ಹೋಂ ಐಸೋಲೇಷನ್​ನಲ್ಲಿದ್ದವರಿಗೆ ದೋಖಾ, ಸುಳ್ಳು ಲೆಕ್ಕ ಕೊಟ್ಟು ಹಣ ಹೊಡೆದ್ರಾ ಅಧಿಕಾರಿಗಳು?

ಬೆಂಗಳೂರು: ಕೊರೊನಾ ಸೋಂಕಿನಿಂದ ಬೆಂದು ಹೋಗಿರುವವರಿಗೆ ಅಧಿಕಾರಿಗಳು ಮತ್ತಷ್ಟು ನೋವನ್ನು ನೀಡುತ್ತಿದ್ದಾರೆ. ಹೋಮ್‌ ಐಸೋಲೇಶನ್​ನಲ್ಲಿದ್ದವರಿಗೆ ಹೆಲ್ತ್ ಕಿಟ್ ಹೆಸರಲ್ಲಿ ಅಧಿಕಾರಿಗಳು ವಂಚನೆ ಮಾಡಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.

ಹೋಮ್‌ ಐಸೋಲೇಶನ್​ನಲ್ಲಿರುವ ಸೋಂಕಿತರಿಗೆ ಬಿಬಿಎಂಪಿ ವತಿಯಿಂದ ಹೆಲ್ತ್ ಕಿಟ್ ಹಂಚಿಕೆ ಮಾಡಬೇಕು. 300 ಜನ ಸೋಂಕಿತರಿಗೆ ಹೆಲ್ತ್ ಕಿಟ್​ಗಾಗಿ 96,507 ರೂ.ಗೆ ಟೆಂಡರ್ ನೀಡಲಾಗಿದೆ. ಪ್ರತಿ ವಲಯದಲ್ಲೂ ಹೋಮ್‌ ಐಸೋಲೇಶನ್​ನಲ್ಲಿರುವ ಸೋಂಕಿತರಿಗೆ ಹೆಲ್ತ್ ಕಿಟ್ ನೀಡಿರುವ ಬಗ್ಗೆ ಅಧಿಕಾರಿಗಳು ಲೆಕ್ಕ ನೀಡಿದ್ದಾರೆ.

ಆದರೆ ಅಸಲಿಗೆ ಸೋಂಕಿತರಿಗೆ ಹೆಲ್ತ್ ಕಿಟ್​ಗಳೇ ತಲುಪಿಲ್ಲ. ಓರ್ವ ಸೋಂಕಿತನಿಗೆ 14 ದಿನದ ಔಷಧಿ, ಮಾಸ್ಕ್ ಮತ್ತು ಪಲ್ಸ್ ಮೀಟರ್ ನೀಡಬೇಕು. ಆದರೆ ಅಧಿಕಾರಿಗಳು ಕೇವಲ ನಾಲ್ಕೈದು ದಿನದ ಔಷಧಿಯನ್ನ ಕೆಲವರಿಗೆ ಮಾತ್ರ ಕೊಟ್ಟು ಕೈ ತೊಳೆದುಕೊಂಡಿದ್ದಾರೆ. ಬೆಂಗಳೂರಿನಲ್ಲಿ 35 ಸಾವಿರಕ್ಕೂ ಅಧಿಕ ಸೋಂಕಿತರು ಹೋಮ್‌ ಐಸೋಲೇಶನ್​ನಲ್ಲಿದ್ದು ಹೋಮ್‌ ಐಸೋಲೇಶನ್​ನಲ್ಲಿದ್ದವರ ಹೆಸರಲ್ಲಿ‌ ದೋಖಾ ಆಗಿರುವ ಬಗ್ಗೆ ಆರೋಪಗಳು ಕೇಳಿ ಬರುತ್ತಿವೆ.