ಉತ್ತರ ಕರ್ನಾಟಕದಲ್ಲಿ ಅತಿವೃಷ್ಠಿ, ಬರಗಾಲ: ಬೇಳೆಕಾಳುಗಳ ಬೆಲೆ ಏರಿಕೆ, ಕೆಜಿ ತೊಗರಿಗೆ 180 ರೂ.
ರಾಜ್ಯದಲ್ಲಿ ಸಮರ್ಪಕವಾಗಿ ಮಳೆಯಾಗದೆ ಸಂಕಷ್ಟ ಎದುರಾಗಿದೆ. ನೀರಲ್ಲದೆ ಬೆಳೆಗಳು ಒಣಗುತ್ತಿವೆ. ರಾಜ್ಯದ 161 ತಾಲೂಕುಗಳಲ್ಲಿ ಬರಗಾಲ ಆವರಿಸಿದೆ. ಇದರಿಂದ ಸಿರಿಧ್ಯಾನ್ಯಗಳ ಬೆಲೆ ಗಗನಕ್ಕೆ ಏರಿದೆ. ಈ ಬೆಲೆ ಏರಿಕೆಯ ಬಿಸಿ ಬೆಂಗಳೂರಿನ ಜನರಿಗೆ ತಟ್ಟಿದೆ.
ಬೆಂಗಳೂರು ಅ.25: ಉತ್ತರ ಕರ್ನಾಟಕ (North Karnataka) ಜಿಲ್ಲೆಗಳಲ್ಲಿ ಅತಿವೃಷ್ಠಿ, ಬರಗಾಲ (Drought) ಹಿನ್ನೆಲೆಯಲ್ಲಿ ಬೇಳೆಕಾಳುಗಳ ಇಳುವರಿ ಕುಸಿತ ಕಂಡಿದೆ. ಬೆಂಗಳೂರಿಗೆ (Bengaluru) ಬರುತ್ತಿದ್ದ ಸಾಕಷ್ಟು ದಿನಸಿ ಸಮಾಗ್ರಿಗಳ ಪ್ರಮಾಣ ಕಡಿಮೆಯಾಗಿದೆ. ಹೀಗಾಗಿ ತೊಗರಿ ಬೇಳೆ, ಹೆಸರು ಬೇಳೆ, ಜೋಳ, ಉದ್ದಿನ ಬೇಳೆ, ಅಕ್ಕಿ ಸೇರಿದಂತೆ ಆಹಾರಧಾನ್ಯಗಳ ಬೆಲೆ ಹೆಚ್ಚಳವಾಗಿದೆ. 2021-22ರ ರಲ್ಲಿ ಆಹಾರಧಾನ್ಯಗಳು 143.68 ಲಕ್ಷ ಟನ್ ಉತ್ಪಾದನೆಯಾಗಿದ್ದರೇ, ಈ ವರ್ಷ 2022-23ರ ರಲ್ಲಿ ಆಹಾರ ಧಾನ್ಯಗಳು 135.48 ಲಕ್ಷ ಟನ್ ಉತ್ಪಾದನೆಗೆ ಕುಸಿತ ಕಂಡಿದೆ.
ಬೇಳೆಕಾಳುಗಳ ದರ ಶೇ 20 ರಿಂದ 25 ರಷ್ಟು ಏರಿಕೆಯಾಗಿದೆ. ಅಗತ್ಯ ದಿನಸಿ ಸಮಾಗ್ರಿಗಳ ಬೇಲೆ ಡಿಸೆಂಬರ್ ಬಳಿಕ ಮತಷ್ಟು ದುಬಾರಿಯಾಗುವ ಸಾಧ್ಯತೆ ಇದೆ. ತೊಗರಿ, ಹೆಸರು, ಉದ್ದು, ಕಡಲೆ, ಗೋಧಿ, ಅಕ್ಕಿ ಸೇರಿದಂತೆ ಹಲವು ಪದಾರ್ಥಗಳ ಬೆಲೆ ಶೇ.30ರಷ್ಟು ಏರಿಕೆ ಕಂಡಿದೆ. ಮುಂದಿನ ದಿನಗಳಲ್ಲಿ ಇದು ದುಪ್ಪಟ್ಟಾಗುವ ಸಾಧ್ಯತೆ ಇದೆ. ಇದರಿಂದ ಸಿಲಿಕಾನ್ ಸಿಟಿ ಜನರಿಗೆ ಬಿಗ್ ಟೆನ್ಷನ್ ಶುರುವಾಗಿದೆ.
ಇದನ್ನೂ ಓದಿ: ಅಕಾಲಿಕ ಮಳೆ, ಬರಗಾಲದಿಂದ ದ್ವಿದಳ ಧಾನ್ಯ ಇಳುವರಿಗೆ ಭಾರಿ ಹೊಡೆತ; ಕಂಗಾಲ ಆದ ರೈತರು
| ಸಿರಿಧಾನ್ಯ ಬೆಲೆ ಏರಿಕೆ | ||
| ಧಾನ್ಯಗಳು ಕೆಜಿ | ಇಂದಿನ ದರ (ರೂ) | 3 ತಿಂಗಳ ಹಿಂದಿನ ದರ (ರೂ) |
| ತೊಗರಿ ಬೇಳೆ | 175 – 180 | 115 -120 |
| ಹೆಸರು ಬೇಳೆ | 138 – 140 | 98 – 100 |
| ಕಡಲೇ ಕಾಳು | 90 – 92 | 70 – 73 |
| ಬಟಾಣಿ | 110 – 115 | 80 – 85 |
| ಮಸೂರು ದಾಲ್ | 110 – 115 | 90 – 95 |
| ಕಡಲೇ ಬೇಳೆ | 105 – 108 | 80 – 85 |
| ಉದ್ದಿನ ಬೇಳೆ | 138 – 140 | 110 – 115 |
| ಗೋದಿ | 39 – 40 | 33 – 35 |
| ಸೋನಾ ಸ್ಟಿಮ್ ಅಕ್ಕಿ | 52 | 46 |
| ಡಿಲ್ಯಾಕ್ಸ್ ಸೋನಾ | 72 | 68 – 70 |
| ಜೊಳ | 65 – 70 | 40 – 45 |
| ರಾಗಿ | 45 | 38 |
| ಗೋದಿ ಹಿಟ್ಟು ಲೂಸ್ | 38 | 35 |
| ರಾಗಿ ಹಿಟ್ಟು | 42 | 37 |
| ಸಕ್ಕರೆ | 41 | 39 – 40 |
ರಾಜ್ಯದಲ್ಲಿ ಸಮರ್ಪಕವಾಗಿ ಮಳೆಯಾಗದೆ ಸಂಕಷ್ಟ ಎದುರಾಗಿದೆ. ನೀರಲ್ಲದೆ ಬೆಳೆಗಳು ಒಣಗುತ್ತಿವೆ. ರಾಜ್ಯದ 161 ತಾಲೂಕುಗಳಲ್ಲಿ ಬರಗಾಲ ಆವರಿಸಿದೆ. ಇದರಿಂದ ಸಿರಿಧ್ಯಾನ್ಯಗಳ ಬೆಲೆ ಗಗನಕ್ಕೆ ಏರಿದೆ. ಈ ಬೆಲೆ ಏರಿಕೆಯ ಬಿಸಿ ಬೆಂಗಳೂರಿನ ಜನರಿಗೆ ತಟ್ಟಿದೆ.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 10:10 am, Wed, 25 October 23