Red Rice: ಕೆಂಪು ಅಕ್ಕಿಯ ಸೇವನೆಯಿಂದ ಸಿಗುವ ಆರೋಗ್ಯ ಪ್ರಯೋಜನಗಳೇನು? ಇಲ್ಲಿದೆ ಮಾಹಿತಿ

ಬಿಳಿ ಅಕ್ಕಿಗೆ ಹೋಲಿಸಿದರೆ, ಕೆಂಪು ಅಕ್ಕಿ ಹೆಚ್ಚಿನ ಪೌಷ್ಠಿಕಾಂಶವನ್ನು ಹೊಂದಿದೆ ಮತ್ತು ಸತು ಮತ್ತು ಕಬ್ಬಿಣದಂತಹ ಖನಿಜಗಳಿಂದ ಸಮೃದ್ಧವಾಗಿದೆ ಎಂಬುದು ನಿಮಗೆ ತಿಳಿದಿರಬಹುದು. ವಾಸ್ತವವಾಗಿ, ಅಕ್ಕಿಯಲ್ಲಿ ಸುಮಾರು 40,000 ವಿಧಗಳಿವೆ. ಆದರೆ ನಮಗೆ ಕೆಲವು ಜನಪ್ರಿಯ ಅಕ್ಕಿಗಳ ಬಗ್ಗೆ ಮಾತ್ರ ತಿಳಿದಿದೆ. ಇದರಲ್ಲಿ ಕೆಂಪು ಅಕ್ಕಿಯೂ ಒಂದು. ಇದು ಇತ್ತೀಚೆಗೆ ಕಂಡು ಹಿಡಿದಿದ್ದಲ್ಲ, ಅಲ್ಲದೆ ಜನರು ಈಗೀಗ ಬಳಸುತ್ತಿರುವುದು ಅಲ್ಲ. ಆದರೆ ಈ ಅಕ್ಕಿಯನ್ನು ಜನಪ್ರಿಯಗೊಳಿಸುತ್ತಿರುವುದು ಅದರ ಆರೋಗ್ಯ ಪ್ರಯೋಜನಗಳು. ಅಕಾಯ್ ಬೆರ್ರಿಗಳಲ್ಲಿ ಹೇರಳವಾಗಿ ಕಂಡು ಬರುವ ಆಂಥೋಸಯಾನಿನ್ ಎಂಬ ಆಂಟಿ- ಆಕ್ಸಿಡೆಂಟ್ ನಿಂದಾಗಿ ಕೆಂಪು ಅಕ್ಕಿ ಆ ಬಣ್ಣವನ್ನು ಪಡೆಯುತ್ತದೆ. ಕೆಂಪು ಅಕ್ಕಿ ಒಂದು ಪೋಷಕಾಂಶದ ಶಕ್ತಿ ಕೇಂದ್ರವಾಗಿದೆ ಮತ್ತು ಕೇರಳದಲ್ಲಿ ಅದರ ಮೂಲದಿಂದಾಗಿ ಇದನ್ನು ರಕ್ತಶಾಲಿಯರ್ ಮಟ್ಟಾ ಅಕ್ಕಿ ಅಥವಾ ಕೇರಳ ಕೆಂಪು ಅಕ್ಕಿ ಎಂದು ಕರೆಯಲಾಗುತ್ತದೆ. ಇದು ಪೋಷಕಾಂಶಗಳ ಶಕ್ತಿ ಕೇಂದ್ರವಾಗಿದೆ ಮತ್ತು ಭಾರತೀಯ ಪಾಕಪದ್ಧತಿಯ ಅವಿಭಾಜ್ಯ ಅಂಗವಾಗಿದೆ. ಕೆಂಪು ಅಕ್ಕಿಯಲ್ಲಿ ಉತ್ಕರ್ಷಣ ನಿರೋಧಕಗಳು ಮತ್ತು ಫೈಬರ್ ಸಮೃದ್ಧವಾಗಿದೆ ಮತ್ತು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು, ಜೀರ್ಣಕ್ರಿಯೆಯನ್ನು ಸುಧಾರಿಸಲು ಇದು ಪೂರಕವಾಗಿದೆ. ಇನ್ನು ಹೆಚ್ಚೆಚ್ಚು ಆರೋಗ್ಯ ಪ್ರಯೋಜನಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಆದರೆ ಕೆಂಪು ಅಕ್ಕಿಯನ್ನು ಬೇಯಿಸಲು ಸರಿಯಾದ ಮಾರ್ಗ ಯಾವುದು? ಈ ಬಗ್ಗೆ ಮುಂಬೈನ ನಾನಾವತಿ ಮ್ಯಾಕ್ಸ್ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ನೋಂದಾಯಿತ ಆಹಾರ ತಜ್ಞ ಮತ್ತು ಕ್ಲಿನಿಕಲ್ ನ್ಯೂಟ್ರಿಷನಿಸ್ಟ್ ಡಾ. ಉಷಾಕಿರಣ್ ಸಿಸೋಡಿಯಾ ಕೆಲವು ವಿಚಾರಗಳನ್ನು ಹಂಚಿಕೊಂಡಿದ್ದು, ಕೆಂಪು ಅಕ್ಕಿಯನ್ನು ಹೇಗೆ ಬೇಯಿಸಬೇಕು? ಮತ್ತು ಕೆಂಪು ಅಕ್ಕಿಯಿಂದ ಸಿಗುವ ಆರೋಗ್ಯ ಪ್ರಯೋಜನಗಳ ಬಗ್ಗೆ ತಿಳಿಸಿದ್ದಾರೆ.

