ಲೋಕಸಭಾ ರಿಸಲ್ಟ್ ವೇಳೆ ಸಮಸ್ಯೆ ನಿವಾರಣೆಗೆ ಟಾಸ್ಕ್ ಫೋರ್ಸ್ ರಚಿಸಿದ ಕಾಂಗ್ರೆಸ್
Loksabha Election Result 2024: ಲೋಕಸಭಾ ಚುನಾವಣೆ ಫಲಿತಾಂಶಕ್ಕೆ ಕ್ಷಣಗಣನೆ ಆರಂಭವಾಗಿದೆ. ನಾಳೆ(ಜೂನ್ 04) ರಂದು ಬೆಳಗ್ಗೆ 8 ಗಂಟೆಯಿಂದ ರಾಜ್ಯದ 28 ಲೋಕಸಭಾ ಕ್ಷೇತ್ರಗಳ ಮತ ಎಣಿಕೆ ಆರಂಭವಾಗಲಿದೆ. ಈ ಹಿನ್ನೆಲೆಯಲ್ಲಿ ಕಾಂಗ್ರೆಸ್, ಮತ ಎಣಿಕೆ ಸಂದರ್ಭದಲ್ಲಿ ಏನಾದರೂ ಸಮಸ್ಯೆ ಎದುರಾದರೆ ಇತ್ಯರ್ಥ ಮಾಡಲು ಟಾಸ್ಕ್ ಪೋರ್ಸ್ ರಚನೆ ಮಾಡಿದೆ.
ಬೆಂಗಳೂರು, (ಜೂನ್ 03): ಕರ್ನಾಟಕದ 28 ಲೋಕಸಭಾ (Karnataka Loksabha Elections 2024) ಕ್ಷೇತ್ರಗಳ ಮತ ಎಣಿಕೆ ನಾಳೆ(ಜೂನ್ 04) ಬೆಳಗ್ಗೆ 8 ಗಂಟೆಯಿಂದ ಶುರುವಾಗಲಿದ್ದು, ರಾಜಕೀಯ ನಾಯಕರಿಗೆ ಫಲಿತಾಂಶ (Loksabha Elections Result 2024) ಏನಾಗಲಿದೆ ಎಂದು ತಳಮಳ ಶುರುವಾಗಿದೆ. ಇನ್ನು ಕರ್ನಾಟಕ ಕಾಂಗ್ರೆಸ್, ಫಲಿತಾಂಶದ ಸಂದರ್ಭದಲ್ಲಿ ಏನಾದರೂ ಸಮಸ್ಯೆ ಎದುರಾದರೆ ಇತ್ಯರ್ಥ ಮಾಡಲು ವಿಭಾಗವಾರು ಟಾಸ್ಕ್ ಪೋರ್ಸ್ ರಚನೆ ಮಾಡಿದೆ. ಕೆಪಿಸಿಸಿ ಕಾರ್ಯಾಧ್ಯಕ್ಷರು, ಸಚಿವರನ್ನೊಳಗೊಂಡ ಟಾಸ್ಕ್ ಫೋರ್ಸ್ ಸಮಿತಿ ರಚನೆ ಮಾಡಲಾಗಿದ್ದು, ಮಾಧ್ಯಮ ವಕ್ತಾರರು, ಕೆಪಿಸಿಸಿ ಕಾನೂನು ಘಟಕದ ಸದಸ್ಯರನ್ನು ಟಾಸ್ಕ್ ಫೋರ್ಸ್ ಸಮಿತಿ ಸದಸ್ಯರನ್ನಾಗಿ ಮಾಡಿ ನೇಮಕ ಮಾಡಲಾಗಿದೆ. ಇನ್ನು ಟಾಸ್ಕ್ ಫೋರ್ಸ್ ಸಂಯೋಜಕರಾಗಿ ಕೆಪಿಸಿಸಿ ಕಾರ್ಯಾಧ್ಯಕ್ಷ ಜಿಸಿ ಚಂದ್ರಶೇಖರ್ ಅವರನ್ನ ನೇಮಕ ಮಾಡಲಾಗಿದೆ.
ವಿಭಾಗವಾರು ಟಾಸ್ಕ್ ಫೋರ್ಸ್ ಹೀಗಿದೆ
ಬೆಂಗಳೂರು ವಿಭಾಗದ ಟಾಸ್ಕ್ ಪೋರ್ಸ್ ಸದಸ್ಯರು
- ಮಂಜುನಾಥ್ ಭಂಡಾರಿ- ಕೆಪಿಸಿಸಿ ಕಾರ್ಯಾಧ್ಯಕ್ಷ
- ರಾಮಲಿಂಗರೆಡ್ಡಿ – ಸಾರಿಗೆ ಸಚಿವ
- ಕೃಷ್ಣಭರೇಗೌಡ- ಸಚಿವರು
ಮೈಸೂರು ವಿಭಾಗದ ಸದಸ್ಯರು
- ತನ್ವೀರ್ ಸೇಠ್ – ಕೆಪಿಸಿಸಿ ಕಾರ್ಯಾಧ್ಯಕ್ಷ
- ದಿನೇಶ್ ಗುಂಡೂರಾವ್- ಸಚಿವರು
- ಸುಧಾಕರ್ – ಸಚಿವರು
ಬೆಳಗಾವಿ ವಿಭಾಗದ ಸದಸ್ಯರು
- ವಿನಯ್ ಕುಲಕರ್ಣಿ-ಕೆಪಿಸಿಸಿ ಕಾರ್ಯಾಧ್ಯಕ್ಷರು
- ಹೆಚ್. ಕೆ ಪಾಟೀಲ್ – ಸಚಿವರು
- ಸತೀಶ್ ಜಾರಕಿಹೊಳಿ – ಸಚಿವರು
ಕಲಬುರಗಿ ವಿಭಾಗದ ಸದಸ್ಯರು
- ವಸಂತ ಕುಮಾರ್- ಕೆಪಿಸಿಸಿ ಕಾರ್ಯಾಧ್ಯಕ್ಷ
- ಈಶ್ವರ್ ಖಂಡ್ರೆ- ಸಚಿವರು
- ಪ್ರಿಯಾಂಕ್ ಖರ್ಗೆ – ಸಚಿವರು
Published On - 7:11 pm, Mon, 3 June 24
Follow Us