2021-22ರಲ್ಲಿ ಭಾರತಕ್ಕೆ ಬರುವಂಥ 10 ಲಕ್ಷ ರೂಪಾಯಿಯೊಳಗಿನ ಕಾಂಪ್ಯಾಕ್ಟ್ ಕಾರುಗಳಿವು
Cars Under 10 Lakhs: ಭಾರತದಲ್ಲಿ 2021- 2022ರಲ್ಲಿ ಬರಲಿರುವ ರೂ. 10 ಲಕ್ಷದೊಳಗಿನ ಕಾಂಪ್ಯಾಕ್ಟ್ ಕಾರುಗಳಿವು. ಇವುಗಳ ಫೀಚರ್ ಆಕರ್ಷಕವಾಗಿವೆ.
Updated on: May 20, 2021 | 6:46 PM
ಪೆಟ್ರೋಲ್- ಡೀಸೆಲ್ ಎರಡೂ ಪರಮ ದುಬಾರಿಯಾಗಿ ಯಾವುದೋ ಕಾಲವಾಯಿತು. ಈ ಹಿಂದೆಲ್ಲ ಅಲ್ಲೊಂದು- ಇಲ್ಲೊಂದು ಅನ್ನೋ ಹಾಗೆ ಎಲೆಕ್ಟ್ರಿಕ್ ಸ್ಕೂಟರ್ ಕಾಣಿಸಿಕೊಳ್ಳುತ್ತಿತ್ತು. ಈಗ ಹೇಗಾಗಿದೆ ಅಂದರೆ ಎಲೆಕ್ಟ್ರಿಕ್ ಸ್ಕೂಟರ್ಗೆ ಭರ್ಜರಿ ಮಾರ್ಕೆಟ್ ಸೃಷ್ಟಿಯಾಗುತ್ತಿದೆ. ಹಾಗಂತ ಪೆಟ್ರೋಲ್- ಡೀಸೆಲ್ ಕಾರು ಮಾರಾಟ ಹಿಂದುಳಿದಿದೆಯಾ? ಖಂಡಿತಾ ಇಲ್ಲ. ಭಾರತದಲ್ಲಿ ಮುಂಬರುವ ದಿನಗಳಲ್ಲಿ 10 ಲಕ್ಷ ರೂಪಾಯಿಯೊಳಗೆ ಬರುವಂಥ ಕಾಂಪ್ಯಾಕ್ಟ್ ಕಾರುಗಳ ಪಟ್ಟಿಯೊಂದು ನಿಮ್ಮೆದುರಿಗೆ ಇದೆ.
CITROEN C3 ಕಾಂಪ್ಯಾಕ್ಟ್ ಎಸ್ಯುವಿ CITROENನಿಂದ ನಾಲ್ಕು ಮೀಟರ್ನ ಎಸ್ಯುವಿ ಬಿಡುಗಡೆ ಮಾಡಲಾಗುವುದು. ಇದು 2021ರ ಕೊನೆಗೆ ಭಾರತೀಯ ಮಾರುಕಟ್ಟೆಗೆ ಬರಬಹುದು. ಅಂದ ಹಾಗೆ ಈ ಎಸ್ಯುವಿ ಹೊಸ ಸಿಎಂಪಿ ಪ್ಲಾಟ್ಫಾರ್ಮ್ ಮೇಲೆ ಆಧಾರಪಟ್ಟಿರುತ್ತದೆ. ರೆನೋ ಕೈಗರ್, ನಿಸಾನ್ ಮ್ಯಾಗ್ನೈಟ್ ಮತ್ತಿತರ ವಾಹನಗಳಿಗೆ ವಿರುದ್ಧವಾಗಿ ಈ ಮಾಡೆಲ್ ನಿಲ್ಲಲಿದೆ. ಇದು ಬಹುಶಃ ಭಾರತದ ಮೊದಲ ಫ್ಲೆಕ್ಸಿಫ್ಯುಯೆಲ್ ಮಾಡೆಲ್ ಆಗಲಿದೆ. 1.2 ಲೀಟರ್ ಟರ್ಬೋ ಪೆಟ್ರೋಲ್ ಎಂಜಿನ್ ಜತೆಗೆ ಎಥನಾಲ್ ಕೂಡ ಇದೆ. ಇದು 118 ಬಿಎಚ್ಪಿ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಮಾಮೂಲಿ ಮಾಡೆಲ್ 1.2 ಲೀಟರ್ ಪೆಟ್ರೋಲ್ ಎಂಜಿನ್ ಜತೆಗೆ ಬರುತ್ತದೆ.ಅದು 5 ಸ್ಪೀಡ್ ಮ್ಯಾನ್ಯುಯೆಲ್ ಮತ್ತು DCT (ಡ್ಯುಯಲ್ ಕ್ಲಚ್ ಟ್ರಾನ್ಸ್ಮಿಷನ್) ಆಟೋಮೆಟಿಕ್ ಗೇರ್ ಬಾಕ್ಸ್ ಜತೆ ಬರುತ್ತದೆ.
