10 ಸಾವಿರ ರೂಪಾಯಿ ಒಳಗೆ ಸಿಗೋ ಅತ್ಯುತ್ತಮ ಮೊಬೈಲ್ಗಳು ಯಾವುವು? ಇಲ್ಲಿದೆ ಮಾಹಿತಿ

Best smartphones Under 10,000: ಇತ್ತೀಚೆಗೆ ಆ್ಯಂಡ್ರಾಯ್ಡ್ ಬಳಕೆ ಹೆಚ್ಚುತ್ತಿದೆ. 10 ಸಾವಿರ ರೂಪಾಯಿ ಒಳಗೆ ಸಾಕಷ್ಟು ಮೊಬೈಲ್ಗಳು ಸಿಗುತ್ತವೆ. ಹಾಗಾದರೆ, ಈ ರಿತಿ ಸಿಗುವ ಅತ್ಯುತ್ತಮ ಮೊಬೈಲ್ಗಳು ಯಾವವು? ಆ ಬಗ್ಗೆ ಇಲ್ಲಿದೆ ಮಾಹಿತಿ.

ಸಾಂದರ್ಭಿಕ ಚಿತ್ರ

ರಾಜೇಶ್ ದುಗ್ಗುಮನೆ | Edited By: ಸಾಧು ಶ್ರೀನಾಥ್|
Updated on: Feb 04, 2021 | 3:29 PM

ಆ್ಯಂಡ್ರಾಯ್ಡ್ ಮೊಬೈಲ್ಗಳ ಬೆಲೆ ದಿನ ಕಳೆದಂತೆ ಕಡಿಮೆ ಆಗುತ್ತಲೇ ಇದೆ. ಅಧಿಕ ಫೀಚರ್ ಇರುವ ಮೊಬೈಲ್ಗಳು ನಿಮಗೆ ಕಡಿಮೆ ಬೆಲೆಯಲ್ಲಿ ಲಭ್ಯವಾಗುತ್ತಿದೆ. ಹೀಗಾಗಿಯೇ ಇತ್ತೀಚೆಗೆ ಆ್ಯಪಲ್ಗಿಂತ ಆ್ಯಂಡ್ರಾಯ್ಡ್ ಮೊಬೈಲ್ಗೆ ಬೇಡಿಕೆ ಹೆಚ್ಚು. ಕೆಲವರು 10 ಸಾವಿರ ರೂಪಾಯಿ ಒಳಗೆ ಸಿಗುವ ಮೊಬೈಲ್ ಕೊಂಡುಕೊಳ್ಳಲು ಆದ್ಯತೆ ನೀಡುತ್ತಾರೆ. ಆದರೆ, ಯಾವ ಮೊಬೈಲ್ ಉತ್ತಮ ಎನ್ನುವ ಪ್ರಶ್ನೆಗೆ ಅವರಲ್ಲಿ ಉತ್ತರ ಇರುವುದಿಲ್ಲ. ಹಾಗಾದರೆ, 10 ಸಾವಿರ ರೂಪಾಯಿ ಒಳಗೆ ಸಿಗುವ ಅತ್ಯುತ್ತಮ ಮೊಬೈಲ್ಗಳು ಯಾವುವು? ಆ ಬಗ್ಗೆ ಇಲ್ಲಿದೆ ಮಾಹಿತಿ.

Poco M2

10 ಸಾವಿರ ರೂಪಾಯಿ ಒಳಗೆ ಸಿಗುತ್ತಿರುವ ಅತ್ಯುತ್ತಮ ಮೊಬೈಲ್ಗಳ ಪೈಕಿ Poco M2 ಕೂಡ ಒಂದು. ಈ ಮೊಬೈಲ್ ಬೆಲೆ 9,999 ರೂಪಾಯಿ. 6.53 ಇಂಚಿನ ಡಿಸ್ಪ್ಲೇ, ಎಫ್ಎಚ್ಡಿ+ಐಪಿಎಸ್ ಎಲ್ಸಿಡಿ ಸ್ಕ್ರೀನ್ ಈ ಮೊಬೈಲ್ಗೆ ಇದೆ. 6 ಜಿಬಿ RAM ಮತ್ತು 64 ಜಿಬಿ ಸ್ಟೋರೆಜ್ ಈ ಮೊಬೈಲ್ನಲ್ಲಿದೆ. 128 ಜಿಬಿ ಸ್ಟೋರೆಜ್ ಬೇಕಾದರೆ, ನೀವು ಒಂದು ಸಾವಿರ ರೂಪಾಯಿ ಹೆಚ್ಚು ಪಾವತಿಸಬೇಕು.

