BDAನಲ್ಲಿ ಮತ್ತೊಂದು ಕರ್ಮಕಾಂಡ: BBMP ಮಾಜಿ ಕಾರ್ಪೊರೇಟರ್ ವಿರುದ್ಧವೇ FIR ದಾಖಲು
BDA Site Fraud | ರಾತ್ರೋರಾತ್ರಿ ನನ್ನ ಸೈಟ್ಗೆ ಬೇಲಿ ಹಾಕಿ ಸೈಟ್ ಕಬಳಿಕೆಗೆ ಪ್ಲ್ಯಾನ್ ಮಾಡಿದ್ದಾರೆ ಎಂದು ಬಿಬಿಎಂಪಿ ಮಾಜಿ ಕಾರ್ಪೊರೇಟರ್ ಮುನಿರಾಜು ವಿರುದ್ಧ ಪ್ರಸನ್ನ ಗುರೂಜಿ ಎಂಬುವವರು ಗಂಭೀರವಾಗಿ ಆರೋಪ ಮಾಡಿದ್ದಾರೆ. ಸದ್ಯ ಈಗ ಮಾಜಿ ಕಾರ್ಪೊರೇಟರ್ ಮುನಿರಾಜು ವಿರುದ್ಧ FIR ದಾಖಲಾಗಿದೆ.
Updated on:Feb 12, 2021 | 12:34 PM
ಬೆಂಗಳೂರು: ಬಿಡಿಎ ಭ್ರಷ್ಟ ಕೈಗಳಿಂದ ಜನಸಾಮಾನ್ಯರಿಗಷ್ಟೇ ಅಲ್ಲ, ಗಣ್ಯರಿಗೂ ದೋಖಾ ಆಗ್ತಿದೆ. ಬಿಡಿಎನಲ್ಲಿ ಮತ್ತೊಂದು ಭಯಾನಕ ಕರ್ಮಕಾಂಡ ಬಯಲಾಗಿದೆ. ಮುಖ್ಯಮಂತ್ರಿ BS ಯಡಿಯೂರಪ್ಪಗೆ ದೂರು ನೀಡಿದ್ರೂ ಭ್ರಷ್ಟರಿಗೆ ಭಯವಿಲ್ಲ. ಅಮಾಯಕ ನಿವೇಶನದಾರರಿಗೆ ಭ್ರಷ್ಟರಿಂದ ದೋಖಾ ಆಗುತ್ತಿದೆ. ಸೈನಿಕರು, ಸಿನಿಮಾದವರು, ರಾಜಕಾರಣಿಗಳಿಗೂ ವಂಚನ ಮಾಡಲಾಗಿದೆ. ಬಿಡಿಎ ಸೈಟ್ ಖರೀದಿಸಿದ್ದ ಪ್ರಸನ್ನ ಗುರೂಜಿಗೂ ವಂಚನೆ ಮಾಡಲಾಗಿದೆಯಂತೆ.
ರಾತ್ರೋರಾತ್ರಿ ನನ್ನ ಸೈಟ್ಗೆ ಬೇಲಿ ಹಾಕಿ ಸೈಟ್ ಕಬಳಿಕೆಗೆ ಪ್ಲ್ಯಾನ್ ಮಾಡಿದ್ದಾರೆ ಎಂದು ಬಿಬಿಎಂಪಿ ಮಾಜಿ ಕಾರ್ಪೊರೇಟರ್ ಮುನಿರಾಜು ವಿರುದ್ಧ ಪ್ರಸನ್ನ ಗುರೂಜಿ ಎಂಬುವವರು ಗಂಭೀರ ಆರೋಪ ಮಾಡಿದ್ದಾರೆ. ಸದ್ಯ ಈಗ ಮಾಜಿ ಕಾರ್ಪೊರೇಟರ್ ಮುನಿರಾಜು ವಿರುದ್ಧ FIR ದಾಖಲಾಗಿದೆ. 2014ರಲ್ಲಿ ಪ್ರಸನ್ನ ಗುರೂಜಿ ತನ್ನ ಪತ್ನಿ ಹೆಸರಲ್ಲಿ ನಾಗರಬಾವಿ 9ನೇ ಬ್ಲಾಕ್‌ನಲ್ಲಿ ಬಿಡಿಎ ಸೈಟ್ ಖರೀದಿಸಿದ್ದರು. ಈ ಸೈಟ್ ಮುನಿರಾಜು ಕಬಳಿಸಿದ್ದಾರೆಂದು ಗುರೂಜಿ ಆರೋಪ ಮಾಡಿದ್ದಾರೆ. ಅಲ್ಲದೆ ಈ ಬಗ್ಗೆ ಮುನಿರಾಜುಗೆ ಪ್ರಶ್ನೆ ಮಾಡಿದರೆ ತಮ್ಮ ಹೆಸರಿನಲ್ಲಿ ಸೈಟ್ ಇದೆ ಅಂತಾರೆ. ಬಿಡಿಎನಿಂದ ನೋಂದಣಿಯಾಗಿದೆ ಎಂದು ಹೇಳುತ್ತಾರೆ. ಈಗಾಗ್ಲೇ ಖರೀದಿಸಿದ್ದ ಸೈಟ್ ಅವರು ಪಡೆದಿದ್ದು ಹೇಗೆ? ಎಂದು ಗುರೂಜಿ ಪ್ರಶ್ನಿಸಿದ್ದಾರೆ.
ಇನ್ನು 4 ಕೋಟಿ ಬೆಲೆಬಾಳುವ ಜಾಗ ಮುನಿರಾಜು ಹೆಸರಿಗೆ ಕೇವಲ ₹24 ಲಕ್ಷಕ್ಕೆ ನೋಂದಣಿಯಾಗಿದೆ. ಈಗಾಗಲೇ ಅಲಾಟೀಸ್‌ಗೆ ಜಾಗ ಹಂಚಿಕೆಯಾಗಿತ್ತು. ಆದ್ರೆ ಗುಂಟೆ ಲೆಕ್ಕದಲ್ಲಿ ಬಿಡಿಎನಿಂದ ಮುನಿರಾಜುಗೆ ಹಂಚಿಕೆಯಾಗಿದೆ. ಆ ಜಾಗವನ್ನು ಇವರಿಗೆ ಹೇಗೆ ಹಂಚಿಕೆ ಮಾಡಿದ್ದಾರೆ? ಬಿಡಿಎ ಅಧಿಕಾರಿಗಳು ಲಂಚ ಪಡೆದಿದ್ದಾರೆ. ಭ್ರಷ್ಟ ಅಧಿಕಾರಿಗಳು, ಬ್ರೋಕರ್‌ಗಳಿಂದ ಅವ್ಯವಹಾರ ನಡೆದಿದೆ. ತಮಗೆ ಧಮ್ಕಿ ಹಾಕಿ ಸೈಟ್ ಕಬಳಿಸಿದ್ದಾರೆಂದು ಪ್ರಸನ್ನ ಗುರೂಜಿ ಗಂಭೀರವಾಗಿ ಆರೋಪ ಮಾಡಿದ್ದಾರೆ.
Published On - 12:30 pm, Fri, 12 February 21
