ವಿದೇಶದಿಂದ ಹಾರಿ ಬರುತಿವೆ ಹಕ್ಕಿಗಳು -ಯಾದಗಿರಿಯ ಲುಂಬಿನಿ ವನದ ಕೆರೆಯಲ್ಲಿ ಸಂಭ್ರಮ ಮನೆ ಮಾಡಿದೆ

ಪ್ರತಿನಿತ್ಯ ಬೆಳಗ್ಗೆ ವಾಯು ವಿಹಾರಕ್ಕೆ ತೆರಳುವರರ ಮನಕ್ಕೆ ಆ ಸ್ಥಳ ಸಾಕಷ್ಟು ಆನಂದ ನೀಡುತ್ತೆ… ತಣ್ಣನೆಯ ಗಾಳಿಯಲ್ಲಿ ನಿತ್ಯ ವಾಯು ವಿಹಾರಕ್ಕೆ ಬರುವರರನ್ನ ಆ ಕೆರೆಯಲ್ಲಿ ಹಕ್ಕಿಗಳ ಆಟ ಸಳೆಯುತ್ತಿದ್ದೆ.. ಹಕ್ಕಿಗಳ ಚಿಲಿಪಿಲಿ ಸದ್ದು ಅಲ್ಲಿ ಬರುವ ಪ್ರಾವಾಸಿಗರ ಕಿವಿಗಳಿಗೆ ಇಂಪು ನೀಡುತ್ತಿದೆ. ಅದರಲ್ಲೂ ವಿದೇಶಿ ಹಕ್ಕಿಗಳು ಆಗಮನ ಜೋರಾಗಿದ್ದರಿಂದ ವಾಯು ವಿಹಾರಕ್ಕೆ ಬರುವವರ ಸಂಖ್ಯೆ ಹೆಚ್ಚಾಗಿದೆ. ಲುಂಬಿನಿ ವನಕ್ಕೆ ಎಂಟ್ರಿ ಕೊಟ್ಟ ವಿದೇಶಿ ಹಕ್ಕಿಗಳು.. ವಾಯು ವಿಹಾರಕ್ಕೆ ಬರುವವರಿಗೆ ಮುದ ನೀಡುತ್ತಿರುವ ಹಕ್ಕಿಗಳ ಕಲರವ.. ಪಾರ್ಕ್ ನಲ್ಲಿ ಹಕ್ಕಿಗಳ ಜೊತೆ ಎಂಜಾಯ್ ಮಾಡುತ್ತಿರುವ ಮಕ್ಕಳು.. ಈ ದೃಶ್ಯಗಳು ಕಂಡು ಬರುವುದು ಗಿರಿನಾಡು ಯಾದಗಿರಿ ನಗರದ ಲುಂಬಿನಿ ವನದ ಕೆರೆಯಲ್ಲಿ.

ಏಳು ವರ್ಷಗಳ ಹಿಂದೆ ನಿರ್ಮಾಣವಾದ ಈ ಲುಂಬಿನ ಉದ್ಯಾನವನ ಬಣ್ಣ ಬಣ್ಣ ಹಕ್ಕಿಗಳ ಪ್ರಸಿದ್ಧ ತಾಣವಾಗಿದೆ.. ವಿಧ ವಿಧವಾದ ಹಕ್ಕಿಗಳು ತುಂಟಾಟ ನೋಡುವುದೆ ಒಂದು ರೀತಿ ಕಣ್ಣಿಗೆ ಆನಂದ ನೀಡುತ್ತೆ. ವಿಶೇಷವಾಗಿ ಈ ಲುಂಬಿನಿ ಕೆರೆಗೆ ಈಗ ಸ್ಥಳೀಯ ಹಕ್ಕಿಗಳಿಗೆ ಸಾಥ್​​ ನೀಡುವುದಕ್ಕೆ ಜೊತೆಗೆ ಫಾರಿನ್ ಹಕ್ಕಿಗಳು ಸಹ ಹಾರುತ್ತಾ ಬಂದಿದೆ. ಹೀಗಾಗಿ ಬೆಳಗ್ಗೆ 5 ಗಂಟೆಯಿಂದಾನೆ ವಾಯು ವಿಹಾರಕ್ಕೆ ಬಂದವರು ಈ ಫಾರಿನ್ ಹಕ್ಕಿಗಳ ತುಂಟಾಟ ನೋಡಿಯೇ ಹೋಗುತ್ತಾರೆ..

ಸುತ್ತಮುತ್ತ ಹಚ್ಚಹಸಿರಿನ ವಾತಾವರಣ ಇರುವುದರಿಂದ ಹಕ್ಕಿಗಳು ಇಲ್ಲಿಯೇ ಆಹಾರ ಸಂಗ್ರಹ ಮಾಡುತ್ತವೆ.. ಇನ್ನು ಈ ಹಕ್ಕಿಗಳ ಕಲರವ ನೋಡಬೇಕಾದ್ರೆ ಲುಂಬಿನಿ ವನಕ್ಕೆ ಸ್ವಲ್ಪ ಬೆಳಗ್ಗೆಯೇ ಬರಬೇಕಾಗುತ್ತೆ. ಬೆಳಗ್ಗೆ ಬಂದ್ರೆ ಸಾಕು ನೂರಾರು ವಿವಿಧ ತಳಿಯ ಬಾನಾಡಿಗಳು ಸ್ವಚ್ಚಂದವಾಗಿ ಆಕಾಶದಲ್ಲಿ ಹಾರುತ್ತಾ ಕೆರೆಯಲ್ಲಿ ಕೂಲ್ ಕೂಲ್ ಆಗಿ ಈಜಾತ್ತಾ ಇರುತ್ತವೆ.

