ಬಾಳೆ ಎಲೆ ಊಟ ಅಂತ ಅಸಡ್ಡೆ ಮಾಡುವವರು ಇದ್ರಿಂದ ಸಿಗುವ ಪ್ರಯೋಜನ ತಿಳಿದ್ರೆ ಶಾಕ್ ಆಗುವುದು ಖಂಡಿತ

ಸಾಮಾನ್ಯವಾಗಿ ನಾವು ಹಬ್ಬ (Festival), ಶುಭ ಸಮಾರಂಭ, ಮದುವೆ ಇನ್ನಿತರ ವಿಶೇಷ ಸಂದರ್ಭಗಳಲ್ಲಿ ಬಾಳೆ ಎಲೆ (Banana Leaf) ಯಲ್ಲಿ ಊಟ ಮಾಡುತ್ತೇವೆ. ಹಳ್ಳಿಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತಿದ್ದ ಈ ಪದ್ಧತಿ ಈಗ ಎಲ್ಲೆಡೆ ಕಂಡುಬರುತ್ತಿದೆ. ಮಾಡಿದ ಅಡುಗೆಯನ್ನು ಬಾಳೆಯಲ್ಲಿ ಬಡಿಸಿ ಅದರಲ್ಲಿಯೇ ಊಟ ಮಾಡುವುದು ಒಂದು ವಿಶಿಷ್ಟ ಸಂಪ್ರದಾಯ. ಇದು ಪೂರ್ವಜರಿಂದ ಬಂದಿರುವ ಅಭ್ಯಾಸ ಮಾತ್ರವಲ್ಲದೆ ಪರಿಸರಕ್ಕೆ ಪ್ರಯೋಜನಕಾರಿಯಾದ ಒಂದು ಉತ್ತಮ ವಿಧಾನ. ಆದರೆ ಹಲವರಿಗೆ ಇದರಿಂದ ಸಿಗುವ ಪ್ರಯೋಜನಗಳ ಬಗ್ಗೆ ಸರಿಯಾಗಿ ತಿಳಿದಿಲ್ಲ. ಇದೊಂದು ಅಭ್ಯಾಸ ಮಾತ್ರವಲ್ಲ ಆಯುರ್ವೇದದ ಪ್ರಕಾರ, ಬಾಳೆ ಎಲೆಯಲ್ಲಿ ಊಟ ಮಾಡುವುದರಿಂದ ಹಲವಾರು ರೀತಿಯ ಆರೋಗ್ಯ (Health) ಪ್ರಯೋಜನಗಳಿವೆ. ಅವು ಯಾವುವು? ಬಾಳೆ ಎಲೆಯ ಊಟ ಬಹಳ ಶ್ರೇಷ್ಠ ಏಕೆ ಎಂಬುದನ್ನು ಈ ಸ್ಟೋರಿ ಮೂಲಕ ತಿಳಿದುಕೊಳ್ಳಿ.

ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ

ಬಾಳೆ ಎಲೆಗಳಲ್ಲಿ, ಪಾಲಿಫಿನಾಲ್‌ಗಳು ಎಂಬ ನೈಸರ್ಗಿಕ ಪೋಷಕಾಂಶಗಳು ಮತ್ತು ಉತ್ಕರ್ಷಣ ನಿರೋಧಕಗಳು ಇರುತ್ತವೆ. ಇವು ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ತಡೆಯುತ್ತವೆ. ಬಿಸಿ ಆಹಾರವು ಎಲೆಯೊಂದಿಗೆ ಸಂಪರ್ಕಕ್ಕೆ ಬಂದಾಗ, ಈ ಪೋಷಕಾಂಶಗಳು ಆಹಾರದೊಂದಿಗೆ ಲಘುವಾಗಿ ಬೆರೆತು ನಮ್ಮ ದೇಹಕ್ಕೆ ಪ್ರಯೋಜನವನ್ನು ನೀಡುತ್ತವೆ.