ಕೆಂಪು ಅಕ್ಕಿ ಬೇಯಿಸುವುದು ಹೇಗೆ?

ಸರಳ ವಿಧಾನವನ್ನು ಬಳಸಿಕೊಂಡು ಕೆಂಪು ಅಕ್ಕಿಯನ್ನು ಸರಿಯಾದ ರೀತಿಯಲ್ಲಿ ಬೇಯಿಸಿಕೊಳ್ಳಬಹುದು. ಮೊದಲು ನೀರಿನಲ್ಲಿ 1 ಕಪ್ ಕೆಂಪು ಅಕ್ಕಿಯನ್ನು ಚೆನ್ನಾಗಿ ತೊಳೆದು, ಸ್ವಚ್ಛಗೊಳಿಸಿಕೊಳ್ಳಿ. ಬಳಿಕ ಅಕ್ಕಿಯನ್ನು ಕನಿಷ್ಠ 30 ನಿಮಿಷದಿಂದ 1 ಗಂಟೆಯವರೆಗೆ ನೀರಿನಲ್ಲಿ ನೆನೆಸಿಡಿ. ನಂತರ ಒಂದು ಪಾತ್ರೆಯಲ್ಲಿ, ನೆನೆಸಿದ ಅಕ್ಕಿಯನ್ನು 3 ಕಪ್ ನೀರಿನೊಂದಿಗೆ ಸೇರಿಸಿ. ನೀರು ಕುದಿಯುವ ಹಂತಕ್ಕೆ ಬಂದ ನಂತರ ಶಾಖವನ್ನು ಕಡಿಮೆ ಮಾಡಿ. ಪಾತ್ರೆಯನ್ನು ಮುಚ್ಚಿ 20- 25 ನಿಮಿಷಗಳ ಕಾಲ ಬೇಯಲು ಬಿಡಿ, ಅಥವಾ ಅಕ್ಕಿ ಬೇಯುವವರೆಗೆ ಮತ್ತು ನೀರು ಹೀರಿಕೊಳ್ಳುವವರೆಗೆ ಇದನ್ನು ಸುಮಾರು 5 ನಿಮಿಷಗಳ ಕಾಲ ಹಾಗೇ ಬಿಡಿ.

ಕೆಂಪು ಅಕ್ಕಿಯ ಆರೋಗ್ಯ ಪ್ರಯೋಜನಗಳೇನು?

1. ಮಧುಮೇಹವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ

ಕೆಂಪು ಅಕ್ಕಿ ನಿಮ್ಮ ಇನ್ಸುಲಿನ್ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಜೊತೆಗೆ ಈ ಅಕ್ಕಿ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ನಿಮಗೆ ಸಹಾಯ ಮಾಡುತ್ತದೆ ಮತ್ತು ಮಧುಮೇಹ ರೋಗಿಗಳಿಗೂ ಇದು ಒಳ್ಳೆಯದು.

