ರಾಯಚೂರಿನಲ್ಲಿ ಸರಣಿ ಲವ್ ಜಿಹಾದ್! ಆ ಎರಡೂ ಕೇಸ್​ಗೆ ಇದೆಯಾ ಹೈದ್ರಾಬಾದ್ ನೆಟವರ್ಕ್​ ಲಿಂಕ್?

ರಾಯಚೂರಿನಲ್ಲಿ ಲವ್ ಜಿಹಾದ್ ಪ್ರಕರಣ ಸಂಚಲನ ಸೃಷ್ಟಿಸುತ್ತಿದೆ.. ಗಡಿ ಜಿಲ್ಲೆಯ ಲವ್ ಜಿಹಾದ್ ಕೇಸ್​​ಗಳಲ್ಲಿ ಹೈದ್ರಾಬಾದ್ ನೆಟ್​ವರ್ಕ್ ಲಿಂಕ್ (hyderabad gang)​ ಇರುವ ಶಂಕೆ ವ್ಯಕ್ತವಾಗ್ತಿದೆ.. ಜಿಲ್ಲಾ ಪೊಲೀಸರ ತನಿಖೆ ವೇಳೆ ಭಾರತಿ ಹಾಗೂ ರೆಹಾನ್ ಎಸ್ಕೇಪ್​ ಆದ ಬಳಿಕ​​ ಹೈದ್ರಾಬಾದ್​ನಲ್ಲೇ ಇದ್ದರು ಅನ್ನುವ ಸ್ಪೋಟಕ ಸತ್ಯ ಬೆಳಕಿಗೆ ಬಂದಿದೆ.

ಹೌದು.. ಗಡಿ ಜಿಲ್ಲೆ ರಾಯಚೂರು ಜಿಲ್ಲೆಯಲ್ಲಿ ಸದ್ದಿಲ್ಲದೇ ಲವ್ ಜಿಹಾದ್ (Love jihad) ಆರೋಪ ಪ್ರಕರಣಗಳು ಹೆಚ್ಚಾಗುತ್ತಿವೆ.. ಕಳೆದ ತಿಂಗಳಷ್ಟೇ ರಾಯಚೂರಿನ ಯರಮರಸ್ ಕ್ಯಾಂಪ್​​ನ ಶಿಕ್ಷಕಿಯೊಬ್ಬರನ್ನ ಅನ್ಯಕೋಮಿನ ವ್ಯಕ್ತಿ ಕರೆದೊಯ್ದಿರೊ ಆರೋಪ ಕೇಳಿಬಂದಿತ್ತು.. ಆಕೆಯನ್ನ ಮತಾಂತರ ಮಾಡಿ, ಲವ್ ಜಿಹಾದ್ ಮಾಡಿಸೊ ಹುನ್ನಾರದ ಬಗ್ಗೆ ಆ ಶಿಕ್ಷಕಿ ಸುಹಾಸಿನಿ ಅವರ ಪೋಷಕರು ಹೇಳಿಕೊಂಡಿದ್ರು.. ಈ ಕೇಸ್​ ಕ್ಲೋಸ್ ಆಯ್ತು ಅನ್ನೊವಾಗ್ಲೆ ಈಗ ಇದೇ ರಾಯಚೂರು ನಗರದಲ್ಲಿ ಭಾರತಿ ಅನ್ನೋ ಯುವತಿಯನ್ನ ಅನ್ಯ ಕೋಮಿನ ರೆಹಾನ್ ಕರೆದೊಯ್ದಿರೊ ಬಗ್ಗೆ ದೂರು ನೀಡಲಾಗಿದೆ.. ಈ ಕೇಸ್​ ತನಿಖೆ ನಡೆಸಿರೊ ನೇತಾಜಿ ನಗರ ಪೊಲೀಸರು ಕೆಲ ಸಾಕ್ಷ್ಯಗಳನ್ನ ಕಲೆ ಹಾಕಿದ್ದಾರೆ. ನವೆಂಬರ್ 5 ರಂದು ಆಕೆ ನಾಪತ್ತೆಯಾದ ಬಳಿಕ ನವೆಂಬರ್ 9 ರಂದು ಭಾರತಿ ಮಿಸ್ಸಿಂಗ್ ಆಗಿರೊ ಕೇಸ್ ದಾಖಲಾಗಿತ್ತು. ನಂತರ ಆಕೆಯನ್ನ ರೆಹಾನ್ ಮತಾಂತರ ಮಾಡಿ, ಮದುವೆಯಾಗಿರೊ ಸತ್ಯವನ್ನ ಪೊಲೀಸರು (Raichur police) ಬಯಲಿಗೆಳೆದಿದ್ದಾರೆ.