ಇನ್ನು, ಕ್ಯಾಮೆರಾ ವಿಚಾರಕ್ಕೆ ಬರುವುದಾದರೆ, ಮುಖ್ಯ ಕ್ಯಾಮೆರಾ 13ಎಂಪಿ ಇದೆ. ಫ್ರಂಟ್ ಕ್ಯಾಮೆರಾ 8ಎಂಪಿ ಇದೆ. ಹೀಗಾಗಿ ಉತ್ತಮ ಫೋಟೋಗಳನ್ನು ನೀವು ಇದರಲ್ಲಿ ನಿರೀಕ್ಷಿಸಬಹುದು. 5,000 Gadಎಂಎಎಚ್ ಬ್ಯಾಟರಿ ಇದರಲ್ಲಿ ಲಭ್ಯವಿದೆ.

Realme Narzo 20A ರಿಯಲ್ ಮಿ Narzo 20A ಉತ್ತಮ ಬಜೆಟ್ ಫೋನ್. ಗೇಮ್ ಆಡಲು ಈ ಮೊಬೈಲ್ ಹೇಳಿ ಮಾಡಿಸಿದಂತಿದೆ. ಈ ಮೊಬೈಲ್ನ ಬೆಲೆ ಕೇವಲ 8,499 ರೂಪಾಯಿ. ಈ ಮೊಬೈಲ್ 6.5 ಇಂಚಿನ ಎಚ್ಡಿ ಡಿಸ್ಪ್ಲೇ ಹೊಂದಿದೆ. 3/4 RAM ಎರಡರಲ್ಲೂ ಮೊಬೈಲ್ ಲಭ್ಯವಿದೆ. 3GB/32GB ಮೊಬೈಲ್ಗೆ 8,499 ರೂಪಾಯಿ ಹಾಗೂ 4GB/64GBಗೆ 9,499 ರೂಪಾಯಿ.

Narzo 20A ಉತ್ತಮ ಕ್ಯಾಮೆರಾ ಹೊಂದಿದೆ. ಮುಖ್ಯ ಕ್ಯಾಮೆರಾ 12ಎಂಪಿ ಇದ್ದರೆ, ಫ್ರಂಟ್ ಕ್ಯಾಮೆರಾ 8ಎಂಪಿ ಇದೆ. ವಿಶೇಷ ಎಂದರೆ ಈ ಮೊಬೈಲ್ ಮೂಲಕ ನೀವು 4ಕೆ ವಿಡಿಯೋವನ್ನು ಶೂಟ್ ಮಾಡಬಹುದು.

Samsung Galaxy M02s ಸ್ಯಾಮ್ಸಂಗ್ ಮೊಬೈಲ್ನಲ್ಲಿ ಸಿಗುತ್ತಿರುವ ಕಡಿಮೆ ಬೆಲೆಯ ಅತ್ಯುತ್ತಮ ಮೊಬೈಲ್ಗಳ ಸಾಲಿನಲ್ಲಿ Galaxy M02s ಕೂಡ ಒಂದು. 3GB/32GB ಪಿಚರ್ ಇರುವ ಮೊಬೈಲ್ಗೆ 8,999 ರೂಪಾಯಿ ಇದ್ದರೆ, 4GB/64GB ಫೀಚರ್ ಇರುವ ಮೊಬೈಲ್ಗೆ 9,999 ರೂಪಾಯಿ. 6.5 ಇಂಚಿನ ಎಚ್ಡಿ+ಪಿಎಲ್ಎಸ್ ಐಪಿಎಸ್ ಸ್ಕ್ರೀನ್ಅನ್ನು ಇದು ಹೊಂದಿದೆ.

ಕ್ಯಾಮೆರಾ ವಿಚಾರಕ್ಕೆ ಬಂದರೆ 13ಎಂಪಿ ಪ್ರೈಮರಿ ಕ್ಯಾಮೆರಾ ಜತೆಗೆ 2ಎಂಪಿ ಮ್ಯಾಕ್ರೋ ಸೆನ್ಸಾರ್ ಮತ್ತು ಎಂಪಿ ಆಳ ಸೆನ್ಸಾರ್ ಇದಕ್ಕಿದೆ. 5 ಎಂಪಿ ಫ್ರಂಟ್ ಕ್ಯಾಮೆರಾ ಇದಕ್ಕಿದೆ. 5000ಎಂಎಎಚ್ ಬ್ಯಾಟರಿ ಇದಕ್ಕಿದೆ.