Side Effects of Curd: ರಾತ್ರಿ ಹೊತ್ತಲ್ಲಿ ಮೊಸರು ತಿನ್ನುವುದು ಒಳ್ಳೆದಾ? ಆಯುರ್ವೇದ ಹೇಳುವುದು ಏನು?

ಭಾರತೀಯರಾದ ನಾವುಗಳು ಮೊಸರನ್ನು (Curd) ಹೆಚ್ಚಾಗಿ ಸೇವಿಸುತ್ತೇವೆ ಅಥವಾ ಬಳಸುತ್ತೇವೆ. ಮೊಸರು ಅತ್ಯುತ್ತಮ ಡೈರಿ ಉತ್ಪನ್ನವಾಗಿದೆ. ಇದು ಸಾಮಾನ್ಯವಾಗಿ ವಿನೆಗರ್ ಅಥವಾ ನಿಂಬೆ ರಸದಂತಹ ಆಮ್ಲೀಯ ಪದಾರ್ಥವನ್ನು ಹೊಂದಿರುತ್ತದೆ. ಪರಿಣಾಮವಾಗಿ, ಇದು ಜೀರ್ಣಕ್ರಿಯೆಗೆ ಸಹಾಯಕವಾಗಿದ್ದು, ಕ್ಯಾಲ್ಸಿಯಂ ಕೊರತೆಯನ್ನು ತಡೆಯುತ್ತದೆ. ಹೆಚ್ಚಿನ ಲ್ಯಾಕ್ಟೋಸ್ ಅಸಹಿಷ್ಣುತೆ ಹೊಂದಿರುವ ಜನರು ಮೊಸರನ್ನು ಸೇವಿಸಬಹುದು. ಏಕೆಂದರೆ ಇದು ಹಾಲಿನಲ್ಲಿರುವ ಲ್ಯಾಕ್ಟೋಸ್​ನಿಂದ ಲ್ಯಾಕ್ಟಿಕ್ ಆಮ್ಲವನ್ನು ಉತ್ಪಾದಿಸುತ್ತದೆ. ಇದು ಜಿಐ ಟ್ರಾಕ್ಟ್‌ನಲ್ಲಿ ರೋಗ-ಉಂಟುಮಾಡುವ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯುವ ಆಂಟಿಮೈಕ್ರೊಬಿಯಲ್ ವಸ್ತುಗಳನ್ನು ಉತ್ಪಾದಿಸುತ್ತದೆ. ಇದು ಖನಿಜ ಹೀರಿಕೊಳ್ಳುವಿಕೆಯನ್ನು ಸುಧಾರಿಸುತ್ತದೆ. ಪ್ರತಿಜೀವಕಗಳನ್ನು ತೆಗೆದುಕೊಳ್ಳುವಾಗ ಮೊಸರು ಸೇವನೆಯು ಪ್ರತಿಜೀವಕ-ಸಂಬಂಧಿತ ಅತಿಸಾರ ಸಂಭವಿಸುವಿಕೆಯನ್ನು ತಡೆಯುತ್ತದೆ. ಆದರೆ ಮೊಸರು ಆರೋಗ್ಯಕ್ಕೆ ಒಳ್ಳೆಯದಾದರೂ ರಾತ್ರಿಯಲ್ಲಿ ತಿನ್ನದಿರುವುದು ಒಳ್ಳೆಯದು. ಹಾಗಾದರೆ ಈ ಕುರಿಯತಾಗಿ ಆಯುರ್ವೇದ ಏನು ಹೇಳುತ್ತದೆ ಎಂದು ತಿಳಿಯೋಣ.

ಇದನ್ನೂ ಓದಿ: Pitta: ಪಿತ್ತದಿಂದ ಯಾವ್ಯಾವ ಸಮಸ್ಯೆ ನಿಮ್ಮನ್ನು ಕಾಡಬಹುದು, ನಿವಾರಣೆ ಹೇಗೆ?

