ಬೆಂಗಳೂರು ಆಸ್ಟಿನ್​ ಟೌನ್​ ಯುವಕ ತನ್ನ ಗೆಳತಿ ಜೊತೆಗಿನ ಖಾಸಗಿ ಚಿತ್ರಗಳನ್ನು ಕಾಣಬಾರದ ಕಡೆ ಕಂಡ!

ಬೆಂಗಳೂರು: ಸಿಲಿಕಾನ್​ ಸಿಟಿಯಲ್ಲಿ ಯವಕನೊಬ್ಬ ತನ್ನ ಜೀವಮಾನದ ಶಾಕ್​ಗೆ ಒಳಗಾಗಿದ್ದಾನೆ. ಹೌದು, ಕಂಪ್ಯೂಟರ್​ ಕ್ಷೇತ್ರದಲ್ಲಿ ಎರಡು ದಶಕಗಳಿಂದ ಶರವೇಗದಲ್ಲಿ ಸಾಗುತ್ತಿರುವ ಬೆಂಗಳೂರಿನಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ. ರಾಜಧಾನಿ ಬೆಂಗಳೂರು ಐಟಿ ಕ್ಷೇತ್ರದಲ್ಲಿ ವೇಗವಾಗಿ ಬೆಳವಣಿಗೆ ಸಾಗಿಸುತ್ತಾ ಸಾಗಿದಂತೆ ಅಪರಾಧ ಲೋಕದಲ್ಲೂ ಅದೂ ಸೈಬರ್​ ಅಪರಾಧ ಲೋಕದಲ್ಲಿ ಭಯಾನಕ ಬೆಳವಣಿಗೆ ಕಂಡಿದೆ. ರಾಜಧಾನಿಯ ಆಸ್ಟಿನ್​ ಟೌನ್​ನಲ್ಲಿ (austin town) ನೆಲೆಸಿರುವ ಯುವಕನೊಬ್ಬ ತನ್ನ ಗರ್ಲ್​ ಫ್ರೆಂಡ್ (Girlfriend)​ ಜೊತೆಗಿರುವ ಖಾಸಗಿ ಕ್ಷಣಗಳ ವಿಡಿಯೋ (private video) ಚಿತ್ರಗಳನ್ನು ಕಾಣಬಾರದ ಕಡೆ ಕಂಡಿದ್ದಾನೆ! ಅಂದರೆ ಅಶ್ಲೀಲ ವೆಬ್​ಸೈಟ್​​ಗಳಲ್ಲಿ ಇವರಿಬ್ಬರ ಖಾಸಗೀ ಜೀವನದ ಚಿತ್ರಗಳು ಕಂಡುಬಂದಿವೆ. ಬೆಂಗಳೂರಿನ ಸೈಬರ್​, ಎಕನಾಮಿಕ್ ಅಂಡ್​ ನಾರ್ಕೋಟಿಕ್ಸ್​ ಕ್ರೈಂ – ಸಿಇಎನ್​ (Cyber, Economic and Narcotics Crime -CEN) ಮೂಲಗಳನ್ನಾಧರಿಸಿ ಟೈಮ್ಸ್​ ಆಫ್​ ಇಂಡಿಯಾದಲ್ಲಿ ಪ್ರಕಟವಾಗಿರುವ ವರದಿಯ ಪ್ರಕಾರ ಇತ್ತೀಚೆಗೆ ಆ ಯುವಕ ಮತ್ತು ಯುವತಿ ಖಾಸಗಿ ಹೋಟೆಲಿನಲ್ಲಿ ತಂಗಿದ್ದರು.