Nexr- Gen ಮಾರುತಿ ವಿಟಾರಾ ಬ್ರೆಜಾ ಮಾರುತಿ ಸುಜುಕಿಯಿಂದ 2021ರ ಕೊನೆಗೆ ಮುಂದಿನ ತಲೆಮಾರಿನ ಬ್ರೆಜಾ ಬಿಡುಗಡೆ ಮಾಡಲಾಗುತ್ತದೆ. ಈ ಹೊಸ ಮಾಡಲ್ HEARTECT ಪ್ಲಾಟ್ಫಾರ್ಮ್ ಅತ್ಯಾಧುನಿಕ ವರ್ಷನ್ ಮೇಲೆ ಆಧಾರವಾಗಿದೆ. ಮೇಲ್ದರ್ಜೆಗೇರಿದ ಇನ್ಫೋಟೇನ್ಮೆಂಟ್ ಸಿಸ್ಟಮ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್, ಆಟೋಮೆಟಿಕ್ ಏಸಿ, ಕ್ರೂಸ್ ಕಂಟ್ರೋಲ್ ಮತ್ತು ಎಲೆಕ್ಟ್ರಿಕ್ ಸನ್ರೂಫ್ನಂಥ ಫೀಚರ್ನೊಂದಿಗೆ ಬರುತ್ತದೆ. ಈ ಎಸ್ಯುವಿ 1.5 ಲೀಟರ್ ಪ್ರಬಲ ಮಧ್ಯಮ- ಹೈಬ್ರಿಡ್ ಸಿಸ್ಟಮ್ ಜತೆಗೆ ಬರುತ್ತದೆ. ಟ್ರಾನ್ಸ್ಮಿಷನ್ ಆಯ್ಕೆಯು 6- ಸ್ಪೀಡ್ ಮ್ಯಾನ್ಯುಯೆಲ್ ಟ್ರಾನ್ಸ್ಮಿಷನ್ ಮತ್ತು 6- ಸ್ಪೀಡ್ ಆಟೋಮೆಟಿಕ್ ಟ್ರಾನ್ಸ್ಮಿಷನ್ನೊಂದಿಗೆ ಬರುತ್ತದೆ.
Nexr- Gen ಮಾರುತಿ ಸೆಲೆರಿಯೋ ಎರಡನೇ ತಲೆಮಾರಿನ ಮಾರುತಿ ಸುಜುಕಿ ಸೆಲೆರಿಯೋ 2021ರ ವರ್ಷದ ಮಧ್ಯಭಾಗದಲ್ಲಿ ಬಿಡುಗಡೆ ಮಾಡುವ ಯೋಜನೆ ಇತ್ತು. ಅದೀಗ ಮೂರನೇ ತ್ರೈಮಾಸಿಕಕ್ಕೆ ಮುಂದಕ್ಕೆ ಹೋಗಿದೆ. ಇದು ಕೂಡ HEARTECT ಪ್ಲಾಟ್ಫಾರ್ಮ್ನೊಂದಿಗೆ ಬರುತ್ತದೆ. ಎರಡು ಬಗೆಯ ಎಂಜಿನ್ ಆಯ್ಕೆಯೊಂದಿಗೆ ಬರುವ ಸಾಧ್ಯತೆ ಇದೆ. 1.2 ಲೀಟರ್- 4 ಸಿಲಿಂಡರ್ ಪೆಟ್ರೋಲ್ ಮತ್ತು 1.0 ಲೀಟರ್- 3 ಸಿಲಿಂಡರ್ ಪೆಟ್ರೋಲ್ ಹೀಗೆ ಎರಡಿದೆ. ಟ್ರಾನ್ಸ್ಮಿಷನ್ ಆಯ್ಕೆಯಲ್ಲಿ 5 ಸ್ಪೀಡ್ ಮ್ಯಾನ್ಯುಯೆಲ್ ಮತ್ತು ಎಎಂಟಿ ಆಯ್ಕೆಗಳಿವೆ.