ಆಯುರ್ವೇದದ ಪ್ರಕಾರ ರಾತ್ರಿ ಹೊತ್ತಲ್ಲಿ ಮೊಸರು ಸೇವನೆ ಯೋಗ್ಯವಲ್ಲವೆಂದು ಹೇಳುತ್ತದೆ. ಏಕೆಂದರೆ ಇದು ಲೋಳೆಯ ರಚನೆಗೆ ಕಾರಣವಾಗುತ್ತದೆ. ಮೊಸರು ಸಿಹಿ ಮತ್ತು ಹುಳಿ ಗುಣಗಳನ್ನು ಹೊಂದಿದೆ. ಅದಕ್ಕಾಗಿಯೇ ಇದನ್ನು ರಾತ್ರಿ ಹೊತ್ತಲ್ಲಿ ಸೇವಿಸುವುದರಿಂದ ಮೂಗಿನಲ್ಲಿ ಲೋಳೆಯ ರಚನೆ ಉಂಟುಮಾಡುತ್ತದೆ.

ಸಂಧಿವಾತ ಪೀಡಿತರು ಪ್ರತಿದಿನ ಮೊಸರು ತಿನ್ನಬಾರದು. ಮೊಸರು ಒಂದು ಹುಳಿ ಆಹಾರವಾಗಿದ್ದು, ಹುಳಿ ಆಹಾರಗಳು ಕೀಲು ನೋವನ್ನು ಉಲ್ಬಣಗೊಳಿಸಬಹುದು.

ಜೀರ್ಣಾಂಗ ವ್ಯವಸ್ಥೆಯಲ್ಲಿ ಸಮಸ್ಯೆ ಹೊಂದಿರುವವರು ರಾತ್ರಿಯಲ್ಲಿ ಮೊಸರು ತಿನ್ನಬಾರದು. ನೀವು ಆಗಾಗ್ಗೆ ಅಸಿಡಿಟಿ, ಅಜೀರ್ಣ ಅಥವಾ ಆಸಿಡ್ ರಿಫ್ಲಕ್ಸ್‌ನಿಂದ ಬಳಲುತ್ತಿದ್ದರೆ, ನಿಮ್ಮ ಜೀರ್ಣಕ್ರಿಯೆ ನಿಧಾನವಾದಾಗ ನೀವು ಮೊಸರು ತಿನ್ನುವುದನ್ನು ನಿಲ್ಲಿಸಬೇಕು. ಸಾಮಾನ್ಯವಾಗಿ ರಾತ್ರಿ ಮೊಸರು ತಿನ್ನದಿರುವುದು ಉತ್ತಮ ಎನ್ನುತ್ತಾರೆ ತಜ್ಞರು ಮತ್ತು ಆಯುರ್ವೇದ.

ಇದನ್ನೂ ಓದಿ: Health Tips: ಮೊಳಕೆ ಬಂದ ಕಾಳು ಮತ್ತು ಬೆಲ್ಲವನ್ನು ಒಟ್ಟಿಗೆ ಸೇವಿಸಿದರೆ ಏನಾಗುತ್ತದೆ ಗೊತ್ತಾ? ಇಲ್ಲಿದೆ ಮಾಹಿತಿ

ಆಸ್ತಮಾ, ಕೆಮ್ಮು, ಶೀತ ಮತ್ತು ಇತರ ಉಸಿರಾಟದ ಕಾಯಿಲೆಗಳಿಗೆ ಒಳಗಾಗುವ ಜನರು ರಾತ್ರಿಯಲ್ಲಿ ಮೊಸರು ತಿನ್ನುವುದನ್ನು ತಪ್ಪಿಸುವುದು ಒಳ್ಳೆದು. ಮುಂಜಾನೆ ಅಥವಾ ಮಧ್ಯಾಹ್ನ ಹೊತ್ತಲ್ಲಿ ಮೊಸರು ಸೇವಿಸುವುದು ಉತ್ತಮ. ಮೊಸರಿನಿಂದಾಗಿ ಕೆಲವರಲ್ಲಿ ತೂಕ ಹೆಚ್ಚಾಗಬಹುದು. ಜೊತೆಗೆ ಮಲಬದ್ಧತೆ ಉಂಟಾಗಬಹುದು.

ಮತ್ತಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.