ಪಾನ್ಶಾಪ್ ಬಂದ್ ಆದ್ರೆ ಏನಂತೆ? ಮಾಸ್ಕ್ ಅಪ್ಪೋ ಮಾಸ್ಕು ಅಂತಾ ಹೊರಟೇಬಿಟ್ಟ ಇವ..
ಧಾರವಾಡ: ಕೊರೊನಾ ಮಹಾಮಾರಿಯಿಂದಾಗಿ ಲಾಕ್ಡೌನ್ ಆಗಿ ಬಹುತೇಕ ಉದ್ಯಮಗಳು ಸಂಪೂರ್ಣವಾಗಿ ನೆಲಕಚ್ಚಿ ಹೋಗಿವೆ. ಅದರಲ್ಲೂ ಸಣ್ಣ ಸಣ್ಣ ಅಂಗಡಿಕಾರರಂತೂ ಅಕ್ಷರಶಃ ಬೀದಿಗೆ ಬಿದ್ದಿದ್ದಾರೆ. ಸರ್ಕಾರ ಏನೆಲ್ಲಾ ಪ್ಯಾಕೇಜ್ಗಳನ್ನು ಘೋಷಿಸಿದರೂ ಅವೆಲ್ಲ ಆನೆ ಹೊಟ್ಟೆಗೆ ಅರೆಕಾಸಿನ ಮಜ್ಜಿಗೆ ಅನ್ನುವಂತಾಗಿದೆ. ಇದೀಗ ಲಾಕ್ಡೌನ್ ಸಡಿಲಿಕೆಯಾದರೂ ಅದರಿಂದ ಹೆಚ್ಚೇನೂ ಪರಿಣಾಮ ಬೀರಿಲ್ಲ. ಆತ್ಮನಿರ್ಭರ ಪರಿಕಲ್ಪನೆ ಸಾಕಾರಗೊಳಿಸಿದ ವಿಶೇಷ ಚೇತನ ಏಕೆಂದರೆ ಜನರಿಗೆ ಉದ್ಯೋಗವೇ ಇಲ್ಲದ್ದಕ್ಕೆ ಹಣ ಖರ್ಚು ಮಾಡಲು ಹೊರಗೆ ಬಾರದೇ ಹೋಟೆಲ್, ಪಾನ್ ಶಾಪ್ ಸೇರಿದಂತೆ ಅನೇಕ ವ್ಯಾಪಾರಗಳು ನೆಲಕಚ್ಚಿವೆ. […]
Updated on: Jun 29, 2020 | 3:09 PM
ಧಾರವಾಡ: ಕೊರೊನಾ ಮಹಾಮಾರಿಯಿಂದಾಗಿ ಲಾಕ್ಡೌನ್ ಆಗಿ ಬಹುತೇಕ ಉದ್ಯಮಗಳು ಸಂಪೂರ್ಣವಾಗಿ ನೆಲಕಚ್ಚಿ ಹೋಗಿವೆ. ಅದರಲ್ಲೂ ಸಣ್ಣ ಸಣ್ಣ ಅಂಗಡಿಕಾರರಂತೂ ಅಕ್ಷರಶಃ ಬೀದಿಗೆ ಬಿದ್ದಿದ್ದಾರೆ. ಸರ್ಕಾರ ಏನೆಲ್ಲಾ ಪ್ಯಾಕೇಜ್ಗಳನ್ನು ಘೋಷಿಸಿದರೂ ಅವೆಲ್ಲ ಆನೆ ಹೊಟ್ಟೆಗೆ ಅರೆಕಾಸಿನ ಮಜ್ಜಿಗೆ ಅನ್ನುವಂತಾಗಿದೆ. ಇದೀಗ ಲಾಕ್ಡೌನ್ ಸಡಿಲಿಕೆಯಾದರೂ ಅದರಿಂದ ಹೆಚ್ಚೇನೂ ಪರಿಣಾಮ ಬೀರಿಲ್ಲ.
ಆತ್ಮನಿರ್ಭರ ಪರಿಕಲ್ಪನೆ ಸಾಕಾರಗೊಳಿಸಿದ ವಿಶೇಷ ಚೇತನ ಏಕೆಂದರೆ ಜನರಿಗೆ ಉದ್ಯೋಗವೇ ಇಲ್ಲದ್ದಕ್ಕೆ ಹಣ ಖರ್ಚು ಮಾಡಲು ಹೊರಗೆ ಬಾರದೇ ಹೋಟೆಲ್, ಪಾನ್ ಶಾಪ್ ಸೇರಿದಂತೆ ಅನೇಕ ವ್ಯಾಪಾರಗಳು ನೆಲಕಚ್ಚಿವೆ. ಇಂಥ ವೇಳೆಯಲ್ಲಿ ಕೊರೊನಾ ಮಹಾಮಾರಿಯನ್ನೇ ಮುಂದಿಟ್ಟುಕೊಂಡು ಪ್ರಧಾನಿ ಮೋದಿಯವರು ಹೇಳಿರೋ ಆತ್ಮನಿರ್ಭರ ಪರಿಕಲ್ಪನೆಯನ್ನು ಧಾರವಾಡದ ವಿಶೇಷಚೇತನ ವ್ಯಕ್ತಿಯೊಬ್ಬ ಸಾಕಾರಗೊಳಿಸಿದ್ದಾರೆ.