Nexr- Gen ಆಲ್ಟೋ ಈ ವರ್ಷಕ್ಕೆ ಮಾರುತಿಯಿಂದ ಮುಂದಿನ ತಲೆಮಾರಿನ ಆಲ್ಟೋ ಬಿಡುಗಡೆ ಆಗಲಿದೆ. ಜಪಾನ್ ಮಾಧ್ಯಮಗಳ ಪ್ರಕಾರ, ಹೊಸ ಸುಜುಕಿ ಆಲ್ಟೋ ಹಗುರ ತೂಕದ HEARTECT ಪ್ಲಾಟ್ಫಾರ್ಮ್ ಬದಲಾವಣೆಯ ವರ್ಷನ್ ಆಗಿರುತ್ತದೆ. ಈಗಿರುವ ಮಾಡೆಲ್ಗಿಂತ ಹಗುರವಾಗಿ ಇರಲಿದೆ. ಪವರ್ ಟು ವೇಯ್ಟ್ ರೇಷಿಯೋ ಉತ್ತಮವಾಗಿ ಇರಲದೆ. ಭಾರತದಲ್ಲಿ ವೈಶಿಷ್ಟ್ಯಕ್ಕೆ ಬಂದರೆ ಹೊಸ ಸುಜುಕಿ ಆಲ್ಟೋ 800ನಲ್ಲಿ ಈಗಿರುವ 796 ಸಿಸಿ ಪೆಟ್ರೋಲ್ ಎಂಜಿನ್ನನ್ನೇ ಬಳಸಲಾಗುತ್ತದೆ. ಅದು 48 ಬಿಎಚ್ಪಿ ಮತ್ತು 69ಎನ್ಎಂ ಟಾರ್ಕ್ ಸೃಷ್ಟಿಸುತ್ತದೆ. ಈ ಎಂಜಿನ್ನಲ್ಲಿ ಸುಜುಕಿಯ ಸ್ಮಾರ್ಟ್ ಹೈಬ್ರಿಡ್ ಟೆಕ್ನಾಲಜಿ ಇರಲಿದೆ. ಮ್ಯಾನ್ಯುಯೆಲ್ ಮತ್ತು ಆಟೋಮೆಟಿಕ್ ಎರಡೂ ಟ್ರಾನ್ಸ್ಮಿಷನ್ ಇರುತ್ತದೆ.
ಹುಂಡೈ AX1 ಕೋಡ್ ಹೆಸರು AX1 ಜತೆಗೆ ಸೇರಿ ಹುಂಡೈನಿಂದ ಹೊಸ ಮೈಕ್ರೋ ಎಸ್ಯುವಿ ಬಿಡುಗಡೆ ಆಗಲಿದೆ. 2022ರ ಮೊದಲಾರ್ಧದಲ್ಲಿ ಭಾರತದ ಮಾರುಕಟ್ಟೆಗೆ ಬರಬಹುದು. ಟಾಟಾ ಎಚ್ಬಿಎಕ್ಸ್, ಮಾರುತಿ ಸುಜುಕಿ ಇಗ್ನೀಸ್, ಮಹೀಂದ್ರಾ ಕೆಯುವಿ100 ಎನ್ಎಕ್ಸ್ಟಿ ಇಂತವುಗಳಿಗೆ ಸಡ್ಡು ಹೊಡೆಯಲು ಬರುತ್ತಿದೆ. ಗ್ರಾಂಡ್ i10 ನಿಯೋಸ್ನಲ್ಲಿ ಕೆ1 ಪ್ಲಾಟ್ಫಾರ್ಮ್ ಅನ್ನು AX1ನಲ್ಲೂ ಬಳಸುವ ಸಾಧ್ಯತೆ ಇದೆ. 68 bhp ಮತ್ತು 96 Nm ಟಾರ್ಕ್ನೊಂದಿಗೆ ಬರುತ್ತದೆ. ಟ್ರಾನ್ಸ್ಮಿಷನ್ ಆಯ್ಕೆಯಲ್ಲಿ 5- ಸ್ಪೀಡ್ ಮ್ಯಾನ್ಯುಯೆಲ್ ಹಾಗೂ ಎಎಂಟಿ ಬರುತ್ತದೆ. ಇದರ ಜತೆಗೆ ಕಂಪೆನಿಯಿಂದ 82 ಬಿಎಚ್ಪಿ, 1.2 ಲೀಟರ್ ಪೆಟ್ರೋಲ್ ಎಂಜಿನ್ ಕೂಡ ಸೇರ್ಪಡೆ ಆಗಲಿದೆ. ಸದ್ಯಕ್ಕೆ ಗ್ರಾಂಡ್ i10 ನಿಯೋಸ್ನಲ್ಲಿ ಬಳಕೆ ಆಗುತ್ತಿರುವುದು ಇದೇ ಎಂಜಿನ್.
