ಅಂಡಾಶಯದ ಕ್ಯಾನ್ಸರ್ ತಡೆಗಟ್ಟಲು ಇಲ್ಲಿದೆ 5 ಸಲಹೆಗಳು

ಸ್ತ್ರೀಯರಲ್ಲಿ ಸಂತಾನೋತ್ಪತ್ತಿಗೆ ಅಂಡಾಶಯಗಳು ಪ್ರಮುಖ ಪಾತ್ರವಹಿಸುತ್ತವೆ. ಸ್ತ್ರೀಯರಲ್ಲಿ ಪ್ರತಿ ತಿಂಗಳು ಅಂಡೋತ್ಪತ್ತಿಯಾಗುತ್ತವೆ. ಅಂಡಾಶಯಗಳು ಪ್ರೊಜೆಸ್ಟರಾನ್ ಮತ್ತು ಈಸ್ಟ್ರೊಜೆನ್ ಎಂಬ ಎರಡು ಪ್ರಮುಖ ಸಂತಾನೋತ್ಪತ್ತಿ ಹಾರ್ಮೋನುಗಳನ್ನು ಸ್ರವಿಸುತ್ತದೆ. ಅಂಡಾಶಯಗಳು ಸ್ತನಗಳ ರಚನೆಯಲ್ಲಿ ಸಹಾಯ ಮಾಡುತ್ತದೆ ಮತ್ತು ಮಹಿಳೆಯರಲ್ಲಿ ದೇಹದ ಆಕಾರ ಮತ್ತು ಕೂದಲಿನ ಬೆಳವಣಿಗೆಯನ್ನು ನಿರ್ಧರಿಸುತ್ತದೆ. ಅಂಡಾಕಾರದ ಅಂಗಗಳು ಫಾಲೋಪಿಯನ್ ಟ್ಯೂಬ್ಗಳ ಮೂಲಕ ಗರ್ಭಾಶಯಕ್ಕೆ ಸಂಪರ್ಕ ಹೊಂದಿವೆ.

ವಿಶ್ವಾದ್ಯಂತ ಅಂಡಾಶಯದ ಕ್ಯಾನ್ಸರ್​ನಿಂದ ಅನೇಕ ಮಹಿಳೆಯರು ಸಾವನ್ನಪ್ಪುತ್ತಾರೆ. ಈ ಕ್ಯಾನ್ಸರ್​ ಕಿಬ್ಬೊಟ್ಟೆಯ ಕುಹರದೊಳಗೆ ಆಳವಾಗಿ ಬೆಳೆಯುತ್ತದೆ. ಇದನ್ನು ಆರಂಭಿಕ ಹಂತಗಳಲ್ಲಿ ಪತ್ತೆ ಹಚ್ಚಲು ಅಸಾಧ್ಯವಾಗಿದೆ. ಈ ರೋಗವು ಸೊಂಟ ಮತ್ತು ಹೊಟ್ಟೆಯ ಭಗವನ್ನು ತಲುಪುವವರೆಗೂ  ಪತ್ತೆಯಾಗುವುದಿಲ್ಲ.

ಮುಂದುವರಿದ ಹಂತದಲ್ಲಿ ಇದಕ್ಕೆ ಚಿಕಿತ್ಸೆ ನೀಡುವುದು ಕಷ್ಟಕರವಾಗಿದೆ, ಇದರಿಂದ ಸಾವನ್ನಪ್ಪುವ ಸಾಧ್ಯತೆ ಇದೆ. ಅಂಡಾಶಯದ ಕ್ಯಾನ್ಸರ್​ಗೆ ಯಾವುದೇ ನಿರ್ದಿಷ್ಟ ಸ್ಕ್ರೀನಿಂಗ್ ಅಥವಾ ಪರೀಕ್ಷಾ ವಿಧಾನವಿಲ್ಲ. ಆದರೆ ಈ ಅಂಡಾಶದ ಕ್ಯಾನ್ಸರ್​ನ್ನು ನಿಮ್ಮ ಜೀವನ ಶೈಲಿಯನ್ನು ಬದಲಾವಣೆ ಮಾಡಿಕೊಳ್ಳುವ ಮುಖಾಂತ ತಡೆಗಟ್ಟಬಹುದು ಎಂದು ಡಾ. ಎಂ ಪೊನ್‌ರಾಜ್ ಇಂಡಿಯಾ ಡಾಟ್​ ಕಾಮ್​ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