2. ಅಸ್ತಮಾ ತಡೆಗಟ್ಟಲು ಸಹಾಯ ಮಾಡುತ್ತದೆ

ಈ ಅಕ್ಕಿ ಶ್ವಾಸಕೋಶದ ಕಾಯಿಲೆಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ, ಅದರ ಸಮೃದ್ಧ ಪ್ರಮಾಣದ ಮೆಗ್ನೀಸಿಯಮ್ ನಿಮ್ಮ ದೇಹಕ್ಕೆ ಅನೇಕ ರೀತಿಯ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಕೆಂಪು ಅಕ್ಕಿಯ ನಿಯಮಿತ ಸೇವನೆಯು ದೇಹದಲ್ಲಿ ಆಮ್ಲಜನಕದ ಪರಿಚಲನೆಯನ್ನು ಸುಧಾರಿಸುತ್ತದೆ ಹಾಗಾಗಿ ಅಸ್ತಮಾವನ್ನು ತಡೆಯಲು ಸಹ ಸಹಕಾರಿಯಾಗಿದೆ. ಇದು ಉಸಿರಾಟದ ಮಾದರಿಗಳನ್ನು ಸುಧಾರಿಸುತ್ತದೆ ಮತ್ತು ನಿಯಂತ್ರಿಸುವಲ್ಲಿಯೂ ಸಹಾಯ ಮಾಡುತ್ತದೆ.

3. ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ

ಕರಗುವ ಮತ್ತು ಕರಗದ ನಾರಿನ ಒಳ್ಳೆಯತನದಿಂದ ತುಂಬಿರುವ ಕೆಂಪು ಅಕ್ಕಿ ದೇಹದಿಂದ ಹಾನಿಕಾರಕ ಜೀವಾಣುಗಳನ್ನು ಸುಲಭವಾಗಿ ಹೊರಹಾಕುತ್ತದೆ ಮತ್ತು ಕರುಳಿನ ಚಲನೆಯನ್ನು ಸರಾಗಗೊಳಿಸುತ್ತದೆ. ಇದಲ್ಲದೆ, ಇದು ನೈಸರ್ಗಿಕ ವಿರೇಚಕವಾಗಿಯೂ ಕಾರ್ಯನಿರ್ವಹಿಸುತ್ತದೆ. ಈ ಅಕ್ಕಿಯನ್ನು ಸರಿಯಾಗಿ ಬೇಯಿಸಿ ತಿನ್ನುವುದರಿಂದ ಅತಿಸಾರ ಮತ್ತು ಮಲಬದ್ಧತೆ ಎರಡಕ್ಕೂ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ಅಲೋವೆರಾ ರಸದಲ್ಲಿದೆ ಆರೋಗ್ಯ ಪ್ರಯೋಜನ, ಮನೆಯಲ್ಲಿ ಜ್ಯೂಸ್ ಹೇಗೆ ತಯಾರಿಸುವುದು?

4. ಹೃದ್ರೋಗಗಳನ್ನು ದೂರವಿಡಲು ಸಹಾಯ ಮಾಡುತ್ತದೆ

ಕೆಂಪು ಅಕ್ಕಿ ಸಂಪೂರ್ಣ ಧಾನ್ಯವಾಗಿರುವುದರಿಂದ ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವನ್ನು ಸುಲಭವಾಗಿ ಕಡಿಮೆ ಮಾಡುತ್ತದೆ ಮತ್ತು ಇದರಿಂದಾಗಿ ಹೃದ್ರೋಗಗಳನ್ನು ತಡೆಯಲು ಸಹಾರಿಯಾಗಿದೆ.

5. ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ

ಕೆಂಪು ಅಕ್ಕಿ ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಸೂಕ್ತವಾಗಿದೆ ಏಕೆಂದರೆ ಇದು ನಾರಿನಂಶದಿಂದ ತುಂಬಿರುತ್ತದೆ ಮತ್ತು ಇದನ್ನು ಸೇವಿಸಿದಾಗ ಸಂತೃಪ್ತಿ ನೀಡುತ್ತದೆ. ಪದೇ ಪದೇ ಹಸಿವಾಗುವುದನ್ನು ತಡೆಯುತ್ತದೆ. ಇದು ಒಟ್ಟಾರೆ ಕ್ಯಾಲೊರಿ ಸೇವನೆಯನ್ನು ಸಹ ಕಡಿಮೆ ಮಾಡುತ್ತದೆ. ಈ ಬಹುಮುಖ ಅಕ್ಕಿಯಲ್ಲಿನ ಕೊಬ್ಬಿನ ಪ್ರಮಾಣವು ಸಂಪೂರ್ಣ ಶೂನ್ಯವಾಗಿದೆ, ಇದು ಮಧ್ಯಾಹ್ನದ ಊಟ ಅಥವಾ ರಾತ್ರಿಯ ಊಟಕ್ಕೆ ಮುಖ್ಯವಾಗಿ ಬಳಸಬಹುದಾದ ಖಾದ್ಯವಾಗಿದೆ.

