ಬೆಂಗಳೂರಿನ ಆಸ್ಪತ್ರೆಗಳಲ್ಲಿ ಕೊವಿಡ್-19 ರೋಗಿಗಳಿಗೆ ಲಭ್ಯವಿರುವ ಬೆಡ್ಗಳೆಷ್ಟು?- ಬಿಬಿಎಂಪಿ ನೀಡುತ್ತಿದೆ ರಿಯಲ್ ಟೈಮ್ ಮಾಹಿತಿ
ಸದ್ಯ 1272 ಬೆಡ್ಗಳು ಮಾತ್ರ ಖಾಲಿ ಇರುವುದರಿಂದ ಇನ್ನಷ್ಟು ಸಿದ್ಧಗೊಳಿಸುವ ಅನಿವಾರ್ಯತೆ ಕಾಣುತ್ತಿದೆ. ಬೆಂಗಳೂರಿನಲ್ಲಿ ದಿನನಿತ್ಯ ದಾಖಲಾಗುವ ಕೊರೊನಾ ಕೇಸ್ಗಳ ಪ್ರಮಾಣ ಮಿತಿಮೀರಿದೆ.
Updated on: Apr 19, 2021 | 5:15 PM
ಬೆಂಗಳೂರಿನಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಬೆನ್ನಲ್ಲೇ ಆಸ್ಪತ್ರೆಗಳಲ್ಲಿ ಹಾಸಿಗೆಗಳ ಲಭ್ಯತೆ ಬಗ್ಗೆ ಬಿಬಿಎಂಪಿ ತಿಳಿಸಿದೆ. ಯಾವ್ಯಾವ ಆಸ್ಪತ್ರೆಗಳಲ್ಲಿ ಎಷ್ಟೆಷ್ಟು ಬೆಡ್ಗಳು ಲಭ್ಯ ಇವೆ.. ಎಷ್ಟರಲ್ಲಿ ರೋಗಿಗಳು ತುಂಬಿದ್ದಾರೆ ಎಂಬ ಬಗ್ಗೆ ರಿಯಲ್ ಟೈಮ್ ಮಾಹಿತಿ ನೀಡಿದೆ. ಈ ರಿಯಲ್ ಟೈಮ್ ಡ್ಯಾಶ್ಬೋರ್ಡ್ನಲ್ಲಿ ನೀಡಲಾದ ಅಂಕಿ-ಸಂಖ್ಯೆಯ ಅನ್ವಯ ಬೆಂಗಳೂರಿನ ವಿವಿಧ ಆಸ್ಪತ್ರೆಗಳಿಂದ ಕೊವಿಡ್-19 ರೋಗಿಗಳಿಗಾಗಿ 1272 ಬೆಡ್ಗಳು ಲಭ್ಯ ಇವೆ.
ಬೆಂಗಳೂರಿನಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನೇದಿನೆ ಹೆಚ್ಚುತ್ತಿದ್ದು, ಖಾಸಗಿ ಆಸ್ಪತ್ರೆಗಳೂ ಸಹ ಶೇ.50 ರಷ್ಟು ಹಾಸಿಗೆಯನ್ನು ಕೊವಿಡ್ 19 ರೋಗಿಗಳಿಗೆ ಮೀಸಲಿಡಬೇಕು ಎಂದು ಸರ್ಕಾರ ಆದೇಶಿಸಿದೆ. ಆದರೆ ಕೆಲವು ಖಾಸಗಿ ಆಸ್ಪತ್ರೆಗಳು ಈ ನಿಯಮ ಪಾಲನೆ ಮಾಡದ ಬಗ್ಗೆ ದೂರು ಬಂದ ಹಿನ್ನೆಲೆಯಲ್ಲಿ ಬಿಬಿಎಂಪಿ ಆಯುಕ್ತ ಗೌರವ್ ಗುಪ್ತಾ ಭೇಟಿ ನೀಡಿ ಪರಿಸ್ಥಿತಿ ಪರಿಶೀಲನೆ ಮಾಡಿದ್ದರು. ಅದರ ಬೆನ್ನಲ್ಲೇ ಬಿಬಿಎಂಪಿ ಇದೀಗ ಬೆಡ್ ಲಭ್ಯತೆಯ ರಿಯಲ್ ಟೈಮ್ ಮಾಹಿತಿಯನ್ನು ಬಿಡುಗಡೆ ಮಾಡಿದೆ.
