Daily Devotional: ಶಬರಿಮಲೆಯ 18 ಮೆಟ್ಟಿಲುಗಳ ಮಹತ್ವವೇನು ಗೊತ್ತಾ?
Updated on: Dec 17, 2025 | 7:08 AM
ಶಬರಿಮಲೆಯ ಅಯ್ಯಪ್ಪ ಸ್ವಾಮಿ ದರ್ಶನಕ್ಕೆ ತೆರಳುವ ಭಕ್ತರು ಹತ್ತಬೇಕಾದ 18 ಮೆಟ್ಟಿಲುಗಳು ವಿಶೇಷ ಆಧ್ಯಾತ್ಮಿಕ ಮಹತ್ವವನ್ನು ಹೊಂದಿವೆ. ಈ ಮೆಟ್ಟಿಲುಗಳನ್ನು ಕೇವಲ ಮೆಟ್ಟಿಲುಗಳೆಂದು ಪರಿಗಣಿಸದೆ, ಅವು ಭಕ್ತರ ಅಂತರಂಗ ಶುದ್ಧೀಕರಣದ ಪ್ರಕ್ರಿಯೆಯ ಸಂಕೇತಗಳಾಗಿವೆ. ಮೊದಲ ಐದು ಮೆಟ್ಟಿಲುಗಳು ಪಂಚೇಂದ್ರಿಯಗಳನ್ನು (ಕಣ್ಣು, ಕಿವಿ, ಮೂಗು, ಬಾಯಿ, ನಾಲಿಗೆ) ಅಥವಾ ಪಂಚಭೂತಗಳನ್ನು ಪ್ರತಿನಿಧಿಸುತ್ತವೆ. ಭಕ್ತರು ಈ ಇಂದ್ರಿಯಗಳನ್ನು ನಿಯಂತ್ರಿಸಿ ಶುದ್ಧ ಮನಸ್ಸಿನಿಂದ ಮುಂದೆ ಸಾಗುವುದನ್ನು ಇದು ಸೂಚಿಸುತ್ತದೆ.
ಬೆಂಗಳೂರು, ಡಿಸೆಂಬರ್ 17: ಶಬರಿಮಲೆಯ ಅಯ್ಯಪ್ಪ ಸ್ವಾಮಿ ದರ್ಶನಕ್ಕೆ ತೆರಳುವ ಭಕ್ತರು ಹತ್ತಬೇಕಾದ 18 ಮೆಟ್ಟಿಲುಗಳು ವಿಶೇಷ ಆಧ್ಯಾತ್ಮಿಕ ಮಹತ್ವವನ್ನು ಹೊಂದಿವೆ. ಈ ಮೆಟ್ಟಿಲುಗಳನ್ನು ಕೇವಲ ಮೆಟ್ಟಿಲುಗಳೆಂದು ಪರಿಗಣಿಸದೆ, ಅವು ಭಕ್ತರ ಅಂತರಂಗ ಶುದ್ಧೀಕರಣದ ಪ್ರಕ್ರಿಯೆಯ ಸಂಕೇತಗಳಾಗಿವೆ. ಮೊದಲ ಐದು ಮೆಟ್ಟಿಲುಗಳು ಪಂಚೇಂದ್ರಿಯಗಳನ್ನು (ಕಣ್ಣು, ಕಿವಿ, ಮೂಗು, ಬಾಯಿ, ನಾಲಿಗೆ) ಅಥವಾ ಪಂಚಭೂತಗಳನ್ನು ಪ್ರತಿನಿಧಿಸುತ್ತವೆ. ಭಕ್ತರು ಈ ಇಂದ್ರಿಯಗಳನ್ನು ನಿಯಂತ್ರಿಸಿ ಶುದ್ಧ ಮನಸ್ಸಿನಿಂದ ಮುಂದೆ ಸಾಗುವುದನ್ನು ಇದು ಸೂಚಿಸುತ್ತದೆ.
ನಂತರದ ಎಂಟು ಮೆಟ್ಟಿಲುಗಳು ಅಷ್ಟರಾಗಗಳನ್ನು (ಕಾಮ, ಕ್ರೋಧ, ಲೋಭ, ಮೋಹ, ಮದ, ಮತ್ಸರ, ಅಹಂಕಾರ, ಅಸೂಯೆ) ಜಯಿಸುವುದನ್ನು ಪ್ರತಿಬಿಂಬಿಸುತ್ತವೆ. ಇವುಗಳನ್ನು ಮೀರಿ, ಮುಂದಿನ ಮೂರು ಮೆಟ್ಟಿಲುಗಳು ಸತ್ವ, ರಜೋ ಮತ್ತು ತಮೋ ಗುಣಗಳನ್ನು ಅರಿಯುವುದನ್ನು ಪ್ರತಿನಿಧಿಸುತ್ತವೆ. ಕೊನೆಯ ಎರಡು ಮೆಟ್ಟಿಲುಗಳು ಅಜ್ಞಾನವನ್ನು ತೊಡೆದುಹಾಕಿ ಜ್ಞಾನವನ್ನು ಪಡೆಯುವುದರ ಸಂಕೇತವಾಗಿವೆ. ಈ 18 ಮೆಟ್ಟಿಲುಗಳು ಭಕ್ತರು ತಮ್ಮ ದುರ್ಗುಣಗಳನ್ನು ತೊರೆದು ಸದ್ಗುಣಗಳನ್ನು ಅಳವಡಿಸಿಕೊಳ್ಳುವ ಪರೀಕ್ಷೆ ಎಂದು ಪರಿಗಣಿಸಲಾಗುತ್ತದೆ. ಈ ಆಧ್ಯಾತ್ಮಿಕ ಪ್ರಯಾಣವು ಅಯ್ಯಪ್ಪ ದರ್ಶನದ ಪೂರ್ಣ ಫಲವನ್ನು ನೀಡುತ್ತದೆ ಎಂದು ಗುರೂಜಿ ಹೇಳಿದ್ದಾರೆ.