6. ಒಳಗಿನಿಂದ ಹೊಳಪು ನೀಡುತ್ತದೆ.

ಕೆಂಪು ಅಕ್ಕಿಯಲ್ಲಿರುವ ಆಂಥೋಸಯಾನಿನ್ ಅಂಶವು ಅಕಾಲಿಕ ವಯಸ್ಸಾದ ಚಿಹ್ನೆಗಳನ್ನು ವಿಳಂಬಗೊಳಿಸುತ್ತದೆ!

7. ಮೂಳೆಯ ಆರೋಗ್ಯವನ್ನು ಹೆಚ್ಚಿಸುತ್ತದೆ

ನಿಮ್ಮ ಶಕ್ತಿಯಲ್ಲಿ ರಾಜಿ ಮಾಡಿಕೊಳ್ಳದೆ ತೂಕ ಇಳಿಸಿಕೊಳ್ಳಲು ನೀವು ಎದುರು ನೋಡುತ್ತಿದ್ದರೆ ಕೆಂಪು ಅಕ್ಕಿ ಅದ್ಭುತ ಆಯ್ಕೆಯಾಗಿದೆ. ಹೆಚ್ಚಿನ ಕ್ಯಾಲ್ಸಿಯಂ ಮತ್ತು ಮೆಗ್ನೀಸಿಯಮ್ ಅಂಶದಿಂದಾಗಿ ಸಂಧಿವಾತ, ಆಸ್ಟಿಯೊಪೊರೋಸಿಸ್ ಮತ್ತು ಇತರ ಮೂಳೆ ಅಸ್ವಸ್ಥತೆಗಳ ಆಗಮನವನ್ನು ತಡೆಗಟ್ಟಲು ಸಹಾಯ ಮಾಡುವುದರಿಂದ 40 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಇದನ್ನು ಹೆಚ್ಚು ಶಿಫಾರಸು ಮಾಡಲಾಗಿದೆ.

ನಾವು ಪ್ರತಿದಿನ ಕೆಂಪು ಅಕ್ಕಿಯನ್ನು ತಿನ್ನಬಹುದೇ?

ಹೌದು, ಕೆಂಪು ಅಕ್ಕಿಯನ್ನು ಪ್ರತಿದಿನ ಸೇವಿಸಬಹುದು ಮತ್ತು ಇದು ಕಂದು ಅಕ್ಕಿ ಅಥವಾ ಬಿಳಿ ಅಕ್ಕಿಗಿಂತ ಉತ್ತಮ ಪರ್ಯಾಯವಾಗಿದೆ. ಸ್ವಲ್ಪ ಕೆಂಪು ಬಣ್ಣ ಬರುವುದಕ್ಕೆ ನೀವು ಇದನ್ನು ದೋಸೆ ಮತ್ತು ಇಡ್ಲಿ ಹಿಟ್ಟಿಗೆ ಸೇರಿಸಬಹುದು. ವಾಸ್ತವದಲ್ಲಿ ಕಂದು ಅಕ್ಕಿಗೆ ಹೋಲಿಸಿದರೆ ಇದು 10 ಪಟ್ಟು ಹೆಚ್ಚು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ ಎಂದು ಸಂಶೋಧನೆಗಳಿಂದ ತಿಳಿದು ಬಂದಿದೆ.

ಕೆಂಪು ಅಕ್ಕಿಯ ಅಡ್ಡ ಪರಿಣಾಮಗಳೇನು?

ಕೆಂಪು ಅಕ್ಕಿಯ ಕೆಲವು ವಿಧಗಳು ಸಿಟ್ರಿನಿನ್ ಎಂಬ ಅಂಶವನ್ನು ಹೊಂದಿರುತ್ತವೆ, ಇದು ಮೂತ್ರಪಿಂಡಗಳಿಗೆ ಹಾನಿ ಮಾಡುತ್ತದೆ ಎಂದು ಕಂಡು ಬಂದಿದೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