ದಾವಣಗೆರೆ: ಶಾಮನೂರು ಶಿವಶಂಕರಪ್ಪರ ಮೆರವಣಿಗೆ ಮೂಲಕ ವೀರಶೈವ ಮಹಾಸಭಾ ಅಧಿವೇಶನಕ್ಕೆ ಚಾಲನೆ

ದಾವಣಗೆರೆ, ಡಿ.23: ವೀರಶೈವ ಮಹಾಸಭಾದ 24ನೇ ಮಹಾ ಅಧಿವೇಶನಕ್ಕೆ (VeeraShaiva Mahasabha Adhiveshana) ದಾವಣಗೆರೆ (Davanagere) ನಗರದ ರೇಣುಕಾಮಂದಿರದಲ್ಲಿ ಚಾಲನೆ ನೀಡಲಾಯಿತು. ನಗರದ ರೇಣುಕಾಮಂದಿರದಿಂದ ಪ್ರಮುಖ ಬೀದಿಗಳಲ್ಲಿ ವೀರಶೈವ ಮಹಾಸಭಾದ ರಾಷ್ಟ್ರೀಯ ಅಧ್ಯಕ್ಷ ಶಾಮನೂರು ಶಿವಶಂಕರಪ್ಪ (Shamanur Shivashankarappa) ಅವರನ್ನು ಮೆರವಣಿಗೆ ಮಾಡುವ ಮೂಲಕ ಮಹಾ ಆಧಿವೇಶಕ್ಕೆ ಅಧಿಕೃತ ಚಾಲನೆ ನೀಡಲಾಯಿತು. ದಾವಣಗೆರೆಯ ಎಂಬಿಎ ಕಾಲೇಜ್ ಮೈದಾನದಲ್ಲಿಇಂದಿನಿಂದ ಎರಡು ದಿನಗಳ ಕಾಲ ಮಹಾ ಅಧಿವೇಶ ನಡೆಯಲಿದೆ. ಕೆಲವು ನಿರ್ಣಯಗಳನ್ನು ಸಹ ಈ ಅಧಿವೇಶನದಲ್ಲಿ ಮಂಡನೆ ಮಾಡಲಾಗುತ್ತೆ.

ಶ್ರೀ ರೇಣುಕಾ ಮಂದಿರದಿಂದ ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭೆಯ ಅಧ್ಯಕ್ಷರನ್ನು ಜಾನಪದ ಕಲಾ ತಂಡಗಳು ಮತ್ತು ಮಂಗಳವಾದ್ಯಗಳೊಂದಿಗೆ ಮೆರೆವಣಿಗೆ ಮೂಲಕ ಎಸ್ ನಿಜಲಿಂಗಪ್ಪ ವೇದಿಕೆಗೆ ಕರೆ ತರಲಾಯಿತು. ಇದೇ ವೇದಿಕೆಯಲ್ಲಿ ಕೆಲವು ಮುಖ್ಯ ನಿರ್ಣಯಗಳ ಮಂಡನೆ ಮಾಡಲಾಗುತ್ತದೆ. ರಾಜ್ಯದ ಮೂಲೆ ಮೂಲೆಗಳಿಂದ ಲಕ್ಷಾಂತರ ಜನರು ಈ ಅಧಿವೇಶನಕ್ಕೆ ಆಗಮಿಸಿದ್ದಾರೆ. ಬಂದವರಿಗೆ ವಸತಿ, ಊಟ ಹಾಗೂ ಸಾರಿಗೆ ವ್ಯವಸ್ಥೆಯನ್ನು ಮಾಡಲಾಗಿದೆ. ಎರಡು ವೇದಿಕೆಗಳನ್ನು ನಿರ್ಮಾಣ ಮಾಡಲಾಗಿದೆ. ಒಂದು ಮಾಜಿ ಮುಖ್ಯಮಂತ್ರಿ ದಿವಂಗತ ಎಸ್ ನಿಜಲಿಂಗಪ್ಪ ವೇದಿಕೆ ಇನ್ನೂಂದು ಜೆ ಹೆಚ್ ಪಟೇಲ್ ವೇದಿಕೆ ಮಾಡಲಾಗಿದೆ. ಕೃಷಿ ಮತ್ತು ಕೈಗಾರಿಕೆ ಅಧಿವೇಶನ, ಶೈಕ್ಷಣಿಕ ಅಧಿವೇಶನ, ಧಾರ್ಮಿಕ ಅಧಿವೇಶನ, ಮಹಿಳಾ ಮತ್ತ ಯುವ ಅಧಿವೇಶನ, ನೌಕರರು, ಸಾಹಿತಿಗಳ ಅಧಿವೇಶ ಕಾರ್ಯಕ್ರಮ ಜರಗುತ್ತದೆ. ಒಂದೂವರೆ ಲಕ್ಷ ಜನರಿಗೆ ಊಟ ವ್ಯವಸ್ಥೆ ಮಾಡಲಾಗಿದೆ. ರಾಜ್ಯಸ ವಿವಿಧ ಮಠದ ವೀರಶೈವ ಲಿಂಗಾಯತ ಹರಚರ ಮೂರ್ತಿ ಸ್ವಾಮೀಜಿ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲ್ಲಿದ್ದಾರೆ.

ಇದನ್ನೂ ಓದಿ:  ದಾವಣಗೆರೆಯಲ್ಲಿ ವೀರಶೈವ ಸಮಾವೇಶಕ್ಕೂ ಮುನ್ನ ಮಹಾಸಭಾದಲ್ಲಿ ಬಣಗಳಾಗುತ್ತಾ? ಎಂಬಿ ಪಾಟೀಲ್ ಹೇಳಿದ್ದೇನು?

ವೀರಶೈವ ಮಹಾ ಅಧಿವೇಶದಲ್ಲಿ ಗಮನ ಸೆಳೆದ ಬೆಣ್ಣೆ ದೋಸೆ ಉತ್ಸವ

ಇನ್ನು ವೀರಶೈವ ಮಹಾ ಅಧಿವೇಶದಲ್ಲಿ ಬೆಣ್ಣೆ ದೋಸೆ ಉತ್ಸವ ಗಮನ ಸೆಳೆದಿದೆ. ಈ ಉತ್ಸವ ಇಂದು, ನಾಳೆ, ನಾಡಿದ್ದು ಮೂರು ದಿನಗಳ ಕಾಲ ನಡೆಯಲಿದೆ. 1924ರಲ್ಲಿ ಬೆಳಗಾವಿ ಜಿಲ್ಲೆಯ ರಾಮದುರ್ಗ ತಾಲೂಕಿನ ಬೀದ್ರೆ ಗ್ರಾಮದ ಚನ್ನಮ್ಮ ಎಂಬ ಮಹಿಳೆ ಈ ಬೆಣ್ಣೆ ದೋಸೆಯನ್ನು ಆರಂಭ ಮಾಡಿದ್ದರು. ಈಗ ಶತಮಾನದತ್ತ ದಾವಣಗೆರೆ ಬೆಣ್ಣೆದೋಸೆ ಕಾಲಿಡುತ್ತಿದೆ . ದಾವಣಗೆರೆ ಎಂಬಿ ಕಾಲೇಜ್ ಹಾಗೂ ಗಾಜಿನ ಮನೆ ಆವರಣದಲ್ಲಿ ಬೆಣ್ಣೆ ದೋಸೆ ಉತ್ಸವ ಆರಂಭವಾಗಿದೆ.

ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