How to book gas cylinder: ವಾಟ್ಸಾಪ್ ಮೂಲಕ ಇಂಡೇನ್, ಎಚ್ಪಿ, ಭಾರತ್ ಗ್ಯಾಸ್ ಸಿಲಿಂಡರ್ ಬುಕ್ಕಿಂಗ್ ಹೇಗೆ?

ವಾಟ್ಸಾಪ್ ಮೂಲಕ ಗ್ಯಾಸ್ ಸಿಲಿಂಡರ್ ಬುಕ್ ಮಾಡುವುದು ಹೇಗೆ ಎಂಬ ಬಗ್ಗೆ ಹಂತಹಂತವಾದ ವಿವರಣೆ ಈ ಲೇಖನದಲ್ಲಿದೆ. ಬಹಳ ಸುಲಭವಾಗಿ ಈ ಮೂಲಕ ಸಿಲಿಂಡರ್ ಬುಕ್ ಮಾಡಬಹುದು.

ಸಾಂದರ್ಭಿಕ ಚಿತ್ರ

Srinivas Mata |
Updated on: Apr 13, 2021 | 1:29 PM

ನಿಮ್ಮ ಮನೆಗೆ ಅಡುಗೆ ಅನಿಲ ಸಿಲಿಂಡರ್ ಬುಕ್ ಮಾಡಬೇಕಾ? ಇದೀಗ ಬಹಳ ಸಲೀಸಾಗಿದೆ ಅನ್ನೋ ಸಂಗತಿ ನಿಮಗೆ ಗೊತ್ತಾ? ಎಲ್ಪಿಜಿ ಸಿಲಿಂಡರ್ಗಳ ಗ್ರಾಹಕರು ಈಗ ವಾಟ್ಸಾಪ್ ಮತ್ತು ಎಸ್ಸೆಮ್ಮೆಸ್ ಮೂಲಕ ಬುಕ್ ಮಾಡಬಹುದು. ಗ್ರಾಹಕರಿಗೆ ಅನುಕೂಲ ಆಗಲಿ ಅನ್ನೋ ಉದ್ದೇಶಕ್ಕಾಗಿಯೇ ಕಳೆದ ವರ್ಷ ಗ್ಯಾಸ್ ಕಂಪೆನಿಗಳು ಆನ್ಲೈನ್ ಪ್ರಕ್ರಿಯೆಯನ್ನು ಅಭಿವೃದ್ಧಿ ಮಾಡಿದವು. ಗ್ಯಾಸ್ ಏಜೆನ್ಸಿಗಳು ಅಥವಾ ಡೀಲರ್ಗಳಿಗೆ ತಿಳಿಸುವ ಮೂಲಕ, ವೆಬ್ಸೈಟ್ಗೆ ಭೇಟಿ ನೀಡಿ, ಸಂಸ್ಥೆಯ ವಾಟ್ಸಾಪ್ ಸಂಖ್ಯೆಗೆ ಟೆಕ್ಸ್ಟ್ ಸಂದೇಶ ಕಳುಹಿಸುವ ಮೂಲಕ ಕೂಡ ಎಲ್ಪಿಜಿ ಗ್ಯಾಸ್ ಸಿಲಿಂಡರ್ ಬುಕ್ ಮಾಡಬಹುದು. ಆದ್ದರಿಂದ ಇಂಡೇನ್, ಎಚ್ಪಿ ಮತ್ತು ಭಾರತ್ ಗ್ರಾಹಕರು ವಾಟ್ಸಾಪ್ ಮೂಲಕ ಹೇಗೆ ಸಿಲಿಂಡರ್ ಬುಕ್ ಮಾಡುತ್ತಾರೆ ಎಂಬುದನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ.

ಇಂಡೇನ್ ಗ್ರಾಹಕರು ಇಂಡೇನ್ ಗ್ರಾಹಕರು 7718955555ಕ್ಕೆ ಕರೆ ಮಾಡುವ ಮೂಲಕ ಎಲ್ಪಿಜಿ ಸಿಲಿಂಡರ್ ಬುಕ್ ಮಾಡಬಹುದು. ಇದರ ಜತೆಗೆ ವಾಟ್ಸಾಪ್ ಬಳಸಿ REFILL ಅಂತ ಟೈಪ್ ಮಾಡಿ, ಅದನ್ನು ವಾಟ್ಸಾಪ್ ಸಂಖ್ಯೆ 7588888824ಕ್ಕೆ ಕಳುಹಿಸಬೇಕು. ಗ್ರಾಹಕರು ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ ಮಾತ್ರ ಸಂದೇಶವನ್ನು ಕಳುಹಿಸಬೇಕು.

ಎಚ್ಪಿ ಗ್ರಾಹಕರು ವಾಟ್ಸಾಪ್ ಮೂಲಕ 9222201122ಕ್ಕೆ ಸಂದೇಶ ಕಳುಹಿಸುವ ಮೂಲಕ ಎಚ್ಪಿ ಗ್ಯಾಸ್ ಸಿಲಿಂಡರ್ ಬುಕ್ ಮಾಡಬಹುದು. ಇನ್ನು ಗ್ರಾಹಕರ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ ಈ ಮೇಲ್ಕಂಡ ವಾಟ್ಸಾಪ್ ಸಂಖ್ಯೆಗೆ BOOK ಎಂದು ಟೈಪ್ ಮಾಡಿ, ಕಳುಹಿಸಿದರೂ ಸಾಕು. ಈ ಸಂಖ್ಯೆಯು ಹಲವು ಬಗೆಯ ಇತರ ಸೇವೆಗಳನ್ನು ಸಹ ಒದಗಿಸುತ್ತದೆ. ಎಲ್ಪಿಜಿ ಕೋಟಾ, ಎಲ್ಪಿಜಿ ಐಡಿ, ಸಬ್ಸಿಡಿ ಮತ್ತಿತರ ಮಾಹಿತಿಗಳನ್ನು ಪಡೆಯಬಹುದು.

ಭಾರತ್ ಗ್ರಾಹಕರು ಭಾರತ್ ಗ್ಯಾಸ್ ಗ್ರಾಹಕರು BOOK ಅಥವಾ 1 ಅಂತ ಟೈಪ್ ಮಾಡಿ 1800224344 ಸಂಖ್ಯೆಗೆ ತಮ್ಮ ನೋಂದಾಯಿತ ಸಂಖ್ಯೆಯಿಂದ ಸಂದೇಶ ಕಳುಹಿಸಬೇಕು. ಆ ನಂತರ ಗ್ಯಾಸ್ ಏಜೆನ್ಸಿಯಿಂದ ಬುಕ್ಕಿಂಗ್ ಮನವಿಯನ್ನು ಸ್ವೀಕರಿಸಲಾಗುತ್ತದೆ. ಮತ್ತು ವಾಟ್ಸಾಪ್ ಸಂಖ್ಯೆಗೆ ಖಾತ್ರಿ ಸಂದೇಶ ಬರುತ್ತದೆ.

ಇದನ್ನೂ ಓದಿ: ಮುಖ ದೃಢೀಕರಣದ ಮೂಲಕವೂ ಈಗ ಆಧಾರ್ ಕಾರ್ಡ್ ಡೌನ್ಲೋಡ್ ಸಾಧ್ಯ; ಯುಐಡಿಎಐ ವೆಬ್ಸೈಟ್ಗೆ ಹೋಗಿ ಈ ಕ್ರಮಗಳನ್ನು ಅನುಸರಿಸಿ