ ಕೂದಲು ನಿಮ್ಮದಾಗಬೇಕಾ.. ಬಾಳೆಹಣ್ಣಿನಿಂದ ಹೀಗೆ ಮಾಡಿ

ಸೊಂಪಾಗಿ ಬೆಳೆದ ತಮ್ಮ ಕೂದಲನ್ನು ಯಾರುತಾನೇ ಇಷ್ಟಪಡುವುದಿಲ್ಲ? ಜಡೆ ಜುಟ್ಟು ಹುಡುಗಿಯರಿಗೆ ವಿಶೇಷವಾಗಿ ಆಕರ್ಷಕವಾಗಿರುತ್ತದೆ. ಕೆಲವರು ತಮ್ಮ ಕೂದಲನ್ನು ಸೊಂಪಾಗಿ ಬೆಳೆಸಲು ತುಂಬಾ ಕಷ್ಟಪಡುತ್ತಾರೆ. ಈಗಂತೂ ಮಳೆಗಾಲ. ಈ ಸಮಯದಲ್ಲಿ ಎಷ್ಟೇ ಮುಂಜಾಗ್ರತೆ ವಹಿಸಿದರೂ.. ಕೂದಲು ಉದುರುವುದು ಸಹಜ. ಹಾಗಾಗಿ ಮನೆಯಲ್ಲಿಯೇ ಸಿಗುವ ಸಾಮಾಗ್ರಿಗಳೊಂದಿಗೆ ಚಿಕ್ಕ ಚಿಕ್ಕ ಸಲಹೆಗಳನ್ನು ಅನುಸರಿಸಿ ನಿಮ್ಮ ಕೂದಲನ್ನು ಉಳಿಸಿಕೊಳ್ಳಬಹುದು. ಒಳ್ಳೆಯ ಕೂದಲು ಇದ್ದಾಗ ಪುರುಷರು ಮತ್ತು ಮಹಿಳೆಯರು ಇಬ್ಬರೂ ಸುಂದರವಾಗಿ ಕಾಣುತ್ತಾರೆ. ಬಾಳೆ ಹಣ್ಣು ಕೂಡ ಕೂದಲಿನ ಆರೋಗ್ಯವನ್ನ ಕಾಪಾಡುತ್ತದೆ. ಈ ಬಾಳೆಹಣ್ಣಿನಿಂದ ಹೇರ್ ಪ್ಯಾಕ್ ಮಾಡಿ ಹಚ್ಚಿದರೆ ಕೂದಲು ದಟ್ಟವಾಗಿ ಬೆಳೆಯುತ್ತದೆ. ಹಾಗದರೆ ಬಾಳೆಹಣ್ಣು ಹೇರ್ ಪ್ಯಾಕ್ ಎಂದರೇನು? ತಯಾರಿಸುವುದು ಹೇಗ? ಈಗ ತಿಳಿಯೋಣ.

ಬಾಳೆಹಣ್ಣು ಆರೋಗ್ಯಕ್ಕೆ ಮಾತ್ರವಲ್ಲದೆ ಕೂದಲಿಗೆ ಪೋಷಣೆಯನ್ನು ನೀಡುತ್ತದೆ. ಇತ್ತೀಚಿನ ದಿನಗಳಲ್ಲಿ ಮಾಲಿನ್ಯ ತುಂಬಾ ಹೆಚ್ಚಾಗಿದೆ. ಈ ಕಾರಣದಿಂದಾಗಿ, ಕೂದಲು ತನ್ನ ಬಣ್ಣ ಮತ್ತು ಹೊಳಪನ್ನು ಕಳೆದುಕೊಳ್ಳುತ್ತಿದೆ. ಅಲ್ಲದೆ ಇಂದಿನ ದಿನಗಳಲ್ಲಿ ಸೇವಿಸುವ ಆಹಾರದಿಂದ ಕೂದಲು ಶಕ್ತಿ ಕಳೆದುಕೊಳ್ಳುತ್ತಿದೆ. ಇಂತಹ ಸಮಸ್ಯೆಗಳೆಲ್ಲ ಮಂಗಳ ಹಾಡಿ, ಕೂದಲನ್ನು ಬಲವಾಗಿ ಮತ್ತು ಹೊಳೆಯುವಂತೆ ಮಾಡಲು ಬಾಳೆಹಣ್ಣು ಬಹಳಷ್ಟು ಸಹಾಯ ಮಾಡುತ್ತದೆ.

