Vitamin A: ವಿಟಮಿನ್ ‘ಎ’ ಕೊರತೆಯುಂಟಾದರೆ ದೇಹದಲ್ಲಿ ಈ ಲಕ್ಷಣಗಳು ಗೋಚರಿಸುತ್ತೆ

ದೇಹವು ಸರಿಯಾಗಿ ಕಾರ್ಯನಿರ್ವಹಿಸಲು ಜೀವಸತ್ವ, ಖನಿಜಗಳಂತಹ ಸಾಕಷ್ಟು ಪೋಷಕಾಂಶಗಳ ಅಗತ್ಯವಿದೆ. ಈ ಯಾವುದೇ ಅಗತ್ಯ ಪೋಷಕಾಂಶಗಳ ಕೊರತೆಯು ಗಂಭೀರವಾದ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.  ದುರ್ಬಲಗೊಂಡ ರೋಗನಿರೋಧಕ ವ್ಯವಸ್ಥೆಯಿಂದ ಮೂಳೆಗಳು ಕೂಡ ದುರ್ಬಲಗೊಳ್ಳಬಹುದು. ಹಾಗಾಗಿ ನಾವು ಪ್ರೋಟಿನ್, ಫೈಬರ್​ಗಳು ಹಾಗೂ ಎಲ್ಲಾ ಅಗತ್ಯ ಜೀವಸತ್ವಗಳು ಇರುವ ಆಹಾರಗಳ ಸೇವನೆ ಮಾಡಬೇಕು.

ನಿಮ್ಮ ಊಟದಲ್ಲಿ ಅಗತ್ಯವಾದ ಜೀವಸತ್ವಗಳು ಮತ್ತು ಖನಿಜಗಳು ಇಲ್ಲದಿದ್ದಾಗ, ಇದು ಒಂದು ನಿರ್ದಿಷ್ಟ ಕೊರತೆಗೆ ಕಾರಣವಾಗಬಹುದು ಮತ್ತು ವಿಟಮಿನ್ ಎ ಕೊರತೆಯು ಅವುಗಳಲ್ಲಿ ಒಂದಾಗಿದೆ.

ವಿಟಮಿನ್ ಎ ಕೊರತೆಯು ನಿಮ್ಮ ಕಣ್ಣುಗಳು ಅಥವಾ ನಿಮ್ಮ ಚರ್ಮದ ಮೇಲೆ ಪರಿಣಾಮ ಬೀರಬಹುದು ಅಥವಾ ಮಗುವಿನ ಬೆಳವಣಿಗೆಯ ಮೇಲೂ ಪರಿಣಾಮ ಬೀರಬಹುದು. ದೇಹವು ಜೀವಸತ್ವಗಳನ್ನು ಉತ್ಪಾದಿಸಲು ಸಾಧ್ಯವಿಲ್ಲದ ಕಾರಣ, ಆಹಾರದಲ್ಲಿ ಅವುಗಳನ್ನು ಸೇರಿಸಿಕೊಳ್ಳಬೇಕು.

ವಿಟಮಿನ್ ಎ ಕೊರತೆಯಿಂದ ಉಂಟಾಗುವ ಕಾರಣಗಳು
ಕಣ್ಣಿನ ಸಮಸ್ಯೆ: ವಿಟಮಿನ್ ಎ ಕೊರತೆಯ ಸಾಮಾನ್ಯ ಲಕ್ಷಣವೆಂದರೆ ಕಣ್ಣುಗಳಲ್ಲಿನ ಸಮಸ್ಯೆ. ದೃಷ್ಟಿ ಮಂಜಾಗುವುದು, ಕಣ್ಣುಗಳು ಒಣಗಿದಂತಾಗುವುದು, ಕುರುಡುತನ ಅಥವಾ ಕಾರ್ನಿಯಾಗೆ ಹಅನಿಯುಂಟಾಗಬಹುದು.

ಇರುಳುಗಣ್ಣು: ಇದು ಕೂಡ ವಿಟಮಿನ್ ಎ ಕೊರತೆಯ ಸಂಕೇತವಾಗಿದೆ. ದೀರ್ಘಕಾಲದವರೆಗೆ ನಿಮ್ಮ ದೇಹಕ್ಕೆ ವಿಟಮಿನ್ ಕೊರತೆಯುಂಟಾದರೆ ಆಗ ಇರುಳುಗಣ್ಣು ಸಮಸ್ಯೆ ಕಾಡುತ್ತದೆ.
ಹಾಗೆಯೇ ನೀವು ವಿಟಮಿನ್ ಎ ಕೊರತೆಯನ್ನು ಹೋಗಲಾಡಿಸಿದರೆ ಈ ಸಮಸ್ಯೆಗಳು ಕೂಡ ದೂರವಾಗಬಹುದು.

ಚರ್ಮದ ಸಮಸ್ಯೆಗಳು: ನಿಮ್ಮ ದೇಹವು ಸಾಕಷ್ಟು ವಿಟಮಿನ್ ಎ ಅನ್ನು ಪಡೆಯದಿದ್ದರೆ, ಚರ್ಮದ ಕೋಶಗಳನ್ನು ಸರಿಪಡಿಸಲು ಸಾಧ್ಯವಾಗುವುದಿಲ್ಲ ಏಕೆಂದರೆ ವಿಟಮಿನ್ ಚರ್ಮಕ್ಕೂ ಮುಖ್ಯವಾಗಿದೆ. ಎಸ್ಜಿಮಾ ಅಥವಾ ಒಣ ಚರ್ಮದಂತಹ ಚರ್ಮದ ಸ್ಥಿತಿಗಳಿಗೆ ಚಿಕಿತ್ಸೆ ನೀಡಲು ವಿಟಮಿನ್ ಎ ಅನ್ನು ಸಹ ಬಳಸಬಹುದು.

ಮಕ್ಕಳ ಬೆಳವಣಿಗೆ ವಿಳಂಬ: ಮಕ್ಕಳಲ್ಲಿ ವಿಟಮಿನ್ ಎ ಕೊರತೆಯಿಂದ ಅವರ ಬೆಳವಣಿಗೆಯ ಮೇಲೆ ಪೆಟ್ಟು ಬೀಳುತ್ತದೆ.