ವಾಚ್ ಟವರ್ ದುಸ್ಥಿತಿ: ದುರಸ್ಥಿಗೆ ಖಾಕಿ ನಿರ್ಲಕ್ಷ್ಯ, 8 ಕೋಟಿ ವೇಸ್ಟ್ ವೇಸ್ಟ್

ವಾಚ್ ಟವರ್ ದುಸ್ಥಿತಿ: ದುರಸ್ಥಿಗೆ ಖಾಕಿ ನಿರ್ಲಕ್ಷ್ಯ, 8 ಕೋಟಿ ವೇಸ್ಟ್ ವೇಸ್ಟ್

ಧಾರವಾಡ: ಹುಬ್ಬಳ್ಳಿ ಕರ್ನಾಟಕದ ವಾಣಿಜ್ಯ ನಗರಿ. ಆದ್ರೆ ಛೋಟಾ ಮುಂಬಯಿ ಅನ್ನೋ ಕುಖ್ಯಾತಿಯೂ ಹುಬ್ಬಳ್ಳಿ ಬಿಟ್ಟು ಹೋಗ್ತಿಲ್ಲ. ಯಾಕಂದ್ರೆ ಹುಬ್ಬಳ್ಳಿಯಲ್ಲಿ ಕ್ರಿಮಿನಲ್​ಗಳು ಹಾಗೂ ಪುಂಡರ ಹಾವಳಿ ಹೆಚ್ಚಾಗಿದೆ. ಹೀಗಾಗಿಯೇ ಪರಿಸ್ಥಿತಿ ನಿಯಂತ್ರಿಸಲು, ಕಾನೂನು ಮೀರುವವರನ್ನು ಕಟ್ಟಿಹಾಕಲು ಪೊಲೀಸ್ ಇಲಾಖೆ ನಗರದ ವಿವಿಧೆಡೆ ವಾಚ್ ಟವರ್ಸ್ ನಿರ್ಮಿಸಿತ್ತು. ಆದ್ರೆ ಮೊದ ಮೊದಲು ಅತ್ಯುತ್ಸಾಹದಿಂದ ಕಾರ್ಯಾಚರಿಸಿದ್ದ ವಾಚ್ ಟವರ್​ಗಳು ಈಗ ಸೈಲೆಂಟಾಗಿವೆ. ವಾಚ್ ಟವರ್ ದುರಸ್ಥಿಗೆ ಮುಂದಾಗದ ಪೊಲೀಸರು! 2015 ರಲ್ಲಿ ಕ್ರಿಮಿನಲ್ಸ್ ಮತ್ತು ಸಂಚಾರಿ ನಿಯಮ ಉಲ್ಲಂಘಿಸೋರ ಮೇಲೆ […]

sadhu srinath

|

Dec 23, 2019 | 12:28 PM

ಧಾರವಾಡ: ಹುಬ್ಬಳ್ಳಿ ಕರ್ನಾಟಕದ ವಾಣಿಜ್ಯ ನಗರಿ. ಆದ್ರೆ ಛೋಟಾ ಮುಂಬಯಿ ಅನ್ನೋ ಕುಖ್ಯಾತಿಯೂ ಹುಬ್ಬಳ್ಳಿ ಬಿಟ್ಟು ಹೋಗ್ತಿಲ್ಲ. ಯಾಕಂದ್ರೆ ಹುಬ್ಬಳ್ಳಿಯಲ್ಲಿ ಕ್ರಿಮಿನಲ್​ಗಳು ಹಾಗೂ ಪುಂಡರ ಹಾವಳಿ ಹೆಚ್ಚಾಗಿದೆ. ಹೀಗಾಗಿಯೇ ಪರಿಸ್ಥಿತಿ ನಿಯಂತ್ರಿಸಲು, ಕಾನೂನು ಮೀರುವವರನ್ನು ಕಟ್ಟಿಹಾಕಲು ಪೊಲೀಸ್ ಇಲಾಖೆ ನಗರದ ವಿವಿಧೆಡೆ ವಾಚ್ ಟವರ್ಸ್ ನಿರ್ಮಿಸಿತ್ತು. ಆದ್ರೆ ಮೊದ ಮೊದಲು ಅತ್ಯುತ್ಸಾಹದಿಂದ ಕಾರ್ಯಾಚರಿಸಿದ್ದ ವಾಚ್ ಟವರ್​ಗಳು ಈಗ ಸೈಲೆಂಟಾಗಿವೆ.