ಮಾರುತಿ ಜಿಮ್ನಿ ಮಾರುತಿಯಿಂದ 5 ಡೋರ್ಗಳ ಆಫ್ರೋಡ್ ವರ್ಷನ್ ಜಿಮ್ನಿ ಬಿಡುಗಡೆಗೂ ಕೆಲಸ ನಡೆಯುತ್ತಿದೆ. ಜಾಗತಿಕ ಮಟ್ಟದಲ್ಲಿ 2022ರ ಆರಂಭದಲ್ಲಿ ಬಿಡುಗಡೆ ಮಾಡುವ ಗುರಿಯನ್ನು ಹಾಕಿಕೊಳ್ಳಲಾಗಿದೆ. 300ಎಂಎಂ ದೊಡ್ಡದಾದ ವ್ಹೀಲ್ಬೇಸ್ ಇರುವ ವಾಹ ಇದೆ. ಉದ್ದವನ್ನು 300ಎಂಎಂ ಹೆಚ್ಚಿಸಲಾಗಿದೆ. ಈ ಹೊಸ ಮಾಡೆಲ್ ಬೆಲೆಯನ್ನು 10 ಲಕ್ಷ ರೂಪಾಯಿಯೊಳಗೆ ಇಡುವುದಕ್ಕೆ ಮಾರುತಿ ಗುರಿ ಹಾಕಿಕೊಂಡಿದೆ ಎನ್ನಲಾಗಿದೆ. ಹೊಸ ಟರ್ಬೋಚಾರ್ಜ್ ಪೆಟ್ರೋಲ್ ಎಂಜಿನ್ ಜತೆಗೆ ಮ್ಯಾನ್ಯುಯೆಲ್ ಮತ್ತು ಆಟೋಮೆಟಿಕ್ ಗೇರ್ ಬಾಕ್ಸ್ ಜತೆಗೆ ಬರುತ್ತದೆ ಎನ್ನಲಾಗುತ್ತಿದೆ. ಭಾರತದ ಮಾಡೆಲ್ ಹೊಸ 1.5 ಲೀಟರ್ ಎನ್ಎ ಪೆಟ್ರೋಲ್ ಎಂಜಿನ್ ಜತೆಗೆ ಬರುತ್ತದೆ.