ಅಂಡಾಶಯದ ಕ್ಯಾನ್ಸರ್ ತಡೆಗಟ್ಟಲು 5 ಜೀವನಶೈಲಿ ಬದಲಾವಣೆಗಳು

ಆಹಾರ ಮತ್ತು ಪೋಷಣೆ: ಅಂಡಾಶಯದ ಆರೋಗ್ಯವನ್ನು ಬಲಪಡಿಸಲು ಮತ್ತು ನಿರ್ವಹಿಸಲು ಆರೋಗ್ಯಕರ, ಸಮತೋಲಿತ ಮತ್ತು ಪೌಷ್ಟಿಕ ಆಹಾರವನ್ನು ಸೇವಿಸಬೇಕು. ವಿಟಮಿನ್ ಎ ಸಮೃದ್ಧವಾಗಿರುವ ಆಹಾರ ಪದಾರ್ಥಗಳು ಅಂಡಾಶಯದ ಕ್ಯಾನ್ಸರ್​​ಗೆ ಪ್ರತಿರೋಧವನ್ನು ನೀಡುತ್ತದೆ ಎಂದು ತಿಳಿದುಬಂದಿದೆ. ಕ್ಯಾರೆಟ್, ಹಾಲು, ಕುಂಬಳಕಾಯಿ, ಸಿಹಿ ಆಲೂಗಡ್ಡೆ, ಪಾಲಕ್, ಮೊಟ್ಟೆ ಮತ್ತು ಕಾಡ್​ಲಿವರ್​ ಎಣ್ಣೆಯು ಉತ್ತಮ ಆಹಾರಕ್ರಮವಾಗಿದೆ. ಕಾಳುಗಳು, ಚಿಪ್ಪುಮೀನುಗಳು, ಕೆಂಪು ಮೆಣಸು, ಕೋಸುಗಡ್ಡೆಯಂತಹ ವಿಟಮಿನ್ ಸಿ-ಭರಿತ ಆಹಾರಗಳು ಕ್ಯಾನ್ಸರ್​ ವಿರುದ್ಧ ಹೋರಾಡುತ್ತವೆ.

ದೈಹಿಕ ಚಟುವಟಿಕೆ: ಏರೋಬಿಕ್ಸ್, ಈಜು, ನೃತ್ಯ ಅಥವಾ ಯೋಗದಂತಹ ನಿಯಮಿತ ದೈಹಿಕ ಚಟುವಟಿಕೆಗಳು ರೋಗ ನಿರೋಧಕ ವ್ಯವಸ್ಥೆಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಇದು ಕ್ಯಾನ್ಸರ್ ಬೆಳವಣಿಗೆಯನ್ನು ತಡೆದು ದೇಹದ ನೈಸರ್ಗಿಕ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ವ್ಯಾಯಾಮವು ಮೂಳೆಯ ಆರೋಗ್ಯವನ್ನು ಸುಧಾರಿಸುತ್ತದೆ, ಸ್ಥೂಲಕಾಯತೆಯನ್ನು ಎದುರಿಸುತ್ತದೆ ಮತ್ತು ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ ಮತ್ತು ಸಾಮಾನ್ಯ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿರ್ವಹಿಸುತ್ತದೆ.

ಸೌಂದರ್ಯವರ್ಧಕ ಉತ್ಪನ್ನಗಳು: ಟಾಲ್ಕಮ್ ಪೌಡರ್, ಯೋನಿ ಡೌಚ್‌ಗಳು ಮತ್ತು ಸೌಂದರ್ಯವಾಗಿ ಕಾಣಲು ಬಳಸುವ ಕ್ಯಮಿಕಲ್​ಯುಕ್ತ ಪದಾರ್ಥಗಳು ಮಾನವರಲ್ಲಿ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತವೆ ಎಂದು ಅಧ್ಯಯನವೊಂದು ಹೇಳಿದೆ. ಅಂತಹ ಉತ್ಪನ್ನಗಳ ನಿಯಮಿತ ಬಳಕೆ, ವಿಶೇಷವಾಗಿ ನಿಕಟ ಪ್ರದೇಶಗಳಲ್ಲಿ ಅಂಡಾಶಯದ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ.

ಜನನ ನಿಯಂತ್ರಣ: 5 ಅಥವಾ ಅದಕ್ಕಿಂತ ಹೆಚ್ಚು ವರ್ಷಗಳ ಕಾಲ ಗರ್ಭನಿರೋಧಕಗಳನ್ನು ಬಳಸುವ ಮಹಿಳೆಯರಲ್ಲಿ ಅಂಡಾಶಯದ ಕ್ಯಾನ್ಸರ್ ಅಪಾಯಗಳು ಸುಮಾರು 50 ಪ್ರತಿಷತದಷ್ಟು ಕಡಿಮೆಯಾಗಿದೆ ಎಂದು ಅಧ್ಯಯನಗಳು ಹೇಳಿವೆ.

ಸೂಚನೆ: ಈ ಎಲ್ಲ ಸಲಹೆಗಳನ್ನು ಅನುಸರಿಸುವ ಮೊದಲು ವೈದ್ಯರನ್ನು ಮತ್ತು ಆರೋಗ್ಯ ತಜ್ಞರನ್ನು ಸಂಪರ್ಕಿಸಿ

Published On - 7:00 am, Sun, 25 September 22