ಭಾರತದಲ್ಲಿ ಕಡಿಮೆ ಬೆಲೆಗೆ ಲಾಂಚ್ ಆಯ್ತು 55 ಇಂಚಿನ ಶಿಯೋಮಿ 4ಕೆ ಟಿವಿ
ಶಿಯೋಮಿ Mi QLED ಸೀರಿಸ್ನ 55 ಇಂಚಿನ 4ಕೆ ಟಿವಿಯು ಭಾರತೀಯ ಮಾರುಕಟ್ಟೆಯಲ್ಲಿ ₹ 54,999ಕ್ಕೆ ಲಭ್ಯವಿದೆ. ಆ್ಯಂಡ್ರಾಯ್ಡ್ ಟಿವಿ ಇದಾಗಿರುವುದರಿಂದ ವೈಫೈ ಕೂಡ ಇದಕ್ಕೆ ಕನೆಕ್ಟ್ ಮಾಡಬಹುದು.
ಚೀನಾ ಮೂಲದ ಶಿಯೋಮಿ ಸಂಸ್ಥೆ ಭಾರತದಲ್ಲಿ ಕಡಿಮೆ ಬೆಲೆಗೆ 55 ಇಂಚಿನ 4ಕೆ ಟಿವಿಯನ್ನು ಪರಿಚಯಿಸಿದೆ. ಅದ್ದೂರಿ ಕಾರ್ಯಕ್ರಮದಲ್ಲಿ ಲಾಂಚ್ ಆದ ಈ ಟಿವಿ ಕೈಗೆಟಕುವ ದರದಲ್ಲಿ ಗ್ರಾಹಕರಿಗೆ ಲಭ್ಯವಾಗುತ್ತಿದೆ.
ಶಿಯೋಮಿ Mi QLED ಸೀರಿಸ್ನ 55 ಇಂಚಿನ 4ಕೆ ಟಿವಿಯು ಭಾರತೀಯ ಮಾರುಕಟ್ಟೆಯಲ್ಲಿ ₹ 54,999ಕ್ಕೆ ಲಭ್ಯವಿದೆ. ಆ್ಯಂಡ್ರಾಯ್ಡ್ ಟಿವಿ ಇದಾಗಿರುವುದರಿಂದ ವೈಫೈ ಕೂಡ ಇದಕ್ಕೆ ಕನೆಕ್ಟ್ ಮಾಡಬಹುದು. ಅಲ್ಲದೆ, ಆ್ಯಪ್ಗಳನ್ನು ಕೂಡ ಇನ್ಸ್ಟಾಲ್ ಮಾಡಬಹುದು. ಎಲ್ಲಕ್ಕಿಂತ ಹೆಚ್ಚಾಗಿ 4ಕೆ ರೆಸಲ್ಯೂಷನ್ನಲ್ಲಿ ವಿಡಿಯೋ ನೋಡಬಹುದಾಗಿದೆ. ಶೇ 96 ಸ್ಕ್ರೀನ್ ಅನ್ನು ಟಿವಿ ಹೊಂದಿದೆ.
ಎಂಐ.ಕಾಮ್, ಫ್ಲಿಪ್ಕಾರ್ಟ್, ಎಂಐ ಹೋಮ್ ಹಾಗೂ ಇತರ ಕಡೆಗಳಲ್ಲಿ ಈ ಟಿವಿ ಸಿಗಲಿದೆ. ಈಗಾಗಲೇ ಭಾರತದ ಮಾರುಕಟ್ಟೆಯಲ್ಲಿ ಎಂಐ ಮೊಬೈಲ್ಗಳು ಅಧಿಪತ್ಯ ಸಾಧಿಸಿವೆ. ಅದೇ ರೀತಿ ಟಿವಿ ಕ್ಷೇತ್ರದಲ್ಲೂ ಶಿಯೋಮಿ ಕಾಲಿಟ್ಟಿದ್ದು, ಕಡಿಮೆ ಬೆಲೆಗೆ ಟಿವಿಗಳನ್ನು ನೀಡುತ್ತಿದೆ.
ಯಾವಾಗಿನಿಂದ ಲಭ್ಯ?
ಈಗಾಗಲೇ Mi QLEDಗೆ ಪ್ರೀ ಬುಕ್ಕಿಂಗ್ ಆರಂಭವಾಗಿದೆ. ಡಿಸೆಂಬರ್ 21 ಮಧ್ಯಾಹ್ನ 12 ಗಂಟೆಗೆ ಟಿವಿ ಭಾರತದ ಮಾರುಕಟ್ಟೆಯಲ್ಲಿ ಲಭ್ಯವಿರಲಿದೆ. ಸದ್ಯ, ಕಪ್ಪು ಬಣ್ಣದಲ್ಲಿ ಮಾತ್ರ ಶಿಯೋಮಿ ಟಿವಿ ಗ್ರಾಹಕರಿಗೆ ಸಿಗಲಿದೆ. ಫ್ಲಿಪ್ಕಾರ್ಟ್ನಲ್ಲಿ ಶಿಯೋಮಿ Mi QLED ಟಿವಿಗೆ ಆಫರ್ ಸಿಗುವ ಸಾಧ್ಯತೆ ಇದೆ. ಎಸ್ಬಿಐ ಕಾರ್ಡ್ ಮೇಲೆ ಇದನ್ನು ಖರೀದಿಸಿದರೆ ನಿಮಗೆ ಶೇ 10 ಡಿಸ್ಕೌಂಟ್ ಕೂಡ ಸಿಗಲಿದೆ.
ಭಾರೀ ಪೈಪೋಟಿ
ಎಂಐ ಸಂಸ್ಥೆ ಭಾರತದಲ್ಲಿ ಕಳೆದ 2 ವರ್ಷಗಳಿಂದ ಬರೋಬ್ಬರಿ 50 ಲಕ್ಷ ಟಿವಿಗಳನ್ನು ಮಾರಾಟ ಮಾಡಿದೆಯಂತೆ. ಶಿಯೋಮಿ ಟಿವಿ ಭಾರತದ ಮಾರುಕಟ್ಟೆಯಲ್ಲಿ ಭಾರೀ ಪೈಪೋಟಿ ನೀಡುತ್ತಿದೆ. ಈಗ ಪರಿಚಯಗೊಂಡಿರುವ ಹೊಸ ಟಿವಿ, ಎಲ್ಜಿ, ಸ್ಯಾಮ್ಸಂಗ್, ಒನ್ಪ್ಲಸ್ ಕಂಪೆನಿಗೆ ಸ್ಪರ್ಧೆ ಒಡ್ಡಲಿದೆ.
ಶಿಯೋಮಿ ಮೇಲೆ ಪೇಟೆಂಟ್ ಉಲ್ಲಂಘನೆ ಕೇಸ್: ₹ 1000 ಕೋಟಿ ಜಮಾ ಮಾಡಲು ಕೋರ್ಟ್ ಆದೇಶ