ಹಚ್ಚೆ ಹಾಕಿಸಿಕೊಳ್ಳುವ ಮೊದಲು ಮತ್ತು ನಂತರ ತಿಳಿದುಕೊಳ್ಳಬೇಕಾದ ವಿಷಯಗಳು

ರಸ್ತೆ ಬದಿಯಿಂದ ಹಿಡಿದು ದೊಡ್ಡ ದೊಡ್ಡ ಮಾಲ್‌ಗಳವರೆಗೂ ಟ್ಯಾಟೂ ಕಲಾವಿದರು ಈಗ ಹೆಚ್ಚುತ್ತಿದ್ದಾರೆ. ಆದ್ದರಿಂದ, ನೀವು ಅಥವಾ ನಿಮ್ಮ ಹತ್ತಿರವಿರುವ ಯಾರಾದರೂ ಹಚ್ಚೆ ಹಾಕಿಸಿಕೊಳ್ಳಲು ಯೋಜಿಸುತ್ತಿದ್ದರೆ, ವೃತ್ತಿಪರ ಟ್ಯಾಟೂ ಕಲಾವಿದರ ಬಳಿ ಹಾಕಿಸಿಕೊಳ್ಳುವುದು ಉತ್ತಮ. ರಸ್ತೆಬದಿಯಲ್ಲಿ ಹಚ್ಚೆ ಹಾಕಿಸಿಕೊಳ್ಳುವುದರಿಂದ ಹಣ ಉಳಿತಾಯವಾದರೂ ಎಚ್‌ಐಟಿ ಮತ್ತು ಹೆಪಟೈಟಿಸ್‌ಗೆ ತುತ್ತಾಗುವ ಸಾಧ್ಯತೆಗಳು ಹೆಚ್ಚು.

ಹಚ್ಚೆ ಹಾಕಿಸಿಕೊಳ್ಳುವ ಮೊದಲು ಇವುಗಳನ್ನು ತಪ್ಪಿಸಿ:

ನೀವು ಹಚ್ಚೆ ಹಾಕಿಸಿಕೊಳ್ಳಲು ಹೋದರೆ ಕನಿಷ್ಠ 48 ಗಂಟೆಗಳ ಮೊದಲು ಯಾವುದೇ ಮದ್ಯಪಾನ ಮಾಡದಿರುವುದು ಉತ್ತಮ. ಏಕೆಂದರೆ ಆಲ್ಕೋಹಾಲ್ ರಕ್ತವನ್ನು ತೆಳುಗೊಳಿಸುತ್ತದೆ. ಇದು ಹಚ್ಚೆ ಸಮಯದಲ್ಲಿ ಅಥವಾ ನಂತರ ರಕ್ತಸ್ರಾವದ ಸಮಸ್ಯೆಗಳನ್ನು ಉಂಟುಮಾಡಬಹುದು. ಇದಲ್ಲದೆ, ನೀವು ಕೆಫೀನ್‌ನಂತಹ ಪಾನೀಯಗಳನ್ನು ಸೇವಿಸುವುದನ್ನು ತಪ್ಪಿಸಬಹುದು. ಕೆಫೀನ್ ನಿಮ್ಮ ದೇಹದಿಂದ ನೀರನ್ನು ಸೆಳೆಯುತ್ತದೆ. ಹಚ್ಚೆ ಹಾಕಿಸಿಕೊಳ್ಳುವಾಗ ಇದು ನಿಮಗೆ ತೊಂದರೆಗಳನ್ನು ಉಂಟುಮಾಡಬಹುದು.

ಹೆಚ್ಚು ನೀರು ಕುಡಿಯಿರಿ:

ನೀವು ಹಚ್ಚೆ ಹಾಕಿಸಿಕೊಳ್ಳಲು  ನಿರ್ಧರಿಸಿದರೆ, ಕನಿಷ್ಠ ಒಂದು ವಾರದ ಮೊದಲು ಪ್ರತಿದಿನ ಆರೋಗ್ಯಕರ ಪಾನೀಯಗಳನ್ನು ಕುಡಿಯಿರಿ. ಅಲ್ಲದೆ, ಸಾಕಷ್ಟು ನೀರು ತೆಗೆದುಕೊಳ್ಳಿ. ಇದು ನಿಮ್ಮ ಚರ್ಮವನ್ನು ಒಳಗಿನಿಂದ ತೇವಗೊಳಿಸುತ್ತದೆ. ಈ ಕಾರಣದಿಂದಾಗಿ, ಹಚ್ಚೆಗಾಗಿ ಸೂಜಿಯ ಒತ್ತಡವನ್ನು ತಡೆದುಕೊಳ್ಳಲು ನಿಮ್ಮ ಚರ್ಮವು ಸಿದ್ಧವಾಗುತ್ತದೆ. ಹಚ್ಚೆ ಹಾಕಿಸಿಕೊಂಡ ದಿನ ಹೊಟ್ಟೆ ತುಂಬಿಸಿ ಹೊರಡಿ. ಇದರೊಂದಿಗೆ ಹಚ್ಚೆ ಹಾಕಿಸಿಕೊಳ್ಳುವಾಗ ಆತಂಕ, ತಲೆಸುತ್ತು ಮುಂತಾದ ಸಮಸ್ಯೆಗಳು ಬರುವುದಿಲ್ಲ.