ಇನ್ನು, ಈ ವಿಚಾರ ಬೆಳಕಿಗೆ ಬರ್ತಿದ್ದಂತೆ ಭಾರತಿ ಪೋಷಕರು ಮತ್ತೆ ನೇತಾಜಿ ಠಾಣೆಯಲ್ಲಿ ರೆಹಾನ್ ವಿರುದ್ಧ ಕಿಡ್ನಾಪ್ ಕೇಸ್ ಸಂಬಂಧ ದೂರು ನೀಡಿದ್ದಾರೆ. ಆದ್ರೆ ಭಾರತಿ ಮಾತ್ರ ಹೆತ್ತವರನ್ನ ತಿರುಗಿ ನೋಡ್ತಿಲ್ಲ. ಅವರ ಸಂಪರ್ಕ ಮಾಡಿಲ್ಲ. ಆಕೆಯ ಮೈಂಡ್ ವಾಷ್ ಮಾಡಿ, ಈ ರೀತಿ ಕುತಂತ್ರ ನಡೆಸಲಾಗಿದೆ. ಇದರ ಹಿಂದೆ ತಂಡವೊಂದು ಕೆಲಸ ಮಾಡುತ್ತಿರೊ ಅನುಮಾನವಿದೆ ಅನ್ನುತ್ತಾರೆ ನಾಗರಾಜ್, ಭಾರತಿ ಸಮುದಾಯದ ಮುಖಂಡ.

ಹೌದು.. ಶಿಕ್ಷಕಿ ಸುಹಾಸಿನಿ ಕೇಸ್​ನಲ್ಲಿ ಹೈದ್ರಾಬಾದ್​ನ ಲಿಂಕ್ ಬಗ್ಗೆ ಅನುಮಾನ ವ್ಯಕ್ತವಾಗಿತ್ತು. ನಂತರ ಪೊಲೀಸರು ಶಿಕ್ಷಕಿಯನ್ನ ಆಂಧ್ರದ ಮಂತ್ರಾಲಯದಲ್ಲಿ ಪತ್ತೆ ಹಚ್ಚಿದ್ದರು. ಇದಾದ ಬಳಿಕ ಈಗಿನ ಭಾರತಿ ಕೇಸ್​ನಲ್ಲೂ ಹೈದ್ರಾಬಾದ್ ನೆಟ್​ವರ್ಕ್​​ನ ಲಿಂಕ್​ ಬಗ್ಗೆ ಅನುಮಾನ ವ್ಯಕ್ತವಾಗ್ತಿದೆ. ಯಾಕಂದ್ರೆ ಭಾರತಿ ಹಾಗೂ ರೆಹಾನ್ ಎಸ್ಕೇಪ್ ಆದ ಬಳಿಕ ಹೈದ್ರಾಬಾದ್​​ನಲ್ಲೇ ಉಳಿದು ಕೊಂಡಿದ್ರು. ಕೆಲ ದಿನಗಳ ಕಾಲ ಹೈದ್ರಾಬಾದ್​ನಲ್ಲೇ ಇದ್ದುಕೊಂಡು ಭಾರತಿಯನ್ನ ಮತಾಂತರಗೊಳಿಸಿ, ಭಾರತಿಯನ್ನ ಈಗ ಶಹನಾಜ್ ಬೇಗಂ ಅಂತ ಕನ್ವರ್ಟ್ ಮಾಡಲಾಗಿದೆ.