ಪಾನ್ಶಾಪ್ ಸಂಪೂರ್ಣವಾಗಿ ಬಂದ್ ಧಾರವಾಡದ ಟಿಕಾರೆ ರಸ್ತೆಯ ನಿಜಾಮುದ್ದೀನ್ ಬಟ್ಲರ್ ಅನ್ನೋ 36 ವರ್ಷ ವಯಸ್ಸಿನ ವಿಶೇಷ ಚೇತನ ವ್ಯಕ್ತಿ ಹಲವಾರು ವರ್ಷಗಳಿಂದ ನಗರದ ಸುಭಾಷ್ ರಸ್ತೆಯಲ್ಲಿ ಚಿಕ್ಕದೊಂದು ಪಾನ್ ಶಾಪ್ ಹಾಕಿಕೊಂಡು ಜೀವನ ಸಾಗಿಸುತ್ತಿದ್ದರು. ಪತ್ನಿ ಹಾಗೂ ಇಬ್ಬರು ಮಕ್ಕಳೊಂದಿಗೆ ನೆಮ್ಮದಿಯ ಜೀವನ ನಡೆಸುತ್ತಿದ್ದ ನಿಜಾಮುದ್ದೀನ್ ಕುಟುಂಬಕ್ಕೆ ಕೊರೊನಾ ಮಹಾಮಾರಿ ದೊಡ್ಡ ಹೊಡೆದ ನೀಡಿತು. ಪಾನ್ಶಾಪ್ ಸಂಪೂರ್ಣವಾಗಿ ಬಂದ್ ಆಗಿ ಕುಟುಂಬ ನಿರ್ವಹಣೆಯೇ ಕಷ್ಟವಾಯಿತು.
ಮೊದಲೇ ವಿಶೇಷ ಚೇತನ. ಅಂಥದ್ದರಲ್ಲಿ ಪಾನ್ ಶಾಪ್ ಬಂದ್ ಆಗಿದ್ದು ಮತ್ತೊಂದು ಹೊಡೆತ. ಇದೇ ವೇಳೆ ಜಾಣತನ ಮೆರೆದ ನಿಜಾಮುದ್ದೀನ್ ಕೊರೊನಾ ಸಂದರ್ಭದಲ್ಲಿ ಅತಿ ಹೆಚ್ಚು ಬೇಡಿಕೆ ಇರೋ ಮಾಸ್ಕ್ಗಳನ್ನು ಮನೆಯಲ್ಲಿಯೇ ತಯಾರಿಸಿದರು. ಸರ್ಕಾರದಿಂದ ನೀಡಲಾಗಿದ್ದ ಮೂರು ಗಾಲಿಯ ಬೈಕ್ನ ಹಿಂದಿನ ಭಾಗದಲ್ಲಿ ಸ್ಟ್ಯಾಂಡ್ ಕಟ್ಟಿದರು. ಆ ಸ್ಟ್ಯಾಂಡ್ಗೆ ಮಾಸ್ಕ್ಗಳನ್ನು ತೂಗು ಹಾಕಿಕೊಂಡು ನಗರದಲ್ಲಿ ತಿರುಗಾಡಲು ಶುರು ಮಾಡಿದರು.
ಇದನ್ನು ಗಮನಿಸಿದ ಸಾರ್ವಜನಿಕರು ಇವರ ಬಳಿ ಮಾಸ್ಕ್ ಖರೀದಿಸಲು ಶುರು ಮಾಡಿದರು. ಒಂದೆರಡು ದಿನಗಳು ಕಳೆಯುತ್ತಿದ್ದಂತೆಯೇ ಸಾಕಷ್ಟು ಪ್ರಮಾಣದಲ್ಲಿ ಮಾಸ್ಕ್ಗಳು ಮಾರಾಟವಾಗಿ, ನಿಜಾಮುದ್ದೀನ್ ಅವರ ಆತ್ಮವಿಶ್ವಾಸ ಹೆಚ್ಚಾಗತೊಡಗಿತು. ಆಗ ಬಗೆ ಬಗೆಯ ಮಾಸ್ಕ್ಗಳನ್ನು ತಯಾರಿಸಿ ಮಾರುಕಟ್ಟೆಗೆ ತಂದರು. ಪಾನ್ಶಾಪ್ನಲ್ಲಿ ನಿತ್ಯವೂ ಎರಡು ಸಾವಿರ ರೂಪಾಯಿ ಗಳಿಸುತ್ತಿದ್ದ ನಿಜಾಮುದ್ದೀನ್ ಅವರಿಗೆ ಇದೀಗ ಅದರ ಅರ್ಧ ಭಾಗದಷ್ಟು ಆದಾಯ ಮಾಸ್ಕ್ನಿಂದ ಬರತೊಡಗಿದೆ.
ಸದ್ಯಕ್ಕೆ ಮನೆಯನ್ನು ನಡೆಸುವಷ್ಟು ಆದಾಯದಿಂದಾಗಿ ಮತ್ತೆ ನೆಮ್ಮದಿ ಕಂಡುಕೊಂಡಿದ್ದಾರೆ. ಕೊಂಚ ಜಾಣತನದೊಂದಿಗೆ ಆತ್ಮವಿಶ್ವಾಸವನ್ನು ಬೆಳೆಸಿಕೊಂಡರೆ ಹೇಗೆ ಬದುಕನ್ನು ರೂಪಿಸಿಕೊಳ್ಳಬಹುದು ಅನ್ನೋದಕ್ಕೆ ಈ ನಿಜಾಮುದ್ದೀನ್ ಅವರೇ ಸಾಕ್ಷಿ. -ನರಸಿಂಹಮೂರ್ತಿ ಪ್ಯಾಟಿ