ಸಡಿಲವಾದ ಮತ್ತು ಗಾಳಿಯಾಡುವ ಬಟ್ಟೆ:

ಹಚ್ಚೆ ಹಾಕಿಸಿಕೊಳ್ಳುವಾಗ ಸಡಿಲವಾದ ಮತ್ತು ಗಾಳಿಯಾಡುವ ಬಟ್ಟೆಗಳನ್ನು ಧರಿಸಿ. ಹೀಗೆ ಮಾಡುವುದರಿಂದ ಟ್ಯಾಟೂ ಹಾಕಿಸಿಕೊಂಡಾಗ ಬೆವರುವುದು, ಹೆದರಿಕೆಯಂತಹ ತೊಂದರೆಗಳನ್ನು ತಡೆಯಬಹುದು.

ಇದನ್ನೂ ಓದಿ: ಪುರುಷರೇ ಈ ಲಕ್ಷಣ ನಿಮಗೂ ಕಂಡುಬರುತ್ತಿದ್ದರೆ ನೀವು ಅಪಾಯದಲ್ಲಿದ್ದೀರಿ

ಹಚ್ಚೆ ಹಾಕಿದ ನಂತರ ಮಾಡಬೇಕಾದ ಕೆಲಸಗಳು:

• ಹಚ್ಚೆ ಹಾಕಿದ ನಂತರ, ನೀವು ಮನೆಗೆ ಬರುವವರೆಗೆ ಅದನ್ನು ಸ್ವಚ್ಛವಾದ ಬಟ್ಟೆಯಿಂದ ಮುಚ್ಚಿ. ಸೂರ್ಯನಿಗೆ ಒಡ್ಡಿಕೊಳ್ಳುವುದರಿಂದ ಚರ್ಮದ ಕೆಂಪು, ತುರಿಕೆ, ಊತ ಮತ್ತು ನೋವು ಉಂಟಾಗುತ್ತದೆ. ಇದಲ್ಲದೇ ಧೂಳು, ಕೊಳೆಯಿಂದ ಸಾಂಕ್ರಾಮಿಕ ರೋಗಗಳು ಹರಡುವ ಭೀತಿಯೂ ಇದೆ.
• ಮನೆಗೆ ಬಂದ ನಂತರ, ಹಚ್ಚೆ ಕಲಾವಿದರು ಶಿಫಾರಸು ಮಾಡಿದ ದ್ರವ ಅಥವಾ ಆಂಟಿಬ್ಯಾಕ್ಟೀರಿಯಲ್ ಸೋಪ್ನೊಂದಿಗೆ ಹಚ್ಚೆ ಹಾಕಿದ ಪ್ರದೇಶವನ್ನು ಸ್ವಚ್ಛಗೊಳಿಸಿ.
• ಟ್ಯಾಟೂ ಪ್ರದೇಶದ ಮೇಲೆ ಬಿಗಿಯಾದ ಬಟ್ಟೆಗಳನ್ನು ಧರಿಸಬೇಡಿ.
• ಹಚ್ಚೆ ಹಾಕಿಸಿಕೊಂಡ ಜಾಗವನ್ನು ಉಜ್ಜುವುದರಿಂದ ಸೋಂಕಿನ ಅಪಾಯ ಹೆಚ್ಚುತ್ತದೆ.
• ಹಚ್ಚೆ ಹಾಕಿಸಿಕೊಂಡ ನಂತರ ಕನಿಷ್ಠ 15 ದಿನಗಳ ಕಾಲ ಮನೆಯಿಂದ ಹೊರಬಂದ ನಂತರ, ಟ್ಯಾಟೂ ಪ್ರದೇಶವನ್ನು ಸೌಮ್ಯವಾದ ಸೋಪ್ ಮತ್ತು ನೀರಿನಿಂದ ಸ್ವಚ್ಛಗೊಳಿಸಿ. ಹೀಗೆ ಮಾಡುವುದರಿಂದ ಧೂಳಿನ ಸಂಬಂಧಿ ಸೋಂಕುಗಳನ್ನು ತಪ್ಪಿಸಬಹುದು.
• ಹಚ್ಚೆ ಹಾಕಿದ ಜಾಗವನ್ನು ಯಾವಾಗಲೂ ಎಣ್ಣೆಯಿಂದ ತೇವಗೊಳಿಸುತ್ತಿರಿ. ಹಚ್ಚೆ ಹಾಕಿದ ಚರ್ಮ ಒಣಗಿದ್ದರೆ ತುರಿಕೆ ಇರುತ್ತದೆ.
• ಹಚ್ಚೆ ಹಾಕಿಸಿಕೊಂಡ ನಂತರ ನಿಮಗೆ ವಿಪರೀತ ತುರಿಕೆ ಅಥವಾ ದದ್ದು ಅನಿಸಿದರೆ, ಅವುಗಳನ್ನು ನಿರ್ಲಕ್ಷಿಸಬೇಡಿ. ಈ ಸಂದರ್ಭದಲ್ಲಿ, ತಕ್ಷಣ ಚರ್ಮರೋಗ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
• ಉತ್ತಮ SPF ಹೊಂದಿರುವ ಸನ್‌ಸ್ಕ್ರೀನ್ ಅನ್ನು ಬಳಸುವುದು ಉತ್ತಮ.

ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