ಅಷ್ಟೇ ಅಲ್ಲ ಇದೇ ಹೈದ್ರಾಬಾದ್​ನಲ್ಲೇ ಭಾರತಿ @ ಶಹನಾಜ್ ಬೇಗಂ ಹಾಗೂ ರೆಹಾನ್ ಅವರಿಬ್ಬರ ರಿಜಿಸ್ಟರ್ ಮ್ಯಾರೇಜ್ ಆಗಿದೆ. ಈ ಎಲ್ಲಾ ವಿಚಾರ ನೇತಾಜಿ ನಗರ ಪೊಲೀಸರ ತನಿಖೆ ವೇಳೆ ಬೆಳಕಿಗೆ ಬಂದಿದೆ. ಈ ಸಂಬಂಧ ಅವರಿಬ್ಬರ ನೆಟ್​ವರ್ಕ್ ಲೊಕೇಶನ್, ಕಾಲ್ ರೆಕಾರ್ಡ್​​ಗಳ ಬಗ್ಗೆ ಟೆಕ್ನಿಕಲ್ ಎವಿಡನ್ಸ್ ಕೂಡ ಕಲೆಹಾಕಲಾಗಿದೆ. ಇತ್ತ ಪ್ರಕರಣ ದಾಖಲಾದ ಬಳಿಕ ನೇತಾಜಿ ನಗರ ಪೊಲೀಸರು, ಭಾರತಿ @ ಶಹನಾಜ್ ಬೇಗಂ ಹಾಗೂ ರೆಹಾನ್ ಇಬ್ಬರನ್ನೂ ಠಾಣೆಗೆ ಕರೆಸಿದ್ರು.

ಆಗ ವಿಡಿಯೋ ಚಿತ್ರೀಕರಣ ಮಾಡೋ ಮೂಲಕ ಭಾರತಿ @ ಶಹನಾಜ್ ಬೇಗಂ ಹೇಳಿಕೆ ದಾಖಲಿಸಿಕೊಳ್ಳಲಾಗಿದೆ. ಹೀಗೆ ಮತಾಂತರ ಹಾಗೂ ರಿಜಿಸ್ಟರ್ ಮ್ಯಾರೇಜ್​ ಆಗೋಕೆ ಸಾಕಷ್ಟು ಓಡಾಟ, ರಿಸ್ಕ್ ಇರತ್ತೆ. ಆದ್ರೆ ರೆಹಾನ್ ಒಬ್ಬನೇ ಇದನ್ನ ಮಾಡೋದಕ್ಕೆ ಸಾಧ್ಯವಿಲ್ಲ. ಹೈದ್ರಾಬಾದ್​ನಲ್ಲಿರೊ ಯಾವುದೋ ಒಂದು ಟೀಂ ಇದನ್ನ ಆಪರೇಟ್ ಮಾಡಿರೊ ಅನುಮಾನವಿದೆ. ಕೂಡಲೇ ಸರ್ಕಾರ ಈ ಬಗ್ಗೆ ಗಮನಹರಿಸಬೇಕಿದೆ ಅಂತ ಭಜರಂಗ ದಳ ಸಂಚಾಲಕ ಶರಣಬಸವ ಆಗ್ರಹಿಸಿದ್ದಾರೆ.

ಇತ್ತ ಭಾರತಿ ಲವ್ ಜಿಹಾದ್ ಕೇಸ್​​ ಚರ್ಚೆಗೆ ಗ್ರಾಸವಾಗ್ತಿದ್ದಂತೆಯೇ ಹಿಂದೂಪರ ಸಂಘಟನೆ ಕಾರ್ಯಕರ್ತರು ಭಾರತಿ ಕುಟುಂಬಸ್ಥರನ್ನ ಭೇಟಿ ಮಾಡಿದ್ದರು. ಘಟನೆಯ ಬಗ್ಗೆ ಮಾಹಿತಿ ಪಡೆದು, ಸಾಂತ್ವನ ಹೇಳಿದ್ದಾರೆ. ಅಷ್ಟೇ ಅಲ್ಲ, ಕಾನೂನು ರೀತಿ ಹೋರಾಟ ನಡೆಸಿ ಭಾರತಿಯನ್ನ ಮರಳಿ ಮನೆಗೆ ಕರೆತರುತ್ತೀವಿ ಅಂತ ಆಕೆಯ ಪೋಷಕರಿಗೆ ತಿಳಿಸಿದ್ದಾರೆ. ಸದ್ಯ ಈ ಬಗ್ಗೆ ನೇತಾಜಿ ನಗರ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ. (ವರದಿ: ಭೀಮೇಶ್ ಪೂಜಾರ್, ಟಿವಿ 9, ರಾಯಚೂರು)

ಇನ್ನಷ್ಟು ಜಿಲ್ಲಾ ವರದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