ಮುಖ ದೃಢೀಕರಣದ ಮೂಲಕವೂ ಈಗ ಆಧಾರ್​ ಕಾರ್ಡ್​ ಡೌನ್​ಲೋಡ್ ಸಾಧ್ಯ; ಯುಐಡಿಎಐ ವೆಬ್​ಸೈಟ್​ಗೆ ಹೋಗಿ ಈ ಕ್ರಮಗಳನ್ನು ಅನುಸರಿಸಿ

ಪ್ರತಿಯೊಬ್ಬರೂ ಆಧಾರ್ ಕಾರ್ಡ್ ಹೊಂದಿರುವುದು ಕಡ್ಡಾಯವಾಗಿದೆ. ಬ್ಯಾಂಕಿಂಗ್​ ವ್ಯವಹಾರ, ಸಿಮ್​ ಕಾರ್ಡ್​ ತೆಗೆದುಕೊಳ್ಳಲು ಸೇರಿ ಬಹುತೇಕ ಕೆಲಸಗಳಿಗೆ ಆಧಾರ್​ ನಂಬರ್​ ಬೇಕು. ಈಗಂತೂ ಕೊವಿಡ್​-19 ಲಸಿಕೆ ತೆಗೆದುಕೊಳ್ಳಲೂ ಆಧಾರ್ ನಂಬರ್​ ಕೊಡಲೇಬೇಕು. ಹಾಗೇ ಆನ್​ಲೈನ್​ ಮೂಲಕ ನಡೆಸುವ ಅದೆಷ್ಟೋ ಕೆಲಸಗಳಿಗೆ ಆಧಾರ್​ ದೃಢೀಕರಣ ಮಾಡಲೇಬೇಕಾಗುತ್ತದೆ. ಹಾಗಂತ ಇಡೀ ದಿನ ನಮ್ಮ ಆಧಾರ್ ಕಾರ್ಡ್ ಜತೆಗೆ ಇಟ್ಟುಕೊಂಡೇ ಓಡಾಡಲು ಸಾಧ್ಯವಾಗುವುದಿಲ್ಲ.

ಕೆಲವೊಮ್ಮೆ ಯಾವುದೋ ಕೆಲಸಕ್ಕೆ ತುರ್ತಾಗಿ ನಿಮಗೆ ಆಧಾರ್​ ಕಾರ್ಡ್​ ಜೆರಾಕ್ಸ್​ ಬೇಕಾಗಿರುತ್ತದೆ. ಆ ಸಮಯದಲ್ಲಿ ನಿಮ್ಮ ಬಳಿ ಆಧಾರ್​ ಇರುವುದಿಲ್ಲ. ಉದಾಹರಣೆಗೆ ಬ್ಯಾಂಕ್​ ಕೆಲಸಕ್ಕೆ ಹೋಗಿರುತ್ತೀರಿ. ಅಲ್ಲಿ ಯಾವುದೋ ಫಾರ್ಮ್​ ತುಂಬಿ ಅದರ ಜತೆ ಆಧಾರ್ ಜೆರಾಕ್ಸ್ ಕೊಡಬೇಕಾಗಿರುತ್ತದೆ. ಆದರೆ ನಿಮ್ಮೊಂದಿಗೆ ಆಧಾರ್ ಕಾರ್ಡ್ ತೆಗೆದುಕೊಂಡು ಹೋಗಿರುವುದಿಲ್ಲ. ಆ ಸಂದರ್ಭದಲ್ಲಿ ಸುಮ್ಮನೆ ಬರುವುದು ಅನಿವಾರ್ಯವಾಗುತ್ತದೆ. ಆದರೆ ಅಂಥ ಪರಿಸ್ಥಿತಿಯನ್ನು ನೀವು ಇ -ಆಧಾರ್​ ಮೂಲಕ ನಿಭಾಯಿಸಬಹುದು.

UIDAI (Unique Identity – Aadhaar to all Residents of India) ಈಗ ಒಂದು ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಇಷ್ಟು ದಿನ ನೀವು ನಿಮ್ಮ ಆಧಾರ್ ಕಾರ್ಡ್​ ಡೌನ್​ಲೋಡ್ ಮಾಡಿಕೊಳ್ಳಲು ದಾಖಲಾತಿ ಸಂಖ್ಯೆ ಅಥವಾ ಆಧಾರ್ ನಂಬರ್​ ನಮೂದಿಸಬೇಕಿತ್ತು. ಆದರೆ ಯುಐಡಿಎಐ ಪರಿಚಯಿಸಿರುವ ಹೊಸ ವೈಶಿಷ್ಟ್ಯದಡಿ, ನಿಮ್ಮ ಫೇಸ್​ ಅಥಂಟಿಕೇಶನ್​ (ಮುಖ ದೃಢೀಕರಣ) ಮೂಲಕವೂ ಆನ್​ಲೈನ್​ನಲ್ಲಿ ಆಧಾರ್ ಕಾರ್ಡ್ ಡೌನ್​ಲೋಡ್ ಮಾಡಿಕೊಳ್ಳಬಹುದು.

