ಪೊಲೀಸ್​ ಜೀಪನ್ನು ಕದ್ದು ಓಡಿಹೋದ ಕಳ್ಳ! ಮುಂದೇನಾಯ್ತು?

ಚಿಕ್ಕಮಗಳೂರು: ಮೇಲಿನ ಚಿತ್ರ ನೋಡಿ ಇದೇನು ಪೊಲೀಸ್​ ಜೀಪ್​ ಅಪಘಾತಕ್ಕೀಡಾಯಿತಾ? ಎಂದು ಗಾಬರಿ ಪಡಬೇಡಿ. ಏನಾಯ್ತೆಂದ್ರೆ ಪೊಲೀಸರು ತಮ್ಮ ಇಲಾಖೆಯ ಜೀಪ್​ಅನ್ನು ನಗರದಲ್ಲಿರುವ ಹನುಮಂತಪ್ಪ ವೃತ್ತದಲ್ಲಿ ನಿಲ್ಲಿಸಿದ್ದರು. ಅದನ್ನ ನೋಡಿದ ಖತರ್ನಾಕ್​ ಕಳ್ಳನೊಬ್ಬ ಸೈಲೆಂಟಾ ಆಗಿ ವಾಹನವನ್ನ ಕದ್ದು ಸಾಗಿದ್ದಾನೆ.

ಹೀಗೆ ಕದ್ದ ಜೀಪನ್ನ ಬರೋಬ್ಬರಿ 5 ಕಿ.ಮೀ ಓಡಿಸಿಕೊಂಡು ಹೋಗಿದ್ದಾನೆ. ದಾರಿ ಮಧ್ಯೆ ಸೈಡ್​ ಮಿರರ್​​ನಿಂದ ನೋಡಲಾಗಿ ಪೊಲೀಸರು ಬೆನ್ನತ್ತಿರುವುದು ಕಣ್ಣಿಗೆ ಬಿದ್ದಿದೆ. ತಕ್ಷಣ ಆಸಾಮಿ ಚಿಕ್ಕಮಗಳೂರು ಹೊರವಲಯದಲ್ಲಿ ಜೀಪ್​ಬಿಟ್ಟು ಕಾಡಿನೊಳಗೆ ಓಡಿಹೋಗಿದ್ದಾನೆ. ಚಿಕ್ಕಮಗಳೂರು ಗ್ರಾಮಾಂತರ ಠಾಣೆ ಪೊಲೀಸರು ಪರಾರಿಯಾಗಿರುವ ಕಳ್ಳನಿಗಾಗಿ ಕಾಡುಮೇಡು ಸುತ್ತುತ್ತಿದ್ದಾರೆ.