ಆಹಾರ ರುಚಿಯನ್ನು ಇಮ್ಮಡಿಗೊಳಿಸುತ್ತದೆ

ರುಚಿಕರವಾಗಿರುವ ಬಿಸಿ ಆಹಾರವು ಬಾಳೆ ಎಲೆಯ ಮೇಲಿನ ಮೃದುವಾದ ಲೇಪನದ ಮೇಲೆ ಬಡಿಸಿದಾಗ ವಿಶೇಷವಾದ ನೈಸರ್ಗಿಕ ಸುವಾಸನೆ ಬಿಡುಗಡೆಯಾಗುತ್ತದೆ. ಈ ಸುವಾಸನೆಯು ಊಟವನ್ನು ಹೆಚ್ಚು ಸುವಾಸನೆಯುಕ್ತವಾಗಿಸುತ್ತದೆ.

ಇದನ್ನೂ ಓದಿ: Daily Devotional: ಶಾಸ್ತ್ರದ ಪ್ರಕಾರ ಬಾಳೆ ಎಲೆ ಊಟ ಹೇಗೆ ಮಾಡಬೇಕು? ವಿಡಿಯೋ ನೋಡಿ

ಪರಿಸರ ಸಂರಕ್ಷಣೆಗೆ ಒಳ್ಳೆಯದು

ಬಾಳೆ ಎಲೆಗಳು ಸಂಪೂರ್ಣವಾಗಿ ನೈಸರ್ಗಿಕವಾಗಿದ್ದು, 100% ಜೈವಿಕ ವಿಘಟನೀಯವಾಗಿವೆ. ಬಳಕೆಯ ನಂತರ, ಅವು ನೈಸರ್ಗಿಕವಾಗಿ ಕೊಳೆಯುತ್ತವೆ ಮತ್ತು ಮಣ್ಣಿಗೆ ಗೊಬ್ಬರವಾಗಿ ಬದಲಾಗುತ್ತವೆ. ಪ್ಲಾಸ್ಟಿಕ್ ಅಥವಾ ಇತರ ವಸ್ತುಗಳಿಗಿಂತ ಭಿನ್ನವಾಗಿದ್ದು ಪರಿಸರಕ್ಕೆ ಯಾವುದೇ ರೀತಿಯಲ್ಲಿಯೂ ಹಾನಿ ಮಾಡುವುದಿಲ್ಲ.

ಬಿಸಿ ಆಹಾರಕ್ಕೆ ಉತ್ತಮ

ಬಾಳೆ ಎಲೆ ಬಿಸಿ ಭಕ್ಷ್ಯಗಳನ್ನು ಸುಲಭವಾಗಿ ತಡೆದುಕೊಳ್ಳುತ್ತವೆ. ಅವುಗಳ ಮೇಲಿನ ನೈಸರ್ಗಿಕ ಮೇಣದ ಪದರವು ಆಹಾರ ಅಂಟಿಕೊಳ್ಳುವುದನ್ನು ತಡೆಯುತ್ತದೆ. ಹೆಚ್ಚುವರಿಯಾಗಿ, ಶಾಖದಿಂದಾಗಿ ಯಾವುದೇ ರೀತಿಯ ಹಾನಿಕಾರಕ ರಾಸಾಯನಿಕಗಳು ಉತ್ಪತ್ತಿಯಾಗುವುದಿಲ್ಲ.

ಜೀರ್ಣಕ್ರಿಯೆಗೆ ಒಳ್ಳೆಯದು

ಬಾಳೆ ಎಲೆಗಳಲ್ಲಿ ತಿನ್ನುವುದರಿಂದ ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಆಯುರ್ವೇದದ ಪ್ರಕಾರ, ಈ ಅಭ್ಯಾಸವು ದೇಹದಲ್ಲಿ ಸಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಆರೋಗ್ಯವನ್ನು ಹೆಚ್ಚಿಸುತ್ತದೆ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