Hubli Power Cut: ಡಿ.2 ರಿಂದ 6ರವರೆಗೆ ಹುಬ್ಬಳ್ಳಿಯ ಸುತ್ತಲಿನ ಗ್ರಾಮಗಳಲ್ಲಿ ಕರೆಂಟ್​ ಕಟ್​

ಧಾರವಾಡ: ಹುಬ್ಬಳ್ಳಿ (Hubli) ಸುತ್ತಮುತ್ತಲಿನ ಈ ಗ್ರಾಮಗಳಲ್ಲಿ ಡಿಸೆಂಬರ್ 2 ರಿಂದ 6 ರವರೆಗೆ ವಿದ್ಯುತ್​ ವ್ಯತ್ಯಯವಾಗಲಿದೆ. ಹೆಸ್ಕಾಂನ (HESCOM) 11 ಕೆ.ವಿ. ಮಾರ್ಗದ ಹುಬ್ಬಳ್ಳಿ ಉಪವಿಭಾಗ ವ್ಯಾಪ್ತಿಗೆ ಒಳಪಡುವ ಅಂಚಟಗೇರಿ, ಬ್ಯಾಹಟ್ಟಿ, ಶಿರಗುಪ್ಪಿ ಮತ್ತು ನೂಲ್ವಿ ಶಾಖೆಗಳ ವ್ಯಾಪ್ತಿಯಲ್ಲಿ ಬರುವ ಫೀಡರ್​ಗಳ ತುರ್ತು ನಿರ್ವಹಣಾ ಕಾರ್ಯಗಳನ್ನು ಕೈಗೊಳ್ಳುವುದರಿಂದ ಡಿಸೆಂಬರ್ 2 ರಿಂದ 6 ರವರೆಗೆ ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ವಿದ್ಯುತ್ ಸರಬರಾಜಿನಲ್ಲಿ ವ್ಯತ್ಯಯ ಉಂಟಾಗಲಿದೆ.

1. ಡಿಸೆಂಬರ್ 2: ತಿಮ್ಮಸಾಗರ, ಅಂಚಟಗೇರಿ, ಕಟ್ನೂರ, ಮಾವನೂರ, ಗಿರಿಯಾಲ, ಚನ್ನಾಪುರ, ದೇವರಗುಡ್ಡ, ರಾಮಾಪುರನಲ್ಲಿ ವಿದ್ಯುತ್​ ಕಟ್​ ಆಗಲಿದೆ.
2. ಡಿಸೆಂಬರ್ 3: ವರೂರ, ಅರಳಿಕಟ್ಟಿ, ಅಗಡಿ, ತಿರುಮಲಕೊಪ್ಪ, ಪಾಲಿಕೊಪ್ಪ, ಕಂಪ್ಲಿಕೊಪ್ಪ, ಕುರಡಿಕೇರಿಯಲ್ಲಿ ವಿದ್ಯುತ್​ ವ್ಯತ್ಯಯ.
3. ಡಿಸೆಂಬರ್ 5: ಕೋಳಿವಾಡ, ಮಲ್ಲಿಗವಾಡ, ಬುಡರಸಿಂಗಿ, ಬೆಳಗಲಿ, ಬಮ್ಮಸಮುದ್ರ, ಕರಡಿಕೊಪ್ಪ, ಕುರಡಿಕೇರಿ, ಇನಾಂವೀರಾಪುರಗಳಲ್ಲಿ ಕರೇಂಟ್​ ಇರುವುದಿಲ್ಲ.
4. ಡಿಸೆಂಬರ್ 6: ಸುಳ್ಳ, ಬ್ಯಾಹಟ್ಟಿ, ಬ್ಯಾಹಟ್ಟಿ ಎಲ್ ಫಿನ್ ಲೇಔಟ್ ಹಾಗೂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿದ್ಯುತ್ ಪೂರೈಕೆಯಲ್ಲಿ ವ್ಯತ್ಯಯವಾಗಲಿದೆ ಎಂದು ಹೆಸ್ಕಾಂ ಪ್ರಕಟಣೆಯಲ್ಲಿ ತಿಳಿಸಿದೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 10:01 pm, Wed, 30 November 22