ಹೀಗಾಗಿ ಈ ಮನಮೋಹಕ ದೃಶ್ಯವನ್ನ ನೋಡಿದ್ರೆ ಜೊತೆಗೆ ಈ ಕೆರೆಯಲ್ಲಿ ವಲಸೆ ಬಂದ ವಿದೇಶಿ ಹಕ್ಕಿಗಳನ್ನ ನೋಡಿದ್ರೆ ಪಕ್ಷಿಗಳ ಪ್ರೇಮಿ ಸಲಿಂ ಅಲಿ ಅವರ ನೆನಪಾಗುತ್ತೆ. ಜೊತೆಗೆ ಇಂತಹ ಮನಮೋಹಕ ದೃಶ್ಯ ನೋಡಲು ಕಣ್ಣಿಗೆ ಆನಂದವಾಗುತ್ತೆ ಅಂತಾರೆ ವಾಯು ವಿಹಾರಕ್ಕೆ ಬಂದವರು. ಇನ್ನು ಪ್ರತಿ ವರ್ಷ ನವೆಂಬರನಿಂದ ಪೆಬ್ರುವರಿ ವರೆಗೆ ವಿದೇಶಿ ಹಕ್ಕಿಗಳ ವಲಸೆ ಜೋರಾಗಿರುತ್ತದೆ. ವಿಶೇಷವಾಗಿ ಆಸ್ಟ್ರೇಲಿಯಾ ಸೇರಿದಂತೆ ವಿವಿಧ ದೇಶಗಳಿಂದ ಹಕ್ಕಿಗಳು ಆಗಮಿಸುತ್ತವೆ. ಇನ್ನು ತಮ್ಮ ಆರೋಗ್ಯದ ದೃಷ್ಟಿಯಿಂದ ಹಾರುತ್ತ ಬರುವ ವಿದೇಶಿ ಹಕ್ಕಿಗಳು ಇಲ್ಲಿನ ಜನರ ಮನಗೆದ್ದಿವೆ.

ಪುಸ್ತಕದಲ್ಲಷ್ಟೇ ನೋಡಲು ಸಿಗುವ ವಿವಿಧ ತಳಿಯ ಹಕ್ಕಿಗಳನ್ನು ತಮ್ಮೂರಿನಲ್ಲಿಯೇ ನೋಡಲು ಸಿಗ್ತಾಯಿದ್ದರಿಂದ ಜನ ಸಂತೋಷ ವ್ಯಕ್ತಪಡಿಸುತ್ತಾರೆ. ಬೆಳಗ್ಗೆ ಒಂದು ರೌಂಡ್ ಈ ಹಕ್ಕಿಗಳು ಆಟ ನೋಡುವುದಕ್ಕೆಂದೇ ಬರುವ ಜನರೂ ಇದ್ದಾರೆ. ವಲಸೆ ಹಕ್ಕಿಗಳು ಕೆರೆಗೆ ಬಂದಿದ್ದರಿಂದ ಲುಂಬಿನಿ ವನಕ್ಕೆ ಪ್ರವಾಸಿಗರು ಬರುವುದು ಸಹ ಹೆಚ್ಚಾಗಿದೆ.. ವಾರದ ರಜೆ ಹಾಗೂ ಭಾನುವಾರಕ್ಕೆ ಕುಟುಂಬ ಸಮೇತ ನೂರಾರು ಮಂದಿ ಬಂದು ಈ ಸುಂದರವಾದ ನೋಟವನ್ನ ವೀಕ್ಷಿಸಿ ಹೋಗುತ್ತಾರೆ. ಇನ್ನು ಯಾದಗಿರಿಯಲ್ಲಿ ಇಂತಹ ಅದ್ಬುತ ದೃಶ್ಯ ನೋಡ ಸಿಗಲು ನಾವು ಅದೃಷ್ಟ ಮಾಡಿದ್ದೇವೆ. ವಿದೇಶಗಳನ್ನ ನೋಡುವುದು ಸಾಧ್ಯವಾಗದಿದ್ದಲ್ಲಿ ಇಲ್ಲೆ ನೋಡಲು ಸಿಕ್ಕಿದ್ದಕ್ಕಾಗಿ ಖುಷಿ ಅನ್ನಿಸುತ್ತೆ ಅಂತಾರೆ ಶಾಲಾ ಮಕ್ಕಳನ್ನ ಕರೆದುಕೊಂಡು ಬಂದ ಶಿಕ್ಷಕರು.

ಒಟ್ನಲ್ಲಿ ಬಾನಾಡಿಗಳ ಕಲರಫುಲ್ ಲುಕ್ ಹಾಗೂ ತುಂಟಾಟ ನೋಡುವುದು ಒಂದು ರೀತಿ ಮನಸಿಗೆ ಸಂತೋಷ. ತಣ್ಣನೆಯ ಗಾಳಿಯಲ್ಲಿ ವಾಯು ವಿಹಾರಕ್ಕೆನಾದರೂ ಈ ವನಕ್ಕೆ ಬಂದ್ರೆ ಇಂತಹ ಮನಮೋಹಕ ದೃಶ್ಯಗಳನ್ನ ನೀವು ಸಹ ಕಣ್ತುಂಬಿಕೊಂಡು ಹೋಗಿ.