ಬಿಪಿಒ ಉದ್ಯೋಗಿಯಾಗಿರುವ ಬಾಧಿತ ಯುವಕ ಮತ್ತು ಆತನ ಗೆಳತಿ ಹೋಟೆಲಿನಲ್ಲಿ ಖಾಸಗಿಯಾಗಿ ತೊಡಗಿದ್ದಾಗ ಅಪರಿಚಿತ ದುಷ್ಕರ್ಮಿಗಳು ಆಪ್ತ ಕ್ರಿಯೆಯನ್ನು ವಿಡಿಯೋ ಮಾಡಿ ಸೆರೆಹಿಡಿದಿದ್ದಾರೆ. ಬಳಿಕ ಅದನ್ನು ವೆಬ್​ಸೈಟ್​​ಗಳಲ್ಲಿ ಹರಿಯಬಿಟ್ಟಿದ್ದಾರೆ ಎಂದು ಯುವಕ CEN ಪೊಲೀಸರಿಗೆ ದೂರು ನೀಡಿದ್ದಾರೆ. ಜನವರಿ 21ರಂದು ಈ ದುಷ್ಕೃತ್ಯ ಯುವಕನ ಗಮನಕ್ಕೆ ಬಂದಿದೆ. ಅಂದು ಕಂಪ್ಯೂಟರ್​​ನಲ್ಲಿ ಸಂತ್ರಸ್ತ ಯುವಕ ಸೆಕ್ಸ್​​ ವೆಬ್​ಸೈಟ್​​ಗಳನ್ನು ತಡಕಾಡುತ್ತಿದ್ದಾಗ ತನ್ನದೇ ಚಿತ್ರಗಳನ್ನು ನೋಡಿ ದಂಗಾಗಿದ್ದಾನೆ.

ತನ್ನ ಗೆಳತಿಯ ಜೊತೆಗೆ ಈ ಹಿಂದೆ ಖಾಸಗಿ ಹೋಟೆಲಿನಲ್ಲಿ ತಂಗಿದ್ದಾಗಿನ ತನ್ನ ಆಪ್ತ ಕ್ರಿಯೆಗಳನ್ನು ಬಿತ್ತಿರುಸುವ ವಿಡಿಯೋಗಳು ಅದಾಗಿದ್ದವು. ಬಾಧಿತರ ಚಿತ್ರಗಳನ್ನು ಮರೆಮಾಚಲಾಗಿತ್ತಾದರೂ ತನ್ನ ಎದೆಯ ಮೇಲಿನ ಹುಟ್ಟು ಮಚ್ಚೆಯ ಮೂಲಕ ಈ ಚಿತ್ರಗಳು ತನ್ನವೇ ಎಂದು ಯುವಕ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾನೆ. ತಡಮಾಡದೆ ಜನವರಿ 24ರಂದು CEN ಪೊಲೀಸ್​ ಠಾಣೆಯಲ್ಲಿ ಯುವಕ ದೂರು ದಾಖಲಿಸಿದ್ದಾನೆ.

ವಿಡಿಯೋ ದೃಶ್ಯಗಳು ನಾನಾ ಕೋನಗಳಿಂದ ಚಿತ್ರೀಕರಿಸಲಾಗಿದ್ದು, ಖಾಸಗಿ ಹೋಟೆಲಿನಲ್ಲಿ ಇದು ಹೇಗೆ ಸಾಧ್ಯವಾಗಿದೆ ಎಂದು CEN ಪೊಲೀಸರು ಸದ್ಯಕ್ಕೆ ತಲೆಕೆಡಿಸಿಕೊಂಡಿದ್ದಾರೆ. ಯುವಕನ ದೂರಿನ ಮೇರೆಗೆ ಕಾರ್ಯವೃತ್ತವಾಗಿರುವ CEN ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

ಇದನ್ನೂ ಓದಿ: ಸರ್ಕಾರಿ ಆಸ್ಪತ್ರೆಗೆ ಹೈಟೆಕ್‌ ‘ಚಿಕಿತ್ಸೆ’; ಪಾಳುಬಿದ್ದಂತಿದ್ದ ಸರ್ಕಾರಿ ಆಸ್ಪತ್ರೆ ಇಂದು ಖಾಸಗಿ ಆಸ್ಪತ್ರೆಗಳಿಗೆ ಸೆಡ್ಡು ಹೊಡೆಯುವಂತಿದೆ!

ಇದನ್ನೂ ಓದಿ: ಅಂತ್ಯಸಂಸ್ಕಾರಕ್ಕೆ ಬಂದಿದ್ದವರು ಇಹಲೋಕ ತ್ಯಜಿಸಿದರು, ಕಾರಿಗೆ ಟ್ರ್ಯಾಕ್ಟರ್ ಡಿಕ್ಕಿಯಾಗಿ ಕಾರಿನಲ್ಲಿದ್ದ ಮೂವರ ಸಾವು

Published On - 10:25 am, Tue, 1 February 22