ಬಾಳೆಹಣ್ಣಿನ ಹೇರ್ ಪ್ಯಾಕ್ : ಈ ಪ್ಯಾಕ್ ಮಾಡಿಕೊಳ್ಳುವ ಮೊದಲು ಚಿಕ್ಕ ಬೌಲ್ ತೆಗೆದುಕೊಳ್ಳಿ. ಬಾಳೆಹಣ್ಣಿನ ತುಂಡುಗಳು, ಸ್ವಲ್ಪ ಹರಳೆಣ್ಣೆ, ಮೊಸರು, ಅಲೋವೆರಾ ಜೆಲ್ ಸೇರಿಸಿ ಒಮ್ಮೆ ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ. ಇದನ್ನು ಬೇರುಮಟ್ಟದಿಂದ ಕೂದಲಿನ ತುದಿಗೆ ಹಚ್ದಬೇಕು. ಈ ಪ್ಯಾಕ್ ಅನ್ನು ಅರ್ಧ ಗಂಟೆಯವರೆಗೆ ಇರಿಸಿ ಮತ್ತು ನಿಮ್ಮ ತಲೆಯನ್ನು ಶಾಂಪೂ ಬಳಸಿ ತೊಳೆಯಿರಿ. ನಿರಂತರವಾಗಿ ನೀವು ಹೀಗೆಯೇ ಮುಂದುವರಿಸಿದರೆ, ನೀವು ಉತ್ತಮ ಫಲಿತಾಂಶಗಳನ್ನು ನೋಡುತ್ತೀರಿ.

ಬಾಳೆಹಣ್ಣು ಪ್ಯಾಕ್‌ನ ಪ್ರಯೋಜನಗಳು: ಈ ಪ್ಯಾಕ್‌ನಲ್ಲಿ ಸೇರಿಸಲಾದ ಮೊಸರು ಕೂದಲನ್ನು ಹೊಳೆಯುವಂತೆ ಮಾಡುತ್ತದೆ. ತಲೆಹೊಟ್ಟು ಸಮಸ್ಯೆಗಳು ಕಡಿಮೆಯಾಗುತ್ತವೆ. ಕೂದಲು ಬುಡಸಮೇತ ಬಲಗೊಳ್ಳುತ್ತವೆ. ಹರಳೆಣ್ಣೆ (ಕ್ಯಾಸ್ಟರ್ ಆಯಿಲ್) ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ. ಇದರಲ್ಲಿರುವ ಪೋಷಕಾಂಶಗಳು ಕೂದಲನ್ನು ಸ್ಟ್ರಾಂಗ್ ಮಾಡುತ್ತದೆ. ಹಿಂದಿನ ಕಾಲದಲ್ಲಿ ಕ್ಯಾಸ್ಟರ್ ಆಯಿಲ್ ಅನ್ನು ಯಥೇಚ್ಛವಾಗಿ ಕೂದಲಿಗೆ ಹಚ್ಚುತ್ತಿದ್ದರು.

ಅಲೋವೆರಾ ಕೂಡ ಕೂದಲಿನ ಪೋಷಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇದರ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳು ಮತ್ತು ಆಂಟಿಮೈಕ್ರೊಬಿಯಲ್ ಪ್ರೋಟಿಯೋಲೈಟಿಕ್ ಕಿಣ್ವಗಳ ಗುಣಲಕ್ಷಣಗಳು ಕೂದಲಿನ ತುರಿಕೆ ಮತ್ತು ತಲೆಹೊಟ್ಟನ್ನು ಕಡಿಮೆ ಮಾಡುತ್ತದೆ.

ಹೆಚ್ಚಿನ ಆರೋಗ್ಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