ಬಿಬಿಎಂಪಿ ವೆಬ್ಸೈಟ್ನಲ್ಲಿ ಬಿಡುಗಡೆಯಾದ ಮಾಹಿತಿ ಅನ್ವಯ ಇಂದು ಮಧ್ಯಾಹ್ನ 3.30ರಹೊತ್ತಿಗೆ, ಸರ್ಕಾರಿ ವೈದ್ಯಕೀಯ ಕಾಲೇಜಿನಲ್ಲಿ 50ಬೆಡ್ಗಳಷ್ಟೇ ಖಾಲಿ ಇವೆ. ಇಲ್ಲಿ 550ಹಾಸಿಗೆಗಳನ್ನು ಕೊವಿಡ್ ರೋಗಿಗಳಿಗೆ ಮೀಸಲಿಡಲಾಗಿತ್ತು. ಅದರಲ್ಲಿ 500 ಬೆಡ್ಗಳು ಅದಾಗಲೇ ತುಂಬಿವೆ ಇನ್ನು ಸರ್ಕಾರಿ ಆಸ್ಪತ್ರೆಗಳಲ್ಲಿ ಒಟ್ಟು 833 ಬೆಡ್ಗಳನ್ನು ಕೊರೊನಾ ರೋಗಿಗಳಿಗೆ ಮೀಸಲಿಡಲಾಗಿತ್ತು. ಅದರಲ್ಲಿ 747 ಭರ್ತಿಯಾಗಿದ್ದು, 86 ಖಾಲಿ ಇವೆ. ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿ 577 ಬೆಡ್ಗಳು ಖಾಲಿ ಇದ್ದು, ಇದೇ ಗರಿಷ್ಠ ಸಂಖ್ಯೆಯಾಗಿದೆ. ಈ ಖಾಸಗಿ ವೈದ್ಯಕೀಯ ಕಾಲೇಜುಗಳಿಂದ 2420 ಬೆಡ್ಗಳನ್ನು ಇಡಲಾಗಿತ್ತು. ಅವುಗಳಲ್ಲಿ 1843 ತುಂಬಿವೆ. ಖಾಸಗಿ ಆಸ್ಪತ್ರೆಗಳಲ್ಲಿ ಮೀಸಲಿಡಲಾಗಿದ್ದ 1,787 ಹಾಸಿಗೆಗಳಲ್ಲಿ 1298 ಬೆಡ್ಗಳು ಭರ್ತಿಯಾಗಿದ್ದು, 489 ಖಾಲಿ ಉಳಿದಿವೆ. ಹಾಗೇ ಸರ್ಕಾರಿ ಕೊವಿಡ್-19 ಸೆಂಟರ್ಗಳಲ್ಲಿ 70 ಹಾಸಿಗಳಷ್ಟೇ ಖಾಲಿ ಇವೆ. ಇಲ್ಲಿ ಒಟ್ಟು 576 ಬೆಡ್ಗಳನ್ನು ನಿಗದಿಪಡಿಸಲಾಗಿತ್ತು. ಆದರೆ ಈ ಡಾಟಾ ಒಂದೇ ತರ ಇರುವುದಿಲ್ಲ. ಹೆಚ್ಚುಕಡಿಮೆ ಆಗುತ್ತಿರುತ್ತದೆ. ಹಾಗೇ ಬಿಬಿಎಂಪಿ ಅದನ್ನು ಅಪ್ಡೇಟ್ ಮಾಡಲಿದೆ.
ಸದ್ಯ 1272 ಬೆಡ್ಗಳು ಮಾತ್ರ ಖಾಲಿ ಇರುವುದರಿಂದ ಇನ್ನಷ್ಟು ಸಿದ್ಧಗೊಳಿಸುವ ಅನಿವಾರ್ಯತೆ ಕಾಣುತ್ತಿದೆ. ಬೆಂಗಳೂರಿನಲ್ಲಿ ದಿನನಿತ್ಯ ದಾಖಲಾಗುವ ಕೊರೊನಾ ಕೇಸ್ಗಳ ಪ್ರಮಾಣ ಮಿತಿಮೀರಿದೆ. ಈ ಮಧ್ಯೆ ಕೊರೊನಾ ಕಾಣಿಸಿಕೊಂಡ ತಕ್ಷಣ ಆಸ್ಪತ್ರೆಗಳಿಗೆ ಬರುವುದು ಬೇಡ. ಮನೆಯಲ್ಲಿಯೇ ಐಸೋಲೇಟ್ ಆಗಿದೆ. ಉಸಿರಾಟದ ತೊಂದರೆ ಕಾಣಿಸಿಕೊಂಡರೆ, ಆಕ್ಸಿಜನ್ ಅಗತ್ಯ ಇದ್ದರೆ ಆಸ್ಪತ್ರೆಗೆ ದಾಖಲಾಗಿ ಎಂದು ಕೂಡ ಸರ್ಕಾರದ ವತಿಯಿಂದ ಹೇಳಲಾಗುತ್ತಿದೆ.
ಇದನ್ನೂ ಓದಿ: ವೈಷ್ಣವಿ ಮಾಡಿದ ತಪ್ಪಿಗೆ ತಪ್ಪಲಿಲ್ಲ ಕಠಿಣ ಶಿಕ್ಷೆ; ಮನೆಯವರಿಗೆ ಸುಸ್ತೋ ಸುಸ್ತು
ಅಕ್ಕಪಕ್ಕದ ಜಿಲ್ಲೆಗಳಿಂದಲೂ ಶವಗಳು ಬೆಂಗಳೂರಿಗೆ ಬರುತ್ತಿರೋದು ಸಮಸ್ಯೆ ಆಗಿದೆ – ಬಿಬಿಎಂಪಿ ಆಯುಕ್ತ ಗೌರವ್ ಗುಪ್ತಾ