ವಾಚ್ ಟವರ್ ದುರಸ್ಥಿಗೆ ಮುಂದಾಗದ ಪೊಲೀಸರು! 2015 ರಲ್ಲಿ ಕ್ರಿಮಿನಲ್ಸ್ ಮತ್ತು ಸಂಚಾರಿ ನಿಯಮ ಉಲ್ಲಂಘಿಸೋರ ಮೇಲೆ ಕಣ್ಣಿಡಲು ಹುಬ್ಬಳ್ಳಿ-ಧಾರವಾಡ ಪೋಲಿಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ, 22 ಪೊಲೀಸ್ ವಾಚ್ ಟವರ್ಸ್ ನಿರ್ಮಿಸಲಾಗಿತ್ತು. ಅವಳಿ ನಗರದಲ್ಲಿ 22 ಕಡೆಗಳಲ್ಲಿ ಕಣ್ಗಾವಲು ಗೋಪುರಗಳು ತಲೆಯೆತ್ತಿದ್ದವು. ಇದಕ್ಕೆ ಬರಬ್ಬೋರಿ 8 ಕೋಟಿಗೂ ಹೆಚ್ಚು ಹಣ ವೆಚ್ಚವಾಗಿತ್ತು.

ಆರಂಭದಲ್ಲಿ ವಾಚ್ ಟವರಗಳಿಂದ ಪೊಲೀಸ್ ಇಲಾಖೆಗೆ ಅನುಕೂಲವಾಗಿತ್ತು. ಆದ್ರೆ ವಾಚ್ ಟವರ್​ಗಳು ನಿರ್ವಹಣೆ ಇಲ್ಲದೆ ಹಾಳಾಗಿವೆ. ಕ್ಯಾಮರಾಗಳು ದುರಸ್ಥಿಗೆ ಬಂದಿವೆ. ಹೀಗಾಗಿ ಪುಂಡರ ಹಾವಳಿ ಹಾಗೂ ಸಂಚಾರ ನಿಯಮವನ್ನು ಬ್ರೇಕ್ ಮಾಡೋರ ಸಂಖ್ಯೆ ಹೆಚ್ಚಾಗಿದೆ. ಇದು ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಗಿದೆ.

ಇನ್ನು ಈ ಬಗ್ಗೆ ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತರನ್ನು ಪ್ರಶ್ನಿಸಿದ್ರೆ. ಕೂಡಲೇ ವಾಚ್ ಟವರ್​ಗಳನ್ನ ದುರಸ್ಥಿ ಮಾಡೋದಾಗಿ ಭರವಸೆ ನೀಡುತ್ತಿದ್ದಾರೆ. ಆದಷ್ಟು ಬೇಗ ವಾಚ್ ಟವರ್​ಗಳು ಪುನಾರಂಭವಾಗುವ ನೀರಿಕ್ಷೆಯಿದೆ. ನಿಯಮ ಉಲ್ಲಂಘಿಸುವವರು, ಕ್ರಿಮಿನಲ್ಸ್ ಮೇಲೆ ಕಣ್ಣಿಡಲು ಬೇರೆ ವಿಧದ ಕ್ಯಾಮರಾ ಬಳಸಲಾಗುತ್ತಿದೆ. ಯಾವುದೇ ಸಮಸ್ಯೆ ಬಂದರೂ ಅದನ್ನು ಎದುರಿಸಲು ಪೊಲೀಸ್ ಇಲಾಖೆ ಸರ್ವ ಸನ್ನದ್ಧವಾಗಿದೆ ಎಂದು ಹುಬ್ಬಳ್ಳಿ-ಧಾರವಾಡ ನಗರ ಪೊಲೀಸ್ ಆಯುಕ್ತ ಆರ್. ದಿಲೀಪ್ ತಿಳಿಸಿದ್ದಾರೆ.

ಒಟ್ನಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಸರ್ಕಾರ ನೀಡಿದ್ದ ಅನುದಾನ ವ್ಯರ್ಥವಾಗುವ ಲಕ್ಷಣಗಳು ಸದ್ಯಕ್ಕೆ ಗೋಚರಿಸುತ್ತಿವೆ. ಹೀಗಾಗಿ ಕೂಡಲೇ ಸರ್ಕಾರ ಮಧ್ಯಪ್ರವೇಶ ಮಾಡಿ, ಹುಬ್ಬಳ್ಳಿಯ ವಾಚ್ ಟವರ್​ಗಳ ದುರಸ್ಥಿತಿಗೆ ಸೂಕ್ತ ಕ್ರಮ ಕೈಗೊಳ್ಳಬೇಕಿದೆ.

Follow us on

Related Stories

Most Read Stories

Click on your DTH Provider to Add TV9 Kannada