ಟಾಟಾ ಎಚ್ಬಿಎಕ್ಸ್ ಟಾಟಾ ಮೋಟಾರ್ಸ್ನಿಂದ 2021ರ ಅಕ್ಟೋಬರ್ ಹೊತ್ತಿಗೆ ಪ್ರೊಡಕ್ಷನ್ ವರ್ಷನ್ನ ಎಚ್ಬಿಎಕ್ಸ್ ಮೈಕ್ರೋ ಎಸ್ಯುವಿ ಬಿಡುಗಡೆ ಆಗಲಿದೆ. ಇದನ್ನು ಟಾಟಾ ಟಿಮೆರೊ ಎಂದು ಕರೆಯುವ ಸಾಧ್ಯತೆ ಇದೆ. ಮಾರುತಿಯ ಇಗ್ನೀಸ್ ಹಾಗೂ ಮಹೀಂದ್ರಾದ ಕೆಯುವಿ100ಎನ್ಎಕ್ಸ್ಟಿಗೆ ಪ್ರತಿಸ್ಪರ್ಧಿ ಆಗಲಿದೆ. ALFA ಮಾಡ್ಯುಲಾರ್ ಪ್ಲಾಟ್ಫಾರ್ಮ್ನಲ್ಲಿ ಇದು ಅಲ್ಟ್ರೋಜ್ ನಂತರ ಎರಡನೇ ಮಾಡೆಲ್. 1.2 ಲೀಟರ್, 3 ಸಿಲಿಂಡರ್ ಪೆಟ್ರೋಲ್ ಎಂಜಿನ್. 86 ಬಿಎಚ್ಪಿ ಪವರ್ ಮತ್ತು 113 ಎನ್ಎಂ ಟಾರ್ಕ್ ಸೃಷ್ಟಿಸಬಲ್ಲದು. ಈ ಸಣ್ಣ ಯುವಿ 1.2 ಲೀಟರ್ ಟರ್ಬೋ ಚಾರ್ಜ್ಡ್ ಪೆಟ್ರೋಲ್ ಎಂಜಿನ್ 100 ಬಿಎಚ್ಪಿ ಔಟ್ಪುಟ್ನೊಂದಿಗೆ ಬರುತ್ತದೆ. ಇದರಲ್ಲಿ 5 ಸ್ಪೀಡ್ ಮ್ಯಾನ್ಯುಯೆಲ್ ಮತ್ತು 5- ಸ್ಪೀಡ್ ಆಟೋಮೆಟೆಡ್ ಮ್ಯಾನ್ಯುಯೆಲ್ ಟ್ರಾನ್ಸ್ಮಿಷನ್ ಇದೆ.
ಮಹೀಂದ್ರಾ ಟಿಯುವಿ300 ಫೇಸ್ಲಿಫ್ಟ್ (ಬೊಲೆರೋ ನಿಯೋ) ಮಹೀಂದ್ರಾದಿಂದ ಟಿಯುವಿ300 ಫೇಸ್ಲಿಫ್ಟ್ ಅನ್ನು ಬೇರೆ ಹೆಸರಿನಿಂದ ಬಿಡುಗಡೆ ಮಾಡುವ ನಿರೀಕ್ಷೆ ಇದೆ. ಅದನ್ನು ಮಹೀಂದ್ರಾ ಬೊಲೆರೊ ನಿಯೋ ಎಂದು ಕರೆಯುವ ಸಾಧ್ಯತೆ ಇದೆ. ಹಳೆ ಟಿಯುವಿ300 ರೀತಿಯಲ್ಲೇ ಮಹೀಂದ್ರಾ ಬೊಲೆರೋ ನಿಯೋ ಕೂಡ ಇರಲಿದೆ. 1.5 ಲೀಟರ್ ಡೀಸೆಲ್ ಎಂಜಿನ್ ಇರಲಿದ್ದು, ಬಿಎಸ್6 ಎಮಿಷನ್ ಕೂಡ ಅಳವಡಿಕೆ ಆಗಿರುತ್ತದೆ. ಅಂದಹಾಗೆ ಇದು ಬಿಎಸ್4 ಇದ್ದಾಗ 100 ಬಿಎಚ್ಪಿ ಮತ್ತು 240ಎನ್ಎಂ ಟಾರ್ಕ್ ಸೃಷ್ಟಿಸುತ್ತಿತ್ತು. ಟ್ರಾನ್ಸ್ಮಿಷನ್ 5- ಸ್ಪೀಡ್ ಮ್ಯಾನ್ಯುಯೆಲ್ ಮತ್ತು ಎಎಂಟಿ ಇರಲಿದೆ.
ಇದನ್ನೂ ಓದಿ: Top 5 automatic cars: ಭಾರತದಲ್ಲಿ ಖರೀದಿಸಬಹುದಾದ 10 ಲಕ್ಷ ರೂಪಾಯಿ ಒಳಗಿನ ಟಾಪ್ 5 ಆಟೋಮೆಟಿಕ್ ಕಾರುಗಳಿವು
( Here are some of the cars within Rs 10 lakhs expected to be launch in India during 2021 and 2022)