ಆಧಾರ್​ ಕಾರ್ಡ್ ಹೊಂದಿರುವವರು UIDAI ವೆಬ್​​ಸೈಟ್​ಗೆ ಹೋಗಿ ಆಧಾರ್ ನಂಬರ್​ ನಮೂದಿಸಬೇಕು. ಅದಾದ ಬಳಿಕ ತಮ್ಮ ಮುಖವನ್ನು ಸರಿಯಾಗಿ ತೋರಿಸಿದರೆ ಆಧಾರ್ ಕಾರ್ಡ್ ಡೌನ್​ಲೋಡ್ ಆಗುತ್ತದೆ. ಇದು ಮೂಲ ಆಧಾರ್​ ಕಾರ್ಡ್​ನ ಕಾಪಿಯೇ ಆಗಿರುತ್ತದೆ. ಹಾಗೇ, ಇ -ಆಧಾರ್​ ಕಾರ್ಡ್​ಗೆ ದೇಶದೆಲ್ಲೆಡೆ ಮಾನ್ಯತೆ ಇದೆ.

ಮುಖದ ದೃಢೀಕರಣದ ಮೂಲಕ ಇ-ಆಧಾರ್ ಡೌನ್​ಲೋಡ್​ ಮಾಡಿಕೊಳ್ಳಲು ಹೀಗೆ ಮಾಡಿ:

• UIDAI ವೆಬ್​​ಸೈಟ್​ uidai.gov.in ಗೆ ಭೇಟಿ ನೀಡಿ
• ವೆಬ್​ಸೈಟ್ ಪೇಜ್​ನ ಕೆಳಭಾಗದಲ್ಲಿರುವ Get Aadhaar Card ಎಂಬಲ್ಲಿ ಕ್ಲಿಕ್​ ಮಾಡಿ
• ಆಗ ಇನ್ನೊಂದು ಹೊಸ ಪೇಜ್​ ತೆರೆದುಕೊಳ್ಳುತ್ತದೆ. ಅದರಲ್ಲಿನ ಆಧಾರ್ ಕಾರ್ಡ್ ಸೆಕ್ಷನ್​​ನಲ್ಲಿ ನಿಮ್ಮ ಫೇಸ್​ ದೃಢೀಕರಣದ ಆಯ್ಕೆ ಕಾಣಿಸುತ್ತದೆ.
• Face Authentication ಎಂಬಲ್ಲಿ ಕ್ಲಿಕ್ ಮಾಡುವ ಮೊದಲು ನಿಮ್ಮ ಮೊಬೈಲ್ ನಂಬರ್ ನಮೂದಿಸಬೇಕು ಹಾಗೂ CAPTCHA ಕೋಡ್​ ದೃಢೀಕರಿಸಬೇಕು.
• ಅದಾದ ಬಳಿಕ ನಿಮ್ಮ ಮುಖವನ್ನು ದೃಢೀಕರಿಸುವ ಪ್ರಕ್ರಿಯೆ ಶುರುವಾಗುತ್ತದೆ. OK ಎಂಬಲ್ಲಿ ಕ್ಲಿಕ್​ ಮಾಡಿದರೆ ಕ್ಯಾಮರಾ ತೆರೆದುಕೊಳ್ಳುತ್ತದೆ. UIDAI ಸ್ವಯಂಚಾಲಿತವಾಗಿ ನಿಮ್ಮ ಫೋಟೋ ಸೆರೆಹಿಡಿಯುತ್ತದೆ.
• ಫೋಟೋ ಕ್ಲಿಕ್​ ಆಗಿ, ಅದು ಪರಿಶೀಲನೆ ಆದ ಬಳಿಕ ಆಧಾರ್ ಕಾರ್ಡ್​ನ್ನು ಡೌನ್​ಲೋಡ್ ಮಾಡಿಕೊಳ್ಳಬಹುದಾಗಿದೆ.

ಇದನ್ನೂ ಓದಿ: Ram Gopal Varma Birthday: ಇದು ನನ್ನ ಬರ್ತ್​ಡೇ ಅಲ್ಲ; ಡೆತ್​ ಡೇ! ಹುಟ್ಟುಹಬ್ಬದ ದಿನವೇ ರಾಮ್​ ಗೋಪಾಲ್​ ವರ್ಮಾ ಶಾಕಿಂಗ್​ ಮಾತು

KSRTC BMTC Strike: ಎಲ್ಲೆಲ್ಲಿ ಸಾರಿಗೆ ನೌಕರರ ಮುಷ್ಕರದ ಬಿಸಿ? ಜಿಲ್ಲೆಗಳಲ್ಲಿ ಹೇಗಿದೆ ಪರಿಸ್ಥಿತಿ?